|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
29-07-2011, 08:38 PM
|
||||
|
||||
تانيه ثانوي
نعمل فيها ايـــــــه ؟؟؟؟؟؟؟ كل عام وانتم الي الله أقرب 
|
|
#2
30-07-2011, 02:48 PM
|
|||
|
|||
رمضان كريم
اقتباس:
سنة تانية صدقينى سهلة اوي وممكن تجيبي فيها درجات كتير تريحك ف تالتة المهم انك تذاكرى كويس وتبقي علي علاقة قوية مع ربنا وشوفي الاجابة بتاعة الاسئلة اللى فاتت وان شاء الله تفيدك وربنا يوفقك والجميع ان شاء الله
|
|
#3
29-07-2011, 08:53 PM
|
||||
|
||||
|
السلام عليكم ..
اولا مشكوره ع الموضوع المثالي  ومبروك تخرجك من الثانوويه العامه  هي تانيه ثانوي فيها عربي ورياضه وفرنساوي وانجلش وكيمياء بس صح ياريت تطمنيني ع الكيمياء هيا الماده الوحيده اللي انا خاايف منها ألف شُكرَّ 
__________________
ما أعظم أن تكون غائباً حاضراَ ..علي أن تكونَ حاضراً غائباً
|
|
#4
30-07-2011, 02:56 PM
|
|||
|
|||
|
الف شكر ليك
اقتباس:
اولا شد حيلك وربنا يوفقك وشكرااااااااااا علي الكلام الجميل ده بالنسبة للمواد ف تانية زى مانت قولت اما الكمياء متخافش منها خالص لانها مادة حلوة بس اهتم بكل صغيرة وكبيرة فيها مش تتنطش الجداول والحاجات اللي على جنب ف كتاب المدرسة واهتم انك تحل الامتحانات كلها وياريت تحل فوق الخمسين امتحان على المنهج اخر السنة اما البداية فلازم تكون فاهم كويس انت بتعمل ايه ومتعديش حاجة كده والسلام اسال المدرس او اتناقش مع صحابك لان من وجهة نظرى كتب المدرسة فيها اخطاء علمية كتيررررررررررررررررر واهتم بيها شوية وربنا هيوفقك وعلي فكرة انا جبت 50 ف الكمياء وربنا يوفقك انت كمان ف اللى انت عايزه
|
|
#5
30-07-2011, 03:24 PM
|
|||
|
|||
|
لسلام عليكم ورحمة الل وبركاته
مبروووووووووووووووووووووووووك النجاح وان شاء الله تكوني اتوفقتي في التنسيق أنا رايحه 2 ث ان شاء الله موادي هتبقى عربي انجليزي الماني math biology يا ريت ترتبيلي المواد حسب الاهميه يعني اذاكر مين أكتر حاجه وهل الاحياء في 2 اختيار سليم ولا لا وايه المخاطر غير اني مش هعرف أكمل ريااضه ؟؟؟ هو الاحياء في رسم كتييير ؟؟ أصلي مش بعرف ارسم كويس ياريت تقوليلي أعمل اي في العربي هو و الالماني عشان مش بحبهم أوي شكرااااااااااا جدا وربنا يوفقك في الكليه
|
|
#6
31-07-2011, 10:21 PM
|
|||
|
|||
اقتباس:
انا الحمد لله صيدلة القاهرة وعقبال كل اللي نفسه فيها بالنسبة للمواد فانا كنت فرنساوى مش المانى بس ان شاء الله ربنا هيوفقك اما ترتيب المواد من حيث الاهمية بلا شك كلهم مهمين جدااااااااااااااااااااا ومينفعش نقصر ف مادة علي حساب التانية بس طبعا انتى ف 2 الموضوع سهل والمواد سهلة اوى ان شاء الله بس طبعا الاحياء هتاخد وقت اكتر من الباقي والرياضة كمان وبعدهم المانى و انجليزى وعربي علي حسب انهى انتى اشطر فيه وتاسيسك كويس فيه بالنسبة للاحياء ف 2 في ناس كتير خدوها والحمد لله ربنا وفقهم فيها جدا وكمان هتستمتعى بيها جدااااااااااااا اما الرسومات انتى مطالبة بالرسم المهم يكون واضح والبيانات عليه كاملة ونصيحتى كل رسمة تقابلك ارسميها كتير وانا كنت عاملة اسكتش فيه كل الرسومات كان حلو جدا في اخر السنة وانا براجع منه وكمان ذاكري ع الرسم هيفيدك اوى العربي فروعه كتير بس ف 2 سهل وبسيط طبعا النحو والنصوص والادب مهمين جدااا وبعدين القراءة عادية بالنسبة للالمانى فاي لغة جديدة محتاجة حصيلة كلمات كتير وفهم وحفظ القواعد والتكات اللي فيها وطبعا تهتمى بالامتحانت في كل المواد بداية من اول السنة كل حصة في الدرس ياريت يكون امتحان لمدة 10 دقايق وتاخدى الامتحانات الصعبة من صحابك واخر السنة لازم تحلى امتحانات كويس جداااااااااااا وربنا يوفقك باذن الله
