يا معلمي مصر كفاكم طمعا

[alaa20022003]

الباشا من كوكب تاني

مين الطماع بعد 27 سنه 1200 جنيه بكالوريوس تربية

[mos3d]

المشاركة الأصلية كتبت بواسطة yaheeee

يا معلمي مصر كفاكم طمعا

ونأسف للسيد الوزير علي هذه الحملة الشرسة
التي لاتعبر إلا عن طمع فئة بسيطة لا تتعدي 1% من العاملين بالدولة .
وأوجه كلامي للسادة الزملاء أصحاب العقول
لماذا تطالبون بالتميز والمغالاة وزيادة الأجور دونا عن باقي العاملين بالدولة .
هل هذه الثقة سببها يرجع إلي
نجاح العملية التعليمية الباهر في مصر
وجودة مخرجاتها اللي تشرف وترفع الرأس
أم إلي إلتزام المعلمين الدقيق بمعايير المهنة
لماذا والجميع يعرف جيدا أن التعليم منهار في مصر

ولكن للحق ( والشئ بالشئ يذكر )
أوجه كلمتي لمعالي وزير التربية والتعليم
الذي أفتخر به وزيرا
يجب أن تضع في إعتبار سيادتكم شئ بسيط
: ليس التعليم وحده هو الذي يرتدي ثوب الفشل في هذا البلد
ولكن المحليات أفشل
والتأمين الصحي ألعن وأضل سبيلا
ومنظومة المواصلات والطرق والمستشفيات يتنافسان بشدة علي كأس الفشل وقتل المصريين
وكلها قطاعات خدمية ولكنها حصلت علي 200% حوافز علي أساسي هذا العام
هذا للتذكرة .
والأن أنقل دفة الكلام لزملائي المدرسين
يجب أن تظهر مطالبنا بشكل أكثر ذكاء لا نظهر فيه بمظهر الطامعين
فيتمكن الإعلام من النيل منا وإسكات اصواتنا
ولا نحصل علي أي شئ . سواء حرق الدم .
مثلا
أولاِِ : الموافقة علي أن يتم إدراج الكادر ضمن الحوافز
ولكن بشرط أن يتم إحتسابه علي أساسي 1/ 7 / 2011
وأظن دا مطلب عادل خالي من الزيادات
ودي هتفرق معانا كتيير
ولا مانع من أن تستمر الإمتحانات علي الكادر كشرط للحصول عليه ( هي مرة كل خمس سنين ) بس يوفرلنا المادة التعليمية المناسبة
( ذي نظام icdl ) والعملية مش غلبة دا هي مجموعة من المهارات والمعلومات اللي لابد من توافرها بالمعلم )
وأنا واثق إن كل المعلمين قادرين علي المرور من هذه المشكلة

ثانيا : يتم توزيع المكافاءة علي مدار السنة
وأظن دا مطلب عادل خالي من الزيادات
بس هتفرق معانا لأن ( المكافاءة علي النظام السنوي فيها خصم 11% )
عند توزيع المكافاءة الخصم دا هيختفي وهتظهر النسبة الحقيقية وإحنا المستفيدين

يعني من الآخر عايزين 200% مجمدة علي أساسي هذا العام
وبدون مكافاءة
وبدون كادر ( وموافقين علي الإمتحانات )
إلي كل مدرس إحسبها مع نفسك وبلغني بالرد لو كانت هتخسر معاك
وخلي حد يعيبنا في البلد بعد الطلبات دي

أو إعلام ينتقدنا

طبعا واضح من كلامك إنك لا معلم و لا حتى فراش فى التعليم .. أنت مجرد شخص دخل ليمنع توحد المعلمين على كلمة واحدة و لكن دورك القذر مكشوف فأنت مثلك مثل أحمد الكبير و غيره

بس انت قدمت لنا فائدة كبيرة و هى اننا عرفنا أن الحكومة بدأت تخاف من موقف المعلمين و بدأت ترسل عملائها لتفرقة الرأى لكن هيهات

