إستفسارات هامة جداً عن أدوات الرسم الهندسي ومعمل الكيمياء والورش

[إنتحار طالب ثانوي]

السلام عليكم ورحمة الله وبركاته

أهلاً بكل الباشمهندسين اللي هنا

عندي أستفسارات عن أدوات الرسم الهندسي في أعدادي هندسة و أدوات معمل الكيمياء و أرجوا منكم الإجابة عليها لأني تعبت في البحث على النت و في كتابتها وخدت مني مجهود كبير

--------------------------------------------------------------------------

أ- اللوحة الورق أو الكارتون :

اللوحات اللي أنتوا بترسموا عليها هل أسمها كده
فرخ كلك 70 * 100 70جرام روترنج بــ 2 جنيه
أو
فرخ كلك 70 * 100 90 جرام روترنج بـ 2 و نص جنيه
أنا جايبها من موقع مكتبة برناسوس ولا ديه مش هى اللي بتستخدموها ؟
والسوليتيب اللي بلزقها به بيكون أي نوع ولا نوع معين و أجيب العرض بتاعه أيه ؟ الكبير ولا الصغير ولا المتوسط

--------------------------------------------------------------------------

ب- اللوحة الخشبية للرسم الهندسي :

في موقع مصري بدون ذكر أسماء شوفت لوحتين - أنهي واحدة بتستخدموها ؟ وهل بتاخدوها معاكوا الكلية في الشنطه بتاعتها ولا بتستخدموها في البيت بس ؟
اللوحة الأولى
جهاز رسم A2 رقم 442 وسعره 318 جنيه بس مش عارف ماركته روترنج ولا أيه وصورته

اللوحة الثانية
لوحة رسم بروفيل A3 روترنج وسعره 304 جنيه وصورته

وهل اللوحتين دول بيجي معاهم حامل عشان يتحطوا على المكتب؟ أو يتعلقوا على طرابيزة الرسم ؟
ولا أنا ممكن أجيب للوحة حامل يركب عليها ؟
والمفروض أجيب مقاس 80 * 120 سم ؟ ولا أيه ؟

--------------------------------------------------------------------------

ج- شنطة اللوحة :

على موقع روترنج شوفت شنطتين روترنج وصورهم تحت فهل في سمير و علي أو أي مكتبة تانيه موجودين في مصر؟وإذا كانوا مش موجودين فهل يوجد ماركات أخرى غير روترنج لحمل اللوحة الخشب ؟ أو الأدوات الهندسية ولا لأ؟ والصور بتاعتهم

--------------------------------------------------------------------------

د- ترابيزة الرسم الهندسي الكبيرة :

عايز أعرف لو جيبت اللوحة هل ححتاج الترابيزة ؟ وهل اللوحة بحطها على الترابيزة وأنا برسم ولا أيه ؟؟
وأنا أصلاً لو دخلت حدخل يا ميكانيكا يا أما مدني لكن معماري لأ فأجيب ترابيزة رخيصة وأبعد عن الغاليين؟ولا أيه ؟
وهل لازم أجيب الكرسي بتاعها ولا ينفع كرسي عندي في البيت بعجل و بيعلى و يوطى؟
وأسعارها بتبدأ من كام إلى كام ؟
والمفروض أجيبها 60 * 80 سم بالحامل ؟
صورة لها

--------------------------------------------------------------------------

هـ - الصابونة ومنظفات اللوحة الورق و اللوحة الخشب:

من ضمن الطلبات حاجه أسمها صابونه فهل المقصود أستيكه صابونه ؟ أنا شوفتها في موقع برناسوس وأسمها استيكة صابونة سانفورد تستخدم فى المسح والتنظيف فى وقت واحد و سعرها 2 جنيه و صورتها

و شوفت في موقع تاني مصري
1 - كوب بودرة لورق الرسم روترنج بـ 44 جنيه و صورته

2- كوب منظف رمادى روترنج بــ 13 جنيه وصورته

3 - كوب تنظيف احمر روترنج بــ 13 جنيه وصورته

4- زجاجة سائل منظف 100 مللى روترنج بــ 17 جنيه وصورتها

5 - زجاجة منظف 250 مم سائل روترنج بــ 19 جنيه و صورتها

فأنهي حاجه بقى من دول هي اللي مطلوبة في تنظيف اللوحة الورق ؟ وأنهي حاجه من دول هي المطلوبة في تنظيف اللوحة الخشب ؟وأنهي حاجه بنضف بها سطح طرابيزة الرسم؟

--------------------------------------------------------------------------

و- مسطرة حرف تي روترنج 80 سم :

هل بيجي معاها جراب ولا بجيبلها جراب؟ ولو فيه أحتمال أدخل مدني يبقى أجيب 100 سم أحسن؟

--------------------------------------------------------------------------

ز- الفرنش كيرف :

شوفت 3 حاجات روترنج على النت بس مش عارف أنهي المفروض أجيبه ؟ والأصفر أحسن ولا الشفاف؟
طقم فرنش كيرف3 قطعه أصفر روترنج بـ 19 جنيه وصورته -1

2- طقم فرنش كيرف 3 قطعه شفاف روترنج بـ 19 جنيه وصورته

3- فرنش كيرف روترنج شفاف بـ 18 جنيه ومش عارف كام قطعه و صورته

--------------------------------------------------------------------------

ح- المثلثات :

فيه ناس قالوا المثلثات طولها 22 سم وناس قالوا 30 سم بس أنا مالقيتش في الروترنج غير 25 و 35 و 32 و 36 و فيه شفاف و فيه أصفر ؟
المفروض أجيب أنهي طول ؟ و الشفاف ولا الأصفر ؟

--------------------------------------------------------------------------

ط-المنقلة :

في الروترنج فيه أتنين واحد 180 درجة و 10 سم وشفافه و بـ 5 جنيه و فيه 360 و 10 سم و لونها أصفر و بـ 11 جنيه
الأفضل أنهي ؟

--------------------------------------------------------------------------

ي- مسطرة إسكيل :

المطلوب منها كام سم ؟ 30 ولا 50 ؟ و هل ديه النوع المثلث ده ولا أيه؟ في اللينك اللي تحت ديه في

مسطرة روترنج إسكيل مثلث رقم 1 و 4 و 6

http://www.nefsak.com/Engineering-Tools/?page=6
المفروض بجيب أنهي واحده فيهم ؟

--------------------------------------------------------------------------

ك - المساطر الأخرى :

هل بحتاج أجيب بجانب المسطره الأسكيل مسطرة 50 سم ؟ لأن مسطرة حرف تي 80 سم بتبقى طويله في بعض الرسومات

--------------------------------------------------------------------------

يتبع