لماذا يختفى الحب بعد الزواج

لماذا يختفى الحب بعد الزواج

هو طبعا الحب بيختفى بعد الجواز لعدة اسباب
اولا الاتنين بيكونه قرفه من بعض
ثانيا اهمال الزوجه لنفسها يعنى قبل الزواج ممكن ميك اب برفان كويس بعد الجواز متلقيش غير ريحة البصل والثوم
طبعا بجانب الاولاد
والراجل شغله بيلهيه والست العيال بتهد حيلها
بس نبص للجانب الايجابى فى الزواج الراجل بيلقى حد يغسله شرباته

[نعمه محمود]

انا مختلفة معاكم الحب لايختفى بعد الزواج ولكن يأخذ أشكال أكثر واقعية وجدية قد تقل مساحة الرومانسية ولكن لايختفى الحب علي العكس تماما يزداد الحب وتقوى الاواصر

[..Just Stop]

قبل الزواج شىء وبعده شىء تانى
تلاقى كل واحد من الزوجين بيعامل التانى معاملة طيبة رقيقة متسمة بجميع انواع الرومانسية
وتلاقيهم ياعينى لو ماشافوش بعض لمدة يوم تحس انهم بقالهم سنين وكدا يعنى
غير بقا اللبس الكويس والرائحة العطرة والكلام العذب والهدايا
لان مفيش وراهم مسئولية
اما بعد الزاواج عينك ماتشوف الا النور
تلاقى الاتنين مش طايقين بعض اليوم اللى الزوج ميشوفش الزوجة فيه يدعى ان اليوم دا يفضل سنين
غير بقا معدش فى اهتمام من الزوج لزوجته او العكس
غير بقا رائحة البصل وما شابهه ودبش الكلام
يعنى من الاخر دخول الزواج مش زى خروجه
::::::::::::::::::::::::::::
الكلام اللى انا قولته دا بيتقالل على الغالبية العظمى
اما فى القليل النادر
الحب قبل الزواج بيفضل بردو بعد الزواج
لان الحب اللى قبل الزاواج دا بيكون موثق برعاية الله وعدم مخالفة اوامره يعنى تقدر تقدرى تقولى حب فى ظل الاسلام وهو دا اللى بيدوم
ولا دايم الا وجه الله

بس نبص للجانب الايجابى فى الزواج الراجل بيلقى حد يغسله شرباته

بلاش مبالغة يا اسلام
امال فين غسيل الهدوم وتلميع الشوز والكنيس والغسيل
والطبخ والمكوة وعيره وغيره فبلاش تبالغ يا اسلام شرابات ايه بس


دمتم فى رعاية الله

[Rambo_Uranium]

الحب عمره مايختفى ابداااااااااااااااااا
والا ميكونش حب
شكراااااااا على الموضوع الجميل

[احمد رضا]

ههههههههههههههههههههههههههههههههههههه
حاسس اني قاعد عند خاطبه بسبب الامثال
معلش ياجماعه بس قريت كام رد بصراحه
الله يهدي
--
انا بصراحه مسبقليش اني اتجوزت قبل كدا الحمدلله
بس بقرأ كتير - ناوي أنا -

لكن أقدر اقولك من وجهه نظري ان المشكلة في تفكيرنا المثالي دائما
الولد متخيل زي ما بيجي في الكليب كدا البنوته صاحيه الصبح وشعرها مفرود علي كتافها وجيباله الفطار في السرير وقاعده تأكله بايديها وبيلعبوا وبيهزروا مع بعض
والبنت فاكره ان الولد هيصحيها بورده ع الصبح
ويقولها " قومي يا ملاكي يا جميله يا نايتي "
لاء لو محدش عارف ايه مسئوليات التاني وايه حقوق وواجبات التاني كويس
والله ما هيبقي فيها نايتي ولا هوهوز حتي
بعد الفشل بقي ياسلاااااااااام

هيا تصحيه تقوله " قوم يامنيل هات مصروف البيت انت ولا نافع في حاجة كدا ؟ جتك ستين خيبه " " قوم ياراجل عايزه اخد الملايه قرحت يامعفن "
--
يرد ويجعر " ياولييييييييييييييه انا عايزه انام حرام عليكي كل يوم غسيل غسيل .. هما بيوزعوا برسيل هدية مع كارته العيش ولا ايه .. الله يلعن اليوم اللي شوفتك فيه .. ده امي كانت وخداكي مخلاص حق سجاده سعودى كانت ستك تفيده شرياها مننا .. الله يسامحك يامه "

ده بعد فترة من الزواج
بعد ما تخلف
ياسلااااااااااااااااام
متشفهومش في اوضة واحدة ابدا ياخي
وبتقدمله صنيه العشا وعليها ورقة تقوله " بالسم الهاري "
وهو يخلص ويقلب الورقا ويقولها " انا وانتي يا هبابه ياهبله "

عندنا هنا للأسف الأب لما بيجي يكلم ابنه ولا الأم لما بتيجي تكلم بنتها
بيكلموهم في الحاجات الخاصه بس
لا حول ولا قوة إلا بالله
وكأن الجواز يقتصر علي العلاقات الزوجية بس
الأمر ابدا مش كدا
الأمر ان اللي مقبل علي مشروع زواج يقرأ كتير عن المشاكل الزوجية وعن حلول المشاكل الزوجية
وعن الخطوات التي يجب اتباعها في الحياة الزوجية
المقبل سواء بنت أو ولد
الناس تقولك نقرا عشان نتعقد ياعم
لاء ياعم مش عشان تتعقد
بس عشان تفهم ايه اللي بيجيب مشاكل وتبعد عنه
الباب اللي يجيلك منه الريح مش تفتحه بقي وتقول ايه ده ده الريح جاي اهوه هييييييييييه
لاء اقفله وريح نفسك
والمفروض كمان
ان الولد يقرأ عن البنت وحقوقها وواجبتها ومسئولياتها بعد الزواج والضغوط اللي بتبقي عليها
والبنت تقرأ عن حقوق الولد وواجباته ومسئولياته بعد الزواج والضغوط اللي بتبقي عليه
( المقبلين علي الزواج )
مش عيب والله لما اعرف احتياجات المرأة ايه لما بتكون متزوجه وايه المسئوليات اللي عليها عشان ابقي أراعيها ونعيش حياة متكافئة
ومش عيب ان البنت المقبلة علي الزواج انها تقرأ عن كدا بردو

العيب ان كل واحد يبقي عايش في وادى
وكل واحد مش حاسس بالتاني
ومفيش احترام وحب بين الاتنين
يبقي بيحكموا علي جيل ونسل كامل بانه يطلع عنده اختلالات في شخصيته
يالا ربنا يهدي الجميع