المدرس المصري بعد موت الطفل اسلام.علامه استفهام

[ayadooo]

اولا اذا كان اسلام( الله يرحمه ) ويحسن اليه مات فان بعقلانيه هادئه و تفكير هاديء نقول ( المدرس هيثم) بيموت كل دقيقة . مات اسلام ( الله يرحمه ) وترك لهيثم مالايطيقه بشر تركه وحيدا يواجه العالم كل السيوف والخناجر والنعال علي هيثم وكل من يعمل بمهنه هيثم استشهد اسلام وترك هيثم يواجه مصير لايطيقه انسان اي قضيه لها طرفان انظر الي هذه القضيه راح اسلام شهيدا وترك هيثم يواجه العالم كله بمفرده الان صدقوني هيثم يتمني الموت كل دقيقه بل كل ثانيه يتمني لو عادت عقارب الساعه الي الوراء لتنهي لحظه ميلاده حتي لا يعيش تلك اللحظات القاتله المميته لهيثم ولاصحاب مهنه هيثم ولاهل هيثم ولمصر كلها فالكلام يعجز عن وصف المشاعر المتضاربه المتناقضه التي حلت بنا جميعا الي كل من يهمه الامر اتركوا الامر للقضاء المصري العادل الشامخ وترفقوا باهل اسلام واهل هيثم وهيثم نفسه وترفقوا بمعلمين مصر اثابكم الله واقرأوا الفاتحه لروح اسلام وادخله الله جناته اما هيثم سينال جزاءه في عالمنا بلا رحمه وجزاءه بالاخره والله اعلم
عياد/ اب لثلاث اولاد ومعلم في ذات الوقت
ستركم الله جميعا دنيا واخره

[ayadooo]

الحاقا بالمشاركه السابقه اقول ان عمليه الهجوم علي المعلم المصري مدبره وادلل علي كلامي بتصيد الاخطاء ورؤيه نصف الكوب الفارغ ودعاه التشاؤم وجلد الذات وتحقير الذات الي جانب لغه الجهلاء وهي التعميم وهذا خطا أ فادح لذا وجب التنويه
عياد معلم اول مطحون (مصري)

[asayed7719]

تعرفوا السبب الرئيسي فيما نحن فيه من دمار الآن وبلدنا كل يوم تتأخر يوم عن يوم هو الاعلام المصري الفاشل ... من يوم ما عرضوا مسرحية مدرسة المشاغبين واحنا مدارسنا بدأت تنهار .... وعلى العموم أنا أعتقد أن المدرس هذا مظلوم ... هو أكيد الطالب لم يتربى التربية الصحيحة التي تجعله يسمع كلام معلمه ... اللهم فرج عن هذا المدرس ما هو فيه ... اللهم عوض أسرة الطالب خيرا وأبدلهم خيرا منه وارزقهم الصبر على مصيبتهم

[mohsen ghareeb]

المدرس المصري بعد موت الطفل اسلام

من الطبيعى فى أى مهنة أن يتم تدريب ورفع مستوى العاملين من وقت لآخر بهدف الحصول على أفضل آداء ممكن من هؤلاء


العاملين .

فما بالك بمن يتعامل مع البشر( مع الأطفال) لابد أن يتم تدريبه أكاديمياً من وقت لآخر وكذلك تذكيره بما تعلمه من علم نفس نمو

وعلم نفس تعليمى وعلم نفس إجتماعى وعلم نفس تربوى وطرق تدريس وغيرها من المواد التربوية التى تهيىء المعلم للتعامل

الصحيح مع الطلاب.

مشكور أخى على الموضوع

[khafmn12]

السلام عليكم
أولا :الموضوع كلة قلة خبرة لمدرس عمره 23 سنة
ثانيا : لا يمكن لمدرس أن يقصد ضرب طالب ليؤذيه
ثالثا : المدرس المصرى هو الوحيد فى العالم الذى يتعرض كل فترة لحملة شرسة فنحن لا ننسى عندما أشتدت حملة الدروس
الخصوصية لدرجة أن وصفو هذة العملية بالقول مافيا الدروس الخصوصية - ضبط وكر للدروس الخصوصية .....وغيرها هل هذا
يعقل أن نصف المدرس بهذا الوصف .
والآن حملة أخرى بوصف المدرسين على أنهم قتلة وجبارين هل هذا يحدث فى أى دولة
أنا واحد من الناس أختى فى فرنسا أولادها بياخدوا دروس خصوصية .
والدكتور اللى بيسرق الأعضاء عند أجراء عملية هل كل الدكاترة كدة طبعا لا ولكن لكل قاعدة شواذ
أرجوكم أنقذونا أنقذوا المدرس المصرى وأتركوه يعمل بعيدا عن التهديدات والتوعدات التى نسمعها هذة الأيام
خالد نوفل مدرس فى مهب الريح وربنا يعينى ويعين كل مدرس فى هذة البلد التى حفظها الله

[أ/ هشام العيسوى]

المشكلة فى التاهيل التربوى والذى يسخر الكثير منى عندما اتحدث فى هذه النقطة ويظن انى اقول ذلك لانى خريج تربية فقط!
لكن والله انى استفدت كثيرا جدا من دراستى للتربوى والتى ساعدتنى فى التاقلم مع عملى سريعا ولله الحمد بنجاح كبير يشهد الجميع لى به
وفى نفس الوقت اقول انه ليس بالضرورى كل خريج تربية يكون ناجحا فى التدريس كما ان ليس كل خريجى الطب مثلا ينجحون فى اعمالهم فلكل قاعدة شواذ كما يقولون
وشضكرا على طرحك لهذا الموضوع المهم

