اقتراح زى بتاع السنه اللى فاتت

[حامل المسك]

والله فعلا مفيش احلى من النقاش الجاد والصريح كمان مش شغل المجاملات وكده

وبالنسبه للنقل لا يا باشا مفيش نقل ولا حاجه

انا كنت شايفك وانت بتقرا موضوع بتاع الغسل

ودا انا ناقله من كتاب فقه السنه بنفسي دلوقتي وانا قاعد لأني لقيت موضوع خالد كان محتاج تكمله ومواضيع زي دي مينفعش الواحد يكتبها طبعا بنفسه

والموضوع التاني اللي ناقله هو بتاع تطوير المنتديات لأن فعلا المنتدى متاج المواضيع دي وانا منزلتوش غير لما نزلت اقتراح ان المنتدى محتاج انه يتغير في تصميمه وشكله

ويمنفعش اقول غيروا الشكل والتصميم واقعد ساكت فحبيت برضه اني اكون ايجابي واقول ازاي ممكن دا يحصل

بس كده غير كده انا شغال في التماموز برد على مواضيع الناس ومش بنزل مواضيع جديده يمكن لو نزلت كان موضوع ازاي تضيف صور وانا اللي عامله بنفسي وشرحه بالصور

وموضوع المشاغبين اللي هنشاغب بيه الدنيا كلها وما فيها

بس كله في الاجازة

ومينفعش برضه يا نجم الواحد ينزل مواضيعه اول ما يشترك لازم الاول يشارك على مواضيع الناس عشان الناس تعرف هو مين الشخص دا

دا غير برضه ان الواحد لازم يختار المعاد المناسب اللي ينزل فيه مواضيعه

والى حد ما الناس مشغوله حاليا في المذاكره

واهم حاجه اللي الواحد بيحبها الصراحه الكاملة بدون مجاملات ودا الشئ اللي بيميزك


بس انت قول يا باسط

[Flower]

انا موافقه علي كلامكم يوري وحامل المسك لانه فعلا في مصلحه المنتدي

[Xx.Youri.xX]

ثانكس فلاور على الرد ده

واتمنى باقى الاعضاء يدخلوا ويشاركوا معانا فى الحديث ده


سلام


يورى

[حامل المسك]

يارب يخويا يا رب

ومش الاعضاء بس

لكن الاداره كمان

[Xx.Youri.xX]

عبقرينو دلوقت فى المنتدى فعلا

بس الظاهر مش ناوى يدخل يشوف الموضوع لانه مش عاجبه العنوان او حاجه زى كده

نفترض النوايا الحسنه ونقول انه مش فاضى او ماأخدش باله


لازم حد من الاعضاء ينبه ان فيه موضوع مطلوب رأيه فيه


سلام .

Y O U R I ™

[حامل المسك]

انا لاحظت فعلا وجوده اول ما دخلت

لكن طبعا هو كان متغيب لفتره كده ربنا يعينه على ظورفه

فاكيد طبعا يا يورى وراه شغل بالهبل ومحتاج يتابع كل الجديد اللي حصل

واكيد ان شاء الله هيخش القسم دا لأنه من اهم الاقسام

واحتمال يكون فعلا قرا الموضوع

بس مأجل رده لغاية ما يطمن على بقية المنتدى

ربنا يكون في عونه بجد موضوع الاداره مش سهل ابدا

وبالتوفيق اجمعين ان شاء الله

[Xx.Youri.xX]

لا بقى موضوع الاداره ده تافه ومفهوش حاجه

كل يوم ساعه واحده كفايه انك تغلق الثغرات وتحدث المنتدى والموقع وكمان تشوف ايه الجديد فى المنتدى وتشوف ايه اللى يستحق الرد عليه

وكمان تشوف ايه الجديد على النت ومش عندك ومحتاج تضيفه على موقعك

انا بعمل اكلام ده كله ومبأخدش اكتر من ساعتين يوميا

بس الظاهر عبقرينو وراه حاجه تانيه غير المنتدى

سلام .

[حامل المسك]

ايوه يا مان ما هو معلش ساعه واحده او اتنين دا مش عدد قليل برضه

وكل واحد وليه ظورفه

وربنا فعلا ادرى بحال كل واحد

ساعات بتيجي ايام ومتلاقيش وقت حتى تاكل

عموما ربنا يكون في عونه

وعون الجميع

[Xx.Youri.xX]

ايوه بس برده يعبرنا هنا



انا هفضل ارد لحد ما اموت او عبقرينو يدخل

اعتقد ان الاختيار الاول هوه اللى هيمشى معايا


سلام

الشهيد : يورى

[بسبوسة]

اولا الاقتراح جميل جدا وبصراحة ومش مجاملة معظم اقتراحاتك بتعجبنى جدا
وثانيا الاستاذ اشرف مشغول جدا الايام دى ارجو ان تلتمسو له العذر وان شاء الله سيحدث التنبيه للموضوع

[Xx.Youri.xX]

ثانكس بسبوسه على الكلام ده

انا فعلا واللهى مش بحاول اعمل كده الا عشان المنتدى

لو المنتدى ميهمنيش مكنش يفرق معايا اقول الكلام ده


بل بالعكس انا لو بكره انا عايزه يفضل زى ما هوه حتى كل يوم اقدر اكتشف ثغره جديده فيه واخترقه كل يوم بثغره مختلفه

انا منتظر عبقيرنو ويا ريت يجى قبل ما اموت


سلام

[amr_gabr]

اولا شكرا على الموضوع الاجابي ده ومحاولت التغيير
وبنسبة لموضوع الادارة ده انا بوافقك عليه تماما
وبنسبة لموضوع تحديث المنتدى انا موافق عليه في حالة انه مش هايخلي المنتدى تقيل فاتا اعرف منتديات منظمه وشكلها جميل جدا بس بتحرق دمي علشان اعرف اقره موضوعين في قسمين مختلفين وممكن اترميلي في المستشفى سنتين لو حاولت اكتب موضوع جديد
وتقبل تقديري واحترامي لشخصك ولموضوعك

[Xx.Youri.xX]

اولا يا عمرو منتدايات ال Invision Power Board خفيفه يعنى مش هيحصل حاجه فى السرعه

ثانيا

شكرا لردك هنا وتعليقه


سلام

[Xx.Youri.xX]

C u

Ciaooo

[Flower]

انا هفضل ارد لحد ما اموت او عبقرينو يدخل

اعتقد ان الاختيار الاول هوه اللى هيمشى معايا


سلام

الشهيد : يورى

مش عارفه كلامك بجد لو صحيح يا يوري يبقي جزاك الله خيرا

يعني انت للدرجه دي عايز مصلحة المنتدي...طبعا ده شئ كويس جدا

ربنا يوفقك واشكرك علي اهتمامك بتطوير المنتدي للافضل....