إلى الأستاذ أشرف مدير الموقع

[الامير عبده]

وانا كمان ليا راى
الاستاذ عبدالعظيم (zizo_2)انا مش عارف هو مامسكش اشراف فلاسفه تحت التمرين ليه مع انه هو الجدير بهذا القسم
مع احترامى طبعا للمشرفين على هذا القسم وبعدين هو كان مترشح لهذا القسم
تانى حاجه والغريبه فى الانتخابات ان ميدو (msmido)مامسكش اشراف طب دا يبقى عدل وبعدين ميدو عضو مشعايز اقول متميز
لان كلمة متميز قليله عليه لانه متميز جدا وبيدخل المنتدى كتير وردوده جميله وموضوعاته اجمل
وعايز اقول حاجه فى اعضاء لسه داخلين المنتدى قريب وتلاقيهم مسكين اشراف وكمان اشراف قسمين مش واحد
فعلا ميدو والاستاذ عبدالعظيم اجدر من اى حد فى الاشراف مع احترامى للمشرفين.

والكل فى انتظار رد الاستاذ اشرف

[Flower]

فعلا انا شايفه فيه ناس كتير يستحقوا الاشراف طبعا zizo

وياريت استاذ اشرف يوضحلنا اللي حصل ده..

وبرضه msamido انا شايفه انه من انشط الاعضاء ولم يتولي الاشراف علي اي قسم!!!

واستاذ pasuoo كما قال انه دارس للغه العربيه وكان متواجد في قسم الادب

نريد التفسير...

[katkoutelwady]

استاذ عبد العظيم اعتقد بعد كل الكلام ده يبقى ما فيش داعى للزعل من النتيجة لان الكل زى ما انت شايف مستغرب اللى حصل
بس دلوقتى الغريب فعلا دلوقتى ان الاستاذ اشرف لسه ما ردش علينا مع ان الموضوع لو كان على اساس المفروض كان وضحه
انما ماقدامناش بقى غير ان احنا ننتظر مع اصرارى على رفضى التام لهذه النتيجة بأى شكل من الاشكال ولاى سبب كان
انما بردو من حق الاستاذ اشرف انه يقول وجهة نظره
وان شاء الله خير

[اينشتاين]

مستنيين رد استاذ اشرف
لان كده فيه علامة استفهام كبيرة

[msamido]

الاول يا جماعه كما ذكرت مسبقا في مشاركه اولي لي في هذا الموضوع ان الاستاذ عبد العظيم يستحق ولا شك ان يكون مشرفا لقسم فلاسفة تحت التمارين


اما الاستاذ بسيوني فأقول له حمدا لله علي سلامتك استاذنا وبالفعل افتقدناك في فترات غيابك

اما موضوع اشرافي فأنا بالفعل لم ارشح نفسي للاشراف لاني لا أرغب فعليا في الاشراف فشكرا جزيلااا لكل من رشحوني وتسائلوا عن عدم اشرافي

وفي النهاية انا اتفق مع دعاء في تفسيرها لعدم وجود اي تصويت في الانتخابات فلم يتقدم للترشيح من الاعضاء من يتنافس علي الاشراف في قسم معين
ولكن مازال موضوع مشرف لكل قسم فرعي ومعه مشرف القسم العام مبهما ولا يحل قضية استاذ عبد العظيم
شكرا للجميع واسف للاطالة

وفي الختام اود ان اشيد بالتكاتف الحادث بيننا وان كان هذا يعني شيئا انما يعني حبا لمنتدي نحن اعضاؤه وافراد اسرته

[zizo2_2]

أشكر جميع الأعضاء على المرور وشعهورهم الجاد نحوي أنا بجد مش عارف أقولكم ايه لكن أنا هحللكم الموضوع كله علشان متحصلش فتنة في المنتدى لان انا بحبه بجد وبخاف على ذلك المنتدى


أنا اطلب من الأستاذ أشرف عزلي من الإشراف نهائيا وانا معكم مثلما كنت بل سأكون مهتما أكثر من ذي قبل

[Flower]

لا طبعا الانسحاب من الاشراف نهائيا ليس حلا بالمرة

....

[msamido]

بالظبط يا استاذ اشرف الانسحاب من الاشراف ليس حلا للقضية

فأنت لست اولي الناس بالاشراف علي هذا القسم فحسب ولكن الاصلح له ....

