راتب المعلم في القانون الجديد لن يقل عن جدول اجور موظفى الخدمة المدنية

[batman9]

بارك الله لك وبارك فيك وفى اولادك ورزقك الخير .......ليست الدروس الخصوصية كل شيء بل صحتك التى توفرها من الهلاك فى الدروس الخصوصية وانا اعى ما اقول فأنا صغير السن واصبت باربعة امراض شلت حركتى .فأحمد الله على ما أنت فيه

[حسين الصاوى]

بدون فلسفه ولاتعقيد ووضع كلام كثير لايفيد معنى .وحسب القوانين الاخيرة الخلاصة منها،
عشره فى الميه للمعلم على الاساسي الشامل تتراوح بين 30 الى 70جنيه
7%للعمال والاداريين على الاجر الوظيفى تتراوح بين60الى100 جنيه.
علاوة المعلمين خاصه لاتضاف لللاساسي
علاوة العمال والاداريين دورية
العلاوه التشجيعية للعمال 5%من الاجر الوظيفى
العلاوة التشجيعية للمعلمين 5 او 6 جنية
كادر المعلم اعطى للمعلم اجمالى 200 %متدرجه بعد امتحان الكادرواجتيازه
تم منح العمال والاداريين 200%دون امتحان ولا اى شىء
هذه الخلاصه بكل صدق لتعرف الوضع الحالى للمعلم والذى يطالب بالرقى بالتعليم والنهوض به ..كيف وهو لم يتساوى حتى مع العمال والاداريين.مع تقديرنا لهم.اللهم وفق الجميع.

[sadq7]

لما تروح تشترى كيلو لحمة:
-كيلوا لحمة وياريت من الموزة يا معلم.
-اتفضل يا أستاذ
-شكرا ، سلام عليكم
-استنا يا أستاذ ..إيه يا أستاذ ؟!! انت نسيت تدفع الحساب.
-حساب إيه يا معلم انت بكره تاخد 200 جنيه مش 120 ولن يقل ثمن كيلو اللحمة بتاعك عن ثمن كيلو لحم الغزال فى أى فندق وعلى فكرة انت محضوظ جدا لأنك ممكن توعد اللى بيوردلك وتاخد منه كميات زى ما انت عاوز امال ايه يا معلم البلد بتتقدم للأمام وعملتنا الأونطه والأوهام.

[ابو كادر]

لا يصدق هذا الهررررررررررررررررررررررراء الا مخبووووووووووووووووووووووووووووول

[أبورضوى]

يا جماعة يا مسؤولين عن المنتدى ...لما يكون خبر زى ده من شهريناير الماضى واللى فات عليه خمس شهور يكون متصدر الصفحة الأولى يبقى ده نسميه أيه ......ارحمونا حرام عليكم

[Mr. Bayoumy Ghreeb]

المشاركة الأصلية كتبت بواسطة أبورضوى

يا جماعة يا مسؤولين عن المنتدى ...لما يكون خبر زى ده من شهريناير الماضى واللى فات عليه خمس شهور يكون متصدر الصفحة الأولى يبقى ده نسميه أيه ......ارحمونا حرام عليكم

اهلا بحضرتك أخي الكريم
فعلا هذا الخبر عود الي شهور خلت
و لكن اي مشاركة يتم تنشيطها بتعليق تنتقل تلقائيا
الي صدر الصفحة الاولي
و ليس هناك ما يدعو لنقل المشاركة الي الارشيف
تقبل تحياتي و احترامي

[سامى الجنانى]

زهقنا من الوعود نريد التنفيذ ونشلنا من الفقر المدقع للمدرسين الشرفاء الممتنعين عن الدروس الخصوصية

[ayah25]

انا بسمع عن هذا القانون من 2015 هو كل ده ولسة القانون بيتعمل
ابحثوا فى جوجل حتلاقوا كلام عن هذا القانون وكل سنة فى نفس الميعاد
وكل سنة وانتم طيبين ونتقابل 2018 فى نفس الميعاد وهما بيقولو نفس الكلام
لنا الله اللهم الطف بينا فى هذا الغلاء

[محتار.محتار]

كلامك حلو وجميل
وواقعي
نتقابل 2030

[الزاهد73]

قانون التعليم اللى مصدعين دماغنا بيه لا يرقى حتى لنقاش و لا يساوى حتى ثمن الحبر الذى كتب به و اعتقد ان كل دة مدروس و مقصود فى التعليم و الصحة و الغذاء

[dodo72006]

الكلام ده فين بالضبط؟ في زحل ولا في المريخ ؟ عايز اعرف بس

[الزاهد73]

مع كامل احترامى هذا الجدول لا يساوى قيمة ما كتب به من حبر لاننا فى ظل غول ارتفاع الاسعار المطردة كل يوم السلع فى زيادة لا يعلم مداها الا الله فان هذا الجدول المقترح لا يسمن و لا يغنى من جوع ما عادت تنفع مرنبات ال1500 او ال2000 جنيه دلوقت لمعلم بطوله ما بالك بمن يعول اسرة مكونة من 4 او 5 افراد حسبناالله و نعم الوكيل

[alneseem]

كانت هناك ماده اسمها 89 ولكنها لم تفعل مطلقا

[محمد بهجت زغاوى]

دا عامل شركة الكهرباء الحافز الخاص بة اكبر من مرتب المدرس بلا وكسة

[ahmed salh]

كلهههههههه كذب في كذب في كذببببببب خاصه ايه زيادة ماليه