[موري2]

يا جماعه اكيد دة حصل خطأ عمر ما مدرس يبقي قصده انه يضرب طفل لدرجه الموت او انه يسبب له اي أذى و كل الهدف انه يتعلم و يبقي بنى ادم
محدش طلع مننا بنى ادم الا بالعصايا انا واحده من الناس دول لو مكنش في عصايا و انا صغيره عمري ما كنت هسمع كلام حد و لا اسمع كلام مدرسينى
كنت بتفرج على العيال الخايبين بينضربوا كنت بخاف و انا ياما انضربت

و دة من منطلق مبدأ الثواب و العقاب و دة موجود في كليه التربوي في نظريات التعلم موجودة نظريات الثواب و العقاب

سيبك انت ......... انت بيبقي معاك عيل واحد في البيت او اتنين بتبقي عايز تولع فيهم بأول ازازة جاز تيجى في ايدك فما بالك لما بيبقي قدامك 90 عيل في الفصل و الله 90 في الفصل و العيال فعلا يغيظواااااااا بالذات في ابتدائي كل عيل تلاقي ماسك في اللي جنبه بيضرب فيه و الله لو حد مش مهنته التدريس مايستحملش يقف خمس دقايق على بعض في فصل و لا يقضي يوم مع شويه عيال زى ما احنا بنعمل بنخرج من الحصه الواحده و ربنا عالم بينا و انتوا عارفين بقي في ابتدائي مش حصه اقل واجب ساعه و نص في الفصل مع العيال و كله بيضرب في بعضه و العيال بيشتموا بعض باقذر الشتائم غصب عنك كمدرس لازم تشتم العيل و تصرخ فيه و تزعق و تضرب لو ضربت واحد بس تلاقي الباقي احترم نفسه و الله و الله من ساعه ما العيال عرفوا ان مفيش عصايا او مايلاقوش المدرس دخل بعصايا يالهوووووووووووى ....... ينقلب حال الفصل رأساً على عقب و العيال بيبقوا في منتهى قله الادب و التشرد
و بجد حرام اننا نبقي ضد هيثم بالشكل دة
و يااااااااااااااااااااااااجماعه دة قضاء و قدر الولد دة كان ميت ميت بهيثم او من غير هيثم بس نفسي ان الناس تآمن بكدة دة نصيبه عايزة اقولكم ان والله و الله الطفل اسلام اللي مات دة في البيت اللي جنبي و البلكونه جنب البلكونه و خفت اطلع اعزيهم و اقول انى مدرسه من النار اللي قلوبهم فيها معذورين برضه دة حادث فظيع محدش يتخيل وقوعه بس نفسي اقولهم دة قضاء و قدر بس برضه محدش يقصد انه يودى نفسه في داهيه هيثم اكيد مش قصده

[abdelhleem_2006]

أنا مدرس وأب ولا أرى فيما يحدث سوى بلبلة اعلام فارغة فمن أخطأ يعاقب بالقانون ولاتزر وازرة وزر أخرى أما الطفل يعوض عليهم ربهم بالأحسن منه ويعتبروه مثل الذى قتله الخضر حيث كان أبواه صالحين فأراد ربهما أن يبدلهما خير منه ....... وكما نرى قلة الأدب التى هى ظاهره فى مشاركة طالبة الثانوى فإنها الأكثر أدبا بقريناتها - فلك الله يا معلم فى بلد لا تعترف بفضلك إلا بالكلام الفارغ

برجاء الهدوء والتزام الادب فى الحوار
اى رد خارج هيتم حذفه وهيعرض صاحبة للايقاف

[haithammaghawry]

محمود هيكل انت اكيد مدرس

[سامح سلام]

بعد اذن الجميع انا عاوز اعرض عليكم مشكلة تربوية ومستنى النصيحة من اى انسان........... وابقى قابلنى لو حلتها
اولا انا فى مدرسة اعدادى الطلبة عندى بيبيعوا مخدرات فى المدرسة
واولياء الامور بيطلعوا يثبتوا المدرسين فى المدرسة ويسرقوا اللى معاهم
والشرطة تقول دول مسجلين خطر وما نقدرش نعمل معاهم حاجة
المهم اى واحد شايف انه كفاءة تربوية او غير تربوية يقولى اعمل اية فى المشكلة دى
انا عندى فى المدرسة 2 طلبة بيلعبوا فى الفسخة اللعب قلب بجد تتوقعوا ان واحد فيهم يطلع مطوة من جيبة ويضرب زميلة بيها فى وسط الحوش ؟؟؟؟؟؟؟؟؟؟؟؟؟؟!!!!!!!!!!!!!!!!!!11
الغريب بقى ان مدير المدرسة الشرطة جت واخذته هو ومشرف اليوم
انتوا طبعا مش مصدقين
انا عارف بس والله العظيم دا حصل
اقسم بالله العظيم ان اللى انا قلتة حصل
عاوز بقى جهابزة التربية والتعليم يقولولى اتصرف ازاى فى مدرسة زى دى
اتعامل مع الطلبة فيها ازاى
انا عن نفسى شايل جنزير معايا تحسبا لاى ظرف