<div class='quotetop'>إقتباس(hkk-happy @ Dec 13 2006, 06:46 PM) [snapback]246501[/snapback]</div>
اقتباس:
سلسلة احنا و هما سلسلة جميلة الصراحة و لا بأس
و شكراليكى يا قطة بس اسمحى لى اعلق ع نقطة نقطة يعنى و بصراحة
لان اه الصراحة فى سلبيات كتير موجودة بس احنا اللى بكبرها شوية و حاجات فظيعة و مش ظاهرة برده بحجمها الفظيع
احنا اه لازم نقارن هما اتقدموا علينا فى ايه بس مش نبقى زيهم و نقلد
لاء نكون احسن منهم بما يناسبنا
بس تقدرى تقولى لى احنا عملنا ايه.؟
بنتفرج و نقول هم يضحك او هم يبكى و نضرب كف بكف و خلاص
صح ولا ايه.؟
طب فى حد فكر يرقى بافعاله هو شخصيا حتى ع الاقل
ولا كله هى جت عليا انا .. مش هو دا اللى بيحصل؟
تصرف صغير صح على زيه صغير يبقوا حاجة كبيرة
التغير المفروض بالتدريج
ولا ايه.؟
نيجى لاول صورة
التاكسى.........؟
ده ده لو اللى عندنا تاكسى بحق و حقيقى
ده بيبقى مخلع و مدغدغ غير ان شوارعنا يا ماشاء الله فيها اللى مكسر و اللى ضيق و حاجات غريبة فى الشارع و ناس اغرب
كدة كدة اصلا الناس دلوقت معظمها بقى بيخاف يركب تاكسيات
و تاكسى العاصمة اللى قالوا عليه
برده يعنى انا مشفتلوش نجاح ملموس برده
فاشل فاشل
يلا نمشى حالنا بالمترو .. حتى الواحد مبقاش يعرف يركبه
الصورة التانية
حكاية عسكرى المرور.......؟
لا و انتى الصادقة عندنا عساكر المرور بيزعقوا و مش بيتعاملوا باحترام اصلا
المفروض اصلا ان العسكرى يحترم المارة و يكون عنده ذمة شوية و كذلك المارة يحترموه
احترام متبادل من الاخر يعنى
بس احنا عندنا العسكرى و راكب السيارة بيمسكوا فى خناق بعض و الحمدلله
الصورة التالتة
موضوع المطر و الشوارع الغرقانة مية دى..؟
معلش متزعليش نفسك يا ستى .. اصلهم بيفكروا ان احنا نبقى المدينة العائمة زى فينيسيا
هههههههههه...معلش سيبيهم يحلموا
لا بس مين قالك ان مفيش شارع ناشف او غير مجهز فى مصر..؟ لا فى .. قدام بيت الريس متلاقيش لا شط ولا مية خاااااااااالص بس لو حودتى على اى شارع جانبى ممكن تلاقى بحيرة ناصر برده :D
الصورة اللى بعد كدة
اسمحى اقولك انى لا اتفق مع الصورة
مش اساتذة الجامعة هما اللى بيوصلوا ولادهم
طب ما فى ناجحين كتير
و هو يعنى غلط ان حد ينجب عبقرى زيه ولا حاجة.؟
بصى انا مش بدافع او بتحيز لان والدى استاذ جامعة ولا حاجة
بس هقولك نظام الوسطة ده تلاقيه ازاى بقى عندنا
يعنى فى وظيفة... مع ابن وزير..مع حد من الحرامية الكبار..هههه..
مش معنى كدة ان ابن الوزير ده مش عبقرى
لا الشطار كتير اوى
بس تعالى نشوف و نقارن
عندنا 2 اشطر من بعض و عباقرة
واحد ابن الوزير الفلانى الحرامى برده
و التانى ابن واحد ابن بلد مصر اصيل
هتلاقى بس العين ع ابن الوزير ده مثلا . و يقولك هو اولى
بس مع اساتذة الجامعة مشوفتهاش خااااااااااااااااااالص
يعنى بابايا و زمايله يعنى مش بيساعدوا ولادهم خالص(للاسف..وزمايلنا بتحسدنا عليهم...ههههههه) يعنى لو ابنه ناجح يوصل بنفسه للى عاوزه و كدة
بس اللى بتقولى عليه ممكن فى جامعة خاصة اه
اللى بعده
حكاية التسول..؟
لا فى ناس بتيجى تقف قدامك و مش بترضى تمشى غير لما تديها حاجة
برة بيقعد يقول لك some change plz
زى فى مكان مش عارفة فين كان فى واحدة و جوزها فكرتينى بيهم
الصبح هو قاعد على كرسى وهى ماشية تزقه تشحت بيه واخر النهار هى تقعد ع الكرسى المتحرك و هو يلف بيها بدالها مثلا
.......
اللى بعده
المستشفيات..؟
ده ده اصلا ملوش غير سبب واحد
الحالة الاقتصادية الزفت و عدم الاهتمام من وزارة الصحة و السكان
قعدوا يقولوا ع الكادر الخاص للدكاترة
و مفيش جديد بعد كدة
يلا حسبنا الله و نعم الوكيل
اللى بعد كدة
موضوع برامج الاطفال..؟؟
للاسف هو مش فى برامجهم بس
ده كمان فى اغانيهم
بقوا بيستخفوا بعقل الطفل جامد جدا
شوفى اغانى اليوم للاطفال..لو كان لسة فى
مقارنة باغانى زمان حتى
يمكن اغانى الاطفال بتاعة زمان حاجات بنقعد نرددها لليوم زى ماما زمانها جاية و ذهب الليل حاجات ثابتة فى ذهننا
بس مش فى اغاني و برامج الاطفال بس محتاجين نهتم
لا احنا لازم نهتم بالاطفال عموما اكتر من كدة فى كل حاجة
دول شباب الغد المفروض يعنى
اللى بعده
موضوع اللغة.؟
اه المفروض كل واحد يعتز بلغته
بس وانتى الصادقة احنا اصلا محتاجين اللى يعلمنا عربى
بس انا بقى اؤيد تعلم اللغات الاجنبية كمان
لان ده بيزيد من ثقافتنا و يفتح اعيننا عن جهل
و اخرته فايدة لينا احنا
اللى بعد كدة
شكلك كررتى الصورة الاخيرة مرتين :D
معل يا قطة انا طولت جااااااااااااااااامد موووووووووووووت اوى غصب عنى
و تقبلى تحياتى و احترامى
والسلام عليكم و رحمة الله و بركاته
[/b]
|
حرااااااااااااااااااااااااااام عليكي
انتى جبتى الكلام ده كل منين
ده انا سبت الكتاب علشان اقراْ ردك
بس ردك جميل بجد
وواضح ان الصور مش عارفة تقول الحقيقة بالظبط زيك
ميرسي على اجمل واحلى مرور
15-12-2006, 06:48 PM
العرض العادي
