وزير التعليم: انتهاء مشروع كادر المعلمين بعد العيد. والمرحلة الأولي 100%

[كاليدو]

يا اخواني عارفين الزيادة اذا حدثت تكون كام 50% علي بد ل الاعتماد ويكون الناتج 100% وهو ده مشروع الاخوان اللي كان مقدمينه في مجلس الشعب لكم الله يا معلمين مصر نفس الاسلوب الوزراء بيعملو شو اعلامي علي الفاضي والناس تقول المعلمن ببايخذو كادر

[mohamedeldery]

دى مطالب الاخوان مش مطالبنا

[abc123456789]

كلهم وجوه مختلفة لنفس عملة الخداع و الكذب و التملق للسلطة . كيف يشعر بنا قنديل أو غيرة من أساتذة الجامعات و هو يتقاضى مبلغ شهرى يعادل مرتب عام كامل بالنسبة لنا .

ماذا أنتم فاعلون ؟ إضراب

[بن الخطاب]

ياجماعه كله كلاااااااااااااااااااااااااااااااااااااااااااااااا ااااااااااااااااااااااااااااااااام البلد دى مفيش حقوق من غير اضراب .وان شاء الله يكون الحل فى مليونية 10\9

[ayman_0]

اهلا يعنى 100% اللى قالوا عليها هترسى على 50% اهلا وسهلا
انا مش عارف ايه الهبل ده
فى المرتب بتاعنا أساسى وبدل اعتماد وحوافز وكادر وفى الأخر الاقى نفسى يدوب مرتبى يحصل مرتب عامل فى المحليات على الدرجة الرابعة
وقال ايه لينا كادر خاص
واللى يخليك تتنقط ان كل وزير يجى يقول احنا زونا المعلمين 200% والتانى يقولك المدرس اول مرتب ليه 1200 جنيه علشان كده مش مكفى وبيدى درورس خصوصية ( كنت بحس انهم بيتكلموا عن مدرسين فى بلد تانى مش عن مصر )
والوزير الأخير بيقول بعد العيد هنطبق المرحلة الأولى من الكادر بزيادة نسبة 100%
انا عاوز اعرف ليه المعلمين الكادر بتاعهم الوزراء بتكلموا عنه بالنسب المئوية
هوه مينفعش يقولوا المعلم هيقبض كام صافى ولا ده حرام
على العموم ربنا يستر علينا ويغنينا من فضله يارب

[رمضان شاهين]

الكلام كويس .. لكن التنفيذ هايكون أحسن .. نعطوه فرصه ليعبر عنا .

[عبدالرازق العربى]

بارك الله فيك

[توفيق رفعت عجيز]

100% ابسطي يا بهية زادت المهية

[mohamad2012]

ده كلا م المفروض معني كادر
يعين 3000 جنيه حد ادني الغي كلمه كادر ده
لان معني كلمه كادر اتحرفت في التعليم
ارجوكم
ارجوكم ارحمونا وخلي مرتبات المعلمين زي حتي عامل في الكهرباء

[السيدالقناياتي]

عارفين هناخد كلام كتير وكذب اكتر لحد بداية الدراسة وقرب الامتحنات وبعد كدة هدوء ونرجع من الاول تاني نفس الفلم

[كاليدو]

كتبت - ياســـمين بدوي

كشفت مصادر مطلعة في تصريحات خاصة "لصدى البلد" أن الاجتماع الثلاثي الذي ضم الدكتور هشام قنديل رئيس الوزراء والدكتور إبراهيم غنيم وزير التربية و التعليم و الدكتور أحمد الحلواني نقيب النقابة العامة للمعلمين شهدت كواليسه العديد من التحاورات الخاصة بمطالب المعلمين.

وقالت المصادر إن رئيس مجلس الوزراء قال إن مطالب المعلمين مشروعه وانهم لهم كل الحق فى مطالبهم ولكنه أكد على انه لابد من جدولة هذه المطالب وان يكون هناك فترة زمنية لتحقيقها.

كما اكدت المصادر أن رئيس مجلس الوزراء طلب خلال الاجتماع من وزير التربية والتعليم أن يعمل على ترشيد الانفاق داخل وزارته للمشاركة مع وزير المالية لتنفيد الكادر الجديد للمعلمين .

و اوضحت المصادر أنه تمت الاشارة خلال هذا الاجتماع الى ان هناك ضغط من رئاسة الجمهورية على المسئولين لتنفيد مطالب المعلمين

و تعليقا على هذه الكواليس التي حصل عليها صدى البلد ، قال أيمن البيلي – وكيل نقابة المعلمين المستقلة ، يبدو أن الحلواني حضر هذا الاجتماع لكي يؤكد على تعديلات الكادر التى طرحها حزب الحرية والعدالة و التي تخلو من اى حد ادنى للاجور ى تماما مع التعديلات التي وافقت عليه حركات المعلمين بالوزارة، و نحن لن نوافق ابدا على تعديلات الاخوان ، فنحن نؤكد أن ثورتنا مستمرة و اننا لن نتنازل عن تحديد حد ادنى للاجور وليس مجرد حوافز ، فمعلمو مصر لن يقبلوا بالفتات الذي لا يغني من جوع .

أما صلاح نافع المتحدث باسم ائتلاف شباب المعلمين فقد صرح قائلا نحن نرحب بكل ما قيل داخل هذا الاجتماع ، لانه من الواضح ان هناك نية لإجابة مطالب المعلمين ، ولكننا نؤكد أننا مستمرون فى نيتنا للمشاركة في ثورة المعلم المقرر تنظيمها يوم 10 سبتمبر 2012 امام مجلس الوزراء إذا لم يتم تنفيذ كل هذه الوعود و النوايا على ارض الواقع .

[أحمد هاشم الزيدي]

أنا سمعت ان في أخبار كويسه قبل العام الدراسي الجديد

[waelfarouk]

ممكن نعرف يعني ايه الزياده 100 % ايلي فاهم يفهمنا

[هويدااحمد76]

المشاركة الأصلية كتبت بواسطة waelfarouk

ممكن نعرف يعني ايه الزياده 100 % ايلي فاهم يفهمنا

يا ريت حد يفهمنا

[amrmohamad]

بداية جيدة من الوزير الجديد