المرتبات الجديدة لجميع المتعاقدين

[مسترأحمد الديرى]

ان شاء الله هيكون خير

[الأمير باشا]

ده علي كلامكم يا جماعة ان المرتبات فيها فرق بين إدارة وإدارة في نفس المحافظة
لاني أنا تعاقد 1/4/2008 ومرتبي 360.5 وحاليا منذ خمس شهور تم خصم 5 جنية نقابة لناء مستشفي للمعلمين في قنا وآخر مرتب لنا في شهر 6 اللي هو آخر شهر قبضناه كان بالضبط 355.5
وقالوا انه في زيادة علي الاساسي حوالي 30 ج يعني المرتب سوف يصل لحوالي 375 بعد الخصومات

[إيمان عبد العزيز]

المشاركة الأصلية كتبت بواسطة vip_9_9

الاخ الفاضل هذا الكلام غير منطقى لازم يكون مرتبات المتعاقدين متساوية لجميع السنوات

الكلام دا فعلا حقيقى لاننا فى مدرستنا المتعاقدين مجموعتين الاولى 2008 ودول بيقبضو364 والتانية 2009ودول بيقبضو 338

[فاروق ابوعيانه]

يا جماعة ما حدش يعرف ليه الفرق فى المرتبات بين الازهر والتربية والتعليم كده

[اشرف عبد الحى]

ايه ده بتتكلموا فى ايه
ازاى راضيين تشتغلوا بالسخرة و الملاليم الفاضية دى
فووووق يا شعب
أساتذة
و ما نيل المطالب بالتمنى و لكن تؤخذ الدنيا غلاباً
اللى عاوز يكون مدرس, معلم, بنى أدم
يقابلنى أمام الوزارة
الأحد 8/8/2010
الساعة12 ظهراً

[mratwa7]

احنا فى الازهر بنقبض 310 بس الشهر ده خدنا 344 +50 جنية بتوع شيخ الازهر
هل سييستمر المرتب 344 ولا دى حوافز شهر 7 اخدنها مقدما وهتخصم منالشهر القادم؟

[امجد7007]

المشاركة الأصلية كتبت بواسطة hassan43

المرتبات فى الأقصر

انا عن نفسى تعاقد وزارى من 2005 و معلم مساعد من 1 / 1/ 2008

و المرتب كان السنة اللى فاتت حوالى 348 و كان الاساسى 144
و السنة دى 364.5 و الاساسى زاد 4 جنية يعنى 148

اما السنة المالية الجديدة دى فاكيد حنزيد 4 جنيه تانى يعنى الاساسى حيبقى 152

و ده تخمينى .................

اما المتعاقدين بعدينا يعنى من شهر 7 2008 و 2009 و 2010
فالمرتبات اقل مننا
حوالى 322
...............................................

اخى الفاضل السنه الماليه الجديده هيزيد الاساسى 30 جنيه وده كلام فعلا حقيقى ودى علاوه 2005 اللى هتنضم لاساسى المرتب واسال اى سكرتير عندك هياكد لك المعلومه وليس 4 جنيه كما تقول

[محمودعامر]

المشاركة الأصلية كتبت بواسطة امجد7007

المرتبات دى خاطئه او غير دقيقه على الاقل وكمان بتختلف من محافظه لاخرى وذلك للاتى
اولا/ مفيش تعاقد قبل 2008 معترف به لأن بدايه مسمى معلم مساعد كان فى 1/7/2008 واى تعاقد قبل هذا التاريخ كأنه لم يكن يعنى مفيش 2007 اصلا
ثانيا/ انا تعاقد 2008 وبأخد زى تعاقد 2009 بالضبط وبعدين ياعم المرتبات دى احنا مش هنمشى عليها اكتر من شهر لغايه بس ما نتثبت وناخد المرحله التانيه من الكادر 90 جنيه وكمان البدل نقدى 53 جنيه بالنسبه لمحافظه سوهاج وشويه زيادات تانى بس برضه شكرا على مجهودك

الغير مستطاع عند الناس مستطاع عند الله

كلام صحيح 100%

[NESCAFIOOOOO]

المشاركة الأصلية كتبت بواسطة teacher120

انتم بتكذبوا الراجل ليه اولا فى الوزاره عندكم المرتبات مختلفه من محافظه لاخرى لانكم بتتبعوا المحافظه فى المرتب مش زى الازهر كيان واحد على مستوى الجمهوريه
المفروووووووووض نشكره ونقوله كتر خيرك مش نقعد نحاسبه ونقاضيه هوا شاف حاجه وقالها ايه ذنبه بقا
شكرا يا مستر

جيبت من الأخر يا أستاذ

[mmm6666]

ايه الكلام اللى انته بتقوله ده كلام فاضى

[محمدطعيمة]

المشاركة الأصلية كتبت بواسطة vip_9_9

الاخ الفاضل هذا الكلام غير منطقى لازم يكون مرتبات المتعاقدين متساوية لجميع السنوات

لا طبعا يا أخي ليست المرتبات متساوية لجميع المتعاقدين .
لأن العلاوت الدورية السنوية بتفرق واحد من التاني بحسب سنة التعاقد

[mahmmoud_sakr]

ممكن حد يوضح سبب الاختلاف فى المرتبات ده مش عل مستوى المحافظه بس لا ده كمان على مستوى الادارة
وكل أداره وليها مرتبات و حصل معايا لما انتقلت من أدارة كوم أمبو لأدارة نصر النوبه

حاجه غريبه

[احمدمسعود]

إن الحكومة يقلقها أن يكون هناك رأى عام ذو صوت عالى.
لأن الحكومة لا تريد أن يعرف أحد أنه هناك فشل لسياساتها.
إن تظاهر ألاف المعلمين فى وسط البلد من كافة محافظات مصر,
سيحرج حكومتنا بشدة و يؤكد للمجتمع كله أن الحكومة لا ترغب فى إصلاح التعليم
أو على الأقل فشلت فى هذا.
سيدى القضية ليست مجرد تثبيتنا و رواتبنا المتدنية,
القضية هى أحوال التعليم فى مصر, و أنت تعرف ما هى أهمية التعليم لهذا المجتمع النازل الى هاوية الجهل و التخلف.
و كم تغنت الحكومة بتطوير التعليم و إصلاح أحوال المعلمين فى مصر!
يجب أن تكشف حكومتنا على حقيقتها أو تستجيب فى الحال.
http://www.facebook.com/group.php?gid=133325813357265

[احمدمسعود]

وقفة المعلمين المتعاقدين يوم الاحد 25/7/2010 امام الوزارة

[العروبة2]

يعني هو فارق قوي الموضوع ده معاكم عشان كده كل شوية سؤال عنه
سبحان الله