جميع استفسارات السادة الاعضاء هنااا لعدم التشتيت

[mabotahoun]

التحويل يبدأ بعد نتيجة المرحلة الثانية

[a23hmed]

السلام عليكم..

هل يمكنني التحويل من هندسة حلوان إلى نظام الساعات المعتمدة في هندسة القاهرة؟

ياريت اللي عارف يقول..

شكراً.

[lolososototo]

طيب مهو ده بعد 15 يوم تقريبا يعني انا لازم اقدم اوراقي للجامعة البعيدة
علشان اثبت قيد ولا مش ضروري

[سندريلا نونو]

يا جماعة انا جايبة 84 %
ادبى نظام حديث من بورسعيد
وجالى كلية رياض اطفال بورسعيد
بس انا عايزة احول اداب بورسعيد
اعمل ايه ؟
واستنى لحد امتى ؟
وهل لما هستنى الكليه مش هتستكفى ؟
ارجو الرد ضروررررررررررررررررررى

[عزمى محمد]

التقديم للجامعات لا يتم الا فى نهاية شهر 8 تقريبا وبالتالى سيكون بعد ظهور نتيجة الاغتراب

[yoyo caty]

السلام عليكم و رحمة الله و بركاته
لوسمحتوا انا سمعت عن انه ممكن يتم عمل اعادة تصحيح لورقة الاجابة بالكامل .غير نظام التظلم لان التظلم رصد درجات فقط ..هل المعلومة دى صح و لو صح اعمل ازاى اعادة التصحيح دى ايه اجرائتها ؟؟؟

[chalijaly]

دى بيترفع ليها قضيه وبتبقى موال كبير ولكن اعملى كل اللى تقدرى عليه من اعاده تصحيح ورصد وكله علشان تريحى ضميرك.والخير فى ما اختاره الله

[سوبر ساره]

؟؟؟؟؟؟؟؟؟؟؟؟؟؟؟؟؟؟؟؟؟؟

[smart4u]

فيه طالب جامعة عمالية بالدراسة شعبة إدارة أعمال منتظر نتيجة سنة تانية

هل لما ينجح ان شاء الله ممكن يقبل في تنسيق كلية التجارة علي اعتبار السنتين دول معهد فنى أو لو الدرجة بتاعته كانت قليلة ممكن يعمل معادلة كلية تجارة

[lolososototo]

يا ريت حضرتك توضحلي اكتر بين الفرق في التقديم للجامعات وتقديم اجراءات القيد
ومتشكر على تعب حضرتك

[mo_shoeb1]

التربية احسن حاجه للبنت و الله العظيم انا مدرس و بقولك الكلام دا ثانيا النكليف رجع تانى و بالتالى هتخرجى ضمنه الوظيفة و دى حاجه ممتازة ........... ارجو اكون افدتك

[كامل على]

صلى على النبى
1- انت جالك هندسة بعيدة وناوى تحول لمحافظتك تمام
2- تنتظر لا تدهب الى كلية الهنسة البعيدة وموضوع 15 يوم دة كلام بيكتب بس وخلاص فى الورقة انت من حقك تقدم لغاية شهر 9
3- التحويل هيفتح بعد نتيجة المرحلة الثانية اى تقريبا 12 /8 وهيفتح التحويل للمرحلتينمعا
4- هتقدم تحويل كلية مناظرة وهتطبع وصل التحويل
5-بعد نتيجة التحويل لو قبلت فى التحويل الى محافظاتك اطبع البطاقة الجديدة وروح قدم فى محافظتك
6- لو رفضوا تحويلك روح قدم فى الكلية اللى جاتلك الان ((لو رحت تقدم وقالك اتاخرت لية قولو كنت محول ومنتظر نتيجة التحويل)
ومش هيسالك اصلا
اى خدمة

[lolososototo]

المشاركة الأصلية كتبت بواسطة كامل على

صلى على النبى
1- انت جالك هندسة بعيدة وناوى تحول لمحافظتك تمام
2- تنتظر لا تدهب الى كلية الهنسة البعيدة وموضوع 15 يوم دة كلام بيكتب بس وخلاص فى الورقة انت من حقك تقدم لغاية شهر 9
3- التحويل هيفتح بعد نتيجة المرحلة الثانية اى تقريبا 12 /8 وهيفتح التحويل للمرحلتينمعا
4- هتقدم تحويل كلية مناظرة وهتطبع وصل التحويل
5-بعد نتيجة التحويل لو قبلت فى التحويل الى محافظاتك اطبع البطاقة الجديدة وروح قدم فى محافظتك
6- لو رفضوا تحويلك روح قدم فى الكلية اللى جاتلك الان ((لو رحت تقدم وقالك اتاخرت لية قولو كنت محول ومنتظر نتيجة التحويل)
ومش هيسالك اصلا
اى خدمة

ربنا يعلي من مراتبك يا استاذ انا كنت على نار من حكاية ال15 يوم دي
يعني اطنش ومفيش اي مشكلة

[كامل على]

طنش وسيبها لله واعمل تحويل وقدم براحتك

[yoyo caty]

المشاركة الأصلية كتبت بواسطة chalijaly

دى بيترفع ليها قضيه وبتبقى موال كبير ولكن اعملى كل اللى تقدرى عليه من اعاده تصحيح ورصد وكله علشان تريحى ضميرك.والخير فى ما اختاره الله

لو سمحت ممكن تقولى اجراءات القضية دى ازاى ارجوووك لو سمحت فاسرع وقت (و جزاك الله خيرا )