لماذا تم الغاء امتحان الكادر ولم يتم الغاء امتحان الدبلومة التربوية؟

[Sally82]

المشاركة الأصلية كتبت بواسطة Hamada Radwan‏

اخى فى الله انا لا اتكلم عن نفسى انا والحمد لله انا حاصل على ماجستيروفى فرق بين دورة تدريبية وبي انك تذاكر ويكون هنالك امتحان المدرسين الى علمونا وعلموك وتخررج من تحت ايديهم احسن اطباء فى العالم واحسن مهندسين وعلماء مكنش معه تربوى او امتحنوا كادر التربوى والكادر من اسباب فشل التعليم وحديث اطلبوا العلم مقصود به العلم الشرعى مش الدبلومة التربوية او الكادر بطل انت كسل واطلب العلم الشرعى

زمان كان المعلمين من خريجين معاهد اعداد المعلم ثم انشئت كليات التربية و لكن مع زيادة عدد الطلاب لجأوا الى تعيين غير التربويين و كانت اعدادهم قليلة حتى ايامنا هذه..
و التعليم لم يكن بتلك الجودة التي تتصورها...كان قائم على التلقين و التحفيظ و ده بيقتل المواهب و الابداع عند التلاميذ.. عشان كدة احنا دولة متخلفة لان مواهب و ابداعات اطفالنا تقتل من الصغر بفعل النظام التعليمي الفاشل
و بمناسبة الأطباء مرة دكتور كان بيقول قصة "نجاحه" على التلفزيون و كان بيتباهي انه حفيظ يعني بيحفظ حتى رقم الصفحة اللي فيها الشرح.....و نعم التعليم..
بس نفس الدكتور ده حتى بعدما اخد ماجستير و دكتوراه لازم حيفضل يحضر مؤتمرات و دورات تدريبيه للاطلاع على التقنيات الطبية الجديدة في تخصصه...يعني هو استمر في طلب العلم و اعلى شهادة لا تكفيه.... و اذا كان ده فيما يخص الطبيب و مثله المهندس فالاولى ان يكون لمن يعدهما و هو المعلم...هو ده اللي بنتكلم عليه

و بالمناسبة اى دورة تدريبية في الدنيا لازم في نهايتها امتحان امال حيدوا المتدرب الشهادة ازاى و ازاى سيتم تقييم ما اذا كان اجتاز فترة التدريب بنجاح ام لا!!

غريب جدا لما حددت العلم المقصود في الحديث هو العلم الشرعي فقط... يعني الاسلام يحث على طلب العلم الشرعي فقط و العلوم الاخرى لأ.. دا كلام خطير جدا و الله و انصحك تتراجع عنه
طيب و القول المأثور "اطلبوا العلم و لو في الصين" دا كمان علم شرعي فقط!!
و القول المأثور : لا يزال المرء عالما ما طلب العلم فإذا ظن انه علم فقد جهل.." هل هذا ايضا العلم الشرعي فقط!!

طيب قولي هل لو تم اكتشاف تقنيات جديدة في الحاسب مثلا و وجدت نفسك ستحتاجها في عملك ..او تغير شكل الانترنت و طريقة استخدامه مثلا فهل انت مش هتتعلم القنيات الجديدة دي و تظل بالقديم..!! لو كان كده عمر ما كان حد تطور و تقدم و تحسنت احواله..

انا دلوقتي فهمت ليه التعليم فاشل عندنا..بسب التفكير دا من المعلمين.....
و هذا يذكرني بموضوع كتبته منذ ايام عن اهمية استخدام الحاسب الآلي كوسيلة فعالة في التعليم و كانت الردود فعلا محبطة..مش عارفة ليه زملائي الافاضل همهم فقط زيادة الرواتب و المكآفات و مش همهم تحسين مستوى ادائهم في العمل ..مش عايزين دبلومة مش عايزين شرعي مش عايزين كادر عايزين تثبيت و زيادة مرتبات فقط.....


و بالمناسبة انا عن نفسي خريجة كلية هندسة و اخدت الدبلومة التربوية و انا راضية بل وجدتها فرصة جيدة لتطوير ادائي في عملي الى جانب دراسة علم آخر بل قل علوم اخرى لم ادرسها من قبل لاننا في الدبلومة التربوية درسنا مواد تتعلق بـ علم النفس و علم اجتماع و تاريخ...الخ
فما بالك بقى خريج آداب - مثلا - مش من مقامه يعني انه يدرس تربوي..

