حرام هذا الإهمال في الأزهر !!!

[الاستاذ عوض على]

لا تتعجبوا فنحن في دولة الأزهر ، دولة ما قبل التاريخ !!!!!!!!!!

[Mr Mamdouh]

هو لسه فيه كده ----- هو ما فيش اختراع اسمه الكمبيوتر نكتب عليه نموذج الاجابة--- اقسم بالله ان هناك شباب من المعلمين فى الازهر عندها كفاءة تدير دولة -- ولكن مظلومين --- الرحمة ياااااااا رب

[asdxtiger]

معلمو الازهر يديرون دول وليس دولة نعم اما امبراطورية الازهر فلا تدار الا بالعقول الموجودة حاليا فى القطاع والمناطق الازهريةولن اقول عجبى لان الامر هكذا يدار فى الازهر للاسف وليس للعجب

[مسيو إيهاب]

فين الناس اللى عاملة تدافع عن الطيب حامل راية الاسلام ورائد التطوير بالأزهر موحدالقطرين

[MR.Mamdouh Ramadan]

ياريت شيخ الازهر يتعطف ويمن علينا ويلقى نظره على معلميه وحال المعاهد من فساد واهمال وتخبط وضياع حقوقنا
بتمنى ان فضيلة الامام الاكبر يفكر فينا ولو عشر دقائق يوميا

[Mohammad Fawzy]

المشاركة الأصلية كتبت بواسطة مسيو إيهاب

فين الناس اللى عاملة تدافع عن الطيب حامل راية الاسلام ورائد التطوير بالأزهر موحدالقطرين

وهو الطيب قال للموجهين اكتبوا نماذج الاجابة يدوى مش كمبيوتر ؟!
اين رئيس قطاع المعاهد ؟

[MR.Mamdouh Ramadan]

والله تعبنا جدا خالص فاض بينا الكيل من التراخى وضياع الحقوق

[el_massry]

المشاركة الأصلية كتبت بواسطة mohammad fawzy

وهو الطيب قال للموجهين اكتبوا نماذج الاجابة يدوى مش كمبيوتر ؟!
اين رئيس قطاع المعاهد ؟

على نفس نظريتك يا استاذ محمد فوزي :
هو رئيس القطاع قال للموجهين اكتبوا نماذج الاجابة يدوى مش كمبيوتر ؟!
وعلى نفس نظريتك : هنوصل في النهاية إلى إن الطالب هو المسئول !!!!!!!!!!!!!!!!!!!!!!!!!!!!!

[Mohammad Fawzy]

المشاركة الأصلية كتبت بواسطة el_massry

على نفس نظريتك يا استاذ محمد فوزي :
هو رئيس القطاع قال للموجهين اكتبوا نماذج الاجابة يدوى مش كمبيوتر ؟!
وعلى نفس نظريتك : هنوصل في النهاية إلى إن الطالب هو المسئول !!!!!!!!!!!!!!!!!!!!!!!!!!!!!

لا يا استاذ مصرى فيه فرق .. لما قلت فين رئيس قطاع المعاهد ده لانه المسئول الاول عن التعليم فى المعاهد الازهرية شغلته الاشراف المباشر وتطوير العملية التعليمية والامتحانات فى كافة جوانبها .. اما الطيب فمهامه اوسع واكبر من مجرد نموذج اجابة مكتوب يدوى لذلك هناك منصب اسمه (رئيس قطاع المعاهد) مختص بهذه الامور

مشكلتنا الخلط بين الامور وتحميل الاشياء اكثر مما تحتمل .. ولو كان الامر بنفس القياس اذن فرئيس الجمهورية مسئول عن حنفية المياه الخربانة فى بيت حضرتك، ومسئول عن اولادك اللى مبيذاكروش ومسئول ايضا عن اللمبة المحروقة فى مدخل عمارتك (ده طبعا على سبيل المثال)

ليه كل واحد ميشلش مسئوليته وليه نحاسب ناس باخطاء ناس تانية؟؟ الطيب مش هيصدر قرار بكتابة نماذج الاجابة على الكمبيوتر ومش هيلف على المعاهد عشان يمنع الغش ومش هيمسك مقشة ينضف بيها الاحواش والفصول .. خلينا واقعيين .. هل الموجه اللى كتب النموذج المضحك ده بايده مسمعش عن حاجة اسمها كمبيوتر؟ طب فين الموجه العام؟ فين رئيس القطاع؟ فين ادارة الامتحانات فى المنطقة؟ فين وكيل الوزارة اللى المفروض يتابع الامتحانات يوميا ويشرف على (طباعتها) والتاكد من خلوها من الاخطاااااء .... فين كل دول؟؟

لو كل واحد فينا اتقن عمله وعمل اللى عليه بما يرضى الله مش هنقول فين فلان وفين علان احنا اصحاب الدور الرئيسى واى فساد (اى فساد) مهما كان هنلاقى بداية خيطه عندنا .. والله من وراء القصد

[ابو زياد22]

كل الناس تصفق لشيخ الازهر والمنظومة الفاشلة

[ndeem55]

