تغيير المسمي الوظيفي

[رانيا محمود]

المشاركة الأصلية كتبت بواسطة اسماء بلال (السويس)

يا جماعة انا اتعينت ابتدائى وامتحنت ابتدائى والمؤهل اعدادى القرار دة من حقى ولا لا ولو من حقى همتحن تانى اعدادى ولا ايية

الأخت أسماء أنا من السويس وعندى نفس مشكلتك وعاوزين نجمع عدد كبير حتى نذهب للمديرية ويسمعوا لنا لأنهم بينكروا و بيقولوا مش من حقكم . الرجاء التواصل حضرتك مدرسة إيه ؟

[Mr.Hesham Shaaban]

المشاركة الأصلية كتبت بواسطة أيمن الشابوري

يا أستاذ / شعبان ابراهيم سالم
لو سمحت انت قدمت الطلبات دي فين لأني رحت عندنا النهاردة إدارة الدلنجات / بحيرة . وقالوا لي إن فيه استمارة مسمي وظيفي ومطلبوش مني الحاجات إللي انت قلت عليها دي بخصوص الصور طبق الأصل وقالوا لي إن الاستمارة حتروح في البريد علي المدارس . لو سمحت قول لي علي اللي انت عملته بالضبط خطوة خطوة .

أستاذ /أيمن الشابوري , بعد السلام عليكم , أولا انا اسمي هشام شعبان . بالنسبة لاستمارة المسمى الوظيفي لو حضرتك جيبتها وقرأتها حتلاقي الاوراق اللي انا قلت عليها مكتوبة فيها وانا صورتها بالموبايل ومرفقها في هذه المشاركة لتتاكد بنفسك وبعد ماتجيب هذه الاوراق وتختمها صورة طبق الاصل تسلمها الى مسئول التنسيق عندكم ولو سيادته معندوش فكرة عن كدة قول له في كفرالدوار عملو كدة أو تروح بنفسك تسلمها في دمنهور في المديرية ولو في اي استفسار اتصل بي على 0128598798

[خلف حلمي]

ربنا يكرمكم ، وبالتوفيق

[محمد عز123]

ربنا يسهل لية كل التعقيدات دى

[أ0محمود]

سؤال للاستاذ هشام شعبان هل هيتم توذعنا فى ادارات البحيرة من جديد أرجو الرد

[اسماء بلال (السويس)]

الأخت أسماء أنا من السويس وعندى نفس مشكلتك وعاوزين نجمع عدد كبير حتى نذهب للمديرية ويسمعوا لنا لأنهم بينكروا و بيقولوا مش من حقكم . الرجاء التواصل حضرتك مدرسة إيه ؟

انا رحت المديرية وقدمت طلب لمدير شئون العاملين واول ما شافة كأن فى زلزااااااااال وكل واحد يحدفك للتانى على العموم خليكى متواصلة معايا اعتقد انك انجليزى لان المشكلة دى تخص اللغة الانجليزية بس فانا هحاول اجمع زمايلى وانت كمان ونتفق على يوم ونقابل المدير العام بس الخوف من التوجية ردى عليا عشان نحدد يوم

[اسماء بلال (السويس)]

أستاذ /أيمن الشابوري , بعد السلام عليكم , أولا انا اسمي هشام شعبان . بالنسبة لاستمارة المسمى الوظيفي لو حضرتك جيبتها وقرأتها حتلاقي الاوراق اللي انا قلت عليها مكتوبة فيها وانا صورتها بالموبايل ومرفقها في هذه المشاركة لتتاكد بنفسك وبعد ماتجيب هذه الاوراق وتختمها صورة طبق الاصل تسلمها الى مسئول التنسيق عندكم ولو سيادته معندوش فكرة عن كدة قول له في كفرالدوار عملو كدة أو تروح بنفسك تسلمها في دمنهور في المديرية ولو في اي استفسار اتصل بي على 0128598798

