حرام دبلوم معلمين يصبح مدير

[mido_199841]

هما دول اللى هيطوروا التعليم بالدروس الخصوصية التى لم تنتشر إلا بتوافدهم للتعليم

فيه ناس قضيتها سنوات بجداول مضاعفة وبمرتبات مضحكه فى هذا البلد ولكنهم تحملوا وقاموا بدورهم

وهاهى الأن تنال شرف التكريم من أبناء وزملاء يمكن أن يصعد شكواه لرئيس الجمهورية لو أخد حصة زيادة عن نصابه القانونى أو حصة احتياطى أو انتدب لمدرسة أخرى

زملائى وأساتذتى من أعتز وافتخر بمحبتى وتقديرى لكم إلى الأن

هى لله وجزاكم الله خيرا على كل مانحن فيه من فضل بتضحياتكم من أجل بلدكم

شكرا لكم

[Nasr Fouad]

احسن
استلقى وعدك!!!!!
ادوله كمان ادوله
يعني اختفيت مش عارف ترد
رد يا....... ان
اطلع من تحت السرير و رد

[سعد بدوي]

الاخ الفاضل معتز انت حضرتك دخلت تربيه تنسيق لغرض فى نفس يعقوب وليس لغرض ان تكون معلما حقا حضرتك بكل مؤهلاتك العليا انشالله يكون معاك الزماله الامريكيه لو ادناك جدول اى فصل فى الصفوف الاولى وخاصه الصف اول هتقدم استقالتك من اول حصه وجرب كده وعندنا تجارب عديده الا تعلم ان خيره التعليم هم خريجى المعلمين اللذين علمو العالم العربى كله وكان جميع الدول العربيه يتطلب سنويا مدرسين خريجى المعلمين باعداد كبيره لماذا لان خريجى المعلمين هم اكفا من مؤهلات الشهاداه العاليه وخاصه فى الابتدائى نحن الان بنعد الجدول المدرسى للعام الجديد ومعى فى المدرسه معلمه واحده خريجى المعلمين وباقى المدرسه خريجى عليا الا تعلم بانى كل يوم فى مشكله مع الاهالى علشات كل واحد منهم عايز ابنه او بنته فى فصل الابله المحترمه خريجى المعلمين ليه عوزين كده من خبرتها وكفائتها وصل عدد تلاميذ الفصل عندها 70 تلميذ والفصلين التانين بتوع المؤهىت العليا بتعتك كل فصل منهم وثل عدده 25 تلميذ ده تسميه ايه شهاده عاليه على الورق سؤال لحضرتك هل المسوى التعليمى زى مكان زمان على يد خريجى المعلمين ياراجل دا الفصلين التنين الى هنحطلهم مدرسات مؤهلات عليا الابله من ساعه مقنلها انتى هتخدى سنه اولى السنادى لان خلاص خريجى المعلمين انقرضو بلغت مرضى علشان متخدتشى الفصل انتى عايزين دوله شهادات وليست دوله علم اسال زويل واسال الرئيس السيسى نفسه هقلك الفضل كل الفضل لمعلمى الابتدائى خريجى المعلمين

[Nasr Fouad]

المشاركة الأصلية كتبت بواسطة سعد بدوي

الاخ الفاضل معتز انت حضرتك دخلت تربيه تنسيق لغرض فى نفس يعقوب وليس لغرض ان تكون معلما حقا حضرتك بكل مؤهلاتك العليا انشالله يكون معاك الزماله الامريكيه لو ادناك جدول اى فصل فى الصفوف الاولى وخاصه الصف اول هتقدم استقالتك من اول حصه وجرب كده وعندنا تجارب عديده الا تعلم ان خيره التعليم هم خريجى المعلمين اللذين علمو العالم العربى كله وكان جميع الدول العربيه يتطلب سنويا مدرسين خريجى المعلمين باعداد كبيره لماذا لان خريجى المعلمين هم اكفا من مؤهلات الشهاداه العاليه وخاصه فى الابتدائى نحن الان بنعد الجدول المدرسى للعام الجديد ومعى فى المدرسه معلمه واحده خريجى المعلمين وباقى المدرسه خريجى عليا الا تعلم بانى كل يوم فى مشكله مع الاهالى علشات كل واحد منهم عايز ابنه او بنته فى فصل الابله المحترمه خريجى المعلمين ليه عوزين كده من خبرتها وكفائتها وصل عدد تلاميذ الفصل عندها 70 تلميذ والفصلين التانين بتوع المؤهىت العليا بتعتك كل فصل منهم وثل عدده 25 تلميذ ده تسميه ايه شهاده عاليه على الورق سؤال لحضرتك هل المسوى التعليمى زى مكان زمان على يد خريجى المعلمين ياراجل دا الفصلين التنين الى هنحطلهم مدرسات مؤهلات عليا الابله من ساعه مقنلها انتى هتخدى سنه اولى السنادى لان خلاص خريجى المعلمين انقرضو بلغت مرضى علشان متخدتشى الفصل انتى عايزين دوله شهادات وليست دوله علم اسال زويل واسال الرئيس السيسى نفسه هقلك الفضل كل الفضل لمعلمى الابتدائى خريجى المعلمين

الله ينور عليك
اديله ابن ال........ الناس الطيبين
استلقى وعدك يا حبيبي!!!!!!!!!

