|
#16
15-07-2014, 05:29 AM
|
|||
|
|||
اقتباس:
حضرتك لو قريت كلامى كويس وركزت فيه هتعرف كويس انى بدافع عن العساكر اللى عاوزين يربوا ولادهم اللى ملهمش علاقه بحاجه والظباط الصغيرين اللى لسه برتبه نقيب او رائد واللى مرتباتهم مابين 3 الاف و4 الاف وشايفه انهم يستحقوها لانى عارفه كويس هما بيعملوا ايه وبيتعبوا ازاى فى شغلهم وبالنسبه لموضوع انى شايفه ان ظباط الشرطه الاصل فيهم انهم شرفا فاحب اقولك ان كل فئه فيها الحلو والوحش فيها اللى معندوش ضمير واللى بيراعى ضميره فيها اللى بيعمل جرايم واللى ماشى جمب الحيط وبشوف ان كتير منهم مش نضاف الصراحه كمان من ناحيه تانيه دول تربيتنا احنا تربيه مدارسنا اللى نشرنا فيها بايدينا الغش ولادنا اللى ربينا فيهم ان الغش حلال الغش اللى حرمه دينا واستهتركتير مننا بدا وحللناه ليهم ولادنا اللى بنقعد جمبهم فى التخت ونغششهم ونكتب مكانهم فى الامتحانات من وهما فى ابتدائى ولادنا اللى بنخاف نمنع عنهم الغش فى اللجان خوفا منهم هما واولياء امورهم وبنقف ونحارب اى حد فينا يكون صح يعنى لما يكون حد فينا صح يقف قدامه عشره او عشرين غلط وخد عندك بقى اللى بيترتب على الغش دا من انعدام ضماير واخلاق وكدب ونفاق وغيره وغيره من اللى بنعانى منه دلوقت وجايين نحاربه بعد مافات الوقت مع الاسف ويؤسفنى انى اقول ان برضه فئه المدرسين فيها كتير مش نضيف وكل شىء عندهم مباح غش وانعدام ضماير ونفاق وكدب وغيره وغيره على فكره اساس اى بلد ناجحه هى تعليمها ودا شىء معروف جدا وبتهيالى واضح اوى ناتج تعليمنا ؟ انا شفت ناس ممكن تبيع ضميرها وتنافق بخمسين جنيه فى جيبها والغريب انهم اصلا مش حاسين بنتايج افعالهم دلوقت الغش فى مدارسنا بقى خدمه انسانيه شفت كارثه اكتر من كدا ؟ الفرق بين المدرسين وفئه الضباط اللى انت ضدهم هو السلطه لكن اللى بيجمع كتير فيهم هو انعدام الضمير اللى غالبا سببها برضه مدرس معندوش ضمير ومعنديش شك ابدا انك لو اديت سلطه لمدرس منعدم الضمير هيستخدمها نفس الاستخدام اللى بيستخدمها بيه ظابط معندوش ضمير لان الضمير هو المحرك الاساسى لاى انسان سواء ظابط بقى او دكتور او مدرس او غيره الظابط اللى معندوش ضمير ممكن يظلم عشره او 100او حتى 1000 لكن مدرس معندوش ضمير ممكن يضيع جيل كامل شوف فينا كام واحد بيغلط وبيحلل لنفسه الغلط ومش حاسس ومتقوليش بقى انك مشفتش اللى قولته فى مدارسنا لان اللى قولتهولك ملخص بسيط اوى من اللى شوفته بيحصل فى مدارسنا اقعد مع نفسك واسال نفسك الفئه اللى بتدينها دى ايه السبب الاساسى اللى وصلها للدرجه دى من الجبروت ؟ اسال نفسك انت شوفت ولا لا الاستهانه بالغش فى مدارسنا رغم خطورته ؟ شفت كام مدرس معندوش ضمير كل اللى يهمه الماده وبس ؟ شفت كام مدرس بيعقد طالب فى حياته عشان الدروس ؟ وبيضغط باعمال السنه ؟ شفت كام مدرس من زمايلك بيقف ضدك وانت بتحاول تعمل شىء صح ؟ لا وكمان بيبرر ويستهين بالغلط اللى ممكن هو شايفه بسيط لكن نتايجه تفسد اجيال كامله كام مره طلعت مراقبه ثانويه عامه وحسيت انك اديت شغلك على اكمل وجه ؟ وتستحق فلوس المراقبه دى ؟ او حتى مراقبه اعدادى ؟ اللى افتكره انى طلعت مراقبه 3 اعدادى 3 مرات كل مره حصلت فيها احداث اسوا من التانيه والمره الاخيره بقى اللى كانت بجد لاتنسى اقسم بالله وقتها انا اتشديت بره اللجنه من اتنين مراقبين طرقه واحد فيهم مدير مدرسه والتانيه موجهه كل دا عشان عاوزين يغششوا العيال لا ونظام ارهاب بقى وتخويف وتهديد وقله ادب ورئيس اللجنه نفسه كان واقف جمبى واقوله حضرتك شايف وكان معاهم ورقه محلوله قدامه يقولى كبرى دماغك وسيبيهم لا وكمان ممكن لو حد مكانى كانت تتلفق ليه تهمه ويتجازى ويمكن بنفس الشىء اللى هو حاول يقف ضده طب انا اعمل ايه يعنى وسط كل دا داموقف من مليون موقف بيعمله او بيشترك فيه كتير مننا والكارثه كمان انك لو صح تلاقى مليون واحد من زمايلك ضدك مش معاك لما بقينا بلاقيمه على الرغم من ان المفترض اننا بنقدم رساله ساميه واحنا اللى بنعمل دا بايدينا عشان قبل مانتكلم عن حقوقنا نبقى نشوف افعالنا الاول وواجباتنا هل بنقوم بيها على اكمل وجه او لا مش دا العدل برضه ولا ايه ؟ يعنى اللى اعرفه ان المفترض ان راتبنا على قد عملنا وجهدنا اللى بنقدمه شوف بقى حضرتك كتير مننا بيأدوا عملهم ازاى ؟ هتلاقى ان فعلا زى ماقولت كتير مننا ميستحقوش حتى الملاليم اللى بياخدوها 
|
|
#17
15-07-2014, 05:49 AM
|
|||
|
|||
|
اقتباس:
بختلف مع حضرتك الصراحه لانى شايفه ان السبب فى اللى احنا فيه هى كتير مننا بأعمالهم الغلط وسكوتنا عليها لان اعمالهم هى اللى خلت المجتمع ينظر للمدرس باستخفاف من الطلبه بتوعنا لاولياء امورهم للاعلى مننا وطبيعى ان فئه بينظر اليها المجتمع النظره دى تكون دى احوالها سواء ماديا او غير ماديا
|
 |
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 10:28 PM.
