وافق مجلس الوزراء على إقرار مكافأة شهرية للعاملين الإداريين بوزارة التربية والتعليم ع

[worker]

الاداريين بالتربية والتعليم فى بعض المحافظات يحصلون على 200% كاملة .و بهذا الخبر طمعتوهم فى50% كمان انتظروا اعتصامات جديدة من هذه الفئة لانكم لن تستطيعوا الغاء اى مليم مما يحصلون عليه الان لكى تمنحوهم 50% الا اذا كنتم عايزين تصرفوا لهم 250% وسلملى على المعلم والتعليم والدراسة والقيم وعجبى على القرارات . ولا يرد على احد ويقول ان جميع الاداريين يحصلوا على 90% او93%او خلافه. هناك من يحصل على 200% وانا لااروج للاشاعات ولكن هذه حقيقة....نرجو من السادة المسئولين وضع ضوابط محددة وعادلةللرواتب تعطى كل فئة حقها فى حياة كريمة من العامل حتى مدير المدرسة .

[عباد66]

المشاركة الأصلية كتبت بواسطة worker

الاداريين بالتربية والتعليم فى بعض المحافظات يحصلون على 200% كاملة .و بهذا الخبر طمعتوهم فى50% كمان انتظروا اعتصامات جديدة من هذه الفئة لانكم لن تستطيعوا الغاء اى مليم مما يحصلون عليه الان لكى تمنحوهم 50% الا اذا كنتم عايزين تصرفوا لهم 250% وسلملى على المعلم والتعليم والدراسة والقيم وعجبى على القرارات . ولا يرد على احد ويقول ان جميع الاداريين يحصلوا على 90% او93%او خلافه. هناك من يحصل على 200% وانا لااروج للاشاعات ولكن هذه حقيقة....نرجو من السادة المسئولين وضع ضوابط محددة وعادلةللرواتب تعطى كل فئة حقها فى حياة كريمة من العامل حتى مدير المدرسة .

اخى الحبيب اتمنى من يقوم بالتعليق على اى خبر التاكد من المعلومة قبل اعلانة فيا اخى الكريم مجموع كل الحوافز التى نحصل عليها هى حوالى 110% فقط وتم استبعاد قيمةالمكافأة حوالى83%من ال200% دون باقى العاملين بالدولة وحتى المحافظات التى وافق فيها عدد من المحافظين على صرف الحوافز لنا كاملة200% تم سحب هذا القرار وسيتم خطم هذه المبالغ ممن صرفها من المكافأة ولك وافر تحياتى

[khaledme]

بس الخبر بيقول ان الزيادة لجميع العاملين بالتربية والتعليم ....... مش الاداريين بس واللى اية

[fahdalfahd21]

هل معنى جميع العاملين بالتربية والتعليم ( كل من يعمل بالتربية والتعليم من ادارى وعامل ومعلم وغيره) ؟
او هناك معنى اخر لهذا المفهوم

[د.عبدالله محمود]

لم تتضح بعد
الله المستعان

[مصطفى جابر راشد]

ياجماعة التربية والتعليم تعتمد فقط على الإداريين وهما يستاهلو 600 فى المائة ههههه

[مصطفى جابر راشد]

ألف مبروك للإداريين

[fareslove]

امال ترشيد ايه الى بتكلموا عليه و بعد كده يقرر صرف 50 % للعاملين ايه التنماقضات دى بس بصراحه الاداريين يستاهلوا اكتر من 50 لانهم تعبانين فعلا من القعده و ده بدل قعده

[معاكم منص]

