هل خافت منى الشاذلي من مرشد الاخوان المسلمين

[أ/رضا عطيه]

من حرية حضرتك قلت رأيك ومن حرية المرشد ذهب للقاء التليفزيونى ومن حرية المذيعة ترتدى ماتشاء ومن حريتى كان رأى --
أين الضرر من وراء كل هذا ---- لاضرر ولا ضرار --- ولكنها مجرد أفكار داخل حوار فلاحجر على حرية الأخرين ---- وشكرا

[علاء سيف]

اخي الحبيب بلاك بلاك
أولا اعتذر ان كنت دون قصد ضايقتك بسؤالي
واشكرك على هذا التقدير الذي يعلم الله اني أقل منه ولكنه ذوقك وخلقك الكريم
ولكن الحقيقة أني لم اجد في قول الاخ عصام ما رأيته انت من فتوى
واعتراض الاخ هاني كان عندي في غير محله كما اوضحت بعد ذلك
فسؤالي كان للأستيضاح ومعاذ الله ان يكون تجاهل او اي شئ سئ
دمت بخير والجميع

[علاء سيف]

الغالي بانزر اتفق معك في ان نركز على الموضوع مهنيا
- برغم أهمية الحجاب كفريضة ومما هو معلوم من الدين بالضرورة-
ومهنيا كان اداء الاعلامية منى الشاذلي ضعيف وباهت
وكأن الحلقة وقت أجرته دريم للمرشد للتسويق لنفسه والجماعة
وبدت بلا مخالبها التي طالما رأينها مع الحكوميين ورجال الحزب

[دينا دونا]

موضوع جميل

انتوا موش شايفين انكوا خرجتوا عن الموضوع الاساسي بالحجاب واللغه العربية والحاجات دي

اولا دا موش موضعنا
ثانيا دع الخلق للخالق

ابنك الصغير لما يجي يمسك النار اكيد موش عارف انها نار وبتحرق فأنتا واجب عليك انك تقوله والا انتا كدا هتكون مقصر في حقه
وبعدين دا ابنك يعني لازم ياخد كل النصايح منك انتا موش من حد تاني ( غير معلمه او معلمته )

اكيد هي مسلمة وعارفه عقوبة الغير متحجبه واكيد عارفه ان الحجاب فرض بس احنا مالنا هي مجتمعها كدا مش عايزه تتحجب دلوقت دا ميمنعش انها تكون مذيعه جامده اخر حاجه ونسبة مشاهداتها عاليه جدا من جميع الدوول العربيه مش مصر بس
وبالنسبة للموضوع اكيد في اتفاق مابينهم وبعدين مش هي اللي بتحط الاسئله دا المعد او المعده وهي بتبقي مرتبطه بالاسئله ولما بتلاقي رد عايز سؤال اكيد بتسأله والكنترول برضوا بيقولها تقول ايه ومتقولش ايه

وممكن تكوون اتهددت مفيش مانع لحظو انها مرأة يعني لازم تخاف علي نفسها
موش راجل يتهدد ويعمل برضوا اللي في دماغه
اذا كان الراجل لما بيتهدد بأهله او بأولاده او بشغله بيخاف فمني الشاذلي موش هتخاف
لازم تخاف لانها انسانه


تقبلوو مروري

[BaNZeR]

المشاركة الأصلية كتبت بواسطة علاء سيف

ومهنيا كان اداء الاعلامية منى الشاذلي ضعيف وباهت
وكأن الحلقة وقت أجرته دريم للمرشد للتسويق لنفسه والجماعة
وبدت بلا مخالبها التي طالما رأينها مع الحكوميين ورجال الحزب

ليه لازم الغلط يكون من طرفها هي
الم تذكرفي اول الموضوع انه ربما كن الاتفاق لاجراء الحوار ؟
اي انها كانت مجبرة
اذن فالخطأ لا يجب ان يكون من طرفها هي
بل ربما من طرف المرشد
واللى خلاها مش بتخاف من الحكومة اكيد مش حتخاف من الاخوان
الا لو كانت تحت تهديد طبعا

[الأستاذة هدى]

المشاركة الأصلية كتبت بواسطة BaNZeR

اذن فالخطأ لا يجب ان يكون من طرفها هي
بل ربما من طرف المرشد
واللى خلاها مش بتخاف من الحكومة اكيد مش حتخاف من الاخوان
الا لو كانت تحت تهديد طبعا

