تحذير من بعض التخصصات بكلية الهندسة لكل طلبة ثانوى

[ccna.and.mcse]

هما مركزين عليهم لانهم دول اللى منتشرين او معروفين . لكن فعلا يحاولوا يدخلوا ديكور او مدنى او عمارة و باقى التخصصات الغير مذكورة

[ccna.and.mcse]

انا مش عرفت هيحصل اية لكن الواقع بيقول كدا بالفعل عندك وفرة و بطالة فلو فضل الحال كدا بنفس الاعداد دى يبقى إذن الطلبة تحاول تبعد عن الاقسام دى و انا بقول من واقع المعلومات اللى عندى يعنى مثلا النقيب بيطالب باغلاق كلية هندسة بترول فى السويس و الاكتفاء بالتعليم الفنى مع القسم الموجود فى هندسة القاهرة حوالى 200 او 300 طالب فدول كفاية يغطوا الاحتياجات السنوية للتخصص .. و ربنا يوفقكم جميعا

[بحر_الامل]

ممكن اعرف مصدر معلومات حضرتك و منين بتجيبها

[ccna.and.mcse]

مصدر معلوماتى من موقع نقابة المهندسين و من حوار صحفى مسجل بالفيديو على بوابة الوفد أعتقد الأمر واضح

[ccna.and.mcse]

لا معتقدش وفرة يعنى فيهم بطالة و الدليل ان فى لينك الوفد هتلاقي النقيب بيقول عليهم و ذاكر بعض من هذة التخصصات
اصل المشاكل دى معروفة و كل شوية بيعملوا مظاهرات بتوع هندسة بيعملوا مظاهرات عند النقابة عند مجلس الوزراء و غيرها . لو تحبوا تشوفوا لينكات للقلق دة اجبلكم بس مش عاروز اجبلكم احباط .. انا حاولت انبهكم فقط

[ccna.and.mcse]

المقصود بهندسة حاسب ليس كلية الحاسبات و المعلومات و لكن كلية الهندسة تخصص كهرباء حاسب و دول بتوع عتاد الحاسب او الكترونيات الحاسب او الهاردوير و دول طبعا ملهمش شغل فى مصر لان مفيش تصنيع
اما كلية الحاسبات و المعلومات بتدرس هندسة البرمجيات و المعلومات و ليها شغل كتير جدا فى مصر و الدول العربية

[بحر_الامل]

المشاركة الأصلية كتبت بواسطة ccna.and.mcse

المقصود بهندسة حاسب ليس كلية الحاسبات و المعلومات و لكن كلية الهندسة تخصص كهرباء حاسب و دول بتوع عتاد الحاسب او الكترونيات الحاسب او الهاردوير و دول طبعا ملهمش شغل فى مصر لان مفيش تصنيع
اما كلية الحاسبات و المعلومات بتدرس هندسة البرمجيات و المعلومات و ليها شغل كتير جدا فى مصر و الدول العربية

يعنى من راى حضرتك

حاسبات و معلومات كويس و فيها مجال للابداع و الشغل

[amrcapo]

المشاركة الأصلية كتبت بواسطة ccna.and.mcse

المقصود بهندسة حاسب ليس كلية الحاسبات و المعلومات و لكن كلية الهندسة تخصص كهرباء حاسب و دول بتوع عتاد الحاسب او الكترونيات الحاسب او الهاردوير و دول طبعا ملهمش شغل فى مصر لان مفيش تصنيع
اما كلية الحاسبات و المعلومات بتدرس هندسة البرمجيات و المعلومات و ليها شغل كتير جدا فى مصر و الدول العربية

هو فية فرق بين حاسبات ومعلومات و ؛ علوم الحاسب


ولا الاتنين واحد بس اختلاف اسماء ؟؟؟؟؟؟؟؟؟؟؟؟؟؟؟؟؟؟؟؟ باللة عليكم حد يجاوبنى شكرا

[ccna.and.mcse]

