هو كويس ولا مش كويس؟؟؟؟؟؟؟

[Heartbeat]

المشاركة الأصلية كتبت بواسطة روزين

انا معاكى ان كلة مش قابض فى منهم فيهم من الشرطة يعنى وفى اللى مش محتاج ان البلد تتغير طالما مش محتاج مش حاسس بظلم لكن ملايين من الشعب مش لاقى شغل مش لاقى يأكل فى بطالة وانتى شايفة فى اللى بيقبض 150 جنية واللى بيقبض 4000 مفيش عدالة لية دة يقبض اكتر من دة واللى يحتكروا السلع ويرفعوها الناس اللى مرتبها قليل هتجيب منين يعنى على فكرة مصر غنية والمفروض ان كل فرد من الشعب لة دخل من قناة السويس اللى احنا منعرفش عنة شىء والمعونات اللى بتيجى من برة بتروح على فين يبقى نقوم بمظاهرات ولا لا؟ يستاهل انة يفضل فى البلد ولا لا؟ يستاهل نحبة ولا لا؟ جاوبى انتى بقى

ما انا عارفه كل الحاجات اللى انتى بتقوليها
هو طبعا ميستهالش ولا حاجة من اللى انتى قولتيها دى
هو انا اصلى لما سمعت الخطاب حسيت انه كويس ونسيت كل الحاجات الوحشة دى
وكل ما افتكر الحاجات دى اكون مش طايقه
هو ان شاء الله هيمشى بس عارفه حاسه انه المفروض يخرج وهو شكله كويس يعنى مش مهان من شعبه بالطريقة دى
طيب مش يمكن دلوقتى هو ضميره فاق وعايز يصحح اللى عمله فى الفترة دى

[حـHoSaMـسام]

بصو يا جماعه اللي بيأيد الرئيس لا هم شرطة ولا قابضين يعني انا النهاردة لقيت تقريبا شوارع منطقتي كلها بتأيدالرئيس او بمعنى اصح بتايد الانتقال السلمي للسلطة هل معنى كده ان الشارع اللي انا فيه قبض؟ لا طبعا الناس دي انا معاشرها من سنين .. مبارك كونه طلع في خطابه الأخير وأكد انه مش هيهرب ده شيئ كويس لازم يحسبله ولو انكرناه نبقى جاحدين .. كان ممكن يسافر اي حته يتمتع ويعيش باقي حياته ملك بس هو حسبها كويس لسببين 1-مش عايز يشوه فترة حكمه فنهايتها 2-مش عايز يبان قدام الشعب خاين..والدليل اهو امريكا والغرب عايز يمشيه.. ما يعكر الصفو الآن هما بلطجية الوطني وبعض الدخلاء في التحرير وانا وضحتلك اسبابهم في المشاركة دي

معدش فيه حاجة اسمها الحزب الوطني خلاص
انا قصدي النواب بتوع الحزب والي حققو ثروات طائلة منه دلوقتي الاخوان المسلمين طغو عليهم لما اشتركو فالمظاهرات فنواب الوطني عايزين يمشوهم عشان يبدأو يعملو لنفسهم دور وطني وعشان يظهرو كمان انهم بيحبو البلد وطردو أصحاب الأجندات الخارجية مما يؤهلهم لأن يكونو موجودين في الحكومة القادمة لتحقيق المزيد(وطبعا ده بعيد عن شنبهم)

لازم برضه نرحم عشان نترحم الراجل ده لو فتحتو دماغو من جواها هتلاقوه مش طايق يكمل
يبقى نعمل إحنا بأصلنا وخصوصا إننا شايفين فده مصلحتنا

[mohsen ghareeb]

المشاركة الأصلية كتبت بواسطة "حبيبة الله"

انا دلوقتى محتارة جدا

مش عارفه هو الرئيس حلو ولا وحش
اتابع التليفزيون المصرى الناس تتصل تشكر فى الرئيس وتمدحه وتقول انه اعظم رئيس وكمان بيبكوا علشانه
اتابع القنوات العربية الاخرى الناس تتصل تعيب فى الرئيس وتقول انه خاين وظالم
وهنا فى المنتدى ناس بتحبه اوى وكأنه زى باباها وبتدافع عنه جدا
وناس تانيه بتغلط فيه ومش بيحبوه وبيقولوا انه مش كويس
وبابا بيقولى انه مش كويس
والله العظيم انا مخنوقة جدا ومش فاهمة حاجة
طيب هو وحش ولا لأ؟؟؟؟؟؟؟؟؟؟

انا لما بفكر فى الناس الفقراء والمرضى بحس انه وحش اوى

لاتحتارى ابنتى الفاضلة
اسمعى كلام بابا
بابا أكيد صح

[Heartbeat]

المشاركة الأصلية كتبت بواسطة mohsen ghareeb

لاتحتارى ابنتى الفاضلة

اسمعى كلام بابا

بابا أكيد صح

ماشى يامستر
ماأنا قولت كده برضه اكيد بابا هو اللى صح

[EbTeSaM91]

