لا أحد ينام فى دمياط .. !!

[domyat]

كلمة واحدة
الفساد

[hamada 10]

المشاركة الأصلية كتبت بواسطة _guide_

انا اسمع برضه ان البرغيت هناك رهيبة
اكتشفه برغوت طوله 15 سم

على فكرة الدمايطة أنشط ناس و يعنى ايه برغوت طوله 15 سم ده أكيد فى هدومك بس أمال ازاى عرفت انه 15 سم

[hamada 10]

المشاركة الأصلية كتبت بواسطة fatma2007

انا دمي فار من كتر ما انا مش لاقية حاجة ارد بيها علي اللي حصل
لازم يكون في وقفة

ما أهو اللى حصل ده من غيرتهم من الدمايطة علشان هما مش لاقيين شغل علشان جاهلين

[hamada 10]

المشاركة الأصلية كتبت بواسطة frankenstein

اكيد الناموس كتير ولا حاجه

الناس تنام ازاي بس

ده عندك فى بيتكوا بس
و محدش يغلط فى الدمايطة يا جدعان

[hamada 10]

المشاركة الأصلية كتبت بواسطة ابراهيم نبهان

بلاش حسد ياجماعة ( ما يحسد المال الا اصحابه ) هههه

ظريف

[hamada 10]

بص يا جماعة ما حدش يغلط فى الدمايطة علشان اللى بيحصل ده غلط جدا
و مشكور اللى بيدافع عن الدمايطة

[shahatattia]

شكرا على هذه المعلومات القيمة عن دمياط البلد التجارى و الصناعى والزراعى والسياحى و................... الخ
ندعو الجميع لزيارة دمياط ( المصايف رأس البر - جمصة - مدينة دمياط الجديدة ) مدينة دمياط مدينة الأثاث والحلوى والآسماك و........................
وجميع مراكز المحافظة الصغيرة المساحة كبيرة الشأن
تقبلوا تحياتى

[domyat]

http://www.almasry-alyoum.com/articl...6&IssueID=1945


استغاثة من الدمايطة للمحافظ

بقلم خالد منتصر 5/ 11/ 2010
وصلتنى رسالة من أهالى منطقة خلف الشونة القديمة «خلف مدرسة على مشرفة»، بجوار شركة مياه الشرب، حارة الشامى، مدينة دمياط موجهة إلى محافظ دمياط، تقول الرسالة:

ليس من العدل أن يعانى من العذاب أكثر من 70% من أبناء دمياط من العاملين فى جميع المجالات بسبب أصحاب الورش الأفاضل اللى بيصحوا بعد الظهر، ويفضلوا شغالين فى الورش لحد الساعة 2 بالليل وإحنا قاعدين نستنى سيادتهم عشان يقفلوا الورش ويتكرموا علينا بساعتين نعرف ننام فيهم، لأن حضرتك،

وأنا آسف أن أقول هذا الكلام، أعطيت الضوء الأخضر لهم ولمكتب العمل، بقول سيادتكم إن دى طبيعة دمياط، وأنا آسف وأقول لسيادتكم إن طبيعة الدمياطى فى السابق كانت احترام الجار ومراعاة مشاعره وحقه عليه ولكن الآن تحولت الأمور إلى فوضى والورش فاتحة 24 ساعة، وموظفو مكتب العمل لا حول لهم ولا قوة وأصحاب الورش أقوى من الجميع ويمارسون البلطجة على الجيران، خاصة فى منطقة خلف مدرسة على مشرفة بجوار شركة مياه الشرب حارة الشامى وهذه شكوانا، نشكو فيها من ورش الموبيليا ومن العاملين بها بسبب سهرهم لمنتصف الليل وما يسببونه من إزعاج للجميع، وندعو فيها المحافظ لعمل تقنين لمواعيد فتح وإغلاق هذه الورش حتى يتسنى للجميع الراحة،

ونقول له «انزل فى حوارى دمياط وشوف التلوث الصح شوف مكن الشق وورش رش البوليستر وصاروخ تنعيم الخشب وشوف الورش اللى فاتحة 24 ساعة، الزمام فلت والفساد وصل لمرحلة اللاعودة، أين مكتب العمل فى موضوع الورش اللى فاتحة 24 ساعة وتعمل دون رقابة على مواعيدها، على الرغم من أن سوريا والأردن سبقتنا وأصبحت أكثر تحضرا ومواعيد إغلاق الورش عندهم 8 مساء، إنت عارف لو قلت للمسؤولين هيقولوا لك لدمياط طبيعة خاصة، نعم بدليل أن الشباب بيفضلوا فى الشوارع لحد العصر ويبدأوا يروحوا الورش الساعة 4 ويفضلوا فاتحين للفجر..».

«حرام»، الكلمة أمانة ياريت توصل صوتنا.. (لأن الخبر اللى جاى هيكون معارك بين أصحاب الورش والمواطنين بسبب السهر) وساعتها هتفرحوا يعنى، دمياط الآن ليس كما يتخيل المحافظ ورش فقط لا بل أصبح بها دكاترة وقضاة وموظفون ومدرسون ومجالات الميناء المتعددة، لذا نرجو من سيادة المحافظ التكرم ودراسة هذه المشكلة حتى لا تكون هناك مشاكل بين المواطنين ولحفظ الأمن فى دمياط.

مشاكل مدينة دمياط تتلخص فى التالى: عدم التزام الورش بمواعيد العمل، اصوات الكاسيت المفتوحة ليل نهار،ورش البوليستر «ليس فى الشعراء فقط ولكن فى مدينة دمياط ووسط البلد «خاصة خلف مدرسة على مشرفة وبجوار شركة مياه الشرب»، الموتوسيكلات الصينى التى أصبحت توابيت الموت والمرور لو عايز يصادرها هيصادرها فى ساعة لأن يوميا فيه ناس بتموت وبتتسرق بسبب هذه الموتوسيكلات، بدليل «العنبر الصينى» وهو اسم الشهرة لعنبر الطوارئ بالمستشفى العام، أتساءل أين دور المرور وظابط المرور واقف فى الكورنيش والموتوسيكلات غير المرخصة تمر من أمامه دون أى رد فعل..

الحل هو حملة شاملة مجمعة تستهدف جمع الموتوسيكلات فى خلال 72 ساعة أعتقد أن ده هو الحل، أما الورش فالموضوع سهل.. المحافظ يصدر بياناً بمواعيد عمل الورش، ويوزع منشور على الورش بذلك والتحذير للمخالف وأن يسير ميكروفون فى شوارع المدينة يطلب ضرورة الالتزام بالمواعيد «لأن دى الوسيلة المتعارف عليها لنشر البيانات فى دمياط».

أرجو يا دكتور خالد أن يصل صوتنا.. أستحلفك بالله، أقسم بالله لا ننام، ونذهب للشغل صباحا ولا ننتج ونفسيتنا زى الزفت مش كفاية اللى شايفينه فى حياتنا هاييجى أصحاب الورش يكملوا علينا.