الحق احجز مقعدك من الان البرادعي في بنها منتصف الشهر القادم

[أ/رضا عطيه]

خلوا البساط أحمدى

وحسيرة الصيف واسعة

لاكراسى ولاوجع قلب

وبلاش مصاريف ع الفاضى

على فكرة أنا هكون هناك إن شاء الله

بس ياريت يكون الحوار مفتوح زى عمرو موسى فى طنطاوالصعيد واللى جرى له

ولايسمح بوجود ملقن أو مترجم بجواره حفاظا على الصورة الحضارية للرجل

تحياتى لكم ونلتقى هناك بإذن الله

[zozza love]

المشاركة الأصلية كتبت بواسطة هانى الشرقاوى

اى رأى .. قابل للتغيير وفقا للمعطيات وتغيرها
مش معنى إستقلال رأيك .. مش معنى إستقلال رأيك إنك تبقى مختلفة ..
إستقلال الرأى .. يعنى عدم التأثر باى احد
وربنا يسهل ونشوف اليوم دا
( اليوم اللى هتحكموا فيه مصر )

اكيد انا مش بعارض من باب الاعتراض
لكن الاختلاف فى الرأى لا يفسد للود قضيه
لكن الفكره ان انى مقتنعه بمبدأ ان رأى صواب يحتمل الخطأ ورأى خطأ يحتمل الصواب
لكن اهلى مقتنعين انهم لازم يلقنونى برأيهم
علشان لما اكبر افكر بفكرهم
وده غلط
وانا مش بقبل بكده
هههههههه
حيجي اليوم اللى تشوف فيه نـــــــــــــــاس تعرفهم دوقتى بقوا حااااااااجه بذن الله
اسفه طولت عليكـ

[صوت الامة]

المشاركة الأصلية كتبت بواسطة هانى الشرقاوى

لا للأسف مفيش كراسى تكفى
ملايين ستكون فى الإنتظار
الأفضل تجيب معاك كرسى
ولا هتحضر أكيد
كلمنى ... نجيبلك كرسى معانا

دة الموضوع بجد بقا تصدق انا كنت بحسبها نكتة
عموما البرادعى راجل محترم بردة
ربنا يديلة على قد نيتة
عايزك بقا يا اخ هانى تقوم بالواجب نيابة عنى
لان بنها بعيدة عنى خالص للاسف مش هبقا موجود وانول شرف
اللقاء المهم دة
وياريت تفكر فى كلام الاخ ضياء حسيرة هتقوم بالواجب
واهى توفر بردة

[مستر/ عصام الجاويش]

ربنا يولى من يصلح
ولن يصلح هذه الامه الا شخص يحكم بشرع الله ايا كان هذا الشخص
اما اى مرشح سيتنكر للشريعه الاسلاميه ويريد الغائها فهو لن ينجح وستثبت الايام ذلك

[أبو إسراء A]

كان يطالب بإلغاء المادة الثانية التى تنص على أن الشريعة الإسلامية المصدر الرئيسى للتشريع، و أن مصر دولة عربية ودينها الإسلام ، ثم لم يثبت على المبدأ و قال بضرورة وجود هذه المادة ، وربما مع الحملة الإنتخابية يطالب بتطبيق الشريعة الإسلامية ، ومرحبا بالبرادعى أميرا للسلفيين !!!!!

[asd emam]

المشاركة الأصلية كتبت بواسطة أبو إسراء a

كان يطالب بإلغاء المادة الثانية التى تنص على أن الشريعة الإسلامية المصدر الرئيسى للتشريع، و أن مصر دولة عربية ودينها الإسلام ، ثم لم يثبت على المبدأ و قال بضرورة وجود هذه المادة ، وربما مع الحملة الإنتخابية يطالب بتطبيق الشريعة الإسلامية ، ومرحبا بالبرادعى أميرا للسلفيين !!!!!

السلام عليكم أبا اسراء إن أردت أن تعرف الرجل فاعرف من يتعصب له ويدعو لإنتخابه وكان للرجل بعض شعبيه ضيعها أتباعه الذين لا يستطيعون أن يواروا ما فى نفوسهم من بغض كل ما هو دينى فمعارضو هذا يرزقون بغباء أتباعه ولو حصل هذا الرجل 10 % من الأصوات سيكون حقق معجزة فأتباعه لا يمثلون إلا أقل القليل فى المجتمع المصرى الاسلامى ونتيجة الاستفتاءات على التعديلات أظهرت وزنهم الحقيقى فعندما يخرج رجل علمانى ويقول أساند البرادعى ومعروف موقفه من الدين أو مخرج هابط أو سينارست فاشل أو ممثل ما احترف الا نشر الزذيلة فينطبع فى قلب العوام أنه يستحيل أن يأتى الخير ممن هؤلاء ناصروه وما جاءت نتيجة الاستفتاء بهذا الشكل إلا بسبب خروج من لا وزن لهم فى قلب الناس ودعوتهم بقول لا من ممثلة أو راقصة أو علمانى أو ............... ومازال هؤلاء لم يتعلموا الدرس فدعهم فنتيجة الانتخاب معروفة والبرادعى مهما حاولوا من تجلية صورته لا وزن له فى الشارع المصرى

[هانى الشرقاوى]

كبيــــــــــــــر يا برادعى رغم حقد الحاقدين وجهل الجاهلين

[شيماء2020]

بتيألى المكان اللى اختاره دا (بنها) مش كويس نهائى
وهيبقى فى ضرب و عواقب غير محموده
لان البسطويسى من بنها وانا اعرف انهم هناك منحازين للبسطويسى جدا هو وعمرو موسى عشان الاتنين منها

والبرداعى زقلو بالطوب فى الاستفتاء وكان فى مدينته اللى اتولد منها وعايش فيها
فما بالكم لما يروح بنها بقى!!

[طارق69]

الاستاذة شيماء 2020
من ادركي ان عمرو موسي من بنها

[زكريا مختار]

مافيش داعي الكراسي كتير لان محدش هيروح

[توفيق رفعت عجيز]

النتيجة محسومة ارجعوا بس لايام الاستفتاء علي تعديل الدستور
دعوة البرادعي ومعه احزاب المعارضة حصلت علي 23 في المائة من اصوات الناخبين فما بالكم كم سيحصل هو منفرداً
لن يكونرئيس لمصرنا فليذهب الي امريكا او ليبقي فرد مثل اي فرد في مصر