تجارة انجليزى؟؟

[angelaya7]

طيب هو مجموع الانجلش نفسه بيفرق من جامعة لجامعة بالرغم من ان في تسجيل الرغبات الكومبيوتر قبل مجموع الانجلش عندي وفتحلي الكليات شعبة الانجلش

[زملكاوى للأبد]

المشاركة الأصلية كتبت بواسطة angelaya7

طيب هو مجموع الانجلش نفسه بيفرق من جامعة لجامعة بالرغم من ان في تسجيل الرغبات الكومبيوتر قبل مجموع الانجلش عندي وفتحلي الكليات شعبة الانجلش

طبعا بيفرق وخصوصا فى الجامعات المشهوره زى الإسكندريه وعين شمس والمناطق دى بس من التنسيقات اللى فاتت هما حوالى 3 جامعات بس هما اللى بيرفعوا فى مجموع الإنجلش شويه بقية الجامعات بقى بتاخد إن يبقى الطالب جايب أقل شىء 40 من 50 فى الإنجلش
تانى حاجه التسجيل ده ما هو إلا عرض للكليات الموجوده فى مصر وبس يعنى مش معنى إن موجود فى الرغبات تجاره إنجلش يبقى أتقبل تجاره إنجلش يعنى مثلا فى طالب جايب 80 فى الميه وبيلاقى قدامه فى التسجيل سياسه واقتصاد وإعلام وألسن عادى مع إنه مش هيلحقهم لكن موجودين.

[angelaya7]

انا فاهمة بس التنسيق الالكتروني دلوقتي اختلف بمعنى انو بيشوف مجموع الانجلش عندك لو قبل بيفتحلك كل الكليات شعبة الانجلش زي الاقتصاد والاعلام والحقوق والتجارة ولو مقبلش مبيفتحهاش اصلا وده حصل مع صحبتي كانت جايبة 40 في الانجلش مرضاش يفتحلها اي كلية شعبة انجلش كذلك الفرنساوي انا جبت فيه 48 مرضاش يفتحلي تجارة او حقوق فرنساوي

[nrmeen]

انا هدخل تجارة انجلش هى صعبة يا جماعة وايه موادها

[زملكاوى للأبد]

المشاركة الأصلية كتبت بواسطة nrmeen

انا هدخل تجارة انجلش هى صعبة يا جماعة وايه موادها

بتختلف من جامعه لتانيه والله أعلم

[اينشتاين العرب]

طب بالنسبه ليا انا علمي رياضه جبت في تانيه 81.2 وفي تالته 97 والمجموع الكلي 89.13 و جايب في الانجليزي 44/50 والمجموع الاعتباري 406 تفتكروا الحق تجاره انجليزي ؟؟؟ وجامعه ايه ؟؟؟

[زملكاوى للأبد]

المشاركة الأصلية كتبت بواسطة اينشتاين العرب

طب بالنسبه ليا انا علمي رياضه جبت في تانيه 81.2 وفي تالته 97 والمجموع الكلي 89.13 و جايب في الانجليزي 44/50 والمجموع الاعتباري 406 تفتكروا الحق تجاره انجليزي ؟؟؟ وجامعه ايه ؟؟؟

إنت الكومنت بتاعك ده منتشر فى المكان هههههههه
على العموم إن شاء الله تلحقها دى واخده من ادبى من 83 فى الميه تقريبا يبقى إنت 89 ومش هتلحقها حتى ولو علمى إن شاء الله تدخلها

[اينشتاين العرب]

المشاركة الأصلية كتبت بواسطة زملكاوى للأبد

إنت الكومنت بتاعك ده منتشر فى المكان هههههههه
على العموم إن شاء الله تلحقها دى واخده من ادبى من 83 فى الميه تقريبا يبقى إنت 89 ومش هتلحقها حتى ولو علمى إن شاء الله تدخلها

معلش يا عم زملكاوي ده انا زملكاوي زيك :]
اصل انا قلقان اوي وانت عارف الشعور ده في التنسيق عامل ازاي وشكرا ليك وربنا يطمنك

[زملكاوى للأبد]

المشاركة الأصلية كتبت بواسطة اينشتاين العرب

معلش يا عم زملكاوي ده انا زملكاوي زيك :]
اصل انا قلقان اوي وانت عارف الشعور ده في التنسيق عامل ازاي وشكرا ليك وربنا يطمنك

لا ولا يهمك أنا بحب أهزر أوقات بس وكويس إنك زملكاوى أول ما تدخل الكليه بقى يبقى ليا ساقع عندك وإن شاء الله ربنا يوفقك وتدخل الكليه اللى بتتمناها

[Moshta2]

ياريت اعرف طريقه المذاكره فيها لأني طول عمري بدرس المواد بالعربي
وهل كل المواد انجليزي ولا في مواد عربي
في انتظارك

[زملكاوى للأبد]

المشاركة الأصلية كتبت بواسطة moshta2

ياريت اعرف طريقه المذاكره فيها لأني طول عمري بدرس المواد بالعربي
وهل كل المواد انجليزي ولا في مواد عربي
في انتظارك

والله دى بتختلف من جامعه لتانيه عندنا فى المنصوره مثلا بتاخد كل ترم ماده أو مادتين عربى والباقى كله إنجلش وبما إنك متعود تذاكر بالعربى عادى هى طريقة المذاكره بما إنك لسه داخل أولى إنك تحول الإنجلش لعربى وتفهمه بعد كده هتتعود ومش هتحتاج الطريقه دى

[رحاب ريرى]

انا جايبة ف الانجليزى 80% ممكن يقبلونى ولا لا وانا مجموعى82.5 هلحق تجارة انجليش اقاليم و لا لا ؟؟؟؟؟؟؟؟؟؟؟؟؟؟؟؟؟ ردو عليا انا مش فهمه حاجة

[رحاب ريرى]

و على فكرة مش كل كليات تجارة انجليش نزلت مرحلة اولى فى ادبى فى 5 كليات نزلين مرحلة تانية ممكن الحق حتى جنوب الوادى ^_*

[زملكاوى للأبد]

المشاركة الأصلية كتبت بواسطة رحاب ريرى

و على فكرة مش كل كليات تجارة انجليش نزلت مرحلة اولى فى ادبى فى 5 كليات نزلين مرحلة تانية ممكن الحق حتى جنوب الوادى ^_*

تصورى إنك إتقبلتى هل هتقدرى تكملى الأربع سنين فى جنوب الوادى أو بنى سويف مثلا وخاصة إنك بنت لو متصوره يبقى توكلى على الله وإن شاء الله تلحقيها