|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
02-04-2009, 02:32 AM
|
||||
|
||||
اقتباس:
منورة الموضوع مش قولتلك رجلك خدت عليه 
__________________
 ......استودعكم الله الذى لاتضيع ودائعه.... ....closed 4 ever
|
|
#2
02-04-2009, 03:00 AM
|
||||
|
||||
|
بقولك يا استاذ احمد ( نجم )
الموضوع من الاول غير منصف طريقة الكتابة مستفزة جداااااا وخارج مجال المناقشة ... المشاركة الاولى غير ديموقراطية بالمرة و دخولك فى الموضوع برده غير ديموقراطى .... حضرتك حولت الدفة تماما من هجوم على مدرسين بذكر نوعية واحدة منهم فقط الى موضوع هات وخد مش معنى ان المشاركات اللى بعد كده وضحت الامور يبقى الموضوع من الاول صح انا مُصر على تعديل المشاركة الاولى و مش قصدى الحذف منها ولكن اقصد موازنة كفتى الميزان طبعا ده هيبوظ باقى فصول الشكسيبرية الدرامية الرائعة ولكن للاسف الموضوع مستفز و يفتقد روح الحيادية واقترب من مرحلة نقل معاناة شخص من ظروف خاضها وكونت لديه عقدة من بعض المدرسين ادت به الى التعميم ..... لا يوجد من هو ضد المناقشة ولكن الاساس الذى يبنى عليه هيكل المناقشة هو الاهم والمسئول عن الانطباع الاول للقارئ والا سأظل اعتبره هجوما من احد الشباب على معلميه وبالتالى سيكون من حقى ومن حق المدرسين التفاعل مع قانون لكل فعل رد فعل اقوى بمراحل منه فى المقدار ومضاد له فى الاتجاه ( هو كان كده ولا انا غيرت فيه ؟ ) وبعدين حضرتك بتقولى اشوف مشاركتك ........ جديدة دى ! المرحلة اللى جاية ممكن تبعتلى لينك المشاركة وليس الموضوع ! الموضوع فعلا ليس به اهانة للمدرس ولكن انا لا اقبل التعامل مع الحمير هل حضرتك عارف مصدر الصورة دى ايه .... مين اللى عملها ؟ اسرائيلى ملته ولا مالوش ملة ولا مصرى عايش فى مصر غصب عنه ..... ولا واحد مالوش فى الدنيا غير النقد وهو اول واحد ملئ بالعيوب ولا كان قصده يقلب المواجع على ناس لا تملك الا المناقشة او يمكن انا اللى مكبر الموضوع ....... ومش فاهم الصورة بس مش هاسيب الصورة دى الا لما كل طالب يتبرأ من هذا الموضوع او يعلن حموريته ........ الواحد كل يوم بيستحمل من الشباب اراء واسئلة ويتحملها ويقول بنى آدم يجب احترامهم لكن حمير ؟ انا ارفض ان اقود العربة التى يقودنها
__________________
 ALIVE
|
|
#3
02-04-2009, 03:01 AM
|
|||
|
|||
|
المشاكل كلها بتلف ف دايرة واحدة
المدرس مش بيشرح عشان يدى دروس الطالب لازم ياخد دروس عشان يجيب مجموع ف الدروس المدرسين بيعتمدوا على تحفيظ الطلاب عشان يدخلوا يفضوا الكلام ده ف الامتحان ويجيبوا فول مارك والمدرس يبقى وااو .. ممتاز .. بيرفيكت .. كل اللى بياخد معاه بيجيب فول مارك !! ويعمل لنفسه شهرة اكبر وده بيخلق لنا كل سنة جيل من الحفيظة اللى بيدخلوا الكلية ويا اما يفضلوا حفيظة ف الكلية برضو يا اما هايعرفوا بداية الفشل لان مش نافع معاهم حفظ وبيتخرجوا مش فاهمين اى حاجة ف اى حاجة المفروض بقى انهم يشتغلوا على