أيها المعلمون الشرفاء .. اثبتوا على كلمتكم و لا تستمعوا لمثل هذا الرجل الذى لا ينتمى للتربية و التعليم

[alaa128]

البيتكلم بالشكل دى اكيد تعيين جديد ومعندهوش اولاد عاوزه تعيش وميعرفش ان اجار الشقة 450 جنه وكهرباء وماء 100 ومواصلات 150 وعاوز يأكل ويشرب ويلبس هو واربع اولاد وزوجه يعم مش راح اقلك كل لحمة كل لحمه صومالى ال الكيلو30 جنيه متكلش لمه بلدى ام 60 ومتكلش بامية ال الكيلوا 11 جنيه احسبه يا ابوا العريف
صدقنى المرتب قبل ما ينقبض بكون استلفت عليه وسددت ديون الشهر
ونبى تسكت احسن الواحد مش ناقصك

[خالد ابو بكر المظالى]

يا جماعة يا ريت نتجاهل هذا البنى ادمyaheeeeو منردش علية
لانة من المأجورين و المندسين على المدرسين الشرفاء
( يا فلول )
( يا فلول )
( يا فلول )

[mohmedmhros]

إلى كل من يطالبون بتأجيل يوم الاربعاء اليكم قصة للتذكرة
عندما جاء ابرهه لهدم الكعبة جاء عبد المطلب جد الرسول صلى الله عليه وسلم للدفاع عن الابل التى يملكها وعندما سأل عن الكعبة فال للبيت رب يحمية يا رب تكون الرسالة وصلت هو يعنى احنا هانروح ندافع عن سيناء ( لا تراجع يا معلمين ففى التراجع الاستسلام )

[هيما2011]

إن المستشارين الألمان أثاروا ونظموا وقفة احتجاجية للمساواة بالمعلمين في المرتب فحضرت لهم المستشارة الألمانية أنجلي ميركل وقالت لهم هل تريدون المساواة بما علموكم معاها حق طبعا في كل كلمة قالتها ؟؟؟؟

[popopopopo]

سبع سنين ومرتبى بالكامل 565 جنيه وللأسف ماليش بخت فى الدروس لأن مدرستى فى قرية نائية يعنى على الأقل 60 جنيه مواصلات شوف بقى ال500 جنيهيعملوا إيه دلوقت من أسبوع بس عرفت من واحد قريبى( مابيعرفش يقرا ولا يكتب) إن مرتبه 1700 غير الميزات اللى بيتمتع بيها فى شغله ومش عايز أقول بيشتغل إيه ربنا يباركله ويزيدوا بس ماحدش يقول عنى طماع .. أبقى انا طماع .. لا حول ولا قوة إلا بالله

[khaled1968]

انت مدرس اكيد انت واخد قرشين لكى تقول هذة الكلمات اكيد انت تبع بلطجية موقعة الجمل فوق لنفسك مرتب احسن معلم لايكفى العيش الحاف النهاردة ياريت متورناش وشك بعد اليوم

[khaled1968]

ان كنت بتعطى درس فاعلم ان مدرسين حيتان فى الدروس جالهم مرض أخذ كل شىء واصبحوا على الحديدة لاتغتر بدروسك واتقى الله

[khaled1968]

اسمع ياله اخرج من هذا المنتدى والا حبعت لك الواد بلية ابو سنان حمية العامل فى الكهرباء مرتبه يساوى مرتب مدرستك بالكامل مرتب التربية والتعليم يفضح وابلاش فضايح عامل لايقرأ ولايكتب بيأخذ 2000 جنيه فى البترول غير كل شهرين يأخذ شهر غير البدلات الأخرى يااخوانى جهزوا انفسكم لكى تأخذا زكاة الفطر لأننا من المستحقين للزكاة وارجوكم اطردوا الولد ده من هنا والا ..............

