معلومة بسيطة عن الراتب

[أ / نادر النقاش]

نفسى أشوف تعليم بدون غش ، إحنا قرفنا من المبررات الفارغة ، زى.. يعنى هيطلعوا دكاترة !!!!! يعنى هينجحوا و يلاقوا شغل !!! ياخى حرام عليك خلى قلبك حنين ...... خليهم يغشوا دول زى ولادك.. انت معندكش ضمير العيال مكتبتش حاجة !!!! كأن علشان يكون عندى ضمير لازم أغشش أو أسمح بالغش ، سبحان الله الآية اتلقبت ، كنت راكب فى سيارة و فجأة جاء طالب فى الثانويةو قال لشخص يعرفه فى السيارة إنه جاى من الإمتحان فسأله شخص عن حال الإمتحان فبدلا من أن يتحدث عن مستوى الأسئلة قال . زفت قال له ليه .. قال أصل ربنا واعدنا بشوية مراقبين رم..... شدين علينا اللجنة .. فقال شخص آخر أنا براقب ثانوية فى المنصورة .. فسأله الطالب بسرعة .. و بتشد اللجنة ؟ فرد الشخص معرفته... لأ دا شكله راجل يعرف ربنا .. سيماهم على وجوههم ! فاستغربت و قلت لهم هو علشان اعرف ربنا يبقى لازم أغشش ؟ فبدأوا يسردون لى المبررات الفارغة السابقة ، فقلت لهم شيلاه يا ثورة ... دا لازم قبل كل شىء نعمل ثورة على العادات السيئة فى داخلنا و أولها الغش حتى ينصلح التعليم و يجب أن نبدأ بعودة المبادىء الأساسية فى حياتنا و نعرف الناس أن من يمنع الغش هو من يعرف ربنا و ليس العكس !

[سامح فتحى خليل]

المدرس أوالمدرسة إللى بيغششوا فى مدرستهم وخصوصا فى امتحانات النقل بيقلوا فى نظرالطلبة ومابيحترمهمش

وفى مدرسين كتير للاسف مفكرين أن كده الطالب حيحبه _ أما خارج المدرسة فالغش لعدة اسباب من ضمنها إن مافيش أمن كافى فى اللجان لحماية المدرس من الأعتداءات ورئيس اللجنة مابيحميش حد . أما الغش إللى على أصوله فهو فى الأزهر ويمارس بعنف والمدرس إللى مابيغشش مكرررررروه جدا . عشان كده طالب الأزهر مستواه ضعيف جدا .

[فوزى عبده]

المشاركة الأصلية كتبت بواسطة أ / نادر النقاش

نفسى أشوف تعليم بدون غش ، إحنا قرفنا من المبررات الفارغة ، زى.. يعنى هيطلعوا دكاترة !!!!! يعنى هينجحوا و يلاقوا شغل !!! ياخى حرام عليك خلى قلبك حنين ...... خليهم يغشوا دول زى ولادك.. انت معندكش ضمير العيال مكتبتش حاجة !!!! كأن علشان يكون عندى ضمير لازم أغشش أو أسمح بالغش ، سبحان الله الآية اتلقبت ، كنت راكب فى سيارة و فجأة جاء طالب فى الثانويةو قال لشخص يعرفه فى السيارة إنه جاى من الإمتحان فسأله شخص عن حال الإمتحان فبدلا من أن يتحدث عن مستوى الأسئلة قال . زفت قال له ليه .. قال أصل ربنا واعدنا بشوية مراقبين رم..... شدين علينا اللجنة .. فقال شخص آخر أنا براقب ثانوية فى المنصورة .. فسأله الطالب بسرعة .. و بتشد اللجنة ؟ فرد الشخص معرفته... لأ دا شكله راجل يعرف ربنا .. سيماهم على وجوههم ! فاستغربت و قلت لهم هو علشان اعرف ربنا يبقى لازم أغشش ؟ فبدأوا يسردون لى المبررات الفارغة السابقة ، فقلت لهم شيلاه يا ثورة ... دا لازم قبل كل شىء نعمل ثورة على العادات السيئة فى داخلنا و أولها الغش حتى ينصلح التعليم و يجب أن نبدأ بعودة المبادىء الأساسية فى حياتنا و نعرف الناس أن من يمنع الغش هو من يعرف ربنا و ليس العكس !

