كبارية

[zizo2_2]

للاسف حال متدني للسينما المصرية فنوع المادة التي تقدم في الافلام التي تعرض ليس لها قيمة أو معنى على الاطلاق بل هيتشويه للواق وليست الواقع نفسه


انا مشفتش الفيلم علشان اقدر احكم


لكن هذا ما شاهدته في الكثير من الافلام

[sh2awa _ 91]

المشاركة الأصلية كتبت بواسطة zizo2_22

للاسف حال متدني للسينما المصرية فنوع المادة التي تقدم في الافلام التي تعرض ليس لها قيمة أو معنى على الاطلاق بل هيتشويه للواق وليست الواقع نفسه


انا مشفتش الفيلم علشان اقدر احكم


لكن هذا ما شاهدته في الكثير من الافلام

ولا انا شوفت الفيلم بس كفاية اسمه , وكفاية القصة الي اسلام بيحكيها
كارثة والله , احنا بقينا في كاااااااااااااااارثة

[dr.saeed]

الأول
أنا مش معاك فى ولا كلمه فى النقد

الفيلم معرضش غير الحقيقه بل جزء صغير جدااااً من الحقيقه إحنا فعلاً كده وصلنا للمرحله دى
واللى راح شرم ولا الغردقه ولا نزل شارع الهرم أى مكان من الأمكان اللى مشهوره بكده أكيد شاف اللى بيحصل هناك
إحنا شعب بيقول إقتصادنا من السياحه لكن إحنا شعب بيسهل الدعاره تحت غطاء السياحه
اللى جه فى الفيلم أهون كتير من الحقيقه

وفعلاً
زى ما بيقولو هى دائما الحقيقه بتزعل

إحنا أخرنا نفترج على توم وجرى عشان نضحك لكن لما نتكلم جد ونعرض الحقيقه نضايق ونقول لاء مبيحصلش الكلام ده
حاجه من الإتنين يا نظرنا ضعف ومبقناش شايفين يا إحنا عارفين وشايفين وبنستهبل
وأنا أرجح إننا بنستهبل لأن مفيش حد تايه عن الحقيقه المره اللى إحنا بقينا فيها
إحنا فعلاً
أم السواد

معاك فى كل كلمة ودة فعلا الواقع
بس انا عن نفسى مابتفرجشى على افلام لان دينى مايسمحليش بكدة

انت بتسمى ان واحد يفجر نفسه فى أى مكان حتى لو كان زفت كباريه ولا بار عملية استشهادية

انت تعرف اللى يعمل كده ميفرقش كتير على اللى كان سهران جوه الزفت ده بالعكس بتاع الكباريه على الاقل كسب الدنيا انما شيخنا خسر الدنيا والاخرة

الاخ داخل فى موضوع غلط باين!!!!!

[3olomgy]

انا ما شفتش الفيلمين بصراحة بس هعلق على نقطتين
النقطة الاولى نقطة الكباريه ...هو الكباريه ده مش بيمثل شريحة من المجتمع ؟ ولا المجتمع كله بيصلى الفجر جماعة ...انا مش مع او ضد بس انا بيعجبنى الاسلوب اللى بيركز على شريحة مجتمع معينة ويعرضهالك بكل تفاصيلها ولو تفاصيلها فيها حاجات خارجة فالسينما معمولة للى عايز يروحها مش زى التليفزيون يعنى انت بتشوف اعلان الفيلم ومنه بتقدر تحدد انت رايح تشوف ايه
النقطة التانية نقطة اقحام الدين ..يا سيدى هو الدين ده مش سمة من سمات المجتمع ؟ ازاى هعرض فيلم وماابينش فيه لمحة دينية والموقف اللى انت بتحكى عليه ده مفيهوش اى اساءة للدين ..بالعكس انا شايفه مدح للدين
دلوقتى الولد ده كان فى جماعة ارهابية وكان مطلوب منه يفجر الكباريه ولما راح الكباريه بقى عامل فيه ؛
اصلا لو هو متدين صح ماكنش فكر ييفجر الكباريه ( ولا انت شايف ان احنا نفجر الكباريهات؟ ) وبالتالى لان ايمانه ناقص فلما بقى فى حضن الرذيلة وقع فيها ..يعنى المؤلف عايز يقولك ان الدين مش كده بدليل ان اللى بيفكر فى الدين كده وقع قدام اول اغراء ؛ وبعدين السينما مش بتتعمد تشوه الدين ..مثلا لو تفتكر فيلم ((جعلونى مجرما )) لفريد شوقى كان رجل الدين انسان طيب وبشوش وهو الوحيد اللى وقف جمب صديقه
ده كان تعليقى