يعنى المرشد هو اللى غلطان ؟؟

[BaNZeR]

المشاركة الأصلية كتبت بواسطة ابلة هدى

يعنى المرشد هو اللى غلطان ؟؟

نفي التهمة عن شخص لا يعني قبوتها على الطرف الثاني
ممكن يكون في طرف تالت في الموضوع

اهم حاجة منحكمش كل قرارتنا على اساس إننا اتأكدنا إنها كذا وكذا ومش بتتفالح غير عالحكومة
على الرغم أننا مازلنا نعتقد ونخمن حتى الآن ولم نثبت شيء

[علاء سيف]

الاخت الغالية أبله هدى
شكرا مرورك الكريم لا حرمنا الله من مشاركاتك
وفعلا باين هايطلع المرشد هو اللي غلطان

[أ/رضا عطيه]

عفوا أيها السادة الطيبين زى حالاتى
الأبله هدى والعبد لله وبعض المدرسين الغلابه ممكن نكون موضوع شيق لبرامج التوك شو لمجرد تقصيربسيط أو مجرد تأخرنا عن عملنا 5دقايق وينزل قبل أسمائنا شعار من أجل إعادة ضبط منظومة العملية التعليمية فى مصر - ونشيل مصايب الاف المقصريين من الزملاء والرؤساء
المهم يكون فيه حد يشيل -- يعنى يا أبله هدى الخوف ده فى قاموسنا نحن فقط---
أما هؤلاء السادة الأفاضل فى مجتمع يترنح من كتر الأفاضل اللى فيه -- فهؤلاء لايعرفون الخوف --- لأنهم يعلمون أن من ورائهم خط دفاع رهيب يساندهم دون وعى --- أحيانا تكون بالعصبيه والتعصب وغالبا يكون دون وعى من البسطاء أمثالنا--- فأرجوكم اشطبوا هذا المصطلح(الخوف) من قاموس هؤلاء واللى مش مصدقنى يرجع لقصة مرتضى -شوبير وشوف حجم التعاطف والدفاع عن الجانبين من المتعصبين - هل بعد ان غزت قصتهم أرجاء المعمورة شعروا بالخوف -- لا وألف لا -- بل شعر كل منهم وكأنه بطل من أبطال اليرموك أوالقادسية --- وبعدين منى الشاذلى لما بتفتح لابيهمها كلام معد ولاحتى مخرج - بتقوووووووووووووووووووول --
لكن الحقيقة ياسادة من وجهة نظرى البسيطة زى حالاتى هى كالأتى :
1- الانتخابات على الأبواب (ثلاث اختبارات دفعه واحده فى عام واحد زى التقويم الشامل لمصر كلها )والكل لازم ينلون ويتشكل ويتجمل قبل الامتحان ويترجى من المراقب أن يكون مثالى
2- كل رموز المعارضه فى مصر انقسموا لقسمين : القسم الأول يتبرأ مما يحدث فى الشارع الأن ليكسب تعاطف الحكومه----- والقسم الثانى يتثعلب ليكسب انجازات شباب المظاهرات والاعتصامات لصالحة بمؤتمرات صحفيه عالميه هنا وهناك
3- يعنى كدا أوكدا - أنا وانت والغلابه لازم نخاف - ولانتهم الأخريين بهذه الصفه الحميدة أحياناوالتى قد تمنحهم كل الشرف عندما نخشى الله جميعا -- وشكرا

[علاء سيف]

اخي الحبيب بلاك بلاك
كلامك غاية في الروعة والصدق
وفعلا لااتفق مع كونها خافت او ان الامر به تهديد
واليكم بعض التفسيرات المحتملة لتعامل الست منى مع المرشد

1 - عدو عدوي حبيبي؟؟؟؟

2 - هابقى انا والحكومة عليهم؟؟؟؟؟

3 - انا والعلمانيين على الاسلاميين وانا والاسلاميين على الحكومة؟؟؟؟

4 - ضعف اداء المرشد جعل الحماس يهرب منهاوكادت تروح في سبات عميق؟؟؟؟

[الأميرة آلاء]

أنا شخصيا هاختار
عدو عدي حبيبي