المشاركة الأصلية كتبت بواسطة amrcapo

هو فية فرق بين حاسبات ومعلومات و ؛ علوم الحاسب


ولا الاتنين واحد بس اختلاف اسماء ؟؟؟؟؟؟؟؟؟؟؟؟؟؟؟؟؟؟؟؟ باللة عليكم حد يجاوبنى شكرا

دة الفرق بين كل التخصصات فى مختلف الكليات

أولاً: كلية الهندسة شعبة الحاسبات و التحكم الآلى:
طبيعة الدراسة: هى شعبة الكهرباء تخصص الإلكترونيات ثم تطبيق ذلك فى بيئة الحاسب الآلى (الهاردوير) بمعنى أن طالب كلية الهندسة فى هذا التخصص يدرس علوم الكهرباء و الإلكترونيات لكى يقوم بيتطبيقهما فى انتاج الحواسب و النظم الآلية و ملحقاتها فالهدف من هذا التخصص هو إخراج مهندس لتصميم و تصنيع إلكترونيات و عتاد الحاسب كالبورد و الهارد ديسك و الباور سبلاى و ملحقات ذلك و يعمل فى شركات تصنيع عتاد الحاسبات بشكل أساسي، و من المعلوم فى كليات الهندسة أن التخصصات الآتية بشكل عام (اتصالات / حاسبات / تحكم آلى / إلكترونيات) بيدرس Low Current Electrical Engineering أو ما يعرف بالهندسة الكهربية ذات التيار الخفيف.
محتوى الدراسة: أكثر من 70% من الدراسة هى دراسة للكهرباء و الإلكترونيات و بعض المقررات الأخري.
الدرجة العلمية: بكالوريوس الهندسة الكهربية أو الإلكترونية- تخصص حاسبات و نظم تحكم آلى.
القطاع بالمجلس الأعلى للجامعات (التصنيف الأكاديمي الرسمي): تنتمى كلية الهندسة بجميع تخصصاتها إلى قطاع الدراسات الهندسية بالمجلس الأعلى للجامعات.
المسمى الوظيفى: مهندس كهرباء.

ثانياً: كلية العلوم شعبة رياضيات/فيزياء/إحصاء و علوم حاسب:
طبيعة الدراسة: هى مجموعة الطبيعة (شعبة الرياضيات/الفيزياء/إحصاء) تخصص فرعى علوم الحاسب فمن المعلوم أن كلية العلوم تضم ثلاثة مجموعات رئيسية الأولى هى مجموعة العلوم الطبيعية و الثانية هى مجموعة العلوم البيولوجية و الثالثة هى مجموعة العلوم الجيولوجية حيث تضم مجموعة العلوم الطبيعية شعب الرياضيات و الفيزياء و الإحصاء و من ثم كل شعبة من هذة الشعب تحتوى على بعض بيئات العمل فمثلا شعبة الفيزياء تحتوى على تخصصات فرعية (بيئة عمل) مثل الإلكترونيات أو علوم الحاسب و كذلك الرياضيات و الإحصاء بهم تخصصات فرعية علوم الحاسب، كلية العلوم تخصص رياضيات مثلاً يدرس علم الرياضيات و يطبقة فى الحاسب الآلى و كذلك الفيزياء و الإحصاء.
محتوى الدراسة: أكثر من 70% من الدراسة هى دراسة للرياضيات أو الفيزياء أو الإحصاء و بعض المقررات الأخرى.
الدرجة العلمية: بكالوريوس العلوم - شعبة الرياضيات و علوم الحاسب أو الفيزياء و علوم الحاسب أو الإحصاء و علوم الحاسب.
القطاع بالمجلس الاعلى للجامعات (التصنيف الأكاديمي الرسمي): تنتمى كلية العلوم بجميع تخصصاتها إلى قطاع العلوم الأساسية بالمجلس الأعلى للجامعات.
المسمى الوظيفى: أخصائى رياضيات أو أخصائى إحصاء أو فيزيائي و علمت من بعض المصادر أن نقابة المهن العلمية تدعم مسمى أخصائى حاسب آلى.