كل تعليقاتكم تشاركني الألم الذي ينبئ عن حقيقة واحدة ، أن الأزهر يجب أن يتطور ، وهي فريضة حتمية ، كفانا سخرية الآخرين بنا ، رغم وجود كفاءات كبيرة بين أورقة الأزهر ، ولا أدل على ذلك حضراتكم ، ومشاراكاتكم ، وإلمامكم بالتكنولوجيا ، لكن نمط الوساطة والمحسوبية والتعيين بالأقدمية البغيضة التي ترأس على جيل اليوم ،الذي قد يكون أقل علميا في علوم الشريعة أو اللغة قليلا ، لكنه أعلم بكثير بالحياة ، وبالعلوم الحديثة التي هي عماد التعليم الحديث ، التي يتوكب مع العصر الحديث ، لكن أن يجبرني الأزهر في القرن الواحد والعشرين على ارتداء جلباب المائة والعشرين في طريقته وأسلوبه في التعليم وأعيش في انفصام عن الواقع ، فلن نجد إلا هذا الفشل الكائن بالأزهر .
عندما يطالبك موجه المادة أو قيادته بالمنطقة على التزام نمط سنة 1000 في التعليم والتحضير والأنشطة اللاصفية وكتابة المنهج ...... ألخ فهذا تهريج وليس تعليم
ولا يفهم أحد أنني اقصد المحتوى التعليمي الأزهري ، لكن هذا المحتوى يحتاج لمسايرة العصرة في الثورب الذي يخرج به واللغة التي يتكلم بها ، والوسائل المعينة على الفهم

لذا أحلى تعليق وكل التعليقات طيبة ، تعليق الأخ محمد فوزي ( أن قيادتنا ترى الكمبيوتر رجس من عمل الشيطان ) فهو يرسم المأساة في حقيقتها .
امتحانات تصيب الطالب بالعقم العقلي ، لماذا لا تخاطب هذه الامتحانات الفهم عند الطلاب وليس الحفظ العقيم ؟
هل هذه الامتحانات تقيس الطالب قياسا عادلا ؟ لا والله فلا شمولية ولا عدالة ولا قياس مهارات ولا قياس فهم
كيف يأتي احتبار لسنة في موضوعين والكتاب به عشرون درسا مثلا ؟
يجب أن يأتي بمسائل من الحياة وقضايا ،من كل درس جزئية تثبت أن الطالب فاهم للدرس ولا يترك درسا واحد إلا ويأتي بنقطة منه .

[أحمدأبوأسماء]

المشاركة الأصلية كتبت بواسطة الأزهري الكرداوي

مستحيل تجد نموذج إجابة بهذا الشكل ولا في بلاد الواق واق ، ولا الهنود الحمر
لكن لا تتعجبوا فنحن في دولة الأزهر ، دولة ما قبل التاريخ !!!!!!!!!!

وبالطبع لن أتحدث عن ورقة الأسئلة وصياغتها الفاشلة ، التي تخلو تماما من أي أسس أو خصائص الورقة الامتحانية حتى في الصومال

عزيزى الازهرى هو حضرتك جديد فى الازهر ما كل سنة كده مش اول مرة كويس انك بتلاقى نموذج اجابة اصلا

[أحمدأبوأسماء]

المشاركة الأصلية كتبت بواسطة mohammad fawzy

وهو الطيب قال للموجهين اكتبوا نماذج الاجابة يدوى مش كمبيوتر ؟!
اين رئيس قطاع المعاهد ؟

يا ستاذنا الفاضل كلكم راع وكلكم مسئول عن رعيته وهل شغل المعاهد مش اهم من السياسة وبيت العيله اللى اقحم نفسه بيها وتركنا نحن المدرسين نعانى المجهول وما احلى كلامه عن المساواة بين معلمى الازهر ومعلمى التربية والتعليم استاذنا الفاضل هذا الرجل سيسأل عن التعليم فى الازهر يوم القيامة لان هذا عمله ولن يسأل عن السياسة وهل شيخ الازهر لم يدخل مرة على موقع الازهر التعليمى الذى لم يحدث من سنة تقريبا

[el_massry]

المشاركة الأصلية كتبت بواسطة mohammad fawzy

لا يا استاذ مصرى فيه فرق .. لما قلت فين رئيس قطاع المعاهد ده لانه المسئول الاول عن التعليم فى المعاهد الازهرية شغلته الاشراف المباشر وتطوير العملية التعليمية والامتحانات فى كافة جوانبها .. اما الطيب فمهامه اوسع واكبر من مجرد نموذج اجابة مكتوب يدوى لذلك هناك منصب اسمه (رئيس قطاع المعاهد) مختص بهذه الامور

ماشي ، خلينا أمشي على كلامك للآخر
دلوقتي حضرتك بتقول فين رئيس القطاع .. طالما رئيس القطاع رجل غير تربوي ولن يضيف شيء أو يغير شيء
طب هوه مين اللي عين الناس دي في المناصب دي ؟ ومين اللي مفروض يشيل الناس دي من أمكانها ، ويتم تعيين آخرين تربويين يعرفوا يديروا المؤسسة ؟
أنا مثلا ، ولا حضرتك ، ولا الطالب !

أما حنفية المياة اللي في بيتي ، فمرسي غير مسئول عنها بالطبع ، فأنا في بيتي هنا أمثل ( أعلى سلطة إدارية ) في بيتي ، فأنا المسئول عن الحنفية مش مرسي

خلينا نشوف مين ( أعلى سلطة إدارية ) بتدير الأزهر ،

بنفس المنطق ، رئيس اتحاد طلاب جامعة الازهر خرج يقول أن شيخ الازهر خدعنا ورفض إقالة رئيس الجامعة !! بعد كل ده !! بعد حالات التسمم دي كلها يرفض يقيل رئيس الجامعة !! تصدق فعلا أن الطيب مش مسئول عن أي حاجة ، وإحنا اللي نستحق الموت

[محمد احمد برهومه]

اكيد دى شفره لمدرسين الشرعى ربنا يستر على نموذج الجغرافيا لما نعلم وفى الاخر ينزل منشور ويقول مش هنقبل النتيجه كمبيوتر مش عاوزين حد احسن منهم