نصيحة طالب جامعى لطلبة علمى رياضة اللى مجبوش مجموع هندسة

[X-Lance]

المشاركة الأصلية كتبت بواسطة smart5533

طيب هو لازم اكون واخده مستوى رفيع انجليزى ؟

لأ مش اجبارى انك تكونى واخده الانجليش مستوى رفيع
الاجبارى بس انك تكونى جايبة فوق درجة معينة فى الانجليش بتختلف من جامعة لجامعة و من سنة لسنة ممكن تبقى 40 أو 42.5 أو 45
بس لو واخده مستوى رفيع انجليش بيضاف الزيادة عن 5 من 10 فى المجموع الاعتبارى فبيزود فرصك فى القبول

عارفة المجموع الاعتبارى بيتحسب ازاى ؟

[IslamHindawy]

تسلم ........

[hossam5050]

الف شكر انا جايب 91% و كنت محتار بين حاسبات و معلومات و بين تجارة انجلش لكن بعد الكلام ده داخل تجارة انجلش

[X-Lance]

المشاركة الأصلية كتبت بواسطة hossam5050

الف شكر انا جايب 91% و كنت محتار بين حاسبات و معلومات و بين تجارة انجلش لكن بعد الكلام ده داخل تجارة انجلش

أهم حاجة تشوف الأول المواد اللى هتدرسها فى تجارة انجليش قبل ما تختارها
و اعمل حساب المصاريف بتاعتها برضو
هى بالكتب ممكن تبقى 5000 أو 5500 و لو من غير 3500 أو 4000 على حسب كل جامعة

[السلف]

انا مش فاهم حاجه خالص انا جبت 87.35 وممكن الحق تجارة انجلش ولابعيدة

[GGMGG]

طيب القاهره وفرع الشيخ زايد فى نفس الجامعه (المكان بيبقى جامعه القاهره ولا ايه

[X-Lance]

المشاركة الأصلية كتبت بواسطة ggmgg

طيب القاهره وفرع الشيخ زايد فى نفس الجامعه (المكان بيبقى جامعه القاهره ولا ايه

مش عارف بصراحة , أنا بسألك دلوقتى واحد صاحبى فيها عن كل التفاصيل بتاعتها و هرد عليكى قريب جدا و ممكن برضو تدورى على الصفحة أو الجروب بتاعهم على الفيس بوك

[X-Lance]

المشاركة الأصلية كتبت بواسطة السلف

انا مش فاهم حاجه خالص انا جبت 87.35 وممكن الحق تجارة انجلش ولابعيدة

الأول أنت أدبى و الا علمى ؟
و جايب كام بالمستوى الرفيع من 410 ؟ و جايب فى الانجليش كام ؟ و لو واخد مستوى رفيع انجليش جايب فيه كام ؟

[السلف]

انا علمى رياضة وواخد مستوى عربى وجيب ف الانجليش 48 ؟؟؟

[X-Lance]

المشاركة الأصلية كتبت بواسطة السلف

انا علمى رياضة وواخد مستوى عربى وجيب ف الانجليش 48 ؟؟؟

أنا أسف جدا على التأخر فى الرد
أنت مجموعك الاعتبارى = 358 + 48 = 406 (88.26%)
السنة اللى فاتت تجارة انجليش جامعة عين شمس خدت 416 (90.4%) علمى
فأنا شايف فرصتك هتبقى أحسن فى جامعة حلوان مثلا لأنها بتاخد أقل بس مش عارف بتاخد كام بالظبط و ممكن برضو جامعة القاهرة فرع الشيخ زايد عشان بتاخد مجموع أقل

[امير حزنان]

انت ليه محسسنى ان الحياة وردية و مفيهاش مشاكل وان التجارة هتحققلك مكاسب مادية خرافية، حتى لو الكلام ده صح هتخسر اكبر حاجة وهى العلم، انت مش هتتعلم حاجة فى الكلية دى تحسسك انك انسان محترم و ليك مكانة فى المجتمع، بلاش خداع فى الناس اللى مش فاهمين..! لو عايز تحقق ذاتك و تحس بالعلم بيجرى فى عروقك ومتنذلش فى حياتك عشان جاهل و منتاش فاهم اللى قدامك بيقول ايه، مفتكرش ان بديل الهندسة هيبقى تجارة باى شكل من الاشكال ده هبل، ممكن حاسبات او فنون او علوم رياضة.

