هيا ايه حكايه التعليم المفتوح دا

[ياسمينايا]

استاذ الكومي ..
اولا مسمحش لحضرتك ..تتكلم عن ردي وتقوول ان هو حقد..
ثانيا ده كان مجرد وجهه نظرو ومش مشكلتي ان حضرتك مش بتحترم وجهات نظر الاخرين ..
ولو كان في تعدي للحدود انا هضطر اشتكي للاداره ..

[الكتكوتا توتا]

على فكرة انا هقدم فيه كليه التجارة واللى كان بيسال عن المصاريف مصاريف تجارة1700جنيه واما بالنسبه للحضور عادى ممكن نحضر مع طلاب كليه تجارة للاستفاده من المحاضرات والفهم اكتر ولوفى اى سوال انا موجوده

[الضوء الشارد]

قصدك التعليم المفضوح . التعليم اللى يخلى واحد يخش طب ب 80 % . حسبى الله ونعم الوكيل . اشوفها بتولع الجامعات الخاصة دى .

[الكتكوتا توتا]

حرام عليك ليه بس كدا وبعدين مفيش فى التعليم المفتوح لاطب ولا هندسه

[أيام وسنين]

التعليم المفتوح يا جماعة مفهوش طب ولا هندسة

التعليم المفتوح مفهوش الا الجامعات الى أنا قولتها دى

ومعلوماتى عن الجامعة

شهاداتها بتعادل شهادات أى جامعة عادية

يعنى مثلآ لو أنت فى الأسكندرية ودخلت تجارة جامعة مفتوحة هتاخد فى الاخر بكالوريوس تجارة جامعة الأسكندرية

يعنى زيها زى العادى وكمان الناس الى متعصبة وعمالة تدعى على الجامعة هو مش فية ناس عندها ظروف وكان نفسها تدخل جامعة محترمة ولم يقدر الله ؟؟؟ دول يعملوا أية ينتحروا أفضل ؟؟؟؟؟؟؟؟؟ وكمان هو مش كلة بفلوسة ولا بيدخلوها مجانآ ؟؟؟؟
معلش أصل الى يشوف بلاوى الناس ................. مهو أنتم قاعدين فى العسل بالدروس الخصوصية الى بتاخدوها

المهم

أنا عاوز أعرف التقديم فى الأسكندرية بدأ ولا لسة ؟؟؟؟؟؟؟؟
وكمان أية حكاية يوم الجمعة دى ؟؟؟؟؟؟؟؟؟؟؟

[elrewsha]

على فكرة ياسمينا عندها حق لان احنا نتعب وهما يدخلوا نفس اللى احنا ندخلوا واحسن كمان طب كنا عملنا حسابنا بردو على 50% من الاول ولا اييييييييييييييه

[mourad]

المصروفات الدراسية
=========
حوالى 4000 جنية للتيرم شاملة مصروفات التسجيل والحقيبة الدراسية والكتب و شرائط الكاسيت و الفيدو و شاملة جميع
المصروفات خلال التيرم

حيث أن الجامعة العربية المفتوحة مشروع غير ربحى ومدعم من سمو الامير طلال بن عبد العزيز على مستوى 7 فروع فى الوطن العربى
كان الطالب سافر ليدرس فى لندن ولكن بمصروفات مدعمة
جدا لجميع الطلاب لجميع الجنسيات المصرية والعربية والاجنيية
حيث يدفع سمو الامير طلال منحة دراسية لكل طالب يسجل اسمة بالجامعة فى أى فرع من الفروع
ويحصل الطالب بعد 4 سنوات مدة دراستة الجامعية على شهادة من الجامعة المفتوحة من انجلترا تصل من أنجلترا الى القاهرة يتم اعتمداها من المجلس البريطانى بمصر
حيث لا يمكن اعتماد أى شهادة من انجلترا الا من المجلس البريطانى بالعجورة
ومن يرغب التاكد
من ذلك يمكنة الذهاب الى المركز البريطانى او السؤال تلفونيا
حيث يتم التصديق على جميع شهادات الخريجيين من المركز البريطانى
كذلك يحصل الطالب على شهادة من الجامعة مصدق عليها من المجلس الاعلى للجامعات مصدق عليها و مختومة النسر
معادلة للشهادات المصرية

[mourad]

المستندات التالية مع طلب الالتحاق
===================

أصل شهادة الثانوية العامة - بكافة شعبها -
شهادة الدبلومة الأمريكية (8 مواد) على الأقل - i.g.c.s.e
أوحالات نقل القيد من الجامعات والمعاهد المختلفة -
أصل شهادة الميلاد أو مستخرج رسمى منها-
6 صور شخصية -
صورة من بطاقة الرقم القومى -
صورة من جواز السفر لغير المصريين -
المعدل المطلوب 60% -
==========================

[mourad]

لمعادلة والاعتماد:
==========
صدر بها قرار السيد رئيس جمهورية مصر العربية السيد / حسنى مبارك رقم 216 لسنة 2003
وافق عليها مجلس الشعب فى 29 ديسمبر 2003
الجامعة معتمدة دوليا (فى جميع دول الاتحاد الأوربى) ومن "هيئة الاعتماد البريطانيه ".
معادلة درجات البكالوريوس التى تمنحها الجامعة العربية المفتوحة بمثيلاتها من الجامعات المصرية.
تعمل بموجب اتفاقية شراكة مع"الجامعة البريطانية المفتوحة"، والتى تعتبر من أعرق الجامعات على المستوى العالمى، وتقوم الجامعة البريطانية المفتوحة باعتماد الدرجات العلمية وشهادات البكالوريوس