|
|
#7
31-07-2011, 10:53 PM
|
|||
|
|||
|
اقتباس:
أشكرك على الرد الجميل بجد استفتد منك كتييير ,, مبروك عليكي كيليتك جميله وربنا يوفقك فيها يا رب ممكن تقوليلي اعمل اي فالانجليزي والرياضه بالمره سوري على الازعاج وربنا يجعله في ميزان حسناتك
|
|
#8
31-07-2011, 11:19 PM
|
|||
|
|||
|
اقتباس:
ان شاء الله ربنا هيكرمك بالنسبة للانجليزى زى اي لغة محتاجة حصيلة كلمات كويسة وقوية جدا وفهم الجرامر وحفظه والسنة اللي فاتت كتاب the best كان منزل قاموس صغير لكلمات اولي وتانية وتالتة كان كويس بالاضافة للملازم والكتاب الخارجى شوفيه وحاولى تجبيه لو منزلش السنة دى اما بالنسبة للرياضة انتى حلي عليها كويس جدااااااااا من كل كتاب يقابلك والدليل والامتحانات والملازم وكتاب لامى كويس فيها وكمان المعاصر بعده واهتمى بيها وربنا هيكرمك ومقيش اي ازعاج وانا تحت امرك في اي استفسار
|
|
#9
03-08-2011, 06:52 PM
|
|||
|
|||
|
اقتباس:
شكرااااا ااااا وكل سنة وانت طيبة
|
|
#10
30-07-2011, 07:15 PM
|
||||
|
||||
|
طبعا ألف مبرووك ليكى انك خلصتى السنتين دول
وطمنينا ع التنسيق بتاعك وبشكرك على مجهودك الراائع ف الرد على الأسئلة والاستفسارات انا رايحة3ث ان شاء الله وكنت أحيااء ف تانية والحمد لله جبت مجموع جمييل جداا بس كان عندى كام استفسار صغننين كده 1*بالنسبة للكميا تتذاكر من كتاب المدرسة زيها زى الأحياء ولا مش بيبقى منظم؟ وأجيب فيها كتاب الامتحان بردو مش كده؟ 2*وبالنسبة للمستوى امتحاناته بتيجى سهلة من الكتاب ولا ايه نظامه؟؟ وكنت عاوزة اعرف احنا بنستلم للمستوى كتاب م المدرسة ولا هنشترى ملخص؟ 3*بالنسبة للعربى قصة الأيام أكييد درستيها قوليلى بقى احسن طريقة أذاكرها بيها عشان كل الناس بتشتكى منها ....................... كده خلصت أسئلتى اسفة ع التطويل
__________________
 اللهم اني أستودعك ♥ قلبي ♥ فلا تجعل فيه أحدا غيرك وأستودعك ♥ لااله الاالله ♥ فلقني اياها عند الموت وأستودعك نفسي فلا تجعلني أخطو خطوة الا في مرضاتك وأستودعك كل شيء رزقتني وأعطيتني فأحفظه لي من شرخلقك أجمعين وأغفرلي ولوالدي ولجميع المسلمين يامن لاتضيع عنده الودائع
|
|
#11
30-07-2011, 07:46 PM
|
||||
|
||||
|
اقتباس:
انا زيك بردو رايحة تالتة بس كنت كيمياء وهاخد احياء باذن الله بالنسبة اللكيمياء سهلة اووووى والله وكتاب المدرسة منطم خااااااالص والامتحان مش بيخرج عنه وكتاب الامتحان اسئلة كويس اووووى فيه اسئلة كتير وجميلة اووى لان اهم حاجة من وجهة نظرى الحل الكتير انا كان معايا كتاب مندليف والمعلم بردو وكنت بزاكر من مذكرة المستر بتاعى وكتاب المدرسة بردو والعضويـــــــــــــــة تحفة احلى ما فى الكيمياء بجد .... انت بقا طمنينى الاحياء .. .لمدرس اللى انا هاخد عندو بيبدأ من الاخر من الوراثة تقريبا رايك اخد درس تانى فى الاحياء مع مدرس بيدا من الاول ولا درس واحد كفاية ؟
__________________
لا اله الا الله **** محمد رسول الله shosho top
|
|
#12
31-07-2011, 09:24 AM
|
||||
|
||||
|
اقتباس:
