نعم .. مازلت أنسه

[مروه]

المشاركة الأصلية كتبت بواسطة zozza love

فعلا موضوع حلو

وكمان فى وقته
اصل الايام دى الشباب عاملين جروبات على الفيس تضحك بصراحه عن العنوسه

البنات عاوزه تتجوز وتعيش من غير سفره ونيش

حالياً لو شفنا البنات اللى مش متزوجين " معنسين " حتلاقي سنهم بينحصر بين 32 الى 37
طب ياريت ده بقت البنت بتحصل على لقب عانس من 27 و28 سنه
طيب لو شفتى الكام سنه دول حتلاقى ان عدد الشباب اللى اتولدوا فيها قله قليله جدا
طيب احنا حنعمل ايه بقى فى المشكله دى ؟

هما مش قليلين .. البنات هما اللى كتير

انتى بتقولى ان الشباب دلوقتى عايزين واحده مش معنسه تحت 22
اقول لك انا بقى على حاجه شفتها الايام دى كتير اوى
الشباب مش عايزين بنت معنسه
عايزين بنت تحت الـ20 سنه

صح أنا كمان والله بشوف كتير اوى من ده
واحد عنده فوق الــ 30 وعاوزه بنت تحت الــــ 20
يعنى ممكن عمره ضعف عمر البنت
وللأسف فى الأخر مش بيحص توافق
وندخل فى مشكلة أخطر
مشكلة الطلاق والإنفصال

طيب واللى فوق دول نعمل فيهم ايه ؟
لا الله يرحمهم بقى
وزى ما انتى قولتى البنت بتقول ظل راجل ور ظل حيطه
بس فى سبب برده فى الموضوع ده وهو الاهل
الاهل بيصعبوا الموضوع اوى
عايزين مش عارفه والشقه تكون فين والشبكه بقد ايه ؟

وأحيانا مش من الأهل كمان بس
ممكن من البنت نفسها أصلا
أنا مش أقل صاحبتى فلانه
لازم شبكه بكام وشقه قد إيه .....,...

وده بيخلى الشاب يسيب البيت دى ويروح لغيرها ويقول " بقى معنسه وكمان اهلها بيتشرطوا "
بس الكلام ده كان على البنات
اما الشباب المعنس بقى
ده نتيجه ان مافيش شغل
وانا شخصياً ضد المقوله دى
ازاى مافيش شغل لا فى بس انت اللى مش بتدور
لما بسمع حد يقول ان فلان قاعد على القهوه علشان مش لقى شغل بضحك اوى
ازاى مش لقى شغل ؟ امال اخواتى وجيرانى واهلهى اشتغلوا ازاى ؟
اكيددورا واكيد تعبوا واكيد فى الاول مااشتغل بشهادته
يعنى اتمرمت سنه واتنين وبعدها بقى راجل ومش اى راجل ده شغال احسن شغلانه وبشهدته
فيها ايه يعنى لما يلم زباله ولا يشتغل بياع فى محل وهو دكتور فى الاصل ؟ مش احسن ما يقعد على القهوه؟

متفقه معاكى شويه ومختلفه معاكى شويه
يعنى مافيش شاب هيلاقى وظيفة ومش هيرضى يشتغل
واحنا عارفين أزمة الوظائف عندنا فى مصر شكلها إيه
يعنى اللى بيقول فعلا مش لاقى وظيفة مش قلة تدوير على وظايف
كمان بالذات اللى بيبقى معاه شهادة كويسه ومش عارف يشتغل بيها
بيبقى منتظر يعرف يشتغل بالشهادة دى
لإن بيبقى صعبان عليه بعد التعب ده كله فى التعليم وفى الأخر يشتغل أى شغلانه ويرمى الشهادة
فبيقعد يستنى وينتظر الأمل إنه يشتغل بالشهادة دى
لكن أرجع وأقول زى ما قلتى
لما يشتغل أى شغلانه أحسن ما يقعد عاطل على القهوة

فى النهايه عايزه اقول ان احنا اللى بنعمل العنوسه اذا كان للولد او للبنت .

وللأسف لقب العنوسة بيكون من نصيب البنت فقط
لكن الولد ميعبوش تأخر سن زواجه
وهنا بقى تسمعى الكلمة الشهيرة ... بيكون نفسه
نورتى التوبيك يا عزه وبجد اسعدنى مرورك يا جميل

المشاركة الأصلية كتبت بواسطة أبوبسملة ياسر خليفة الطحاوى

بالنسبة لموضوع العنوسة وانتشارها فهو سببان لا ثالث لهما
الأول : المغاله الرهيبة جدا من أولياء الأمور فى طلبات بناتهن
الثانى : البعد عن مبدا التعدد فى الزوجات رغم أنه مبدأ إسلامى
شكرا

وجهة نظر تحترم

بس صعب جدا حصر أسباب العنوسة فى السببان دول فقط

شكرا لمرور حضرتك

[مروه]

المشاركة الأصلية كتبت بواسطة تسابيح النجوم

الزواج قسمة ونصيب
وشر لا بد منه ..
وهنيالك يافاعل الخير والسعادة ههههه
يعني شايفة انها نظرة عقيمة أصلا...
كل واحدة مكتوب نصيبة ليه الصداغ...!!
ما هو فيه رجالة بردو بتوصل ل50 ومش بيبقوا متجوزيين...!!

