من ترشح لرئاسه الجمهوريه

[ibrahim elsayed]

اللى هاقوله رايى ومن حقى ولا يمكن لاحد الحجر عليه لان واضح فعلا ان البعض منا لم ينضج بعد ولم يتقبل لغه الحوار وحينما تم الاختلاف مع رأيه تهكم على الاخرين ودى مش لغه حوار هذا المنتدى ملك للجميع اطفال وشباب وشيوخ ليس قاصر على فئه معينه وللجميع الحق فى التعبيرعن ارائهم وان لم يؤخذ بها وفى النهايه الاختلاف فى الرأى لايفسد للود قضيه وتقبلوا مرورى

[أ/رضا عطيه]

كدا صح الصح يا أستاذ إبراهيم
وخلينا نختلف ياعم لان الإختلاف أحيانا يكون هذا هو الطبيعى والصحيح
وماتزعلشى - يامه هتقابل وخلى روحك رياضية
بس ياريت تقتنع أن شعبنا لم يعد فى سبات عميق
ولومش مصدقنى أدخل كل المنتديات وشوف الأراء من شباب فى سنك
هتعرف إن مصر بخير بشبابها ورجالها
لكن أحيانا الإنسان يتحمل المر حفاظا على حاجه غالية بيعزهاوده وطن يستحق مننا التريث فى كل شىء - لكل منا حرية التعاطف مع من يراه ويتفق مع فكره ورؤيته- ولكن لا يحق له أن يفرضه على الاخرين ويزكيه على الناس ومن يختلف معه يعتبره تعدى على حريته --- ولوراجعت بعض مشاركاتى بعد إذن حضرتك هتلاقينى بدافع بشخصى الضعيف عن شعب أنا منه لايقدر بعض الشباب دوره -ولا أنشغل بالدفاع إلاعن نفسى كفرد من الشعب ولو جربت وسألت أى واحد فى الشارع (إنسان عادى)
هتلاقيه فاهم وعارف كل مايدور فى البلد


وبالتوفيق لك وللجميع وشكرا

[عبد الله الرفاعي]

* صحفى مصرى كافر بالحكومة.. استضافته أجهزة الأمن المصرية استضافة تساوى استضافة الأطباء المصريين فى السعودية.. وقدمت له المشروبات الروحية والجسدية والكهربائية إيمانا منها بحق المواطن فى اختيار المشروب اللى على كيفه.. وأطلقت سراحه بعد أن افترى على أجهزة الأمن قائلا : "شُـلـَّت يدى" .. ولكنه بعد خروجه أشار بأصابعه لهم إشارة بذيئة قائلا: "إنها سليمة"..مطلوب حيتا أو ميتا أو ميت إكلينيكيا حتى.. بتهمة تضليل الرأى العام والتأثير على قرارات سيادية من شأنها التأثير على وصول منتخب مصر لكأس العالم!!

[عمر المختار الغرابلى]

السلام عليكم
كيفكم
يارب تكونوا بخير
انا كنت داخل على النت دلوقتى
قلت بقى ادخل اسلم عليكم
وحشتونى كتيير والله
سلامى لكم جميعااااااااااا

[أ/رضا عطيه]

حمد الله ع السلامه يابطل
أنا عارف الامتحانات أقوى من الغربة--صح الكلام؟

[عمر المختار الغرابلى]

على فكره انا لسه اصلا
ما بدأت امتحن
لسه هأبدأ يوم
10/6

[أ/رضا عطيه]

كان الله فى العون --
وبالتوفيق ياعمر

[ايه كمال]

ربنا معاك يا عمر
ربنا يوفقك

[القائد الفريد]

بسم الله الرحمن الرحيم والله ياخونى انا ارفض البرادعى نهائيا لان هذا الرجل ليس له خبره عن مصر ولا عن المواطن المصري لكن مبارك له الخبره الكافيه للقياده وله الخبره للتعامل مع كل طارى يحدث فالمنطقه كم ان تاريخه العسكرى لم يذكر له اى شى معيب

[القائد الفريد]

ولنتسائل عن الفساد المنتشر فى البلاد تكون الاجابه هى ان مبارك تجاوز عمره 82مثل هذا الرجل الذى كان بطل السلام والحرب مادام وصل الى هذا السن لايجوز ان يتولى زمام بلد باكملها وترد على ذلك انه انتشرت طائفه من اصحاب البدل تتعامل مع مصر وكانها عزبه ابوها

[روووووز]

الموضوع فى غاية الاهمية
من وجهه نظرى ان الرئيس محمد حسنى مبارك انسب واحد لان عنده خبرة وعارف شغله
بس هو كبر فى السن ويعجز الان عن ادارة امور الحكم فى السن ده
وانا ارشح ولا احد مش عارفة السبب
وحاسة انه هتكون فى مصائب وكوارث ايام الانتخابات
وربنا يستر

[ibrahim elsayed]

ياااااااه للدرجه دى هنتيتم بعد مبارك الله يكون فى عوناوسؤال محيرنى ياترى الناس اللى كانوا قبل حكم وحكمة مبارك حياتهم كانت ايه اكيد كانوا مش عايشين وكانت حياتهم ضنك وعلشان منينقطعش عنا الماء والهواء وينقطع رزقنا كمان انا شايف اننا نستنسخ لنا نسختين تلاته منه ونظل منعمين فى حكم سيادته الى ان ننتقل الى رب العالمين هو انتم بتستغبونا ولا بتضحكوا على نفسكم انتم نسيتم ان الرازق هو الله ان المعز هو الله انا مابنا من نعمه فمن الله ::::: اسغفروا ربكم وادعوه يولى امورنا خيارنا وفوقوا

[engi11]

انا برشح البرادعى

[mima k]

انا من رايى لما يبقى حد يرشح نفسه بشكل رسمى وتكون بتنطبق عليه الشروط اللازمة للرئاسة ساعتها نبقى نختار

[mr salah Osman]

:abdoog8::abdoog8:
يا سيدي السائل .. أنت تسأل عن شيىء لا محل له من الإعراب .. نضيّع أوقاتنا في الكلام الأجوف الذي لا يقدّم ولا يأخّر .. سيدى الفاضل هل تعتقد أن أنا و أنت وغيرنا من عوام الناس لهم دور في اختيار رئيس الجمهورية ؟!!! إننا لا نملك اختيار أعضاء المحليات أو أعضاء مجلس الشورى أو الشعب !!!
والسبب الفساد ثم الفساد فكل المنتفعين ينادون ليل نهار حي على الفساد.. حي على الفساد . لك الله يامصر !!!!
:abdoog8::abdoog8: