هام للمدرسين مارايك بأمانة في امتحانات الكادر

[mr emoo]

المشاركة الأصلية كتبت بواسطة nabilm

الي العضو emoo احنا مش رافضين كامتحان و لكن رفضنا في الطريقة اللي بتتعامل بيها الوزارة مع احقية المعلم الترقي و اخذ حقوقه المادية و الاجتماعية لدرجة ان بقينا اكيد نكتة بين الطلبة
حاجة تانية انت كلامك بيقول مستوي المدرس العلمي مافيش مشكلة نمتحن في التخصص بتاعنا مافيش داعي يقرفونا بالمواد التربوية المتخلفة . اذا كنا امتحنا فيها بالجامعة و انتهينا و بعدين ناس بقالها 20 سنة بتربي في طلبة موضوع التربوي انتهي بالنسبة للمعلمين هنعد نحفظ في كلام احتمال ما يكونش بيطبق عمليا انا شايف ان المتابعينو الموجهين يراقبوا طريقة المعلم في التربية مش يمتحنوه ده اسمه "هجس "
وفيه حاجة تالتة انت اسمك emoo مشتق من موقع الوزارة انت معانا و لا معاهم
نبيل محمد مدرس كيمياء

اخي الفاضل نبيل محمد
كلامك في الجزئية الاولي نفس راي تماما و قد ذكرته في الفقرة الثانية من مشاركتي
اما بالنسبة للامتحان حضرتك تري انه لابد ان يكون في التخصص فقط و انا مش معاك خالص في هذه الجزئية لأن ببساطة التخصص وحده لا يكفي لو تتذكر لما كنا طلبة في كلية التربية كنا بندرس ثلاثة اقسام من المواد و هي
1 مواد التخصص 2 مواد تربوية 3 مواد ثقافية مثل اللغة العربية و التاريخ و الجغرافيا
و بالنسبة لامتحان التربوي اللي انت معترض عليه اسئلته لا تحتاج مذاكرة كثيرا لأن معظمها عملي يعني يضعك في مشكلة ما داخل الفصل و يقولك حتعمل اية فيها وطبعا من خلال خبرتك تسطتيع الاجابة بكل سهولة
اما بالنسبة للغة العربية فهي لغتنا التي لابد ان نتقنها تجنبا للاحراج مع الطلبة وخد المثال دة
حضرتك مدرس كمياء و تكتب للطلبة مثلا " تسع ذرات ام تكتبها تسعة ذرات" و دة طبعا مثال بسيط و اللغة العربية مليئة بمثل هذه الامثلة التي قد تجعل الطلبة تنكت على المدرس اللي مش فاهم
وخد مثال حي اخر احنا دلوقتي بنتواصل من خلال النت لو كل واحد منا بيتعلم و يتبحر في مادة تخصصة فقط لما كنا عرفنا نخش على هذا الموقع يبقى اذن تعلم فروع اخرى من العلم امر مهم جدا و مفيد لنا و ليس به ضرر
و اخير بالنسبة للجزئية الاخيرة انا اسمي emoo اربع حروف و موقع الوزارة اسمه moe ثلاثة حروف يبقى ازاي اسمي مشتق من موقع الوزارة عشان تكون المعادلة صح يبقى نقول ان موقع الوزارة هو اللي مشتق من اسمي و ليس العكس لأن مينفعش ثلاثة حروف اشتق منهم اربع حروف و الاحتمال الاخر هو انك تكون حاولت تقرأ الاسم من اليمين للشمال!!! معذرة

[trrto]

يا مستر emoo انت باين عليك صغير اوى امتحانات اية واحنا لنا 30 سنة خبرة داحنا خلا ص بنلم اوراقنا علشان نطلع على المعاش والاخر تقول ماوفق على الامتحان

[mr emoo]

المشاركة الأصلية كتبت بواسطة trrto

يا مستر emoo انت بان عليك صغير اوى امتحانات اية واحنا لنا 30 سنة خبرة

يا استاذي الفاضل طلب العلم لا يقف عند سن معين و لا عدد معين من سنوات الخبرة فطول ما الواحد عايش لابد له ان يتعلم و يتعلم و لا يكتفي بما وصل اليه من العلم يقول الله تعالى " و قل ربي زدني علماً"

[trrto]

المشاركة الأصلية كتبت بواسطة mr emoo

يا استاذي الفاضل طلب العلم لا يقف عند سن معين و لا عدد معين من سنوات الخبرة فطول ما الواحد عايش لابد له ان يتعلم و يتعلم و لا يكتفي بما وصل اليه من العلم يقول الله تعالى " و قل ربي زدني علماً"

مش دا اهانة لتا كمدسين منظرك اية لو رسبت فى الامتحان امام اولادك وتلاميذك

[mr emoo]

المشاركة الأصلية كتبت بواسطة trrto

مش دا اهانة لتا كمدسين منظرك اية لو رسبت فى الامتحان امام اولادك وتلاميذك

عشان عارف ان شكلي حيبقى وحش امام اولادي و تلاميذي لو رسبت , سأبذل قصاري جهدي و دة حيكون دافع قوي للنجاح و اثبات الذات و لابد ان نتذكر ان على المرء ان يسعى و ليس علية ادراك النجاح.

