|
||||||
| كليات المجموعة الرياضية (الهندسة - الحاسبات والمعلومات - التجارة & التجارة إنجلش - الفنون التطبيقية والجميلة) |
|
|
أدوات الموضوع | انواع عرض الموضوع |
|
|
|
#3
12-08-2009, 08:14 PM
|
||||
|
||||
بالنسبة للوقت
عشان مكدبش عليك الوقت في الكلية ضيق للغاية وقصير و بيمر بسرعة مشوار الشيخ زايد لواحده بيضيع نصف اليوم وبتيجي مهدود دا بالنسبة ليا بما اني ساكن في الهرم فعشان كده انت هتلاقي الدنيا بتتراكم عليك محاضرات وسكاشن ودروس ناقصاك وريبورتات ودنيا تانية وفلازم تلم نفسك اول باول مش بقولك تذاكر زي الثانوية العامة لأ دا مش مطلوب ومش هتلاقي حد بيعمل كده لكن حاول تستغل اي وقت فاضي وتذاكر فيه ولو عشر دقائق مثلا وانت في الباص رايح الكلية افضل حل مسائل وانت في الجامع افضل ذاكر من الملازم (هتكلم عنها لو عايزين ) في البريك (اللي هو الفسحة يعني) حاول تعرف اي معلومة جديدة لأن المشكلة هي ان الوقت بتاع البيت هيبقي ضيق جدا خصوصا في ايام الصيف لسه هكمل معلش انا رغاي جدا
__________________
لا خير في حق لا تدعمه قوة |
|
#4
12-08-2009, 08:18 PM
|
||||
|
||||
|
فحتة الوقت دي في الكلية مشكلة
لازم يبقي عندك تنظيم جيد جدا لوقتك اخرج برضه مع صحابك وعيش وكل حاجة بس بحساب خصوصا وان اعدادي امتداد لثانوية عامة يعني انت محتاج فيها التقدير العالي عشان تخش القسم اللي بتحبه اول شهر في الدراسة ممكن متذاكرش فيه جامد عشان هتبقي لسه داخل لكن هتلاقي العجلة فجاة بتدور بسرعة فلازم تشد حيلك خصوصا وان الميدترم هيبقي في اول عشر تيام من شهر حداشر يعني مافيش اي وقت والميدترم علي قد سهولته علي قد ماهو برضه محتاج لسرعة في الاجابة
__________________
لا خير في حق لا تدعمه قوة |
|
#6
12-08-2009, 09:00 PM
|
||||
|
||||
|
تعتبر كلية الهندسة بجامعة القاهرة افضل كليات مصر في مجال الهندسة واعرقها اسما وده مش محتاج كلام
الكلية في معظم التخصصات الهندسية اللي بتحتاجها مصر بحيث ان اقسامها كلها مطلوبة في سوق العمل ومافيش قسم منها نايم او محطوط منظر وخلاص طيب ايه هي الاقسام دي 1ـ قسم الرياضيات و الفيزيقا الهندسية :اللي هو قسم اعدادي و قسم الدراسات العليا في نفس الوقت بعد التخرج لكن احنا بنسميه اعدادي مجازا هو اصلا معمول لتهيئ الطالب للاقسام الاساسية بتاعة التخصص يعني مش قسم تخصص لذلك السنة بتاعته اسمها الاعدادية بتدرس فيه المواد اللي تعطي للطالب فكره عن الاقسام وفي نفس الوقت بتقوي لديه مهارة علوم الفيزياء و الرياضة خصوصا لذلك فهما عليهم اعل درجات وهنتكلم عنه برضه بالتفصيل بما انه قسم اعدادي 2ـ قسم هندسة الالكترونيات و الاتصالات الكهربية :وده اكتر قسم عندنا عليه اقبال بما انه بيدرس التكنولوجيا الحديثة من موجات والكترونيات و نظم تحكم وبرمجة بالاضافة الي نظم الشبكات و الاجهزة الالكترونية و اللاسلكية من اول الراديو الخشب لغاية القمر الصناعي يتبع
__________________
لا خير في حق لا تدعمه قوة |
|
#7
12-08-2009, 09:07 PM
|
||||
|
||||
|
3ـ قسم هندسة القوي و الالات الكهربية :اسمه برضه (باور) وده بيدرس كيفية تحويل الطاقة غير الكهربية الي كهربية و طرق توليدها وايضا الالات الكهربية المستخدمة لذلك ونظم الجهد العالي والفائق و محطات التوليد وغيره وغيره مما يخص الطاقة الكهربية