[khaled1968]

اخرج يامندس ياكذاب يامنافق واحذر الدرك الاسفل من النار

[محمد مدحت حسنين]

ياسيدى اقسم بالله العظيم كنت موجود امام مجلس الوزراء يوم الاربعاء الماضى وطلب السيد رئيس الوزراء ان يجتمع مع ممثلين عن المعلمين وفوجئت برفض القلة وفرض رائيهم على الاغلبية وتطاولوا بالألفاظ التى لاتليق بنا كمعلمين تربويين وانصرفت بعدها تماما كان 3 او 6 ممثلين عن المعلمين يطلعوا ويقابلوا رئيس الوزراء ويفهموه طلباتنا ونشوف الرد يعجبنا ولا لا وبعدين نتصرف يمكن الراجل فاهم الصورة غلط لكن ان احنا نطالب رئيس الوزراء ينزل فى الشارع ونكلمه مش معقول طبعا انا شوفت صحفية وحولها 16 مدرس وكل واحد بكلمه اتحدى لو هى فهمت الموضوع صح فكروا شويه احنا مكناش لاقيين حد يسم صوتنا

[medo111]

الاخ yaheeee العملية ليست طمع ولكن عدالة كما تقول ثورتنا المجيدة التى لم تحقق اى نوع من العدالة هل العدل ان يأخذ مدرس متعين من سنة 2002 خريج كلية التربية و ما ادراك ما عناء الوصول لهذه الكلية هل العدل ان يأخذ مرتب بالكادر 650 جنية و لو اضفنا المكافأة يصبح 820 اول عن اخر فى الوقت الذى يأخذ فية نفس تاريخ التعيين فى احد البنوك ما يوازى 4000 و 5000جنية او وكيل النيابة خريج كلية الحقوق او من يعمل بالضرائب خريج التجارة او من يعمل بالبترول دا حتى مندوب المبيعات مرتبة اعلى من اى مدرس . لماذا المدرس هو الفئة الوحيدة فى المجتمع الذى يبحث و خلى بالك يبحث عن شغلانة اخرى او يعطى دروس لغاية 7 او 8 واحيانا 10 مساءا هل هذا طمع ام قلة دخل ؟ هل احد بالدولة كلف نفسة و اعلن عن مرتب المدرس الحقيقى ؟ ارجو منك الاجابة على اسئلتى و ارجو ان تعرفنى انت بالتربية و التعيم و لا لأ ؟ و كم مرتبك ؟ و قبل ما تجاوب هاجاوب انا : اما انك اساسا مش بالتربية و التعليم و اما انك من السادة كبراء التربية و التعليم بقالك اكتر من 20 سنة و بسم اللة ما شاء الله و لا حسد مرتبك عدى ال1000 جنية من غير المكافأة . ياريت تتقوا الله فى مدرسى مصر الذين لو توافرت لهم الراحة النفسية و المادية اقسم لك سيقومون بتخريج اعظم العلماء انما لا يصح ان نحمل المعلم مسؤولية انهيار التعليم انما هى مسؤولية مشتركة تتحمل الحكومات المتعاقبة الجزء الاكبر منه و هى حكومات المستشارين و الدواوين و الجودة الورقية . ارجو منك الرد على اسئلتى السالفة.

[سامى محمد عامر]

12 الف فى السنه غيرك بياخدهم فى الشهر

[Nabila]

دخل الواحد 12 الف جنيه ... ربنا يحظك بالضحك .....وانت دخلك كام على كدة ... انا عندى امينة معمل 20 سنة بتاخد 400جنية ....
فعلا وعايزين التعليم ينعدل ... مشكلة مصر التعميم ........99% من معلمين مصر يحتاجو الذكاة ........والباقى اباطرة الدروس الشماعة الى الناس بتعلق عليها فشلها يعنى نسبة ضعيفة جدا ........ مدرس الرسم ولا الالعاب والانشطة .... والمكتبة زالاخصائين ... دول هيعطوا دروس !!!!!!!!!!!!!
الرحمة فوق العدل