بشرة خير موافقة مجلس الوزراء على صرف حافز 200%كاملا للمعلمين بعد تدبيره من احتياطى

[moh_mkey]

هيبان الايام الجاية
وربنا يسهل احنا مش غاوين اعتصامات

[ابو عيد]

يا جماعة الخير الخبر مصدره من رئاسة الوزراء وكمان لسة الخبر النهاردة وكمان عشان يتنفذ لازم ناخد وقت المهم يتنفذ وكما ن باقى المطالب بعد كدة سهل انها تتنفذ تباعا ونفاوض عليها بعد لم شمل حركات المعلمين مع بعض وليست النقابة المستقلة وحدها وكمان ايه رأيكم نصبر شوية لما نشوف صدق الحكومة فى تنفيذ القرارات وخاصة هذا القرار وبعدين شارع القصر العينى مشهيتغير او هينتقل وكمان ننسق فيما بيننا ونتوحد يا ريت حتى لا نفشل وتذهب ريحنا

[Soaad-532]

المشاركة الأصلية كتبت بواسطة ابو عيد

يا جماعة الخير الخبر مصدره من رئاسة الوزراء وكمان لسة الخبر النهاردة وكمان عشان يتنفذ لازم ناخد وقت المهم يتنفذ وكما ن باقى المطالب بعد كدة سهل انها تتنفذ تباعا ونفاوض عليها بعد لم شمل حركات المعلمين مع بعض وليست النقابة المستقلة وحدها وكمان ايه رأيكم نصبر شوية لما نشوف صدق الحكومة فى تنفيذ القرارات وخاصة هذا القرار وبعدين شارع القصر العينى مشهيتغير او هينتقل وكمان ننسق فيما بيننا ونتوحد يا ريت حتى لا نفشل وتذهب ريحنا

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!

[علي جاد الكريم]

ليصل اجمالي الحافز الي 200 ٪

ركزوا في خداع الحكومة
للأسف يعني هيشيل نسبة المكافأة فقط ويكمل

واتحسب لنا الكااادر المهين كنوع من الحوافز

[RABIAFAYED]

المشاركة الأصلية كتبت بواسطة علي جاد الكريم

ليصل اجمالي الحافز الي 200 ٪

ركزوا في خداع الحكومة
للأسف يعني هيشيل نسبة المكافأة فقط ويكمل

واتحسب لنا الكااادر المهين كنوع من الحوافز

كلام مظبوط ولن يستفيد منه الا القليل من المعلمين

[بكار عبده]

ربنا يسهل و أفلحوا إن صدقوا و نفذوا

[أبو إسراء A]

لا جديد
الكادر داخل نسبة 200% ، وتوفى إلى رحمة الله الكادر ، ولا عزاء للمعلمين .

[mos3d]

نحسبها بالعقل كده
ناخد متوسط المرتب الأساسى للمعلم
و لنفرض أنه 350 جنيه ( هناك أكبر و هناك أصغر )
فتكون نسبة الزيادة الـ 175 % تقدر بمبلغ 612.5 جنيه
فإذا حذفنا منها 10 % استقطاع فتكون الزيادة هى 551.25
فإذا كان عدد المعلمين هو 1.2 مليون سيحصلوا على الزيادة لمدة 12 شهر
فبحسبة بسيطة يكون المطلوب هو
551.5 * 12 * 1200000 = 7938000000
يعنى حوالى 8 مليار جنيه
فكيف يكفى مبلغ 2 مليار التى وضعتهم الحكومة ؟؟

على كل حال هناك نقطتين
الأولى أن هناك لقاء اليوم للوزير على قناة روتانا مصرية فى برنامج ناس بوك مع هالة سرحان الساعة 9 مساءا ..و الوزير المفروض لو الخبر صحيح سيبادر بإعلانه فورا لأنه يعتبر إنجاز هام له

