عصام الحضري ( الي اين .........!

[The.Hero]

المشاركة الأصلية كتبت بواسطة pureheart

أسطورة الحضرى انتهت

عندك حق والله

انا خلاص حتى لو الحضري رجع الاهلي انا معدتش بحبه!!!!!

[SENDRILLA]

ياجماعه ليه كلكو باصين للموضوع من ناحيه واحده بس
يعني الحضري لو كان عارف ان النادي هيوافق كان ايه اللي هيخليه يعمل كده
الحضري من 2002 كل ما يجيله عرض النادي يرفضه طيب هو هيعمل ايه
الحضري دلوقتي عنده 35 سنه يعني كام سنه وهيعتزل وهو من حقه يدور علي مصلحته ما دام هي مش بتهم حد غيره
وبعدين العرض مش حلو اوي اه بس هو عارف انه هيتعمل معاه زي ما تعمل مع زيدان هياخدوه وبعدين يبيعوه لنادي كبير بتمن اكبر كتير وهو ده اللي الحضري عايزه مش من حبه في سويسرا يعني
وبعدين مش مهم الجماهير مش مهم النادي مش مهم اي حد لكن الاهم والده ووالدته اللي سافر من غير ما يبلغهم وده اللي زعلني بجد مش احترافه اللي انتو بتقولو عليه هروب
بس انا بقولله يا حضري راجع نفسك مش في الرجوع لا في ارضاء والديك
وللعلم الحضري قال في كل الصحف لو حق الاهلي موصلوش خلال الايام اللي جايه هو مستعد يرجع تاني
معلش طولت عليكو بس كنت عايزه اوضحلكو الصوره

[Doda&Moda]

يا جماعة لازم تعرفو ان اللى الحضرى عملة دة عين العقل
على فكرة انا اهلاوى بس عايز اقول كلمة حق
هاتولى واحد كد فى زمنا دة الاهلى سابو يحترف (غير صالح سليم )
كلهم طلعوهم اعارة سنة و رجعو تانى

و هو اصلاً قرب يعتزل
يعنى سبوة بقى يشوف الدنيا و يلم فلوس حلوة لية و لولادة


و بصراحة كنت هحترمة اكتر و اكتر لو كان راح نادى كبير قوى
بس برضة مقدرة جداً





وشكراً

[Doda&Moda]

و على فكرة فى اشاعة مش عارف ان كانت حقيقة ولا لا بتقول ان الاهلى قالة ان العرض ب 400 الف يورو و هو اصلاً ب مليون يورو


يعنى الاهلى يستاهل

[The_Relativistic200]

انا شخصيا مندهش
انى اضيع وقتى مع الحضرى واسيب كم المحاضرات اللى عندى

ال الحضرى ال
على رأى المثل
البلد ماشياها مارشيدير

[pureheart]

يعنى الاهلى يستاهل

لا الاهلى ميستاهلش كدة عاب بعدين الاهلى مبيكدبش
انت اهلاوى ولا ايه

[Rambo_Uranium]

,أللى حصل ده عيب قوووووووووووووووى من عصام الحضرى
والاهلى مش هيسيبه مهما يحصل وهيرجع تانى ويقعد على الدكه وانا لعيب كوره وعارف
غير كده هو راح نادى اقل من الاهلى بكثيرررررررررر قووووووووووووووووووووووووى
وبره مش هينجح الدورى السويسرى دده مرييييييييييض
انا عندى يلعب فى دربى فى انجلترا احسن مايلعب فى ريال مدريد
علشان الدورى الانجليزى اجمد دورررررررررررررررررى

[الجن الضخم]

المشاركة الأصلية كتبت بواسطة احمدASSA

أصبح الحارس المصرى و حارس منتخب أفريقيا عصام الحضرى هو حديث الساعة كما أطلق عليه النقاد و المحللين الفترة الاخيرة بعد رحيله المفاجىء عن القلعة الحمراء و ناديه الحالى النادى الاهلى دون إخطار أحد من الجهة الادارية و المسؤلة عن أنتقال اللاعبين الى داخل أو خارج القلعة الحمراء . سوف نطرح خلال هذا التقرير بعض الحقائق التى وردتنا من الاحاديث و البرامج الرياضية على مستوى الاعلام المصرى و لكم أنتم التحليل .