[trrto]

المشاركة الأصلية كتبت بواسطة mr emoo

عشان عارف ان شكلي حيبقى وحش امام اولادي و تلاميذي لو رسبت , سأبذل قصاري جهدي و دة حيكون دافع قوي للنجاح و اثبات الذات و لابد ان نتذكر ان على المرء ان يسعى و ليس علية ادراك النجاح.

هتذاكر اية التوقعات المرئية لكادر المعلمبن 9800 سؤال هى دى المذاكرة وهو دة التقدم العلمى قصدى التخلف العلمى

[mr emoo]

المشاركة الأصلية كتبت بواسطة trrto

هتذاكر اية التوقعات المرئية لكادر المعلمبن 9800 سؤال هى دى المذاكرة وهو دة التقدم العلمى قصدى التخلف العلمى

استاذي الفاضل اظن ان مادة التخصص و التربوي لا يحتاجو منا مذاكرة كثيرة اما بالنسبة للغة العربية تحتاج قراءة بسيطة لبعض القواعد النحوية

[trrto]

المشاركة الأصلية كتبت بواسطة mr emoo

استاذي الفاضل اظن ان مادة التخصص و التربوي لا يحتاجو منا مذاكرة كثيرة اما بالنسبة للغة العربية تحتاج قراءة بسيطة لبعض القواعد النحوية

هل هذا الامتحان وهذه المذاكرة هى التى سترفع مستوى التعليم فى مصر

[trrto]

لماذا لم ترد ياستاذ emoo

[himazika]

يا معلمى الاسكندرية موعدنا 15/8/2008 امام المحافظة للاعتراض على القرار ومساوتنا بالاطباء والقضاة وموظفى السنترالات وكل من يدخل فى كادر خاص ( شرط الامتحان )

[himazika]

يا معلمى الاسكندرية موعدنا 15/8/2008 امام المحافظة للاعتراض على القرار ومساوتنا بالاطباء والقضاة وموظفى السنترالات وكل من يدخل فى كادر خاص ( شرط الامتحان )

[سندس الربيع]

ياجماعة سيبونا من الكلام عايزين ناخد موقف ونفسي نثبت لهؤلاء ان المعلم اسمي بكثير من الوضع ده وان معلمي مصر بخير

[سندس الربيع]

ياجماعة سيبونا من الكلام عايزين ناخد موقف ونفسي نثبت لهؤلاء ان المعلم اسمي بكثير من الوضع ده وان معلمي مصر بخير

[halimmoaz]

حسبنا الله ونعم الوكيل يا جماعة الموضوع من أوله باين انا عملت الاستمارة 3 مرات الأولى على اساس استلام العمل والثانية تاريخ التعيين والثالثة على اساس الدرجة ( ودوخينى يا ليمونة ) مش معقول واحد بيشتغل بالتدريس من 22 سنة يعنى اصبح عالم فى التدريس وبعد كده يدخل امتحان دى بجد اهانة لكل المدرسين الصغير والكبير وده عشان شوية جنيهات قليلة حرام ياناس كفاية بقى كده ومش عايزن كادر ولا هباب.

[haitham12]

اساتذتي الأجلاء
منا من اعتبر امنحانات الكادر اهانة و منا من فكر كيف سيكون وضع من رسب بالنسبة لمن نجح و منا من ناشد
نقابة المعلمين للتدخل.
السادة الأفاضل/
ابشركم من الان انة لا يوجد كادر و لا غيرة.
الحكاية كلها ان القيادة السياسية شعرت بسوء حال المدرسين فطلبت مشكورة تعديل هذا الوضع المزرى
لكن هناك دائما من يسمون ترزية القوانين وهم قادرون دائما على افراغ اى شيئ من مضمونة
لا اعرف بالضبط ماذا سيفيد المدرس الذي قضى عشرين عاما من عمرة في مهنة التدريس ان يدخل مثل هذة الاختبارات سواء كانت لغوية او تربوية او حتى مادة تخصص.
ومن المضحك فعلا ان من وضع اختبارات التخصص لا يعلمون شيئا عن التعليم الفنى التجارى مثلا
فمدرس المواد التجارية سيمتحن في سبعة عشرة مادة بالاضافة الى الحاسب الألي.
فاذا اضفنا اللغوية و التربوي اقترب العدد من عشرين مادة.
وانا اتحدى ان يستطيع احد واضعي الأسئلة ان يستطيع الالمام باكثر من خمس مواد.
وبعدين هوا المطلوب من المدرس ان يفهم الطالب والا يقعد مكانة؟
حتى لا اطيل عليكم هو الكادر مش اكثر من مهزلة و مضيعة للزقت و الجهد واكل عيش لل شغالين عليه