[أيام وسنين]

يا mourad انت بتتكلم عن الجامعة العربية المفتوحة مش الجامعة المفتوحة والى بتتكلم عنها دى حاجة تانية خالص

و يا elrewsha قولنا متييييييييييين الف مرة مفيش طب مفيش طب مفيش طب مفيش طب أقول تانى ؟؟؟؟ أفهموا بقى

وكمان 50 % اية وبتاع أية الجامعة المفتوحة دى بفلوس ومش أى فلوس لكن أى جامعة تانية بتبقى بشىء رمزى

منتظر الأراء البناءة وليست الهدامة

[أيام وسنين]

وكل واحد ولية وجهه نظرة ونحترمها ولكن لنتكلم بالعقل

[tito_love_2007]

لو سمحتوا يا جماعة اية هية المصاريف بالظبط فى العام الكامل ارجو من فضلكم الرد من اللى يعرف

[etisalat__011]

بالتوفيق كل اللى مقدم فى الجامعة المفتوحة

بس العيب مش على اللى مقدم فى الجامعة دى العيب على الوزير اللى خلى واحد بـ 50% يفكر انه يخش كلية أصلاً



اللهم إنى لا أسألك رد القضاء و لكنى أسألك اللطف فيه

[ابن العمده]

بسم الله الرحمن الرحيم

انا عايز اوضح وجهة نظر غايبه عن الجميع الصراع الذى يدور بين الافراد الان هو ان تقبل كلية الاعلام من50% مع انها قبلت الحاصلين على94% ولم يستطع من حصل على 93%ان يدخلها وفجأه تظهر الجامعه المفتوحه لتعلن هذا الخبر ولكن السؤال الذى يطرح نفسه... لماذا لم تقبل كلية الاعلام (تعليم مفتوح) من80% والتجاره70% وهكذا تدريجيا وليس هناك اى مبرر فى ان يتساوى من جد واجتهد مع غيره فهل يعقل ان يتساوى من حصل على اكثر من 90% مع من حصل على 50% واذا استمر هذا الحال كما هو عليه فسنرى فى الاعوام القادمه ان الطلبه اخذوا لايبالون باهمية الاجتهاد للمحافظه على نصف درجه وسيكون ذلك هو بداية عهد فاشل للثانويه العامه

هذه كانت وجهة نظرى وارجو من الجميع احترام وجهات النظر

[أيام وسنين]

المشاركة الأصلية كتبت بواسطة ابن العمده

بسم الله الرحمن الرحيم

انا عايز اوضح وجهة نظر غايبه عن الجميع الصراع الذى يدور بين الافراد الان هو ان تقبل كلية الاعلام من50% مع انها قبلت الحاصلين على94% ولم يستطع من حصل على 93%ان يدخلها وفجأه تظهر الجامعه المفتوحه لتعلن هذا الخبر ولكن السؤال الذى يطرح نفسه... لماذا لم تقبل كلية الاعلام (تعليم مفتوح) من80% والتجاره70% وهكذا تدريجيا وليس هناك اى مبرر فى ان يتساوى من جد واجتهد مع غيره فهل يعقل ان يتساوى من حصل على اكثر من 90% مع من حصل على 50% واذا استمر هذا الحال كما هو عليه فسنرى فى الاعوام القادمه ان الطلبه اخذوا لايبالون باهمية الاجتهاد للمحافظه على نصف درجه وسيكون ذلك هو بداية عهد فاشل للثانويه العامه

هذه كانت وجهة نظرى وارجو من الجميع احترام وجهات النظر

وجهه نظرك برضة ومحدش يقدر ميحترمهاش

بس برضوا وهقولها مليون مرة زى مالجامعة دى بتاخد من 50 %
بس هيا بفلوس يعنى مش مجانى

غيركدة أخى الكريم هو حرام أنة يكون فية حاجة حلوة فى البلد دى
وكمان هو الى بيجيب 90% دة مش بيجبهم بالدروس الخصوصية ؟؟؟
ولا بيجتهد من نفسة ؟؟؟ لا طبعآ كله بالدروس
وكل الى بيعمله أنه بيحفظ وبس وبعد كدة يدخل الكلية ربنا كما خلقتنى ولا تلاقية فهم حاجة من الى أخدة !!

يعمل أية بقى ياعينى الفقير الي معرفش ياخد دروس خصوصية وطبعآ ميقدرش يشتغل وهو فى ثانوى
يعمل أية بقى يا عينى الى اهله عندهم ظروف ومش لاقيين فلوس
يعمل أية بقى يا عينى الى كان نفسه يدخل كلية محترمة زية زى الناس ومعرفش وأتلاقيه هو أذكى من الى جايب 100% دة


وكل دة وتقول الكلام الى قولته

يا جماعة أرجوكم قولوا وجهات نظركم زى مأنتم عايزين بس بعقل
يعنى مش علشان أنت أو أنتى دادى ومماة عطولكم دروس طول السنة معنى كدة أنكم اذكى من الى جايب 50% لا
الا ما رحم ربى طبعآ

الى يشوف هموم الناس يعذرهم

عمومآ شكرآ على وجهه نظرك