4ـ قسم الهندسة الحيوية الطبية والمنظومات :بيدرس الاجهزة الطبية و تصميمها و صيانتها ونظم الاشارات الحيوية و الذكاء الاصطناعي وشوية حاجات كده من طب زي الاحياء وعلم النفس وبيشتغلوا برضه في البرمجة بدرجة عالية جدا 5ـ قسم هندسة الحاسبات :اعلي قسم عندنا في التقدير لأنه بيبقي عايز عدد محدود جدا من الطلبة بيشتغل في تصميم و تصنيع الحاسب و شبكات الانترنت والكمبيوترات المحمولة وكل ما يتعلق بالهرد وير من تصميم و تصنيع وعلي فكره القسم ده احسن قسم عندنا في الكلية من ناحية الامكانيات و مستقبله هايل جدا الاربع اقسام دول (اتصالات و باور وطبية وحاسبات ) اسمهم اقسام الكهرباء
__________________
لا خير في حق لا تدعمه قوة |
|
#8
12-08-2009, 09:20 PM
|
||||
|
||||
|
بو انا مش في هندسه لان لسه في ثانوي بس
ادعولي احقق حلمي وادخل هندسه |
|
#9
12-08-2009, 09:20 PM
|
||||
|
||||
|
6ـ قسم الهندسة الميكانيكية :باين من اسمه بيدرس الميكانيكا بكل ما يمت اليها بصلة زي الات الاحتراق و المحركات والتربينات و نظم الدفع وايضا الات الانتاج زي المخرطة و المكشطة و المثقاب وبعد سنتين من الدراسة فيه بيتقسم لقسمين :قسم ميكانيكا باور وده اللي بيدرس المحركات و كل حاجة بتشتغل بالوقود وبتتحرك و ميكانيكا انتاج وده اللي بيركز علي الالات اللي بتسهم في العمليات الانتاجية المختلفة في المصانع وغيره وبيهتم بالميكاترونكس لو تعرفوها
7ـ قسم الهندسة المدنية :ده اكبر قسم في الكلية من حيث عدد الطلاب ،قسم سهل جدا في الدراسة و مافيهوش تعب في المذاكرة ولا حاجة ،بيهتم بعمليات الانشاء والتشييد سواء بقي عقارات وعمارات او اشغال عامة زي السدود و السكك الحديد و الكباري وغيره من هذا القبيل ،شغلهم في التنفيذ مش في التصميم 8ـ قسم الهندسة المعمارية :اسمه عماره وده بقي اللي بيهتم بالتصميم و بيتخيل المشروع قبل ما يتبني ،كل حياته رسم في رسم و شغل تصميمات و لمسات جمالية و الحاجات دي 9ـ قسم الهندسة الكيميائية : ده بيهتم بدراسة استخدام الكيمياء في التصنيع زي تصنيع الاسمدة والبتروكيماويات وتكرير البترول و صناعة الاسمنت ،كل ده بيهتم بيه قسم الكيميا 10ـقسم هندسة المناجم والبترول و الفلزات :اللي هو تعدين اول سنة فيه بتبقي عامة بعد كده بيتم التخصص حسب التقدير الي بترول او مناجم او فلزات وعلي فكره ده احسن من بترول وتعدين السويس بشهادة كل الطلبة اللي جولنا من هناك 11ـقسم هندسة الطيران والفضاء :ده بيهتم بدراسة الطيارة من تصميم ومحركات وديناميكا هوائية و تربينات وايضا دراسة الصواريخ و المقذوفات و اجسام الاقمار الصناعية و يقدر خريجه يشتغل مهندس ميكانيكا بسهولة جدا كده دي كل اقسام كليتنا نركز علي اعدادي بقي
__________________
لا خير في حق لا تدعمه قوة |
|
#10
13-08-2009, 12:34 AM
|
||||
|
||||
|
ما شاء الله ربنا يبارك فيك يا أحمد بجد أفدتنا
لو عندك أي حاجه تانيه قولها واحنا مركزين معاك شكرااااااااااااااااااا
__________________
LIFE'S SHORT. If you don't look around once ina while you might miss it  |
|
#12
13-08-2009, 03:09 PM
|
||||
|
||||
|
جزاكم الله جميعا كل خير