[Nasr Fouad]

اتذكر معلمتي الاولى الاستاذة رئيسة مدرسة الفصل اللي درستلي من اولى لرابعة ابتدائي الله يديها الصحة او الله يرحمها كانت شعلة نشاط و حببتني في التعليم باسلوبها المتميز و يشرفني ان اقول اني كنت في تانية ابتدائي اعرف اقرأ كل شيء اي و الله في تانية ابتدائي
الناس دي لا ينكر فضلها ابدا

[hida700]

أنا وزملائى حتى الأن عندما أقابل معلمى فى الإبتدائى والذى كان دبلوم معلمين أقبل يدة لفضلة على وأنا أعلم جيداً الفرق الشاسع بين معلم اليوم الذى كل همه الدروس الخصوصية والمدرس القديم الذى علمنى لله فقط والكل يعلم ذلك!!

[sadq7]

لا شك أن حملة دبلوم المعلمين من حقهم قانونا أن يستمروا فى أعمالهم التى عينوا لها وفقا لقرار التعيين ومن الناحية العملية كذلك فقد أثبتوا كفاءتهم على مدار عقود ، المشكلة ليست فى قيامهم بالتدريس بل فى توليهم المناصب الإدارية ولا أظن أن ذلك يتطلب كل هذه الضجة فالإدارة فى بلادنا خاصة فى المصالح الحكومية لا تعتمد لا على كفاءة ولا خبرة ولا شهادة ولا دراسة ولكن تعتمد على الفهلوة والعلاقات العامة والمظهر والأساليب اللى احنا عارفينها كويس وخلينا واقعيين وكل ذلك لا يختلف فيه فيه حامل دبلوم معلمين عن حامل بكالريوس.

[Nasr Fouad]

المشاركة الأصلية كتبت بواسطة sadq7

لا شك أن حملة دبلوم المعلمين من حقهم قانونا أن يستمروا فى أعمالهم التى عينوا لها وفقا لقرار التعيين ومن الناحية العملية كذلك فقد أثبتوا كفاءتهم على مدار عقود ، المشكلة ليست فى قيامهم بالتدريس بل فى توليهم المناصب الإدارية ولا أظن أن ذلك يتطلب كل هذه الضجة فالإدارة فى بلادنا خاصة فى المصالح الحكومية لا تعتمد لا على كفاءة ولا خبرة ولا شهادة ولا دراسة ولكن تعتمد على الفهلوة والعلاقات العامة والمظهر والأساليب اللى احنا عارفينها كويس وخلينا واقعيين وكل ذلك لا يختلف فيه فيه حامل دبلوم معلمين عن حامل بكالريوس.

طبعا كله ماشي بالكوسة
الكوسة دي حبيبة الكل و انت لو ليك كوسة في اي مكان هتستخدمها ما تضحكش على الناس و على نفسك و تقول لا للكوسة لان الكوسة امر واقع و لا غنى عنه في حياتنا و خير مثال على ذلك ايام اللي بالي بالك و طبعا انت عارف انا اقصد مين كان فيه اهل و عشيرة و ناس عاديين و فيه ناس انا اعرفها منكم اخذت مناصب كبيرة تبدا من مدير مدرسة و تنتهي بالوزير شخصيا في زمن قياسي و الكل عارف كده و الله على ما اقول شهيد
دي طبيعة بشرية يا استاذ و النفس امارة بالسوء

[sadq7]

المشاركة الأصلية كتبت بواسطة nasr fouad

طبعا كله ماشي بالكوسة
الكوسة دي حبيبة الكل و انت لو ليك كوسة في اي مكان هتستخدمها ما تضحكش على الناس و على نفسك و تقول لا للكوسة لان الكوسة امر واقع و لا غنى عنه في حياتنا و خير مثال على ذلك ايام اللي بالي بالك و طبعا انت عارف انا اقصد مين كان فيه اهل و عشيرة و ناس عاديين و فيه ناس انا اعرفها منكم اخذت مناصب كبيرة تبدا من مدير مدرسة و تنتهي بالوزير شخصيا في زمن قياسي و الكل عارف كده و الله على ما اقول شهيد
دي طبيعة بشرية يا استاذ و النفس امارة بالسوء

أولا : ربنا يشفى
ثانيا : لا للكوسة
ثالثا لو أنا اخونجى وهتصر على ذلك فأنت أمنجى مخبر برتبة عريف بشريطة على كمك وسأخاطبك من هذا المنطلق واحدة بواحدة يا صحبى والبادى أظلم .. سلم لى على الباشا وربنا يجعل كلامنا خفيف عليكم.

[Nasr Fouad]

المشاركة الأصلية كتبت بواسطة sadq7

أولا : ربنا يشفى
ثانيا : لا للكوسة
ثالثا لو أنا اخونجى وهتصر على ذلك فأنت أمنجى مخبر برتبة عريف بشريطة على كمك وسأخاطبك من هذا المنطلق واحدة بواحدة يا صحبى والبادى أظلم .. سلم لى على الباشا وربنا يجعل كلامنا خفيف عليكم.

