الغش فى معهد ...............................

[doaa alshorbagy]

الله المستعان هذا يرجع الي اولا ضعف الطالب لانه بيجي المدرسه كل الي معاه ورقتين تلاته فيهم المنهج كله والسبب الثاني عدم مراقبه الله من المراقب اولا واخرا فهو السبب في فتح اللجنه او قفلها وده في كل المدرسين ال من رحم ربي نسال الله السلامه وسبحان الله العظيم الغش دلوقتي بقي مرض معدي الطالب بيخدش الي ينجحه وخلاص لا ده لازم ييجيب الدرجه العاليا ونحن لا نملك سوي الدعاء فقط

[أبو صبرى]

المشاركة الأصلية كتبت بواسطة رحمة رورو

الغش اصلا اصبح عبارة عن صفقة بين الطالب والمعلم ازاي ؟ هقولكوا ازاي الطالب يدخل الامتحان يعمل نفسه مذاكر ومجتهد شوية بعد ميقرا ورقة الامتحان يبدا يدور حوليه على اللي يغششوا في الوقت ده يبدا المدرس يفهم ان الطالب ده غشاش فيروح المدرس سيبوا يغش مش علشان جمال عيونوا لأ علشان الطالب يخلص قبل نص الوقت والمدرس يرجع بيتوا بدري قبل الحر ويبقى ريح واستريح وده النظام اللي ماشي والناس كلها عرفاه وبيمشوا عليه بس احنا لسه مشفناش شيخنا الطيب هيعمل ايه فيهم وحسبنا الله ونعم الوكيل

صح عندك حق والله هو اللى بيحصل معايا انا بكون محاصر من جميع الجهات والعلمى بقى اسمه فى الارض

[أبو صبرى]

الازهر بقى فى النازل بسبب الغش فى معاهد فيها غش واسمها معاهد لم ينجح احد

[amoush_2050]

انتم فى رحمة تعالوا شوفوا لجان اولاد المدرسين فى معهد......................كفر الزيات ومحدش عارف حاجة خالص (حسبى الله نعم الوكيل )

[abdo8]

المشاركة الأصلية كتبت بواسطة الأستاذ عصام عرفات

يا أستاذي الفاضل
أنت فاكر أن معهد............. في طنطا فيه غش وباقي المعاهد مفيهاش غش
مش عارف أنا آخرة الغش ده إيه و هايوصلنا لحد فين وإزاي نقدر نوقفه
وفي مدرسين كبار عندهم الغش ده مبدأ
لااااااااااااااازم يغشش يعني لاااااااااااازم يغشش
إنا لله و إنا إليه راجعون

يا جماعة لو في مدرس عرف اني مبغشش بحس انه بيبصلي باحتقار

غربية

[HotShot]

اقسم بالله
زميلي في احد معاهد اسماعيلية , بيفتح العراقة بتاعت الايد وييحط شريحة سماعة البلوتوث و التليفون في جيب البنطلون ويتكلم مع جاره في العماره وينقله من الكتاب.
واللجان سايبه من اول دقيقه بس للامانة مفيش كتب بتدخل يعني مننا فينا.
وربنا يسامحهم زمايلي طول الوقت بيندهوا عليا وانا مطنش لحد ما في امتحان الفيزياء طار مني 1%
ومراقب الدور بيقولنا انا سايب اللجنة لان الازهرية مبياخدوش حقهم خالص
بس اهي السنة خلصت والامتحانات كذلك ويا رب تلاقوا حل لمشكلة الغش .
و اقترح نمتحن في هناجر والي يراقب علينا لوائات الجيش الناشفين.
وهتشوفوا النتيجة هتبقي عاملة ازاي !
لكن بالشكل ده هنطلع مهندسين ميعرفوش يبنوا اكشاك خشب!
وبالنسبة للثورة الازهرية:
انا هاتكلم علي ممثليها في الاسماعيلية:
مايعرفوش شئ في اللي احنا بناخده وبيشتكوا من اي حاجه وبعد امتحان الحديث غشوا كويس فراحوا البحر ,,لو عندهم دم كانوا راحوا ذاكروا الجبر ,انما هما ثورجية وخلاص.لكن للامانة هما اجسام طول بعرَض ,يمكن الدكتور احمد الطيب يخاف منهم فينزل التنسيق.
ولازم الكلية يبقي فيها امتحانات قبول ,يحطها الدكتور بتاع المادة ومن خلالها ياخد الطلبة اللي هو عاوزهم يدرسوا معاه بس.
اعذروني لو طولت عليكم .لكن بجد حرام!

[طاهر عامر]

السلام عليكم
بالنسبة لموضوع الغش في الثانوية الأزهرية خاصة فهو لعدة اسباب
(1)اعتماد الطلاب في مرحلة النقل على الغش بصفة اساسية ويساعدهم على ذلك بعض المدرسين الضعاف في كل المجالات
(2) ضعف المستوي التعليمي في الأزهر بشكل ملحوظ عن المدارس إلا مارحم ربي
(3) قيادات المعاهد والموجهين الذين يعملون عل تسريب الإجابات إلى اللجان وهذا رأيته بعينى
(4) والأهم من ذلك غياب الأمن وعدم توفر الحماية اللازمة للمراقبين

[Elawany13]

المشاركة الأصلية كتبت بواسطة على زكى زكى

ارحم يارحمن
نناشد السيد الدكتور /الطيب
نرجوا على اقصى سرعة وقف مهزلة الغش بالكتب ومع الاسف المراقبين بيغششوا بطريقة لا يرضاها الله سبحانة وتعالى وبذلك يتساوى الضعيف جدا بالطالب الممتاز .
نرجوا من معالييكم اتخاذ اللازم لوقف الغش بمعهد / ............../طنطا /غربية وكذلك معهد / ................................................./ طنطا /غربية
نحن فى انتظار اخذ قرار عادل والا انتشر الفساد

الغش فى الأزهر بقى مهزلة
وفى التربيه والتعليم كمان
ولكن اعتقد ان الغش فى إمتحانات الثانوية الأزهريه هذه السنة بقى محدود جدا
خليك إيجابى وابعت فاكس لشيخ الأزهر

[alawadya]

اقولكم حاجه انا خلصت ثانوية قبلكم بسنه وحاليا انا ان شاء الله داخل تانيه طب
والله العظيم فيه غش فى الكليه عندنا بطريقه فظيعه انا من كتر ما بقدرش اتحمل بسيب اللجنه واخرج بعد ساعه بالكتير اوى
المنظومه كلها بايظه وتحتاج الى اعادة صياغه من جديد
لك الله يا ازهرنا