[Sally82]

المشاركة الأصلية كتبت بواسطة محمد عزو2

والله انت عندك حق فى اللى قلته المعلم مدام اتخرج من الكليه خلاص بقى علامة مش لازم يحصل على اى شهادات تزود من قدرته المهنية والعلمية
كل ده كسل من الملعلمين بس انا شايف ان الدورات التدربيه التى يكون فيها جدية بتكون افضل واسرع فى التاثير بس يكون فى استمرارية وتنوع فيها وياريت تكون فى فترة الاجازة الصيفية مش اثناء الدراسة ويكون بناء عليها تحصل الترقيات
اما الدبلومة انا شايفف انها بتضيع وقت وخصوصا ان احنا عارفين انه كلام كله على الورق مفيش فيه اى تطبيق اعداد بالالاف وغش من هنا بتيجى الاهانة اما الحصول على الشهادات والتعليم انا مش شايف فيه اى اهانة بالعكس بترفع من قيمة المعلم بس تكون مثمرة مش شهادة فقط

و هو دا سوء التنظيم اللي اتكلمت عليه..اما نسبة الاستفادة من الدبلومة التربوية فبتختلف من شخص للتاني و كل واحد حسب جديته و ايمانه باهمية الدبلومة نفسها و انا واثقة لو حد دخل الدبلومة و هو واثق انها حتفيده فهو حيستفيد فعلا..
بالنسبة للدورات التدريبية لو كانت تابعة للازهر او فلنقل لوزارة التربية و التعليم حتكون برضه سيئة التنظيم و السبب انهم مش حيصرفوا عليها بضمير و سبب آخر عدد المعلمين الكبير جدا..
خيار آخر و هو انها تكون "دورات تدريبية خاصة" ياخدها المعلم على حسابه الخاص برة و ده حيكون مكلف كمان زي الفرق بين اللي اخدوا الدبلومة التربوية خارج برنامج التأهيل التربوي التابع للازهر و بين من حصلوا عليها من برنامج التأهيل التربوي..فرق في الوقت و المال..

[Sally82]

بالمناسبة انا حاصلة على منحة وزارة الاتصالات (9 شهور) و دي شاملة دورة تدريبية للانجليزي و اخرى للتنمية البشرية الى جانب التخصص الاساسي و هو البرمجة
طبعا الازهر مش معترف بيها
بس من فترة جاء موجه من المنطقة الازهرية غير الموجه اللي بيجي لي كل مرة - مش عارفة الفرق بصراحة -..ساعتها اتخضيت لان الزيارة كانت مفاجأة و كنت في في الانتداب في المعهد التاني و اضطريت اروح له مخصوص بعد نهاية اليوم الدراسي
المهم ساعتها سألني عن شوية بيانات و من ضمنها الشهادات اللي انا حصلت عليها.. ممكن لو حد يعرف ده مهم في ايه و الا هو مجرد شغل روتيني!!

[عبدالجليل الامام]

والله مش عارف المدرس المفروض يحط الامتحان ويراقب ويصحح ولا يذاكر ويهان بالامتحان

[Hamada Radwan‏]

صحة القول أو الحديث المشهور بين الناس .اطلبوا العلم من ا لمهد ..هذا الاثر لايصح سندا اهل العلم على انه ضعيف بل منهم من قال انه موضوع يصح فى هذا الامر قول الامام احمد .مع المحبرة الى المقبرة .اختاه انا لم اقلل من مكانة اى علم لكن بالضوابط

[mr_nasser2011]

اولا ان كلية التربية كانت زمان ولكن اليوم بتخرج مدرسين هم نفسهم عاوزين يتاهلوا تربويا وان اى مدرس قديم ولة خبرة فى مجال التدريس يعلم جيدا الاساليب الحديثة فى مادتة وبيطور نفسة

[mr_nasser2011]

بطلوا فلسفة

[Sally82]

المشاركة الأصلية كتبت بواسطة mr_nasser2011

اولا ان كلية التربية كانت زمان ولكن اليوم بتخرج مدرسين هم نفسهم عاوزين يتاهلوا تربويا وان اى مدرس قديم ولة خبرة فى مجال التدريس يعلم جيدا الاساليب الحديثة فى مادتة وبيطور نفسة

بيعرفها ازاى؟؟ ..اغلب المدرسين مش بيعرفوا غير السبورة و اللوح كوسائل تعليمية