أولا ً :

بعد أدائه الرائع و الممتاز مع منتخب بلاده " مصر " فى كأس الامم الافريقية الاخيرة بغانا و التى حصد لقبها المنتخب المصرى عن جدارة و أستحقاق و كان الحضرى جزء كبير من هذا الانجاز عُرض عليه بعض العروض الاحترافية بعضها حقيقى و بعضها أكاذيب !! , قدم نادى سيون السويسرى عرض للاعب بقيمة 400 الف دولار فى نفس الوقت الذى ظهرت فيه شائعه العرض المقدم من نادى الارسنال الانجليزى و أن هناك أحد مندوبى الارسنال سوف يتواجد بالقاهرة للتعاقد مع النادى الاهلى لشراء حارسه عصام الحضرى .... و هى بالطبع أكذوبة من أكاذيب " الاعلام الرياضى " حيث صرح المدير الفنى للنادى اللندنى أنه غير مهتم و غير مبالى بضم عصام الحضرى لكبر سنه حيث أن الحارس يبلغ من العمر الان 35 عاما ً , و عودة الى العرض الخاص بالنادى السويسرى فقد تم رفضه كليا ً و نهائيا ً من الناحية المادية حيث صرح فى وقت سابق المهندس و مدير شئون اللاعبين بالنادى الاهلى " عدلى القيعى " موجها كلامه للنادى السويسرى أن قيمة هذا العقد يتم بها شراء أحد لاعبى الناشئين بالدورى المصرى فكيف يتم بها شراء لاعب و حارس كبير بقيمة عصام الحضرى .

ثانيا ً :

عقد الحضرى مع النادى الاهلى ينتهى بعد سنة و نصف و قوانين الانتقال الى أى نادى تُحتم على اللاعب أن يستمر باللعب مع ناديه حتى يحين موسم الانتقالات الرسمية المعروف فى جميع أنحاء العالم ... أما الانتقالات الشتوية فى يناير و أما الانتقالات الصيفية الحرة فى العطلة الصيفية . و أى أنتقال فى غير هذه المواعيد لابد و أن يُغرم اللاعب ماديا ً من قبل ناديه و إيقافه عن اللعب دوليا من الاتحاد الدولى لكرة القدم الـ " FIFA " .

ثالثا ً :

لم نتفاجىء عندما رأينا الحضرى فى مباراة الاهلى الاخيرة أمام نادى المصرى بدور الـ 16 من الدورى المصرى الممتاز كعادة الحضرى و لكننا تفاجئنا عندما رحل فى صمت و دون أن يشعر به أحد اليوم التالى من اللقاء متوجها الى مطار القاهرة الدولى هو و عائلته للانتقال الى سويسرا للعب مع النادى السويسرى باقى الموسم بالتحديد الاحد القادم فى مباراة الفريق بالدورى السويسرى (على لسان النادى السويسرى)..!!

رابعا ً :

خرج المهندس عدلى القيعى بالامس على قناة مودرن سبورت للتحدث الى الكابتن مدحت شلبى ليبرر له موقف الحضرى مشيرا ً الى أنه موقف قانونى 100% حيث أن الحضرى أستند الى القانون رقم 17 بلائحة القوانين بالاتحاد الدولى لكرة القدم و الذى ينص على أن من حق أى لاعب فوق سن ال 28 عاما ً أن يفسخ عقده مع ناديه فى أى وقت يرغب به بشرط تسديد المتبقى من العقد و أن يمضى نصف مدة العقد مع الفريق ... الحضرى بالفعل أمضى سنة و نصف من عقده الحالى مع النادى الاهلى و هى نصف مدة العقد بالفعل ... إضافة الى ذلك لابد لللاعب أن يخطر ناديه رسميا ً و ليس شفويا ً عن قراره بفسخ العقد قبلها بمدة 15 يوم ... و لكن هذه المرة الحضرى لم يخطر ناديه الحالى عن قراره و تفاجىء الجميع برحيله...و هناك بند آخر ينص على أن اللاعب لا يحق له اللعب فى فريقين فى وقت واحد وفى موسم واحد , حيث أن الحضرى شارك فى مباريات الدور الثانى من الدورى المصرى مع الاهلى أمام المصرى . و يذكر أيضا ً أن أحد مسؤلى التسويق بدول أوروبا أكد أن هناك بعض القوانين يتم " خرقها " حتى يتمكن اللاعب من اللعب مع ناديه المنتقل اليه .

بعد هذا التقرير نود أن نطرح بعض التساؤلات ( هى للفهم و ليس للنقد ) :

· بعض أن علم الحضرى بأنه لا يمكنه المشاركة بالدورى السويسرى الموسم الحالى..... لماذا أنتقل و ترك الاهلى و لم يكمل معه الموسم ؟؟

· هل يكفل له نادى سيون السويسرى إقامته هو و عائلته بسويسرا رغم العرض المتواضع الذى قدمه النادى و دون أن يشارك معهم بالدورى ؟؟

· هل يمكن أن تحدث "أختراقات" بالقانون الدولى لكرة القدم و نرى الحضرى الاسبوع القادم يلعب بالدورى السويسرى ؟؟

يذكر أن النادى الاهلى لم يقرر بعد موقفه من عصام الحضرى الا أنه وقع عليه غرامة مادية 500 جنيه لعدم حضوره تدريب الفريق يوم أمس دون أبداء اسباب كما جاء فى تصريح حسام البدرى

المفروض يسبوه يشوف مستقبلو والى ايه