اولا ربنا يشفيك انت
ثانيا انا و كل الناس ضد الكوسة لكن شايف انها امر واقع
ثالثا مخبر ايه و عريف ايه مع احترامي طبعا للناس دول بس ايه التخريف ده
رابعا سؤال مهم جدا
هما ليه الاخوان لما بيتسئلوا بيقولوا احنا مش اخوان؟ طالما جماعة بتحرجوا من اسمها بتنضموا ليها ليييييييه!!!!!!!!!
و عجبي!!!!!!!!!!

[sadq7]

المشاركة الأصلية كتبت بواسطة nasr fouad

اولا ربنا يشفيك انت
ثانيا انا و كل الناس ضد الكوسة لكن شايف انها امر واقع
ثالثا مخبر ايه و عريف ايه مع احترامي طبعا للناس دول بس ايه التخريف ده
رابعا سؤال مهم جدا
هما ليه الاخوان لما بيتسئلوا بيقولوا احنا مش اخوان؟ طالما جماعة بتحرجوا من اسمها بتنضموا ليها ليييييييه!!!!!!!!!
و عجبي!!!!!!!!!!

طالما إنك سمحت لنفسك بوصفى بأننى إخوانى وبدون أى دليل سوى الدعوى الفارغة ومصر وسايق فى الهبل فأنا مش هحلف بالله ولا بيمين طلاق ثلاثة علشان أسكتك هتعامل معاك بنفس الطريقة ولو عاوز تجرب أنا مستعد ونشوف مين اللى هيغلب .. وقد أعذر من أنذر.
استوب بقى كدة قلة أدب ومش هسمحلك بالتجاوز معى بعد ذلك، فاهم؟

[tomcruise_tito]

ارى نظرة تعالى وغرور من الاخ معتز رغم ان معلما البشرية لم يكن مؤهل عالى والاستاذ عباس محمود العقاد ولانجيب محفوظ من انت يامعتز قول لى وعرفنى بنفسك وعلى اى مؤهل حاصل انت حصلت على مؤهلك ونحن نعلم حجم الغش الدراسى
ان حصلت على مؤهلك بتقسيم الثانوى العام وبكم كبير من الدروس الخصوصية هؤلاء الذين تتحدث عنهم لم يعرفوا ذلك اياك والتعالى على اناس هم افضل منك بمراحل

[محمد فوزى 459]

سبحان الله
فى الدول الاوربية شرط قيادة اى مدرسة الحصول على ماجستير على الاقل ونحن نصعد دبلومات المعلمين والصنايع ونتكلم عن تأخر التعليم
الادارة علم وفن ومهارة قبل الخبرة ثم الخبرة والسن لا يعتدد بهما الا فى مصر

[mido_199841]

المشاركة الأصلية كتبت بواسطة محمد فوزى 459

سبحان الله
فى الدول الاوربية شرط قيادة اى مدرسة الحصول على ماجستير على الاقل ونحن نصعد دبلومات المعلمين والصنايع ونتكلم عن تأخر التعليم
الادارة علم وفن ومهارة قبل الخبرة ثم الخبرة والسن لا يعتدد بهما الا فى مصر

طب فى الدول الأوربية فيه ناس زملا بتتعامل مع بعضها بالشكل كدا

دليل كبيييير أن معظم من تحاور فى الموضوع دخل ليبث مابنفسه وفقط

ياساده

قانون الكادر منع منعا باتا ترقية أى واحد لم يحصل على مؤهل عال

يعنى قانون عنصرى من الطراز الذى يرضى السيد معتز ومن هم على اتجاهاته وفكره

يعنى العامل مسيره يبقى رئيس عمال

ومن حملها على أكتافه قبل أن نأتى نحن ونكرمه بهذه الطريقة سيظل حاضنا للكشكول حتى الفراق

وحتما هذا المدير لم يترقى إلا بعد حصوله على التأهيل التربوى (أربع سنوات بالتربية)

يعنى بالبلدى أصبح مؤهل عال زى مستر معتز

لكن مستز معتز أنكر ذكر هذا من باب الكيد لمدير لايحبه فيذكره بمؤهله الأول وكأنه وصمة عار

يامه مؤهلات أعلى أعلى وبرعت فى صناعة الملوتوف وطرق *** البشر

الخبرة ليست بالمؤهل

الخبرة بالعمل الجاد وتقوى الحى الذى لايموت

تعالوا نقول لهم كلمتين حلوين كى نجد فى الغدالقريب من لايتعالى علينا

ماهى الدنيا دواره ----- ولا انتم فاكرنها هتثبت عندكم

شكرا لكم

[فارس بني مصر]

الدولة نفسها لم تعد تعترف بدبلوم المعلمين واتلغي خلاص ومنذ زمن طويل
فلماذا حتي الان فعلا نجد مدير معة دبلوم وبيبقي معقد من حملة الموهلات العليا

من قلتهم يعني ؟