اى اساس يعنى ؟! --- اولا المدرس لما تبقى الرقابة على شغل المدرس ف الفصل من خلال كشكول تحضير وكراسة مكتب فيها درجات ده قمة الفشل انا عن نفسى باحط لواحد من المدرسين بتوعى ف المدرسة الدرجات بتاعة كراسة المكتب دى سواء بتاعة فصلنا ولا بتاعة سنة اولى يعنى هو مش بيعرف عنها حاجة اساسا ده غير ان احنا ف تالتة بيتحطلنا درجات شفوى وسلوك وامتحان شهر اللى عمرى ما شوفته من ساعة اولى ثانوى !! واحنا اللى بنحطها بنفسنا يعنى المدرس قدام الادارة مسئول عن الحاجتين دول وبس الدرجات والتحضير !! --- ولو لقيت مدرس بيراعى ضميره ف الشرح وعايز يفهم الطلبة اللى قدامه بجد بس على حظه جه تفتيش عالمدرسة مثلا وهو مش حاطط الدرجات او مش كاتب التحضير غالبا بتحصل مشكلة !! --- ثانيا الطالب الطلبة بيكرهوا كلمة ( مدرسة ) شايفينها تضييع وقت ف مرة من فترة كدة كان عندنا واحدة قريبتنا تحديدا ف اواخر شهر 2 بتسألنى انتى لسة بتروحى المدرسة ؟ قولتلها ايوة قالت : المدرسة عندكوا بيشددوا عالغياب المفروض يسيبيكوا تقعدوا عشان تعرفوا تركزوا ف المذاكرة خلاص الامتحانات قربت كان هاين عليها تقولى فكك منهم وحولى منازل  يعنى حتى اولياء الامور واصلهم فكرة ان المدرسة دى مالهاش لازمة وان المدرسين كلهم مش بيراعوا ضميرهم وكل هدفهم الدروس وتحقيق ربح مادى مش اكتر انا بجد فضلت اروح المدرسة لحد اخر شهر 3 ومش عايزة اقعد وحاسة انى متلخبطة ف المذاكرة ومش عارفة امشى كويس عشان مش باروح المدرسة لان لما باروح .. ف مدرستى المدرس اللى بيتقال عليه ماعندهوش ضمير بيدخل الحصة يقعد يسألنا اسئلة عامة ف المنهج وده بيشجعنا نذاكر عشان نجاوب معاه وبيراجعلنا ولو حاجة مش فاهمينها بيشرحها يعنى بجد كانت بتساعدنى ف المذاكرة جدااا وكلمة اتقالتلى من مدرس عندنا ان الطالب هو اللى بيشجع المدرس اللى قدامه يشتغل او لاء يعنى لو المدرس دخل الحصة لقى الطالب زهقان وقرفان انه جه المدرسة ومش عايز يشتغل هو هايشرح لنفسه ولا يعمل ايه ؟! لكن لما يلاقى فيه تفاعل وطلبة مركزين معاه هايشتغل ويدى بجد ويبقى مبسوط بشغله --- من كام يوم روحت المدرسة عشان طالبين منى اعمل ورق وحاجات كدة وقولت اخد معايا مسائل الاحصا اللى مش عارفاها اسأل المستر بتاعى ف دخلت الاوضة لقيت المستر بيتكلم مع مدرس تانى ف فيه مدرس تالت قالى تعالى وقعد شرحلى المسائل كلها تقريبا فضل قاعد يشرح فيهم اكتر من ساعة لانهم كانوا كتير وف الاخر باقوله شكرا يا مستر .. تعبت حضرتك معايا قالى انا طلبت اشرحلك عشان احلل المرتب بتاعى لاننا طول اليوم قاعدين كدة ومش بنشتغل لان هو بيدى سنة تانية وتالتة بس وطبعا الاتنين قعدوا ف البيت خلاص --- والدروس الخصوصية بقت مهزلة بجد يعنى انا باخد درس انجليش ف جروب ممكن يزيد عن 80 بنت وولد وفصلى ف المدرسة عدد المقيدين فيه 30 طالبة واتفصل منهم 6 عشان خلصوا ايام غيابهم واتحولوا منازل وساعة ما بنكون حاضرين كتير بيبقى عددنا 13 او 14 واحدة وممكن