اقتراح قد يرضي المعلمين وقد لا

[alneseem]

المشاركة الأصلية كتبت بواسطة أحمد على فارس

أنت عايز تنازل مجانى للحكومة وبالتالى الحكومة ستضغط أكثر لمزيد من التنازل وساعتها سنفقد كرامتنا قبل فلوسنا
وبعدين كل واحد يقول ظروف البلد هى ظروف البلد على الغلبان بس
حضرتك مبتقولش ليه ظروف البلد على المستشار اللى بيقبض مليون جنيه
نفسى أعرف أنت بتفكر إزاى
طيب مكنا أعدنا فى بيتا وأرتحنا ولا عملنا لا وقفة ولا مظاهرة ولا غيره
إنت ليه بتخالف الإجماع وبتفتت الصف
حرام عليك يا أخى تضيع حقوق الناس

يا اخى الكريم هذه مجرد مناقشه لا تفتيت ولا اى حاجه من الكلام المحبط ده واذا اختلفنا عادى يعنى مجرد نقاش ممكن نتفق فى بعض النقاط ونختلف على البعض الاخر لا توجد مشكلة ولو اعرف ان هذا الراى سيغضبك الى هذا الحد ما كتبته على الاطلاق

[رشا رءوف]

كلام معقول وأتفق معك

[مسترا]

حل اية يا اصحاب الدروووووووووووووس الخصوصيى يا مصين دماء اولياء الامور اية الكادر دة هذا الكادر كان فى عهد النظام المخلوع ولالالالالالالالالالالالالالالازم يلغى هذااااااااااا الكادر ياظلمة كفاية حرام عليكم .

[مسترا]

انتم شغلين فى الدروس من شهر 8 ورفعتم فلوس الدروس حرام عليكم وكمان عايزين زيادة انتم ارجو من وزير المالية ان لا ينظر لهولاء الجشعة من اصحاب الدروس الخصوصية . اولياء الامور معاك يا سيادة الوزير . ولو هم مش عايزين يدرسو للطلبة فى بداية العام احنا هنقف على ابواب المدارس لكى نربى هؤلالالالالالالالالاء الجشعة واحنا وراهم والزمن طووووووووووويا . اولياء امور طلبة مصرررررررررررررررررررر الحرة

[كساب السويفى]

المشاركة الأصلية كتبت بواسطة مسترا

انتم شغلين فى الدروس من شهر 8 ورفعتم فلوس الدروس حرام عليكم وكمان عايزين زيادة انتم ارجو من وزير المالية ان لا ينظر لهولاء الجشعة من اصحاب الدروس الخصوصية . اولياء الامور معاك يا سيادة الوزير . ولو هم مش عايزين يدرسو للطلبة فى بداية العام احنا هنقف على ابواب المدارس لكى نربى هؤلالالالالالالالالاء الجشعة واحنا وراهم والزمن طووووووووووويا . اولياء امور طلبة مصرررررررررررررررررررر الحرة

معظم المتظاهرين لا يعطون دروس لانهم معلموا العاب ومجالات اما بالنسبة للدروس انت بتبوس قدم المدرس علشان يدى لابنك درس

[ayatshrf]

ما لا يؤخذ كله يترك كله
اما ان تأخذ حقك كاملا واما ان تتركه
هكذا قالها عبدالناصر
ما دام هذا حقك فلماذا التفتيت
منذ متى والحكومة صادقة فى وعدها

[كساب السويفى]

ياسادة الحكومة عاملة ودن من طين واخرى من عجين تفاوض ايه خلينا واقعيين هو حد عبرنا من الحكومة

[يوسف اسامه]

كلامك يدل على انك انسان رزين وكلنا موافقين بس يتنفذ ميكنشى وعود زائفة

[فاطمة الزهراءمحمد]

ومع ذلك لم يلتفت الينا اى حد فى الحكومة وتجاهلنا الاعلام بل وعلى العكس يحاولون اثارة الرأى العام علينا يعنى منتهى الاستهانة والاحتقار للمعلمين
وبعد كدة احنا اللى نبدأ نتفاوض من اجل التنازل التدريجى عن حقوقنا والله هيبهدلونا اكتر وهيضطهدونا اكتر واكتر وهنبقى فى البلاك ليست على اساس اننا نماريد وجشعين واعترضنا على حوافز ال25 % ومش بعيد يشلوها خالص

[عاطف رجل صالح]

لماذا لا يكون حافز الاثابة هذا العام للجميع 175% والعام القادم تكون استقرت الامور يكون 200%

[حماده رمضان 80]

الاخ اللى بيجرج يقول اروح المدرسه على الابواب اتحداك ان تسطيع ان تقف لو حصتين فى فصل واحد وسلمنى على الادب

[ثانويات]

شيلوا حرامية الوزارة اللى بيلهفوا مئات الالاف من الجنيهات وبيشاركوا على الورق فقط فى مئات اللجان ومعرفش بيشاركوا فى اجتمعاتها ازاى يمكن يكونوا سوبر بنى ادمين (سوبر حرامى)
ارجوكم شيلوا الرف

[Mr Refaat]

يا جماعة مفيش حد قلل من كرامة و قيمة المعلم غير هؤلاء الفئة اللي سأذكرهم اللي بيأخذوا فلوس حرام و يأكلوا ميزانية المدارس و مش عوزين المعلمين يطالبوا بحقهم الحلال و هم :
مديري المدارس و مديري الأدارات و مديري المديريات و وكيل الوزارة