وشكراا ليكى على الافادة ............ بالنسبة للاحياء اطمنى خالص دى سهلة ولذيذة وهتحبيها اوى انا كنت باخد فيها درس واحد ومش خدت مرااجعة خالص وجبت49من50 المدرس اللى كنت باخد عنده كان ممتااااااااااااااز الاحياء مش مستاهلة درسين هوا واحد كفاية هوا ممكن يكون المدرس بدأ من الوراثة عشان تراجعوها كتيير بس اقولك على حاجة احسن اسالى البنات اللى كانوا بيخدوا عنده قبل كده وهما اكييد هيفيدوكى اكترر عشان عارفين نظامه وطالما المدرس ده بدا م الاخر اكييد له نظام لوحده عموما مش هتفرق خاالص م الاول او م الاخر .............. اهم حااااااجة الرسوومات لازم تبدئيها من اول السنة بمعنى ان كل ماتخلصى فصل تخدى كشكول كده وترسمى فيه الرسومات بتاعته يعنى اعملى كشكول خاص برسومات الاحياء واوعى تهمليها عشان مش تتزنقى اخر السنة واكتر بابين هتستمتعى بيهم الdna والاحسااس ولازم تراجعى باستمرار وحلى امتحانات السنين اللى فاتت آه وابقى اقرى قران قبل ماتبدأى مذاكرة الاحياء هيسهل عليكى كتيير واى استفسار ف الاحياء انا ف الخدمة .................. ومبررروك ليكى وعقبال السنة الجاية وانا وانتى نكون ف كلية واحدة باذن الله
__________________
اللهم اني أستودعك ♥ قلبي ♥ فلا تجعل فيه أحدا غيرك وأستودعك ♥ لااله الاالله ♥ فلقني اياها عند الموت وأستودعك نفسي فلا تجعلني أخطو خطوة الا في مرضاتك وأستودعك كل شيء رزقتني وأعطيتني فأحفظه لي من شرخلقك أجمعين وأغفرلي ولوالدي ولجميع المسلمين يامن لاتضيع عنده الودائع
|
|
#13
31-07-2011, 10:37 PM
|
|||
|
|||
اقتباس:
1 بالنسبة للكمياء طبعا روعة جداااااااااااااا وهتحبيها اوى وكتاب المدرسة حلو جدااااااااااا فيها طبعا فيه اخطاء بس هتعدى يعنى وكتاب الامتحان كويس جدا فيها وكمان مندليف و الماسي لو لقتيه وكشكول الاول والمعلم دول احسن حاجة 2 بالنسبة للمستوى السنة دى انا كنت احياء مستوى اولا مكنش ليه كتاب من الوزارة بس الامتحان جه مش اوى صحابي خدوه عربي وربنا وفقهم فيه عن اللي خدوا انجليزى اما كتب المستوى في بعض الكتب الخارجية لبعض المواد زى الانجليزى والعربي والباقي بيبقي ملخصات وملازم 3 بالنسبة لقصة الايام هى طويلة انا عارفة بس هقولك علي احسن طريقة لحد دلوقتى وهى انك كل فصل تذاكريه تعمليه س و ج في كشكول خاص بالقصة وياريت قبل ماتنامى تقري فيها شوية وتنامى بعدها وان شاء الله تعجبك الطريقة ده وربنا يوفقك وتحت امركم ف اي استفسار
|
|
#14
06-08-2011, 11:05 AM
|
||||
|
||||
|
اقتباس:
عقبالنا ياارب السنة الجاية انا نفسى ربنا يكرمنى وادخل صيدلة بردو دعواتك بقى وشكرااا كتيير ليكى على ردك والله انتى فعلا زى اختى الكبيرة واحلى كمان ولو ان اختى دى مبتنفعنيش بحاجة كل اما اسالها على حاجة تقولى مش فاكرة   ربنا يوفقك ويكرمك وتبقى دكتورة ف الجامعة كمان ان شاء الله وكل سنة وانتى طيبة
__________________
اللهم اني أستودعك ♥ قلبي ♥ فلا تجعل فيه أحدا غيرك وأستودعك ♥ لااله الاالله ♥ فلقني اياها عند الموت وأستودعك نفسي فلا تجعلني أخطو خطوة الا في مرضاتك وأستودعك كل شيء رزقتني وأعطيتني فأحفظه لي من شرخلقك أجمعين وأغفرلي ولوالدي ولجميع المسلمين يامن لاتضيع عنده الودائع
|
|
#15
06-08-2011, 10:57 PM
|
|||
|
|||
|
اقتباس:
الله يبارك فيكى يا مون وان شاء الله نشوفك السنة الجاية معانا ف الكلية زى مانتى عايزة وربنا يكرمك علي الكلام الجميل ده وطبعا يشرفنى انى اكون اخت ليكى ومتزعليش من اختك لانها اكيد ناسية وربنا يوفقنا جميعا باذن الله وطبعا وانتى طيبة يا جميله
__________________
دقات قلب المرء قائلة له ......... ان الحياة دقائق وثوانى. فارفع لنفسك بعد موتك ذكرها...... فالذكر للانسان عمر ثانى.
|
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 04:50 PM.