[X-Lance]

المشاركة الأصلية كتبت بواسطة امير حزنان

انت ليه محسسنى ان الحياة وردية و مفيهاش مشاكل وان التجارة هتحققلك مكاسب مادية خرافية، حتى لو الكلام ده صح هتخسر اكبر حاجة وهى العلم، انت مش هتتعلم حاجة فى الكلية دى تحسسك انك انسان محترم و ليك مكانة فى المجتمع، بلاش خداع فى الناس اللى مش فاهمين..! لو عايز تحقق ذاتك و تحس بالعلم بيجرى فى عروقك ومتنذلش فى حياتك عشان جاهل و منتاش فاهم اللى قدامك بيقول ايه، مفتكرش ان بديل الهندسة هيبقى تجارة باى شكل من الاشكال ده هبل، ممكن حاسبات او فنون او علوم رياضة.

مع احترامى لحضرتك أنا هرد على كل نقطة أنت اتكلمت عنها
أولا واضح ان حضرتك متعرفش ايه العلوم اللى بتدرسها تجارة انجليش بالظبط , حضرتك بتقول ان تجارة مش هتدرس فيها أى حاجة تحسسك انك محترم , أنت فى تجارة انجليش بتدرس Accounting , Management , Economics , Organizational behavior , English for business communications , Math , Public Administration , Law , Economic resources , Economic Evolution , Statistics



و كل ده بتدرسه فى سنة أولى بس غير انك بتدرس كل الحاجة دى بالانجليش مش زى تجارة عربى, و غير ان الكتب دى بتجيلك من بره مصر من جامعات أمريكية و بريطانيا و نظام الدراسة مختلف تماما عن تجارة عربى و بيكون فيه اهتمام بالطلبة لأنهم بيكونوا متقسمين على سكاشن بأعداد قليلة مش بأعداد المدرجات بتاعة عربى و ليهم نظام امتحانات تانى لأن فى الترم بيكون فيه 2 Quizzes و Midterm و Final غير انه بيكون مطلوب منك تعمل Presentation و بيدربوك على كل حاجة و أنت لسه فى الجامعة , ده بالنسبة لنقطة ان انك هتخسر أكبر حاجة و هى العلم اللى بتقول عليها



ثانيا أنا مش داخل أقول للناس تدخل تجارة انجليش بالتحديد و متدخلش هندسة , أنا كل اللى عملته انى بعرفهم على علم هم ميعرفوش عنه حاجة , زى محضرتك كده اتخدعت بكلمة تجارة و مكنتش تعرف هى بتدرس ايه بالظبط
أنا داخل أقدم للناس دى بديل تانى لهندسة و لحاسبات و فنون و علوم رياضة و اعرفهم على علم تانى عشان أزود الخيارات المتاحة قدامهم مش عشان أجبرهم انهم يدخلوا تجارة



ثالثا أنا قولت فى موضوعى ان اللى بيدخل هندسة لازم يكون متفوق جدا فى الفيزياء و الرياضة و دى الحقيقة
أنا داخل أنصح الناس انهم يدخلوا اللى هم بيحبوا و اللى هم عارفين انهم هيتميزوا فيه و ده من ضمنه كلية هندسة يعنى اللى عارف انه هيتفوق فى هندسة يدخلها , مقولتش ميدخلهاش حتى لو خاصة بس أهم حاجة ميدخلهاش عشان لقب مهندس , يدخلها بس عشان بيحب الدراسة اللى فيها و عارف انه هيتميز فيها



و المثال اللى أنا حطيته هو انى جالى حاسبات بالفعل بس عشان أنا مبحبش شغل الكومبيوتر و البرمجة مدخلتهاش و دخلت حاجة أنا بحبها



أما بالنسبة لأن تجارة كلية متقارنش بهندسة فده يرجع لسبب واحد بس ان اللى بيدخلها مش بيدخلها عشان عارف بتدرس ايه و بيدخلها برغبة , هو بيدخلها عشان ما قدموش غيرها عشان كده مش بينجح فيها و أنتوا بتاخدوا فكرة سيئة عن تجارة , لكن اللى داخلها زيى رغم انه كان قدامه حاسبات عارف قيمة اللى بيدرسه كويس


أخر حاجة ياريت تعرف تفرق بين تجارة و تجارة انجليش عشان صدقنى مش زى بعض

[hdahmed]

انا جبت 85% و جبت فى الانجليزى 42 و مش وخده مستوى انجليزى ممكن كده اعرف ادخل تجارة انجليزى ؟؟؟؟؟؟؟؟