بسم الله الرحمن الرحيم
الاخوة المدرسين المحترمين لماذا كل هذا الهجوم علي الاداريين
البعض يقول ان الاداريين يحصلون علي اكثر من 200% والله العظيم انا في الازهر والحوافز 100%
يعنى اقل من التربية والتعليم ب17% ومتكلمناش
والبعض يقول علي المكافاة الشهرية المقدرة ب50% من شهر يناير القادم انها بدل قعدة
بذمتك انت تعرف تقوم بعمل الاداري ومسؤلية الاداري دا الكرسي اللي بتقعد عليه سيادتك عهدة الادارى يعنى لو اتكسر يتحاسب الاداري مصاريف الطلبة لو نقص مليم يتحاسب الاداري مرتب سيادتك ومالياتك كلها لو نقص مليم يتحاسب الاداري لو نقص كتاب للطالب او ورق الامتحانات يتحاسب الاداري لو سيادتك مكسل وعامل مرضي ولو عايز اجازة وقصر الاداري يتحاسب وكل ما في المدرسة او المعهد الازهري عهدة الاداري ويبقي مكفي علي الملفات وغياب الطلاب وعمل كارنيهات وملفات الموظفين ومرتبات وتوريدات وان سيادتك بتدخل الحصة ........ واخر السنة تلاقي ثلاث ارباع الطلبة واخدين دور تان في مادتك لكن لو فيه حساب زي الاداري ما بيتحاسب مكانش وصلنا لهذا الحال
واخيرا
من المفترض ان كل مدرس يقوم بعمل الكاتب
ليه
علشان لما يبقي مسؤل بمدرسة ميجيش واحد زى حالتنا يغطى عليه
الاداري اللي السادة المدرسين محقرينه دا عقل المدرسة الرئيسى
بدونه الكل لايص
واتحدى مدرس ان يعرف يكتب الاجازة العارضة.........................
الرحمة........ ارحموا من في الارض يرحمكم من في السماء...........

[soleilgamila]

الأخوة الاداريين

نحن نتمنى لكم زيادة فى المرتبات

وان شاء الله مرتباتنا هتزيد فى يناير واما نشوف هيعملوا ايه لنا

ادعوا لنا انتم
وبعدين الاداريين يستحقوا كل حاجة

[alfa]

لاطبعا
هذه خمسين بدلا من 83 % التى منع صرفها

[اسامه 22]

بلاش ولعة الناس ال بتقوم الدنيا حرام البلد مش ناقصة بلا مدرسين فراخ بيضاء بلاسمرة المدرسين محترمين ولما يخرجوا هيخرجوا بس على حق فى وقت صح بلاش ندس السم فى العسل

[فرج عودة]

تفتكرو ياجماعة عندما كان يخطئ المعلم خطأ فادح كان يعاقب، فاكرين كان اية العقاب كان يتم تحويله لعمل ادارى (دعوة عامة لعمل مصيبة)

[محمدشومان]

الاداريين لهم حق باقى 200%

[BEUTEFUL2EYES]

ايه يا جماعة انتم مستكترين 50% على الاداريين ليه ده اجمالى الحافز اللى هيصرفوه بعد الزياده دى لو جت هتكون 165% مش 200% مع العلم ان تم اقرار الحافز 200% لجميع العاملين فى الدولة وبعدين مهم بيشاركو فى اعمال الامتحانات زى المدرسين فى التنظيم والمراقبة لاكن شوفو حافز المدرسين كام ده بيعدى 200% غير مكافأة الامتحانات وبعدين مع احترامى للسادة المدرسين لاكن فين المدرس اللى بيروح المدرسة كل يوم ولا بيفضل فى مقر عمله من الساعة 7,30 صباحا لحد الساعة 2 بعد الظهر إذا كان مبيروحوش فى الاجازات سواء اجازة نصف العام او اجازة اخر العام (الصيف يعنى) لاكن الادارى اللى بيقولو عليه مش مدلع كده زى المدرس وبعدين كمان لو جينا نتكلم عن الشهادات مهو فيه ادارى معاه بكالوريوس بردو وحتى لو معاه دبلوم او معهد طب مهو بيترقى فى السلم الوظيفى زيه زى اى حد دا احنا لو جينا نبص على هيكل الاجور بنلاقى المدرس اللى لسه متعين بيحصل على دخل اكبر من الادارى اللى بقالو سنين فى الوظيفة وبعدين ما انتم المدرسين اللى بتاخدو بردو دخل الادارى تحت عباءة الدروس الخصوصيه ولا انا غلطانه
على فكرة انا لست مدرسة ولا ادارية ولا امت لوزارة التعليم بصله بس الردود استفزتنى