ثالثاً: كلية الحاسبات و المعلومات:
طبيعة الدراسة: هى دراسة جميع علوم الحاسب و المعلوماتية و كذلك كافة العلوم الفرعية المتعلقة بذلك و ما يجد مستقبلاً في هذه المجالات، و هي تعتمد بشكل أساسي على دراسة هندسة البرمجيات و تطويرها و المعلوماتية و تتعدد فيها التخصصات و الأقسام الفرعية فبها شعب علوم الحاسب، تكنولوجيا المعلومات، نظم المعلومات، نظم دعم و اتخاذ القرار، نظم الحاسبات، الحسابات العلمية، نظم المعلومات الحيوية و هندسة البرمجيات، و غير ذلك من التخصصات الفرعية في مجالات الحاسبات و المعلومات و يجوز للكلية إنشاء شعب جديدة، لذا فطبيعة الدراسة فى كليات الحاسبات والمعلومات هى دراسة كل فروع علوم الحاسب الآلى و المعلوماتية الحالية و ما يستجد فيها في المستقبل من أقسام.
محتوى الدراسة: أكثر من 70% من الدراسة هى دراسة لعلوم الحاسب الآلى و المعلوماتية بمختلف التخصصات.
الدرجة العلمية: بكالوريوس الحاسبات و المعلومات ثم الشعبة حسب القسم (علوم حاسب، تكنولوجيا معلومات، نظم معلومات، نظم الحاسبات، هندسة البرمجيات، نظم دعم و اتخاذ القرار، الحسابات العلمية، نظم المعلومات الطبية).
القطاع بالمجلس الأعلى للجامعات (التصنيف الأكاديمي الرسمي): تنتمى كلية الحاسبات و المعلومات بجميع تخصصاتها إلى قطاع الحاسبات و المعلومات بالمجلس الأعلى للجامعات.
المسمى الوظيفى: مهندس برمجيات (كما هو منصوص عليه بمشروع قانون نقابة مهندسي البرمجيات).


فطبعا علوم مش معادلة بحاسبات او مساوية ليها و كلية علوم مفهاش قسم لعلوم الحاسب دة قسم تحت شعبة رياضة او احصاء او فيزياء تحت مجموعة العلوم الطبيعية .. و هو قسم اتعمل كدا بتغير اسم التخصص و اضافة شوية مواد اختيارى كلية علشان الطالب يقدر يشتغل و غالبيتهم او هدف التخصص يشتغل مدرس حاسب الى او مدرب كمبيوتر
و نفس الحال هندسة مش معادل بحاسبات او مساوى ليها و هدف القسم تخريج مهندس كهرباء تحكم الى و نفس الحال الكلية غيرت اسم التخصص لهندسة تحكم حاسب الى و اضافت شوية مواد كمبيوتر فى اختيارى كلية علشان الخريج يقدر يشتغل او يكون قادر على الالتحاق باى وظيفة و برغم كدا فيهم بطالة برضو

[ccna.and.mcse]

بصى حضرتك .. شوفى انتى بتحبى اية و ادخلية هيبقى أفضل و لو مش حابة حاجة دورى على اللى فيها شغل متوفر ..
مشكلة طالب الثانوى انة بيدخل كلية اما مرغم عليها من اهلة زى ما فية ناس بتدخل شرطة او حربية او طب او غيرها بسبب رغبات الاهل او بتدخلها عن عدم دراية كافية بسوق العمل و المطلوب .. خلينا ندى مثال بسيط انا مستغربلة مثلا زمايلى فى هندسة بترول اشتكوا جامد جدا انهم مش لاقيين شغل ووضع الكلية و النقيب بنفسة و وزير البترول قالك مفيش شغل ليهم و فيهم بطالة و الاقى هى اعلى كلية فى المجموعة الهندسية طيب لية كدا .. طالما فيها بطالة نبعد عنها 3 او 4 سنين لما مشكلتها تتحل و بعدين ندخلها .. لذلك انا حاولت اساعد الطلبة بالمتاح علشان الاجيال القادمة متغلطش ويدخل كلية ملهاش شغل و يرجع يقول دى بلد بنت تيت خاصة ان الدنيا بقيت مفتوحة تقدر توصل للمعلومة من اى وسيلة خاصة الانترنت