المبررات لعدم الغش أقوى

1. كل طالب ياخد حقه.
2. أنا عايز ربنا يبارك في رزقي وأكل ولادي لقمة حلال.
3. اللي بيغش بيضيع واللى بيسقط بيتعلم صنعة تنفعه.
4. ليس من وظيفتنا تقسيم الرزق فمن عمل استحق ومن لم يعمل لايستحق.
5. النبي قال " من غشنا فليس منا" ولم يقل اللي يسقط العيال ليس منا.

قارن واختار

[احمد 112233]

طب فى انجلترا بيتم تقسيم الطلبة على حسب مستواهم العلمى يعنى الضعيف ياخد شوية علم صغيرين ويمتحن فيهم اما الطلاب اللى مستواهم كويس بردة ياخد امتحان على مستواة وفى الاخر كلة بينجح ومن غير غش لان الطالب داخل وعارف ايةاللى فى الامتحان اما عندنا فحدث ولا حرج عن صعوبة الامتحان والفذلكة فى الاسئلة 0000000انا مش بقول بكدة عشان احلل الغش بس اعتقد ان دة سبب وجود الغش بكثرة فى مدارسنا 0000ياريت المسئولين بقى عن المناهج يفهمو كدة ويغيرو بقى حرام الفذلكة دى على الطلبة حرام

[nuor0000]

انا كنت بشتغل فى مدرسة المدير مكانش بيطلعنى لجان علشان مكنتش بغشش....لحد ما مشيت من المدرسه ايه رئيكوا

[منار على]

المشاركة الأصلية كتبت بواسطة nuor0000

انا كنت بشتغل فى مدرسة المدير مكانش بيطلعنى لجان علشان مكنتش بغشش....لحد ما مشيت من المدرسه ايه رئيكوا

عادى جدا دا الطبيعى اللى بيحصل مع اللى مش بيغششوا او يدخلك لجنه هو فاقد فيها الامل دا السائد بس احسن على ان المدير يحطك فى البلاك لست ويقرفك وزمايلك يعتبروكى حاجه غريبه انا ساعات بحس ان الطبيعى ان العيال تغش واللى مش طبيعى انهم ميغشوش وضع غلط الناس اتعودت عليه والاسباب متعدده كل واحد وعنده سبب انا عن نفسى مره زميلى قالى اطلعى غششى العيال فقلتله ماليش فى المواضيع دى بعد اللجنه كان متعصب اوووووووووووووووووى وبيقول هما ايه المدرسين دول يهود ومفيش فى قلوبهم رحمه ولقيته بيقولى لو العيال سقطت زمبهم فى رقابتك كانى انا المسؤله عن سقوطهم قلتله بمنتهى البساطه لو انت شايف ان الغش حلال يبقى معاك حق لكن انت اكتر واحد عارف ان الغش حرام وعيب جدا لما تبقى مدرس محترم تدخل تدرس للعيال من غشنا فليس منا وتكون اول واحد يدخل يغششهم فى اللجان فياترى منظرك هيبقى قدامهم ايه بجد انا بستغرب من المدرسين اللى بيحللوا الحرام عشان يرضوا الناس ويغضبوا ربنا ومش كدا وبس دول كمان بيساعدوا على ان يطلع للمجتمع عضو اللى اتعلمه فى المدرسه هو ازاى يبقى غشاش وملتوى ومنعدم الضمير وكداب لان الطبيعى جدا لما يفضل المدرس يقول من غشنا فليس منا ويكون اول واحد يدخل يغشش انه هيبقى فى نظر الطالب الفاهم منافق بيقول حاجه وبيعمل حاجه تانيه وكداب وبيعلمه ازاى يطلع غشاش وبيكون المدرس دا اساسا غير جدير بالاحترام يعنى بمعنى ادق المدرس اللى بيغشش بيعمل جريمه فى حق الطالب لان المفترض ان وزارتنا وزاره التربيه والتعليم يعنى تربيه قبل تعليم فالغش بيتعلم منه الطالب ازاى يبقى منافق وغشاش فى مجتمع اكتفى جدااااااااااا من النماذج يعنى لمنها المدرس اللى بيغشش هيعلم الطالب علم ولامنها هيساهم فى انه يكون انسان صادق مع نفسه وفى افعاله يعنى بيطلعلنا انسان غشاش ومفيش اى قيمه للعلم فى نظره وفيه من المدرسين بيعتبروا الغش دا خدمه انسانيه على اى اساس انا نفسى افهم خدمه انسانيه دى على اساس ان ربنا حلله ولا على اساس انه يرضى الناس اللى حواليه يعنى بيغضب ربنا وبيدمر طالب ممكن جداكان يكون انسان كويس عنده قيم لو المدرس دا كان قدوه حسنه ليه وفى كل الاحوال الغش مش بينفع يعنى الطالب اللى بيغش نهايته انه هيقف عند حد معين وممكن يطلع يشتغل اى شغلانه فهل الافضل ليه انه يبقى نجار مثلا صادق مع نفسه وفى تعاملاته ولا يبقى نجار غشاش ومنافق يعنى المدرس اللى بيغشش كمان يعتبر خاين للامانه اللى بين اديه لعرف يعلمها علم ولا حتى عرف يطلع انسان صادق مع نفسه وتعاملاته لانه مش اكتر من قدوه سيئه غير جديره بالاحترام

