معلومات هامه لكل طالب داخل المرحلة الثانويه

[حسين فراج]

بسم الله الرحمن الرحيم
اعزائى الكرام اهلا و مرحبا بكم فى منتدانا الحبيب منتدى الثانويه العامه


يسعدنى ان اقدم لكم من هذه البوابه التى كان لها الفضل على و على الكثيرين من قبل و بعد فى المستقبل ان شاء الله بعض النصائح للابناء الذين انتقلوا من مرحله الابتدائيه قصدى الاعداديه لمرحله الثانويه .
ساقولها صراحة من كل قلبى ( لكم الله يا ابناء الثانويه العامه) مرحلة الثانويه العامه تختلف كل الاختلاف عن المرحله الاعداديه لكى اكون صريح تماما معكم و سنتناول ذلك بالتفصيل الممل.
المرحله الاعداديه مع كامل احترامى نلعب و نلهو و نرقص و نطبل و نروح العيد و فى الاخر تطلع من العشره الاوائل .
المرحله الثانويه عليك ان تنسى شغل العيال بالعربى

عليك بالاتى /
1-ان تؤدى الصلاه و ان تحسن علاقتك مع الله تعالى (لا خير فى عمل يلهى عن الصلاه).
2- عليك بقراءة اذكار الصباح و المساء فهى الحصينه لك من الحسد و ما اكثره فى الثانويه العامه (فهى لن تستغرق منك سوى 10 دقائق ) واقسم بالله لن يصيبك اى شئ من الحسد .
3-ان تنسى التلفاز و اللعب و اللهو و المسلسلات و الافلام لانك لن تجد وقتا اساسا لكى تشاهد
4-ان تخصص لك جدول للمذاكره لان المذاكره العشوائى لا تغنى ولا تسمن من جوع

بالنسبه للمواد وده اللى يهمكم
سنتناول معا المواد كلها للصف الاول الثانوى
1- اللغه العربيه
تختلف تماما عن المرحله الاعداديه كما وكيفا ستجد اشياء جديده فى مادة اللغه العربيه مثل الادب و هو ستجد به صعوبه لكى اكون صريح وهو زى ما بيقولوا عليه غلس و بارد و معفن . ثم البلاغه ستجد صعوبه فى الاول ثم ستجدها شئ عادى بالنسبه لك و النصوص سيظهر بشكل جديد ايضا و الماده بشكل عام من السهل الممتنع
2-الرياضيات و هى اسهل بكتير من الاعداديه انا فى الاعدادى كنت باكره الرياضيات و لكن فى الثانويه حبيتها قوى و ستجد اقساما لها مثل حساب المثلثات و الماده بشكل عام اسهل من اللغه العربيه حتى و لو كنت ضعيف فى الاعداديه
3-اللغه الانجليزيه فهى تعتمد على الثروه اللغويه فى الابتدائى و الاعدادى و الثانوى و فهمك للقواعد
4-اللغه الفرنسيه اسهل المواد فى الثانويه العامه و اسهل من الانجليزى بكتير
5-الفلسفه ماده لذيذه جدا جدا و مضمونه فى الجيب هى فعلا دراستها ملهاش لازمه الا انها بترفع درجاتك لانها مش محتاجه فقاقه
6-الجغرافيا مثل الاعداديه بالظبط
7- التاريخ ولاول مره تشوف التاريخ سهل جدا جدا و ممتتع فهو يتحدث عن الحضارات البابليه و الفينيقيه و غيره و يتحدث عن الملوك و غيره فهو اسهل بكتير من تاريخ 3 ثانوى (الافعى)
7-الاحياء فهى ماده معقربه وغير محبوبه فى المذاكره وبتتعب فى حفظها ماده رذله
8-الفيزياء فهى وحش الثانويه العامه التى بنصحك من دلوقتى فهى ماده صعبه جدا جدا جدا. فى بداية اول خمس ست فصول ستجد انها سهله بعض الشئ وبعدها ستكشف القناع من عليها. ماده طويله و حفظها كتير و فيها مسائل سهله فى الاول لكن احذر هتلاقى القوانين كثرت و الاسئله و الدروس كل مالها بتصعب فخلى بالك و النبى.
9-الكيمياء فهو وحش الثانويه الثانى بعد الفيزياء و بارده و غلسه فى المعادلات و ايضا فيها رياضه و خلى بالك منها ايضا

و قد اتعرض لبعض النقد لكن لن اخاف فى النصيحه لومة لائم وانا مش بخوفكم من الثانويه بل اريدكم ان تعملوا بجد و اتقان لانكم جدد للثانويه العامه

و يا تعبروا و تقولوا رايكم (فلكم ارائكم و لى اراء و الحياة ظلال و اضواء) و شكررررررررررررررا