[بحر_الامل]

المشاركة الأصلية كتبت بواسطة ccna.and.mcse

بصى حضرتك .. شوفى انتى بتحبى اية و ادخلية هيبقى أفضل و لو مش حابة حاجة دورى على اللى فيها شغل متوفر ..
مشكلة طالب الثانوى انة بيدخل كلية اما مرغم عليها من اهلة زى ما فية ناس بتدخل شرطة او حربية او طب او غيرها بسبب رغبات الاهل او بتدخلها عن عدم دراية كافية بسوق العمل و المطلوب .. خلينا ندى مثال بسيط انا مستغربلة مثلا زمايلى فى هندسة بترول اشتكوا جامد جدا انهم مش لاقيين شغل ووضع الكلية و النقيب بنفسة و وزير البترول قالك مفيش شغل ليهم و فيهم بطالة و الاقى هى اعلى كلية فى المجموعة الهندسية طيب لية كدا .. طالما فيها بطالة نبعد عنها 3 او 4 سنين لما مشكلتها تتحل و بعدين ندخلها .. لذلك انا حاولت اساعد الطلبة بالمتاح علشان الاجيال القادمة متغلطش ويدخل كلية ملهاش شغل و يرجع يقول دى بلد بنت تيت خاصة ان الدنيا بقيت مفتوحة تقدر توصل للمعلومة من اى وسيلة خاصة الانترنت

اولا انا ولد
المهم انا فعلا لللاسف مش حابب حاجة معينة انا كنت حابب هندسة لان اهلى عايزنى ادخلها نظرا للاسم و لما كبرت بدات اقرا عن هندسة عشان احدد التخصص و ملقتش تخصص يشدنى و اتعب عشان اوصله

فانا اللى عايزه ددلوقتى فى تخصصى
1- يكون ليه علاقة بالدماغ يعنى ميعتمدش على الجسم او عالقوة البدنية و الجسمانية
2- اقدر ابدع فيه
3- بالنسبة للشغل فانا متيقن انه نصيب و قدر بس كل اللى يهمنى انى اكون بحب تخصصى عشان اعرف امشى فيه و ادوس فى اى حاجة تقف قدامى

انا الحمد لله مجهز عقلى انا ادوس فى اى مجال المهم عندى انى اكون بحبه و معجب بيه
فالمشكلة اللى مقابلها للاسف بعد طول بحث ( يمكن اكون ببحث غلط ) مش لاقى معلومات كافية عن نظام الدراسة و العمل فى كلية واحدة كلها مقطوعات

و بصراحة لما صدقت الاقى واحد فاهم زى حضرتك فيا ريت تستحملنى شوية

حاجة اخيرة من وجهة نظرك ايه اكتر حاجة فيها شغل متوفر

[ccna.and.mcse]

المشاركة الأصلية كتبت بواسطة بحر_الامل

اولا انا ولد
[color="rgb(255, 140, 0)"]معلش انا اسف لو كنت قولت شىء مخالف


المهم انا فعلا لللاسف مش حابب حاجة معينة انا كنت حابب هندسة لان اهلى عايزنى ادخلها نظرا للاسم و لما كبرت بدات اقرا عن هندسة عشان احدد التخصص و ملقتش تخصص يشدنى و اتعب عشان اوصله

فانا اللى عايزه ددلوقتى فى تخصصى

1- يكون ليه علاقة بالدماغ يعنى ميعتمدش على الجسم او عالقوة البدنية و الجسمانية
يعنى اية ملوش علاقة بالجسم او القوة البدنية .. ممكن توضح أكتر