ولو عايزين يا جماعة تعرفوا اكتر عن كليتنا ادخلوا علي موقع يوني مصر ده منتدي طلبة هندسة القاهرة مافيش مثقال ذرة من شئ انتو مش فاهمينه الا لما هتلاقوا اجابة ليه اللي بعمله ده قليل اوي اصلا هناك فيه فوروم كامل لطلبة اعداي انا مش هكتب الرابط عشان الادارة متمسحوش بس اكتبوا في جوجل يوني مصر وهناك اكتر من ستلاف طالب من هندسة القاهرة هيردوا عليكوا هكمل باذن الله
__________________
لا خير في حق لا تدعمه قوة |
|
#13
13-08-2009, 03:36 PM
|
||||
|
||||
|
نتكلم بقي في اعدادي شوية
بالنسبة لأعضاء هيئة تدريس اعدادي اولا احب اقولكم حاجه مهمه جدا جدا جدا ان مفيش حاجه اسمها دكتور حلو او دكتور وحش او احضر لكذا و متحضرش لكذا  لا فيه حاجه اسمها دكتور بفهم منه و دكتور مبفهمش منه فديه حاجه بتختلف من واحد للتاني  بس انا هقولكوا علي الدكاتره اللي كانت معظم الطلبه بتحضرلهم  اولا الرياضه : الجبر و التحليليه : د/احمد عبد السميع و ده من احسن الدكاتره بيفهمك و بيحببك في الماده  د/شهوار رجب : ديه استاذه الماده و هيا اللي بتحط الامتحان و معظم المسائل اللي بتقولها في المحاضره بتيجي في الامتحان ---------------------------------------------------------- التكامل و التفاضل : د/حاتم الحسيني : و ده بجد من احسن دكاتره الماده بيشرحلك كل حاجه جت اذاي و مش بيحفظك قانون لا ده بيجيبهولك من الاول جه ازاي :good د/حنفي الزهيري : و ده استاذ الماده بس للاسف مكنشي موجود في الشيخ زايد السنه اللي فاتت فمعرفشي شرحه عامل ازاي د/لبيب اسكندر : دكتور رائع و شرحه حلو قوي ------------------------------------------------ معيدين الرياضه : م/احمد عاطف: بجد من احسن البشمهندسيييين اللي هتلاقوهم شرحه حلو قوي قوي بيفهمك كل حاجه يعني فيه ناس مبتحضرش المحاضره و بتكتفي بشرحه م/محمد ابراهيم :بردو من احسن المعيدين بيبسط كل حاجه و بيسهلها عليكو خالص و دايما يقولاللي عايز يفهم يركز معايا و يشرح و بعدين يقول اللي عايز يحفظ يعمل كذاكذا كذا و خلاص خلصت المساله بجد مهندس رائع م/احمد يحيي : مهندس رائع بيكتب كل القوانين و يفهمك طريقه الحل و بيحل معاك المسائل و بردو فيه دكاتره بتدي سكاشن زي د/ احمد عبد السميع ثانيا الفيزيا: خواص ماده و حراريه : د/ مدحت المسيري :استاذ الماده شرحه اكثر من رائع بيفهمك كل حاجه و بيحل معاك مسائل و بيقولكل حاجه في المحاضره و مش هيخليك تحتاج سكاشن في الماده و بجد كشكولالمحاضرات هيبقي كافي انك تقفل الامتحان و علي فكره دكتور مدحت مصنفا لتاسع فيزيائيا علي العالم د/ منال عوض : دكتور زي العسل هتفهمك الماده ببساطه خالص و هتحببك فيها و هتخليك تذاكرها بمتعه كده و بتحب دايما تساعد الطلبه و مراجعتها حلوه قوي قوي قوي و ساعات بتيجي منها الامتحان بالنص و بالارقام ---------------------------------------------------------- الكهربيه و المغناطيسيه: د/ساميه :من احسن الدكاتره شرحها ممتاز بتديلك كل حاجه في المنهج و بدايك كل محاضرهبتراجع بسرعه القوانين اللي في المحاضره اللي قبليها بجد دكتوره اكتر منرائعه د/صلاح النحوي : استاذالماده و هو اللي بيحط الامتحان بيشرح بالبروجكتور و السلايدز فنصيحتيليكم تطلبوا منو السلايدز ديه