[فوزى عبده]

منع الغش أصبح مطلب ناس كتييييييييييييييير شوف الرابط ده

http://www.facebook.com/pages/%D9%84%D8%A7-%D9%87%D8%BA%D8%B4-%D9%88-%D9%84
%D8%A7-%D9%87%D8%BA%D8%B4%D8%B4-%D9%88-%D9%84%D8%A7-%D9%87%D8%B3%D9%85%D8%AD-%D8%AA%D8%A7%D9%86%D9%89-%D8%A8%D8%A7%D9%84%D8%BA%D8%B4/204124182963035?sk=wall#!/pages/%D9%84%D8%A7-%D9%87%D8%BA%D8%B4-%D9%88-%D9%84%D8%A7-%D9%87%D8%BA%D8%B4%D8%B4-%D9%88-%D9%84%D8%A7-%D9%87%D8%B3%D9%85%D8%AD-%D8%AA%D8%A7%D9%86%D9%89-%D8%A8%D8%A7
%D9%84%D8%BA%D8%B4/204124182963035?sk=wall

[محمدعبدالرحمن محمد]

كان نفسى يكون التغيير بد بعد الثورة ونعنل حملة لمنع الغش لكن للأسف محصلش

[فوزى عبده]

المشاركة الأصلية كتبت بواسطة محمدعبدالرحمن محمد

كان نفسى يكون التغيير بد بعد الثورة ونعنل حملة لمنع الغش لكن للأسف محصلش

ايه المانع بس.... ايدك معانا

[صفاء عزمى]

لابد من مواجهة كارثة الغش بقوة لانها عدو مصر الاول
لابد ان يعلم كل مدرس بيغشش انه خائن الامانة وانة ماله حرام وانه بيدمر مصر
كل مشاكلنا بسبب الغش
لو غششت حد في ثانوية شوف ظلمت ما لايقل عن 800 الف طالب

[maths city]

من غشنا فليس منا

[sahar2012]

الكارثة ان الأهل أيضاً يشجعون أولادهم على الغش ...الكل يعتبر هذا فهلوة وحق مكتسب إنها كارثة بكل المقاييس لإنها تدمير وضياع للقيم والضمائر وضياع لحقوق من تعبوا واجتهدوا ...الحل هو الرجوع للدين بالمدارس والبيت والإعلام هو ده الحــــــــــــــل صحيح حيأخذ وقت لكن هذه الخطوة لازمة جداً لإنقاذ ما يمكن إنقاذه

[IMG][/IMG]

[فوزى عبده]

نفسى أشوف تعليم بدون غش

[فوزى عبده]

زوار الموضوع 963 والذين قاموا بالرد 25
يعني اللي مش شايفين الغش مشكلة كبيرة 938
ودى هى المشكلة

[حنان حلوة]

المشاركة الأصلية كتبت بواسطة فوزى عبده

زوار الموضوع 963 والذين قاموا بالرد 25
يعني اللي مش شايفين الغش مشكلة كبيرة 938
ودى هى المشكلة

انت فرحان هو فين المرتب شاور عليه كده
انت بتأخذ كام
بتصرف كام
انت بتشتغل مدرس