عاجل وهام تم الغاء امتحان الاكاديمية اليوم فى جامعة القاهرة

[محمد الشابوري]

تصحيح الخطأ لا يمكن ان يكون
لي ذراع

[أ/محمد على عاشور]

انتظروا حتى تتضح الصورة اكثر لو سمحتم

[سها أحمد شوقي]

بصراحه لو ده حصلا فعلا انا موش معاكوا لسبب لان البلد كلها امتحنت وخلاص واساتذتنا امتحنوا وبعدين هما بيقولوا امتحن واتثبت فايه المشكله

[Mr Amrooo]

المشاركة الأصلية كتبت بواسطة سها أحمد شوقي

بصراحه لو ده حصلا فعلا انا موش معاكوا لسبب لان البلد كلها امتحنت وخلاص واساتذتنا امتحنوا وبعدين هما بيقولوا امتحن واتثبت فايه المشكله

كلامك مظبوط والله العظيم

[Mark 2011]

الامتحان كان سهل جدا بعض الزملاء قالوا انها نفس الاسئلة اللي ذاكروها من امتحان كادر 20-11\2009

[المليح]

الايعرف حد يبلغه ان امتحانات الكادر اتلغت في جامعة القاهرة و ياريت يبلغ بتوع عين شمش و الجماعات الاخري

[hishamhassan]

امتحانات الكادر- صورة أرشيفية

تظاهر المئات من المعلمين المساعدين داخل مقر لجنة اختبار الكادر، بمعهد الدراسات التربوية بجامعة القاهرة، صباح اليوم الجمعة، رافضين خوض الامتحان الذى تنظمه وزارة التربية والتعليم، داخل مقار الجامعات الحكومية، مانعين زملاءهم الذين يرغبون فى خوض الامتحان من استكمال الفترة الأولى منه.

واعتبر المعلمون المتظاهرون داخل مقار لجنة الامتحان أن السبب وراء احتجاجاتهم يتمثل فى رفضهم لفكرة الاختبار من الاصل، يأتى ذلك فى الوقت الذى اضطر فيه المراقبون إلى الانسحاب من داخل اللجنة، وإعادة جمع أوراق الإجابة مرة أخرى، ووقف الامتحان داخل جامعة القاهرة الخاص بمعلمى محافظتى الجيزة وأكتوبر، انتظاراً لصدور تعليمات أخرى من الوزارة.

ومن جانبه قال مصدر من داخل غرفة عمليات وزارة التربية والتعليم، إن توقف الامتحان بسبب المظاهرة لا يعنى الإلغاء، وأضاف أن هناك اتصالات تجرى على أعلى مستوى لحل الأزمة عقب صلاة الجمعة، مؤكدا أن المعلمين المتظاهرين منعوا باقى زملائهم من الإجابة عن الأسئلة.

http://www.youm7.com/News.asp?NewsID=381507

[teacher_2]

عندهم حق طبعا
اختبارات الكادر دى اهانة للمعلم
على ايه يا حسرة امتحانات الكادر دى
بيعطونا ايه فى النهاية ؟
ما بتوع محو الأمية اللى فى الكهربا
بيقبضو اضعاف مرتبات المعلم
ولا امتحانات ولا هباب

[مصطفي ابوطلب]

ياجماعة امتحان الكادر ده قانون لكل المعلمين الاساسيين والمساعدين وعلى اساس النجاح تتم الترقية الي معلم -معلم اول -معلم اول أ-معلم خبير- كبير معلمين وبعد كده انشاء الله معاش يعنى ماينفعش يتلغى لكن ممكن يتعدل والقانون هو 155لسنة 2007

[المريسي]

المشاركة الأصلية كتبت بواسطة teacher_2

عندهم حق طبعا
اختبارات الكادر دى اهانة للمعلم
على ايه يا حسرة امتحانات الكادر دى
بيعطونا ايه فى النهاية ؟
ما بتوع محو الأمية اللى فى الكهربا
بيقبضو اضعاف مرتبات المعلم
ولا امتحانات ولا هباب

والله العظيم عندك حق ياخي انا كنت في الامتحان النهاردة وحسيت بالقرف والمهانة الله ينتقم منهم

[عمروو كمال]

بالفعل هذه إهانة للمعلم كل الوظائف تعمل وتأخد مرتبات أفضل منا ولا يتم عقد امتحانات لهم ز وحتي الزيادات التي تحدث بعد الامتحانات فهي زيادات كوميدية ز هل يعقل ان امتحن الكادر لكي أزيد 70 جنيه؟؟؟؟

[hishamhassan]

بالفيديو.. توقف امتحانات كادر المعلمين بجامعة القاهرة بعد تظاهرهم





http://www.youm7.com/News.asp?NewsID=381507

[nagar3321]

والله اللى مش واثق من نفسه ميروحش

وهذا الامتحان اختياري

سيبنا من الفوضى

احنا امتحنا وانتوا مش أقل مننا

[miss_emy]

فعلا اهانه للمعلم بلا كادر بلا بتاع

[بحراوية من دمنهور]

ومن جانبه قال مصدر من داخل غرفة عمليات وزارة التربية والتعليم، إن توقف الامتحان بسبب المظاهرة لا يعنى الإلغاء، وأضاف أن هناك اتصالات تجرى على أعلى مستوى لحل الأزمة عقب صلاة الجمعة، مؤكدا أن المعلمين المتظاهرين منعوا باقى زملائهم من الإجابة عن الأسئلة.
المصدر اليوم السابع
لاحظو ان باقى المحافظات بيتم فيها الامتحان حاليا وتوقف الامتحانات فى القاهرة ممكن يخليهم يأجلوه لوقت تانى بس طالما الكل امتحن فى باقى المحافظات يبقى معتقدشى انه هيتلغى وخلينا واقعيين وبجد نفسى انه يكون فعلا امتحان بعد تدريب واطلاع على احدث تطورات العملية التعليمية ككل مش مجرد تحصيل حاصل واننا ندخل عارفين على الاقل نص الاسئلة ده غلط فعلا ولازم ينتهى