[بورسعيدى]

اظن كلنا متفقين
وكان يجب ان ينظر الاستاذ اشرف الى اقدمية الاعضاء
صحيح ان ميدو لم يرشح نفسة ولكن كان جدير بالاشراف
والاستاذ بسيونى متمكن جدا فى اللغة العربية
ليه تحرمنا من عطائة وخبرتة
ننتظر دخول الاستاذ اشرف

[ابراهيم الصافوري]

انا اسف انا انشغلت شويه بس كان لازم ارد على الموضوع وبكون ليا راى فيه
انا قبل اشتراكى فى المنتدى كنت يسمع عنه كلام جميل وفرحت اكتر لما عرفت
بموضوع الانتخابات وعرفت اكتر ان ال انا مش قادر اقول راى فيه فى السياسه العامه
لمصر اقدراقول راى فيه فى منتدانا الجميل
وطلبت الاشتراك فيه ورسمت صوره جميله للمنتدى
عن حريه الراى فيه
ارجوا عدم تغير تلك الصوره حتى لا نصاب جميعا بالاحباط نتيجة قرار لااعلم
او لانعلم ما اهدافه ونتائجه
ارجوا الرد ان كنتم مخطأ
شكرا

[الأسكندرانية]

استاذ عبد العظيم يستحق منصب الاشراف بغير مناقشة او سسب للنفى

فهو متميز حق التميز ولا يستحق الاشراف فقط بل رئاسة الاقسام كلها

فى حد يكره ان يكون عنده جوهرة نادرة باهظة الثمن

انا بستغرب لا حول ولا قوة الا بالله

[اينشتاين]

ممكن الاعضاء الجدد يتكلموا باحترام افضل من كده شوية
انتم ما تعرفوش حاجة عن الموضوع اصلا فيا ريت ما ترموش الاتهامات عمال على بطال لو سمحتم يعنى
استاذ اشرف عمل موضوع عن الانتخابات والموضوع متثبت فى المنتدى العام
وكتب ف الموضوع انه مستنى رأى الاعضاء ومقترحاتهم واللى عنده كلمة كان مفروض يروح يقولها هناك
بعدين الاعضاء عملوا الخطوات المكتوبة فى الموضوع واعلنت النتيجة بفوز جميع الاعضاء اللى تقدموا بطلب ترشيح لان مفيش مجال للتنافس
حيث ان عدد الاعضاء اللى دخلوا الانتخابات كانوا سبعة على ما اتذكر
وبالنسبة لاستاذ عبد العظيم انا شايف انه جدير فعلا انه يكون مشرف قسم فلاسفة تحت التمرين بس هو قال ف موضوع قبل كده انه مش ناوى على الاشراف وبعدين رجع رشح نفسه هو وفلاور فمفروض استاذ اشرف كان احترم رغبته انه يمسك القسم هو وفلاور
ع العموم استاذ اشرف لسه ما ردش
احنا مستنيين رده

[عبقرينومان]

والله لو يرضيك اني اترك الإدارة جمعيها لك يا zizo لتركها دون تفكير لانك احق مني منها
وبدون توضيح اي تفسير للنتيجة لان بعض الاعضاء ردوا بما فيه الكفاية
ولكن ساقوم بتلبية طلبك مباشرة ونقلك إلى قسم فلاسفة تحت التمرين
واسف للهذا الخطأ
ولا مجال للغضب في منتدانا
والسلام عليكم

[الامير عبده]

Originally posted by عبقرينومان@Feb 5 2006, 06:40 PM
والله لو يرضيك اني اترك الإدارة جمعيها لك يا zizo لتركها دون تفكير لانك احق مني منها
وبدون توضيح اي تفسير للنتيجة لان بعض الاعضاء ردوا بما فيه الكفاية
ولكن ساقوم بتلبية طلبك مباشرة ونقلك إلى قسم فلاسفة تحت التمرين
واسف للهذا الخطأ
ولا مجال للغضب في منتدانا
والسلام عليكم

[snapback]73473[/snapback]

ودا اللى كنا مستنينه من استاذنا
الله يخليك ياباشا

[علمي علوم]

شكرا جزيلا استاذ اشرف على تفهمك
وجميل جدااا ان الاستاذ عبد العظيم هيرجع مشرف على قسم ( فلاسفة تحت التمرين ) تانى إن شاء الله

وطبعا احنا كلنا هنا اخوة ولا مجال للغضب او سوء التفاهم بنا.