مبرووووووووووك محافظ القاهرة مضي القرار النهارده وهيكون في الادارات يوم الاحد القادم

[ميرنا حسام]

اتاكدوا ازاي من الخبر

[Moustafa22]

على فكرة يا جماعة الخبر أكيد فعلا وأنا عرفت الخبر من امبارح من مكتب المحافظ

[طه حسين رأفت]

لو الخبر أكيد يبقي مبروك لكل معلمي القاهرة ونوجه اهتمامنا الان لنيل باقي حقوقنا في زيادة المرتب

[ميرنا حسام]

اية مصدر الخبر يا استاذ مصطفى ارجو التوضيح

[احمد كابونى]

استاذ هيما مع احترامى لحضرتك مصدرك عير موثوق فيه لان انا كنت هناك قولتلك يوم الثلاثاء وكان المحافظ رافض التوقيع ونائب المستشار قالى متتعبش نفسك انت وزمايلك وتيجو كل شوية ديه اوامر وزير الماليه فاعيب يعنى انك تنيم الناس بالكلام ده انت معانا ولا معاهم ولا بتحنس نفسك بالاشاعات ديه لو معاك صورة من القرار ياريت ترفقه ولو كلامك مظبوط من هنا ليوم الاحد مش بعيده .

[حكرش]

الاستاذ بتاع الدرجات المالية معلش مبيفهمش هو فى درجات لمحافظة ومجافظة لا
قلتلكم رجالة أطفيح هتجيب الرد الاربعاء وهو حصل

[hmadawepass]

شكراً يا أستاذ هيما على هذا الخبر وعلى تعبك ونتمنى أن يكون هذا الخبر صحيح وكان لابد من المحافظ يعلن عنه مثل باقى المحافظين
وشكراً

[elngmahmed]

بحثت على كل المواقع المحافظة واليوم السابع انى الاقى الخبر التعيين مش موجود ويارب يكون كلامك صحيح
لأن أى محافظ بيعين بيقول قراره لوسائل الاعلام على طول

[احمد كابونى]

صدقتونى بقى انها اشاعات يا جماعة انا روحت وعارف اللى فيها من يوم الثلاثاء واللى يقول غير كدا يثبت بدلائل او قرار

[احمد كابونى]

فعلا يا جماعة اى محافظ بيعمل حاجة بيعلنها لوسائل الاعلام لكن اللى احنا فيه ده اسمه العوم فى مياة البطيخ وراء الاشاعات , وعامة يا استاذ هيما متشكرين على مجهودك كنا نأمل اللى انت بتامله انت كمان .

[misdodo]

على فكره مش شرط وهو محافظ اسكندريه او الدقهليه او اى محافظه بيعلن فيها
مالوزير اصدر قرار واعلنه كان حصل ايه يعنى من وقتها نتمنى لحد يوم الاحد يكون فى جديد لاما بجد انا مش هسكت لان الحق فى صفنا ولازم كلنا نعمل حاجه

[احمد كابونى]

انا شايف استاذ هيما مالى ايدو اوى من الخبر كما لو كان قاعد جنب المحافظ وهو بيمضى القرار عامة خبر انهارده بفلوس يوم الاحد يبقى ببلاش وهنشوف يااساتذه .

[احمد كابونى]

يااساتذه انا مش حاطيط استاذ هيما فى دماغى ولا حاجة استاذ هيما راجل محترم ومجتهد وكفاية انه تاعب نفسه وبيسعى وبيتحرك زى حلاتى من اجل البحث عن حقوقنا انا بحيه بجد وبشكوره بس هى الفكره كلها رد فعلى كدا لان لما روحت يوم الثلاثاء لقيت مقابله جافه من المسؤلين والمعاونين ونائب المستشار القانونى هو اللى قالى الخبر ده الله اعلم بقى ان كان صدق ولا لا فاحنا مش عارفين الحقيقة فين , لكن انا بقدم اعتزارى لاستاذ هيما لانى مقصودوش بالكلام انا اقصد اللى بيطلع الخبر والله اعلم صح ام خطا لكن انا اتمنى يكون صدق ونعدى كلنا من المحنه ديه , وشكرا ليك يا استاذ هيما ولكل من شارك واجتهد معانا .

[احمد كابونى]

ارجو الدعاء من الزملاء فى هذه الايام المباركه للاطاحه بالفساد والظلم والسرقة وقلة الضمير الذى انعدم فى هذه البلاد وليعلم كل مسؤل انه سوف يحاسب على كل مايفعله فمن يظلم نفس قبره بيكون اشبه بجهنم فما بالكم من ظلم جيل باكمله , نسالكم الدعاء ولا تنسوا حسبى الله ونعم الوكيل فالله سبحانه وتعالى قادر على كل شئ وقادر على تطهير مصر العظيمة من باقى روؤس الفساد .

[heema44]

علي فكرة المحافظ مضي القرار النهارده بتكليف من وزير التربيه والتعليم بعد اجتماعه مع المحافظين النهارده
وعشان كده مضي القرار وعلي سبيل المثال قرار تعيين معلمي الوادي الجديد صدر النهارده بعد الاجتماع خوفا من اضراب اول ايام الدراسه