صح فيه رجالة بتوصل لسن الخمسين ومش متجوزين لكن ملهمش دعوه بلقب العنوسه

وصح كل واحده مكتوب لها نصيبها بس فين الأخد بالأسباب

يعنى العنوسه فى مصر دلوقتى مشكله لها اسبابها المفروض نحاول نلاقى حلول ليها

يعنى مينفعش واحد يقعد من غير شغل ويستنى رزق ربنا ويقول انا رزقى مكتوب

ميرسى تسابيح على المرور


[quote=scream angle;3723231]

المشاركة الأصلية كتبت بواسطة مروه

السلام عليكم

ازيكم يا أحلى أعضاء بأحلى منتدى

يارب يكون الكل بخير

ندخل فى الموضوع على طول

العنوسه

أشهر كلمة فى مجتمعنا دلوقتى

رغم ان الموضوع قديم وظاهر فى المجتمع بوضوح شديد

لكن
اللى خلانى اتكلم عنه حاليا
اختراع ( الفيس بوك ) رغم نادر لما استخدمه
المهم
دخلت على الفيس بوك
لقيت طلب صداقه من
ناضجة فوق الثلاثين

دخلت صفحتها اشوف مين
لقيت قايمة اصدقائها غريبه جدا
وفيها اصدقاء كتير نفس عينه
بسبوسة 29
عزباء 35
نفسى اتجوز بقى

وكتير على كدا

المهم
ده إن دل على شئ يدل على تفشي العنوسة في مجتمعنا اللي احنا عايشين فيه ( أياً كان )
وبتلاقي العانس معاملتها تختلف عن أي بنوتة حتى لو كانت فـ سنها بس متجوزة
بتلاقي زمايلها الرجالة بيتربصولها في الشغل

وزمايلها البنات ضحكاتهم الخافتة تدق عظامها

وفي أي فرح كتفها بيتخلع من كتر الطبطبة عليه

وودانها بتتهرررري من كتر كلمة عقبالك يا حبيبتي

وعنيها بتحولّ من كتر نظرات الشفقة من الأمهات والخالات والعمات

الغريب بقى
ان فئه كبير من الشباب لما يجى يدور على عروسه
رغم انه داخل على الـ 30 سنه
بس يقولك انا عاوز بنت معدتش الـ 22 سنه
ليه يا عم الحج
يرد ويقول اصل اللى فوق كدا عنست واكيد فيها عيب

وياااه بقى لو اتنين شباب ظراف لطاف خفاف كدا
اتريقوا على بنت كبيره فى السن ومش متجوزه
هتسمع العجب

وعشان كل دا
بنلاقى بنات كتير جدا جدا
لما بتوصل لـ سن 30 سنه او سن اليأس زى البعض ما بيسميه
عندها استعداد تعمل اى شئ لو هترخص نفسها حتى
بس تمسك فى اى عريس والسلام
وتردد المثل الشائع
ضل راجل ولا ضل حيطه

نيجى بقى لـ المهم
وطبعا شباب وبنات يسمعونا رأيهم

يعنى ايه عنوسه غباء يطلقوه على البنت بعد لما تخلص جامعة بسنة او اكتر من غير جواز
؟؟؟؟؟
وايه السن اللى ساعة ما توصله البنت نقول انها عانس
؟؟؟؟؟
طب ايه رأى الشباب فى البنت العانس
؟؟؟؟؟ بيسخروا منها ومحدش بيبصلها
ايه رأى البنات فى لقب عانس
؟؟؟؟؟ بيكرهوه موووووووووووووت
طيب من وجهة نظركم ايه اسباب المشكله دى
؟؟؟؟؟ الاهااااااااااااااالى ربنا يسامحهم كل واحده بنت الجيران جابت كذا انا هجيب اكتر منها لحد ما يطفش العريس

بعتذر لانى حاسه ان طريقة كلامى قاسية شوية بس ده واقع ربنا يهدى شباب وبنات المسلمين

اااااااامين يارب

ما فيش اعتذار ولا حاجه ........ كلامك مظبوط جدا

تسلمى على المرور يا جميل