و تذاكروا منها علشان مش هتعرفوا تكتبواوراه كل حاجه السكاشن : د/سحر : شرحهاحلو جدا و بتديكو في السكشن كل حاجه و دايما بتحب تساعد الطلبه بجد دكتورهاكتر من رائعه و بتجاوب علي كل الاسئله سواء هنا او في الجامعه بجد جازاها الله خيرا علي اللي عملتوا معانا :hat  د/ ياسر : دكتور رائع بيلخص كل القوانين اول السكشن بسرعه و بعدين بيحل معظم مسائل الشيت د/ساميه : بتشرح في السكشن زي المحاضره بس باختصار شويه و بسرعه شويه علشان تلحق تحل الحاسبات: د/ايهاب يحيي: استاذ الماده دكتور اكثر من رائع دايما بيحب يساعد الطلبه بيعاملنا كاننا اولاده بالظبط و كل الكلام اللي قالهولنا علي الامتحان جه بالظبط و بيجاوب علي كلالاسئله اللي أي حد بيسالهالو سواء في الجامعه او هنا في يوني بجد جازاهالله خيرا علي اللي عمله معانا د /ناجي : دكتور رائع بيستخدم برضه البروجكتور و السلايدز بس بينزل السلايدز هنا فييوني و بيجاوب علي كل الاسئله اللي اتسالتلوا جزاه الله خيرا علي الليعملوا معانا :hat و معيدين الرياضه هما هما معيدين الحاسبات الميكانيكا: الاستاتيكا: د/طوسون : استاذ الماده مبيحبش الحفظ بيحب اللي قدامه يكون فاهم بيشرح كل حاجه حتي لو كانت صغيره قوي محاضراته كافيه جدا جدا د/مصطفي عابدين دكتور ممتاز جداا ومرح جداا وروحه كويسه بيشرح بطريقه رائعه و د/خالد فصيح : شرحه اكتر من رائع وبيفهم اللى مش فاهم ------------------------------------------------------ الديناميكا : د/محمد هلال : دكتور رائع  لا اكتر من رائع بيبسط المنهج و بيحسسك انه تافه و بيحل معاك في المحاضره ده غير انه دكتور لذيذ قوي و بيحب يهذر في المحاضره --------------------------------------- السكاشن : م/شريف و م/الشبراوي احسن 2 يدوا سكاشن في الميكانيكا الكيميا : مجموعه من الدكاتره كل دكتور بيدي جزء من المنهج منهم د/شكيناز و ديه استاذه الماده و هيا اللي بتحط الامتحان اول محاضره هتسيبلكم ارقامتليفوناتها و هتقولكم لو حد عندو أي مشكله يكلمها و مش في الدراسه بس لالو عندك اي مشكله جزاها الله خيرا علي اللي عملته معانا د/هانم:افضل دكتوره هتقابلوها  هتحببكم في الماده قوي قوي قوي و لما تيجوا تذاكروا المحاضره بعديها هتلاقوها سهله قويد /نبيل : و ده المسئول عن قسم التلوث البيئي نصيحه احضروا جميع محاضرات الكيميا و متفوتوش ولا محاضره لان الامتحان بيجي من المحاضرات بالنص الانتاج : د/شاش هو استاذ الماده و فيه بردو د/الويفي الانسانيات: اكتر من دكتور زي الكيميا منهم د/سمير أبو هديمه
اللغه الفنيه : و ديه عباره عن سكاشن و بيديها معيدين و من افضل المعيدين اللي ممكن تحضرلهم م/مصطفي عبد العليم
__________________
لا خير في حق لا تدعمه قوة |
|
#14
13-08-2009, 03:40 PM
|
||||
|
||||
|
بالنسبة للمواد وازاي تتذاكر