هو طبعا لازم يطلع ويقول الخطاب اللى قالة مش يستخبى ويهرب زى رئيس تونس بقى لية30 سنة بس بيحاول يرجع الشعب المصرى لطبيعتة لانة لو ساب البلد دلوقتى كتير هيطمعوا فيها وكمان عايز يخرج بكرامة مش زى الملك فاروق ومش عايز يتحاكم بس الشعب المصرى عايزة يتحاكم زى احمد عز وزهير جرانة وحبيب العدلى الناس اللى نهبت البلد هيتقدموا للمحاكمة وكل شىء هيبان ويمكن زى مابتقولى بيحاول يصلح من اللى عملة بس فى كل الاحوال الشعب المصرى مش عايز حسنى مبارك كفاية كدة

[الجنية الزرقاء]

انا رغم كل حاجه بحبه مبكرهوش
بس هو اناني
لو بيحب شعبه بجد كان اتنحي من علي العرش
مش خالاهم يقتلوا في الشعب
شوفي كام واحد مات غير الجرحي طبعا
وكمان الشعب اكتر من التلتين بيعانوا من الفقر وغلاء الاسعار وحجات كتير

شوفي بقي في البنوك عنده فلوس اد ايه مش في مصر طبعا في الدول التانيه
والوزراء والحكومه ناهبين البلاد
اللهم استر علينا
وكمان بقاله كم سنه بيحكم
المفروض يبقي في قانون ال60 ويطلع علي المعاش وعاوزين يعوينوا بداله النائب 75 سنه يا ساتر
احنا بنطالب برئيس جديد
يفهمنا علي االاقل 45 سنه المفروض 40 السنه القنانوي للرئاسه
عشانا الرئيس يبقي قريب من الشعب
مش ميت عايش
وطبعا منكرش ان حسني مبارك رجل بطولات وسلام
وده رايي واسفه لو كان غلطش

[Heartbeat]

المشاركة الأصلية كتبت بواسطة الجنية الزرقاء

انا رغم كل حاجه بحبه مبكرهوش
بس هو اناني
لو بيحب شعبه بجد كان اتنحي من علي العرش
مش خالاهم يقتلوا في الشعب
شوفي كام واحد مات غير الجرحي طبعا
وكمان الشعب اكتر من التلتين بيعانوا من الفقر وغلاء الاسعار وحجات كتير

شوفي بقي في البنوك عنده فلوس اد ايه مش في مصر طبعا في الدول التانيه
والوزراء والحكومه ناهبين البلاد
اللهم استر علينا
وكمان بقاله كم سنه بيحكم
المفروض يبقي في قانون ال60 ويطلع علي المعاش وعاوزين يعوينوا بداله النائب 75 سنه يا ساتر
احنا بنطالب برئيس جديد
يفهمنا علي االاقل 45 سنه المفروض 40 السنه القنانوي للرئاسه
عشانا الرئيس يبقي قريب من الشعب
مش ميت عايش
وطبعا منكرش ان حسني مبارك رجل بطولات وسلام
وده رايي واسفه لو كان غلطش

عندك حق حبيبتى
كلامك صحيح
ده كمان لم يكتفى ب30 سنة كان عايز يسلم ابنه الحكم
ربنا يسامحه

[EbTeSaM91]

فى الاول والاخر انا وضحت ليها وجهة نظرى فى ناس كتير لاهى قابضة ولا من الشرطة بس دول مش محتاجين مش عايزين البلد تتغير وبمعنى اصح بعد اللى حصل فى مصر من دمار بيقولوا للى فى ميدان التحرير كفاية اللى حصل لمصر بس فى ظلم خلى ملايين من الناس تقول مبارك لا وعلشان اللى ماتوا ولا نسيتوا

[Heartbeat]

خلاص يا جماعة اهدأوا كل واحد حر يقول اللى عايزه مادام مش بنغلط فى بعض
وبعدين احنا اخوات ولا ايه

[حـHoSaMـسام]

المشاركة الأصلية كتبت بواسطة "حبيبة الله"

خلاص يا جماعة اهدأوا كل واحد حر يقول اللى عايزه مادام مش بنغلط فى بعض
وبعدين احنا اخوات ولا ايه

ســــــــــليم

[سعد عطا الله]

طبعا الرئيس كويس
الناس نتتبللى عليه بيقولو
ان هو بيهرب الفلوس الى سويسرا وهو يا عينى بيحوشهالكو
والناس الظلمة بيقولو ان فيه بطالة
هو غلطان انه مريحكم؟؟؟
بيقولوا ان مفيش أكل لازم كل شعب يكون فيه رجيم وهو يا عينى مريحكم وهو طالع واكل نازل واكل

[Heartbeat]

المشاركة الأصلية كتبت بواسطة سعد عطا الله

طبعا الرئيس كويس
الناس نتتبللى عليه بيقولو
ان هو بيهرب الفلوس الى سويسرا وهو يا عينى بيحوشهالكو
والناس الظلمة بيقولو ان فيه بطالة
هو غلطان انه مريحكم؟؟؟
بيقولوا ان مفيش أكل لازم كل شعب يكون فيه رجيم وهو يا عينى مريحكم وهو طالع واكل نازل واكل

تعليق مضحك ومحزن فى نفس الوقت