لو سمحت يا استاذ هشام انت امتحنت الكادر على اية من فضلك اشرح ظروفك وقولنا على المرحلة عشان نستشهد بيكو عندنا ارجوك وضح الامور لان مديريتنا مصممة على ان الكلام دة للى امتحن كادر اعدادى بس وان لازم اجتاز دورات وامتحان طيب مش القرار دة عشان يرشحونا للدورات والامتحان ولا اية

[ام جبريل]

انا كمان يا جماعة مثل الاخت اسماء بس ادارة المطرية محافظة القاهرة وعندى نفس المشكلة مش عارفة اروح فين او اعمل ايه علشان اغير المسمى الوظيفى يعنى اسال فى الادارة مين فارجو المساعدة

[ام جبريل]

يا ريت يا جماعة لو حد يعرف الاقى الكلام ده عند مين يقولى وجزاه الله كل خير

[Mr.Hesham Shaaban]

المشاركة الأصلية كتبت بواسطة أ0محمود

سؤال للاستاذ هشام شعبان هل هيتم توذعنا فى ادارات البحيرة من جديد أرجو الرد

أستاذ / محمود انا سمعت انهم حيوزعونا على الادارات اللي فيها عجز خاصة اذا كان تخصصك فيه عجز في هذه الادارة, والله أعلم ودي صورة من القرار الوزاري .تقبل تحياتي.

[Mr.Hesham Shaaban]

المشاركة الأصلية كتبت بواسطة اسماء بلال (السويس)

لو سمحت يا استاذ هشام انت امتحنت الكادر على اية من فضلك اشرح ظروفك وقولنا على المرحلة عشان نستشهد بيكو عندنا ارجوك وضح الامور لان مديريتنا مصممة على ان الكلام دة للى امتحن كادر اعدادى بس وان لازم اجتاز دورات وامتحان طيب مش القرار دة عشان يرشحونا للدورات والامتحان ولا اية

يا أخت أسماء أنا أداب انجليزي2001 ومعايا دبلومة تربوي وعقدي مرحلة ابتدائية وامتحنت الكادر على ابتدائي واتعينت 20/7/2011 . وبعدين حتى المعينين من زمان في ابتدائي أو اعدادي وعايز ينقل مرحلة اعلى له الحق في هذا القرار الوزاري وانا مصور هذا القرار ومرفقه في هذه المشاركة. وتقبلو تحياتي

[رانيا محمود]

المشاركة الأصلية كتبت بواسطة اسماء بلال (السويس)

انا رحت المديرية وقدمت طلب لمدير شئون العاملين واول ما شافة كأن فى زلزااااااااال وكل واحد يحدفك للتانى على العموم خليكى متواصلة معايا اعتقد انك انجليزى لان المشكلة دى تخص اللغة الانجليزية بس فانا هحاول اجمع زمايلى وانت كمان ونتفق على يوم ونقابل المدير العام بس الخوف من التوجية ردى عليا عشان نحدد يوم

فعلا أنا إنجليزى و قدمت أنا وزملائى طلب للتوجيه كذا مرة لكن تجاهلنا و طلعوا غيرنا للإعدادى لكن المرة دى مش هنسكت ومش هنسيب حقنا . حضرت الطلب و عملت طلب جماعى كمان موقع من زملاء كثير لتغيير المسمى . وغدا الثلاثاء سنتوجه مع بعض الزملاء للمديرية لمقابلة أستاذ جمال باشا ثم وكيل الوزارة لو إستدعى الأمر . لو تحبى تنضمى وزملائك بكرة الساعة 9 صباحا . وربنا يوفقنا

[wmwmwm]

اخبار الدقهلية ايه

[mouiss]

يا جماعة ساعدوني أرجوكم
أنا مدرس فصل ابتدائى وتخصصي لغة عربية وعايز أحول من مدرس فصل لمدرس مادة اللغة العربية
أرجوكم أخبروني ،،، يجوز اني أحول ؟؟؟؟؟
ولو يجوز ،،،،،،،،، ايه الخطوات اللي أقوم بيها ،،،،
أرجو مساعدتى بالمعلومة ،،،،،
وجعل الله أعمالكم في ميزان حسناتكم ،،،،،،

[اسماء بلال (السويس)]

الاخت رانيا انت فيييييين