النقطة الثانية أننا لن نطمئن أو نتراجع عن مطالبنا و إضرابنا إلا بعد صدور قرار رسمى و ليس مجرد كلام و وعود

[محمد عاطف2]

]لا الكادر ولا المكافأة ضمن ال 200 %
الذيادة الفعلية هى 175 %
لان هناك 25 %تصرف مع المرتب
هذه هى القصة باختصار
لاداعى لكل ما يثار]

[mos3d]

المشاركة الأصلية كتبت بواسطة محمد عاطف2

]لا الكادر ولا المكافأة ضمن ال 200 %
الذيادة الفعلية هى 175 %
لان هناك 25 %تصرف مع المرتب
هذه هى القصة باختصار
لاداعى لكل ما يثار]

و الله ياريت يكون صحيح
لكن كما وضحت فى مشاركتى السابقة
أن ما تعد به الحكومة يكلف حوالى 8 مليار
فكيف ترصد له 2 مليار فقط ؟؟

[ابواحمدومحمد]

المشاركة الأصلية كتبت بواسطة mos3d

و الله ياريت يكون صحيح

لكن كما وضحت فى مشاركتى السابقة
أن ما تعد به الحكومة يكلف حوالى 8 مليار

فكيف ترصد له 2 مليار فقط ؟؟

اتفق معك تماما
وهذا جاء علي لسان الوزير
حينما قال ان فصل المكافئه والكادر يتطلب اكثر من 6 مليار جنيه
اما مارصدته الاخبار فهو فصل المكافئه عن الحافز
يعني المستفيد وكما جاء علي لسان الوزير
المعلم المساعد والمعلم والمعلم اول

[عاطف رجل صالح]

ربما يكون حافز الاثابة 25 % + المكلفئة 85 % يكون الاثابة 210 % والكادر على الاساسى الحالى

وربما يلغى عمل المستشارين ويوفر مليارات ويعطى الجميع

[هيما2011]

ان نقابه المعلمين المستقله هي خير من يمثل المعلم المصري وهي تتفهم جهل وزير التربيه والتعليم
كلام فارغ وليس له قيمه واشاعات واكاذيب الوزير المنافق واعوانه
انا من العاملين في الدوله يطبق علينا حافز 200%
انا اخذ حوافز 25 % شهري لكي اخذ حقي يكمل ب 175% = 200%
كله الكلام للوزير ومستشاريه كذب واشاعات وتضليل لتشويه المعلم المصري في نظر الراي العام المصري
واحداث الفرقه بين صفوف المعلمين والفتنه بين اولياء الامور والمعلمين والتلاميذ ايضا انهم يدمرون مصر من كل الجوان

[hryany]

هذه الحوافز ستصرف ل3 مستوبات : معلم مساعد - معلم - معلم أول
و3 مستويات ليس لها فى الزيادة وهى : معلم أول أ - معلم خبير - معلم كبير
طبعا الحسبة بعد استبعاد المكافأة وحساب الكادر
وطبعا اللى ما أخدش يعمل اضراب مع نفسه واللى أخد يشتغل
وبكدة نكون قد ضربنا (اسفين ) بين جموع المعلمين وفرقنا كلمتهم
هذا الفكر الرجعى الاستعمارى ( فرق تسد )

[mohamedkeder]

مجلس الوزراء يوافق على حافز إضافي جديد للمعلمين يصل إلى 200%
حد فاهم حاجة ال 50% بدل الاعتماد محسوب ولا لأ ....؟
طيب معلم اول أ بدل الاعتماد 50% + حافز الكادر 100% + الحوافز العادية 25% يبقى ال25% برضة ...؟
طيب معلم خبير بدل الاعتماد 50% + حافز الكادر 125 % + الحوافز العادية 25% يبقى ايــــــــــة ......؟
الظاهر ان الناس دى بتضحك علينا والله اعلم .......؟؟؟؟؟؟؟؟