مؤتمر صحفي للإعلان عن إضراب عام للمعلمين

[منتصر23]

نعم للاضراب كلنا نشارك
ما ضاع حق وراءه مطالب

[hamoo2007]

أمامك 15 يوم حتى 1/9/2012
وهذه المدة كاقية جداً فلقد خلق الله الدنيا فى ستة أيام
وبعدها إضرااااااااب عام
أصحاب الرسالات هم الأنبياء والرسل فقط وكان محمد صلى الله عليه وسلم خاتمهم
الرسالة النبيلة لن تصرف على بيوتنا واولادنا
فوقوا يااخوانا

[العلقامى]

نعم لاضراب للمعلم الفضل على سائر المهن

[elmistro83]

بلاش انهزامية وبلاش جبن وخوف نعمممممممم للاضراب لاخذ حقوقنا لان الجامعه مش احسن مننا فى حاجه والله ما هناخد حقنا طول ما فينا ناس جبنه وبتخاف كده حرررررررررررررررام

[mmar1]

نعم للاضراب كلنا نشارك

[البرشومى]

لا للاضراب فى الوقت الحالى

[البرشومى]

البلد فى حاجة للتعافى وكل سياخذ حقه الصبر يا جماعة والله لناخذن حقوقنا ولكن ليس بالاضراب فى توقيت حرج هل الرئيس د مرسي مسئول فى شهر عن اصلاح فساد حال المعلم مش من 30 سنه لا من ايام الريحانى والاستاذ حمام ثم اين الميزانية والبرلمان حرام حرام والله على دعاة الاضراب نحن نحب مصر ولن نسقطها

[أحمد على فارس]

المشاركة الأصلية كتبت بواسطة البرشومى

البلد فى حاجة للتعافى وكل سياخذ حقه الصبر يا جماعة والله لناخذن حقوقنا

كلمة الصبر وكل واحد هيأخذ حقه بنسمعها من يوم تنحى المخلوع حتى الآن أى لمدة 18 شهر وبعد عشرين سنة هنسمع منهم نفس الكلمة وأكيد اللى بيقولها مدرسين الدروس وبعضهم بيكسب أكثر من خمسين ألف جنية كل شهر وده طبعا يهمه الهدوء والصبر عشان يفضل مستقر بدخله الكبير واللى يموت من المدرسين الغلابة يروح فى داهية عنده المهم عنده الصبر
الصبر يا عيني الصبر

[ابو عبدالله2012]

وان كنت لا اؤيد الاضرابات لكنى اؤيد المطالب واتمنى من الله ان تتحقق العزة والكرامة لمصرنا الحبيبة وان يقينا الله شر الجدل والانقسامات وان نتكاتف جميعا لتحقيق نهضه تعليميه حقيقية زملائى الاعزاء ان جرح التعليم غائر ويحتاج الى اطباء حكماء يتمتعون بالصبر والفدائية والمثابرة ان الجرح ينزفففففففففففففففففففففففف !!!!!!!!!!!!!!!!!!

[MR.AYMN]

اخي العزيز الاستاذ/ البرشومي .. اغلب فئات المجتمع زادت في مرتباتها وحصلوا عليها * يا اخي لي قريب مجند في الشرطة بمؤهل متوسط ويتقاضى ضعف راتبي وانا اقدم منه بسبع سنوات يا اخي اقرب فئة لك اساتذة الجامعة الم يعلموا ان البلد لاتتحمل يا اخي احنا مللنا وتعبنا من التسويف والمماطلة ولا تتعشم خير في زيادة حقيقية مادام الاخوان على راس النقابة لقد شاركت في الاضراب العام الماضي في مدرستي ولم اجد مشاركة ممن ينتموا لللاخوان رغم انها كانت مطالب عام للمعلمين والكل يعلم لماذا. اتمنى ان اجتماع اليوم بين وزير التربية والتعليم والمالية ورئيس الوزراء يكون بفائدة والا يكون تحصيل حاصل ومخدر من نوع جديد علشان احنا شبعنا تخدير.

[حسام محمد اسماعيل]

انتو ناس فاضيه شوفو حاجه اعملوها غير الاضرابات والكلام الفاضي ده

من يطالب بحقه فى العيش الكريم والعدالة الاجتماعية يصبح فاضى...اعتقد ان صاحب تلك الافكار هو فعلا فاضى المضمون .

[حسام محمد اسماعيل]

رسالة للاخ برشومى: نحن لسنا اقل وطنية منك فنحن انتمائنا لله والوطن ولن يكون انمائنا ابدا لفئة او جماعة...انظر يا اخ برشومى قبل انتخابات الرئاسة كان العديد من الاخوة يطالبون بالاضراب ونصرة المعلم .. سبحان مغير الامور من حال لحال .. الاخ برشومى اسال نفسك لماذا تم عمل هيكلة لمرتبات الشرطة فى لحظة وبمباركة من حبايبك الاخوة برغم تقاعس الشرطة وتاريخها الاسود فى مواجهة الثورة والحريات..الاخ الكريم لماذا تم زيادة اساتذة الجامعات ..صدقنى يا اخ برشومى عزة وكرامة الوطن لن عود الا من خلال تعليم يعمل على النهضة والنمو وزيادة المهارة.. وليست النهضة تتم من القاع لخلق مجتمع بوليسى يكون عصا فى يد من ينفق عليه .

[sheer2010]

الاستاذ ابو فاخر الاضراب هيضرك فيه ايه ولا انت شغال دروس
احنا ناس غلابة عايشين بالعافية


نعم للاضراب

[رمضان شاهين]

أنا لا أعطى دروس وبرضه ما زلت أوافق على الصبر لانى حاسس انه هايكون فى جديد بس امتى ربنا ييسر الأمور .

[احمد الكنج 11]

اخى البرشومى لماذا ذات رواتب المعيدين و المدرسين و الاساتذة بالجامعات طالما نحن نمر بازمة . لماذا لم يصبر اساتذة الجامعات حتى تتعافى البلد. سيدى يبدو انك تعمل بالجامعة و مندس بيننا