[RIGHT]كليتنا من كليات القمه محتاجه شغل جامد منكم  مش حابب اعقدكم بس احب اقولكم ان المذاكره مفروض تبدا من اول يوم علي الاقل تذاكر المحاضرات اللي خادتها في اليوم ده علشان مفيش حاجه تتراكم عليك لو معملتش كده هتفضل تاجل تاجل لحد متتفاجأ ان الميد تيرم بعض اسبوع و بعد كده هتقول لا انا لازم اشد حيلي بعد الميد تيرم و بعد الميد تيرم مش هتلحق تاخد نفس و هتلاقيي النتايج ابتدت تطلع و انت طبعا هتبقي قلقان و مش عارف تذاكر و بعدين هتفاجا ان الامتحان بعد اسبوعين طبعا هتقول انا هلحالم ايه ولا ايه فعلشان متتدخلش في الموال ده كلو نصيحتي بجد انك تبتدي المذاكره بدري و مش لازم تقيل اوي بس تبقي مظبط امورك ممكن تحضر للدكتور اللي انت عايزه يعني مش لازم تحضر للدكتور بتاعك بس في السكشن لو بياخد غياب يبقي لازم نحضرله لو مبياخدش يبقي لو مش عاجبكممكن تغيره ( ممكن لو بياخد غياب تتفق مع اللي انت عايز تاخد معاه انويكتب للمهندس بتاعك ورقه تثبت فيها انك بتاخد معاه) الورش لازم تحضرها كلها و فيها امتحان شفوي في الاخر معمل الكيميا و الفيزيا و الديناميكا لازم تحضرهم كلهم و بيبقي فيه امتحان معمل في الاخر تقسيمة مذاكرة المواد بالتفاصيل: بالنسبة للمواد إنت هتدرس 9 مواد منهم مواد تدريسهم ترم واحد ومواد هتدريسهم ترمين الرياضيات مادة ترمين وعليها 325 درجة هيتعتبر من أصعب المواد اللي عليك بس الكلام ده لو مابتذاكرش أول بأول....لومشيت على نظام إنك تاخد المحاضرة وتروح تذاكرها مش هتلاقي نفسك عندك أيمشاكل وهتجيب فيها امتياز بسهولة وإنتعندك الرياضة في إعدادي 4 فروع.....جبر وهندسة تحليلية وتفاضلوتكامل.....في الترم الاول بتاخد جبر وتفاضل وفي الترم التاني بتاخد هندسةتحليلية وتكامل والترم الاول بيعتبر أسهل من الترم التاني في الرياضةوبتمتحن كل فرع في الترم اللي بتدرس فيه الفرع شوفوا الموضوع ده لخطيب واحمد حسنى ... الجـــــبر والتـــفاضل .......................................... الفيزياء مادة ترمين وعليها 350 درجة أسهل من الرياضة بس برده عايزة شغل ولازم تذكرها برده أول بأول...........برده عندك فيها 4 فروع فيزياء كهربية ومغناطيسية وفيزياء خواص مادة وحرارية في الترم الاول بتاخد خواص مادة وكهربية وفي الترم التاني بتاخد حرارية ومغناطيسية وبتمتحن كل فرع في الترم بتاعه و في معمل فيزياء الترمين و كل ترم عندك امتحان معمل.........و لازم تحضر عشان الغياب و الحضور عليها درجات شوفوا الموضوع ده لبشمهندي على مـــــــــــــــادة الـــفيزيــــــاء ............................................ الميكانيكا مادة ترمين وعليها 225 درجة الميكانيكادي بتتقسم الي استاتيكا و ديناميكا...........في الترم الاول بتدرساستاتيكا بس بتمتحنها في الترم الثاني و الاستاتيكا دي بجد من اسهل المواداللي هتدرسها. هي اسهل من الديناميكا و لازم تذاكرها كويس اوي اوي فيالترم الاول........متأجلش مذاكرتها للترم الثاني عشان مش هتلاقي وقت كافيفي الترم الثاني تذاكر فيه الاستاتيكا الديناميكابتدرسها في الترم الثاني و هي عايزة شغل اكثر من الاستاتيكا و الديناميكادي من المواد اللي لو مذكرتهاش اول باول هتضيع فيها و في في الترم الثاني معمل ديناميكا و هتمتحن بردو امتحان معمل و لازم تحضر عشان في درجات علي الحضور و الغياب ................................................ الرسم مادة ترمين و عليها 200 درجة المادةدي لذيذة جدا..........انت اول ما هتشوف كتاب الرسم هتتخض جدا من الرسوماتاللي هتشوفها بس متقلقش.......واحده واحده هتتعلم الحاجات دي كلها بسفي حاجة بقي........