2- اقدر ابدع فيه
[color="rgb(255, 140, 0)"]تقدر تبدع فية هندسة نوعا ما قوالب و قواعد و مسلمات حفظ معادلات اكتر منة فكر او ابداع
[/color]

3- بالنسبة للشغل فانا متيقن انه نصيب و قدر بس كل اللى يهمنى انى اكون بحب تخصصى عشان اعرف امشى فيه و ادوس فى اى حاجة تقف قدامى
[color="rgb(255, 140, 0)"]لازم تحدد بعض قدراتك بتحب ميكانيكا كهرباء مدنى كدا يعنى او غير ذلك
[/color]
انا الحمد لله مجهز عقلى انا ادوس فى اى مجال المهم عندى انى اكون بحبه و معجب بيه
فالمشكلة اللى مقابلها للاسف بعد طول بحث ( يمكن اكون ببحث غلط ) مش لاقى معلومات كافية عن نظام الدراسة و العمل فى كلية واحدة كلها مقطوعات

و بصراحة لما صدقت الاقى واحد فاهم زى حضرتك فيا ريت تستحملنى شوية

حاجة اخيرة من وجهة نظرك ايه اكتر حاجة[/color] فيها شغل متوفر

انا اجاباتى باللون البرتقالى .. اى استفسار انا موجود

[amrcapo]

طب معلش انا هتقل على حضرتك ؛ انا سمع ان النقابة مش هتقيد حد فى النفابة مجموعة اقل من 84.5 دا كلام حقيقى ولو حقيقى هم ممكن يرجعوا فى القرار دا وهل د من حقهم اساسا ؛ ( الثانوية العامة مش معيار لقياس مسوى الطلب ) ولو هيغيرو لقرار هم ممكن يعملو زى مريكا ( يعملو امتحان لكل طالب خريج هندسة خاص واذا نجح فية يقيدة فى لنقابة )

[amrcapo]

طب معلش انا هتقل على حضرتك ؛ انا سمع ان النقابة مش هتقيد حد فى النفابة مجموعة اقل من 84.5 دا كلام حقيقى ولو حقيقى هم ممكن يرجعوا فى القرار دا وهل د من حقهم اساسا ؛ ( الثانوية العامة مش معيار لقياس مسوى الطلب ) ولو هيغيرو لقرار هم ممكن يعملو زى مريكا ( يعملو امتحان لكل طالب خريج هندسة خاص واذا نجح فية يقيدة فى لنقابة )

[ccna.and.mcse]

المشاركة الأصلية كتبت بواسطة amrcapo

طب معلش انا هتقل على حضرتك ؛ انا سمع ان النقابة مش هتقيد حد فى النفابة مجموعة اقل من 84.5 دا كلام حقيقى ولو حقيقى هم ممكن يرجعوا فى القرار دا وهل د من حقهم اساسا ؛ ( الثانوية العامة مش معيار لقياس مسوى الطلب ) ولو هيغيرو لقرار هم ممكن يعملو زى مريكا ( يعملو امتحان لكل طالب خريج هندسة خاص واذا نجح فية يقيدة فى لنقابة )

النقابة بالفعل اصدر قرار انها مش هتقبل أقل من هندسة حكومى ب 5% لكنة قرار مخالف لان الجامعة الخاصة بيحصل على نفس درجة البكالوريوس و دة مخالف لقانون إنشاء النقابة و مخالف للدستور لان الدستور نص على المساواة فاى واحد هيرفع قضية بربع جنية على النقابة هيكسبها
اما بخصوص امريكا فهى بتمتحن اى حد مش مجرد انة اخد بكالوريوس اديلة اعتماد بالعكس امريكا فيها مهندسين محترفين يعنى بعد ما تاخد البكالوريوس تخضع لاختبارات علشان يضمنوا جودة المهندس و دول الخليج عملت كدا و قريب مش هتعتمد المهندس الا باختبارات

لكن مصر لسة نايمة اوى و مريحة و فى التراوة