لابد من وقفة ايجابية ......... وتمت الاستجابة

[على عسل]

الجملة موجودة فى صفحة 28 على لسان الكاتب و 3 جمل لازم يتلغوا والجملة رقم 16 سهلة ولكنها من المحزوف دة غير ان الحاجات دى ضيعت وقت الطلبة فى التفكير فيها لابد من وقفة احتجاجية قبل التصحيح

[Okila]

دول خربوا بيوتنا والله

[hetiga]

ال تابع القناة التعليمية4 امس هيلاقى طالبة طلبت ترجمة جملتين الامتحان بالنص سلملى ع الوزارة وتسريب الامتحانات

[نبيل موريس جورج]

ما يحزن ان الامتحان لايقوم بوضعه شخص واحد كنا قولنا الخطأ وارد والخطأ هنا غير وارد لان الجمل منقوله من امتحانات 3 ثانوي السابقة او من امتحانات الوك بوك بتاع 3 القديم
*********
وللاسف المشكلة ليست في حذف ال3 جمل لكن انا عرفت ان طلبة انهارت من الاسئلة دي
بالاضافة لاضاعة وقت الطلبة في تفكير في حل هذة الجمل
ونفسي افهم ايه فكرة الكويتيشن ؟
فلماذا كتب مين بيقول لمين؟ ما كان عملها اسئلة عادية

[tamer h k]

المشاركة الأصلية كتبت بواسطة ashrafnour

طبعا انا شايف ان اللى حاطط الامتحان يظهر انه عنده غيبوبة لان جملة الكوتشن اصلا محدش قالها واللى قالها الكاتب
بالضافة ان فيه 3 جمل من منهج 3 ثانوى القديم
انا سأرسل شكوى لادارة الامتحانات

اخوكم / أشرف البربرى
مدرس أول لغة انجليزية بالقناطر الخيرية

كلامك صح تماما يا استاذ اشرف
الجملة دي محدش اصلاً قالها
يعني لا حد قالها ولا اتقالت لحد
وده نص القصة الاصلي اللي وردت فيه الجملة العبيطة دي
The Hassans welcomed their visitor. They offered him food and drink and asked politely about his journey from England. Ayman did not know what to do or say. Maybe he was wrong about the spider, but now this famous man had come all the way from England to see him. Now the story of the dangerous spider would probably get into the newspapers. Businesses in the town would lose money. Everyone would be furious. Ayman wished he had never started this!

[mohamed fouadd]

يعني معلش يعني لاني هشد في شعري بالشكل دا انا ابقي قاعد ليل نهار بشتغل علي نفسي عشان ادخل اقفل الامتحان واجيب اعلي درجة ممكنة والحمد لله ربنا يوفقني وادخل الامتحان الاقي اخطاء زي دي !!
دانا حسيت اني داخل مادة تانية

[A1one]

ربنا يستر !!!

[نبيل موريس جورج]

المشاركة الأصلية كتبت بواسطة hetiga

ال تابع القناة التعليمية4 امس هيلاقى طالبة طلبت ترجمة جملتين الامتحان بالنص سلملى ع الوزارة وتسريب الامتحانات

دي تبقي كملت ياريت حضرتك تحدد جزء الحلقة او تبعت سؤال البنت

[نبيل موريس جورج]

http://www.youm7.com/News.asp?NewsID=438453
استجابة الوزارة
شكرا لكل مدرس ارسل شكوي للوزارة او طالب بحق الطلاب من خلال اي وسيلة اعلامية

بايدينا هنغيرها ونتغير

[ضوء الشمس]

بناءً على ما ورد إلى وزارة التربية والتعليم من شكاوى بعض طلاب المرحلة الأولى من الثانوية العامة، من احتواء الورقة الإمتحانية على بعض الجزئيات من خارج المقرر الدراسى.
وحرصاً من جانب الوزارة على مصلحة أبنائنا الطلاب، فقد أمرالأستاذ الدكتور/ أحمد جمال الدين موسى وزير التربية والتعليم، بتشكيل لجنة محايدة لدراسة وتقييم الاختبار المشار إليه، والتي انتهت إلى عرض ما يلي:
1. حذف الفقرات أرقام (2) و(10) و(11) و(16) من السؤال رقم (3) بورقة الأسئلة (الاختيار من متعدد)، وذلك لاحتوائها على مفردات لم تدرس في إطار المقرر الدراسى.
2. إضافة درجات تلك الفقرات إلى الفقرات أرقام (1) و(3) و(4) و(5) على الترتيب في نفس السؤال.
بشرط ألا يترتب على ذلك ضرر يقع على الطالب الذي أجاب إجابة سليمة على الأجزاء المحذوفة.

[نبيل موريس جورج]

المشاركة الأصلية كتبت بواسطة hetiga

ال تابع القناة التعليمية4 امس هيلاقى طالبة طلبت ترجمة جملتين الامتحان بالنص سلملى ع الوزارة وتسريب الامتحانات

هل حضرتك بتقصد الحلقة دي ؟


اعتقد ان الجمل عادية لا تحتمل التخوين للجنة وضع الامتحان فنفس الجمل تقريبا في امتحان الازهر

[mohamdyoon]

طب والكوتيشن يا جماعة ارجوكم ابعتوا ليهم شكاوى بالنسبة لهذا السؤال الغريب

[mrs hope]

ممكن اعرف بجد اشمعنى امتحان تانية يا ترى فى حد من المسؤولين اولادة فى تانية معلهش هو شكككك سخيف لان ثالثة امتحان غبى ومحصلش اى حاجة لييييييةةةةةةةة

[mrs hope]

ثالثة اسئلة فنيا خطا تماما ولا يعنى علشان دفعة منحوسة

[_ m3md_94_]

حسبى الله ونعم الوكيل فى احفاد اليهود وهو ياترى هنستفيد بالاسئلة الملغية ولا هيوزعها على الاختيارى اللى انا اصلا حلو صح والكوتيشن محدش قاله اساسا على كده اللى حط الامتحان كان سكران طينه واعتذر عن تلك الالفاظ لانى خلاص اتجننت