في طلبه معاك من معاهد فنية و صنايع و دول اتعلمواالرسم الهندسي قبل كده و بيبقوا كويسين اوي في الرسم وة ممكن يساعدوك جدالو في حاجة مش فاهمها اوي وامتحان الرسم بيكون في الترم الثاني و بيكون 4 ساعات و اهم حاجة في الرسمانك تعود نفسك من الاول علي السرعة عشان ده المشكلة الوحيده اللي ممكنتقابلك في الامتحان..........ان الوقت مش بيكفي ................................................ الحاسبات مادة ترمين و عليها 100 درجة الحاسباتبتدرسها في الترمين و الامتحان بيبقي في الترم الثاني............مادةسهله و لذيذه جدا جدا جدا و سهل جدا انك تجيب فيها الدرجات النهائية وكتاب الحاسبات كويس جدا و فيه امثله و تدريبات كثيرة اوي .................................................. ... الكيمياء مادة ترم واحد و عليها 100 درجة المادةدي بقي تذاكرها فقط من المحاضرات و السكاشن........بجد انت مش هتهحتاجفيها اي حاجة ثاني.......و هي سهله جدا و الامتحان بردو بيبقي كويس ومشكلته الاساسية بس ان الوقت بيبقي ضيق.....بس هي من المواد اللي سهل اويتجيب فيها امتياز في معمل كيمياء ده بتدخله 3 مرات بس في اخر السنة و بيبقي في امتحان معمل بس دي حاجة بسيطة اوي مش محتاجة قلق ولا حاجة و الامتحان النهائي بيبقي في الترم اللي هتدرس فيه المادة .................................................. ..... الانتاج مادة ترم واحد و عليها 100 درجة الانتاجدي بقي حاول تذاكرها اول بأول من اي حته و بأي طريقة.........هي مادةعليها 100 درجة بس و صغيرة بس بصراحة غبية جدا...مشكلتها الكبري انك مشهتلاقي مصدر كويس تذاكر منه ...انت احضر المحاضرات و اعمل اللي عليك و خليماما تدعيلك كثير قبل الامتحان و ربنا يوفقك عندك 8 ورش لازم تحضرهم عليهم درجات و في امتحان شفوي في الورش و الامتحانات كلها بتبقي في الترم اللي هتاخد فيه المادة .................................................. اللغة الفنية مادة ترم واحد و عليها 50 درجة مادةكده بسيطة ملهاش محاضرات بس في سكاشن و لازم تحضرها عشان الحضور عليهدرجاتو الامتحان في الترم اللي هتدرس فيه المادة.........وهي حاجة مضمونهمتقلقش منها خاااااااااالص ......................................... الانسانيات ماده ترم واحد و عليها 50 درجة مادة كلها حفظ و سهله جدا تتذاكر ايام الامتحانات........و مش هتحتاج فيها اي حاجة غير المحاضرات المشكلة بس في نظام الامتحان الامتحان بيبقي كله اختيارات و بتنقص علي الاجابات الخاطئة شوفوا الموضوع ده على مـــــــــــــــادة الإنسانيات ..........................................
__________________
لا خير في حق لا تدعمه قوة |
|
#15
13-08-2009, 11:37 PM
|
||||
|
||||
|
ده يا جماعة الفوروم بتاع طلبة هندسة القاهرة الجدد
هتلاقوا فيه كل حاجة و تسالوا و تعيشوا فيه ياريت الادارة متمسحش الرابط من فضلكوا انا هدفي هو الافادة مش اي شئ تاني المفروض الاستاذ اشرف والادارة العليا تراعي الكلام ده كويس عشان مينفعش ننزل رابط لحاجة مفيدة ويتمسح من فضلكم اتركوه www.unimasr.com
__________________
لا خير في حق لا تدعمه قوة آخر تعديل بواسطة أحمد بلما ، 14-08-2009 الساعة 09:42 AM |
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 03:31 AM.
