لو هندسة المطرية ... يبقي تعالي هنا

[Mariam94]

طيب معلش سؤال كمان d:
هو التنسيق بتاع الاقسام بيختلف كل سنه من حيث ترتيب الاقسام ولا ترتيبهم هو هو ؟؟
و لو هو هو ...... ايه هو الترتيب ؟؟

[W0LVeRiNe]

ياعـم مش هتلاقى اكتر منها ف الكليه والله متقلقـش ده انت مش هتبـقى عارف تاخد ايه ولا ايه اساسا ..

[W0LVeRiNe]

اه بيختـلف على حسـب المجاميع والرغبـات يعنـى هو موضوع عرض وطلب .. بس عندنا غالبـا بيبقى مدنى وعمـاره اعـلى حـاجه بعديـن ميكانـيكا وسيـارات اخر حاجه ..

[omar_15]

طيب معلش يا معلم احنا تقلنا عليك

[Mariam94]

شكراا اوى
تعبتك معايا
انا ان شاء الله هروح بكره و اشوف موضوع التقديم و طلبين ايه و امتى و كده و ربنا يسهلها

و اتفرج على الكليه بقى d:

[W0LVeRiNe]

متقولوش كده تعـب ايـه احنـا تحـت امركوا وبنرد جميـل النـاس اللى تعـبت معانا وانـتوا بعد كده هتكمـلوا المسـيره

[Eng.ashrafessam]

please ya gama3a ana el7 da5lt Matria 7elwan _momken b3d e3dadi arooo7 7elwan wala sa3ba????

[Noura_Ali]

ممكن طبعا تحول حلوان بعد اعدادي لو عايز تدخل قسم من الاقسام ال هناك , اصلا الاتنين ف جامعة حلوان بس الاقسام متقسمة بينهم , انا مجموعي جايبها مرتاح بس مش عاجبني الاقسام ال فيها اوي

[omar_15]

طيب والتحويل لعين شمس ؟

[Eng.ashrafessam]

meeeeeeeen feko nefso yod5l Mechanic power?????

[W0LVeRiNe]

المشاركة الأصلية كتبت بواسطة noura_ali

ساكنة ف الهرم

اه انتى زى حالاتى المشـوار هيأرفك اوى بس استحملى بقى وامركـ لله .. جربى تروحى القاهره تسألى على التحويل لهنـاك وخليكـى وراهم احتـمال يبقـى فيه أمل هو صعـب بس مش هتخسـرى حاجه ااما تحاولى اسعى بس انتى ويمكـن ..

المشاركة الأصلية كتبت بواسطة omar_15

طيب والتحويل لعين شمس ؟

التحويل حاليـا بيبقـى صعـب بس انت برضه روح واعرف وحاول .. ولو كملت ف الكليه ممكن تحول بعد اعدادي تجيب بس لازم تقدير جيد جدا وسكنك ف القاهره ومبيتفحلكش كل الاقسام .

[DarkPrince]

السلام عليكم شباب

كان عندي استفسار بخصوص الاقسام ف هندسة المطرية

هوا مدني و عمارة بياخدو اعلى مجاميع ف الثانوية العامة وللا بندخل حسب تقديرنا ف اولى جامعة

[Noura_Ali]

على حسب تقدير اول سنة ف الجامعة ال هي اعدادي

[moataz707]

معلش يا جماعة علي التاخير مبالكو اني انا اللي عامل الموضوع و عامل مشاركتيين ولا تلاتة بس هههههه المهم كل واحد يملا الإستمارة دي و هأضيفها في الموضوع الأساسي

الأسم :
السنة الدراسية :
القسم ( لو لسة اعدادي تكتب اعدادي ):
المدرسة :
السكن:


علشان نعرف بعض و كلنا نشوف يمككن نكون سكنيين جمب بعض و مش عارفين بعض

و هأبدأ بنفسي

الأسم: معتز محمود (مهندس طبعا )
السنة الدراسية : اعدادي
القسم : اعدادي
المدرسة :عباس العقاد التجريبية للغات
السكن : مدينة نصر

[moataz707]

طبعا حوار النقل للموضوع الأساسي دا خاص بالمشرف و ربنا يسهل و يوافق