يكون مدرس الفصل احسن مليون مرة من مدرس الدرس لكن احنا عايزين حد يتابعنا بالنسبة لى .. عايزة حد يزعقلى لما اقصر ويتابعنى ويعملى امتحانات ويجبرنى اذاكر لانى اصلا مش بتاعة مذاكرة !! واكيد مش هاكتفى بالمدرسة واروح احضر وانا عارفة ان هاييجى وقت الغياب يترفع وكل الفصول هاتفضى ولو روحت قعدت لوحدى ماينفعش المدرس يشرحلى وانا لوحدى ف الفصل ومش هاكتفى بالمدرسة وانا عارفة ان مفيش متابعة ومفيش امتحانات !! ف كدة كدة محتاجين الدروس الموضوع معقد بجد !! وانا رغيت كتير ولو كنت فاضية اكتر من كدة كنت هارغى اكتر شكرا يا محمود عالموضوع المهم بجد |
|
#4
02-04-2009, 03:21 AM
|
|||
|
|||
|
ملحوظة :
بعض زمايلى ف مدرسة تانية قالولى ان عندهم مدرس بيدخل الحصة بكوباية الشاى وبيفطر ف الحصة وفيه مدرسة ولاد - اتقالى من طلبة ف المدرسة دى - انهم بيدخلوا الساعة 8 ويخرجوا 9 بعد ما يدوا الولد المسئول عن الغياب ف الفصل 2 جنيه عشان يكتبهم حضور و2 زيهم للعامل عشان يساعدهم يهربوا |
|
#5
02-04-2009, 03:36 AM
|
||||
|
||||
|
اقتباس:
2 جنيه + 2 جنيه = اربعة جنيه غير مصروفهم الاب حرامى ولا هما شغالين بعد المدرسة مش قالوا مش عارف ابن ايه اللى يلاقى دلع ومايدلعش وانا بقول مدرس كذا اللى يلاقى طلبة زى دول وفى الحصة ميفطرش 4 جنيه فى الهوا ...... امال هما نازلين بكام برده ولى الامر له دور كبير فى ده كام طالب بيتشتم باهله كل يوم ؟ المصيبة انه بيقبل ويعديها ويزداد عدد من يسيئون للمعلم المصرى هل تعلموا ان كلمة " قليل الادب " شتيمة للاب والام ؟ على فكرة الصورة بتاعتك حلوة بس مش عارف اقرأ الاسم " رخامة؟ "
__________________
ALIVE
|
|
#6
02-04-2009, 03:42 AM
|
|||
|
|||
|
اقتباس:
شكرا يا مستر
والاسم فعلا مظبوط زى ما حضرتك قريته |
|
#7
02-04-2009, 08:39 PM
|
||||
|
||||
|
اقتباس:
بجد بجد ردك جامد جدا وربنا وكلاك جميل فوق الوصف لدرجة انى مش قادر ارد على كل جملة جزاك الله خيرا على المشاركة دمتم ى رعاية الله اقتباس:
اما بخصوص الاولاد كان فى بعض الايام اللى ماسك اغياب بيظبطه ومبيكتبش صحابه غياب او واحد يستأذن منه ويمشى ولا كأن فى رقيب ولا عتيد فى الاول وفى الاخر احنا فى مصر دمتم فى رعاية الله
__________________
......استودعكم الله الذى لاتضيع ودائعه.... ....closed 4 ever
|
|
#8
02-04-2009, 03:25 AM
|
||||
|
||||
|
بالنسبة لمحمود طه
مع اختلافى معك فى الموضوع ولكن لك منى الف تحية وتقدير ردك متماسك جدااااا باستثناء اتهامى بأنى حمار ههههههههههه وانا مسامحك مع انى لم اشتكى من الموضوع ولا من النظام ومش هاعتبرها غلطة ههههههههه ..... يمكن حظى فى مدرسينى كان احسن بكتير كانوا واقفين جنبنا اوى واحنا كنا حالتنا كرب وعلشان كده طلعنا زيهم وبعد كده وجدناهم يقفون بجانبنا عندما اصبحنا مدرسين وساعدوا على شهرتنا بس يا حودة انت بتقول انك حفظت يعنى دفعت فلوس وعملت فى الآخر اللى ممكن تعمله من غير ما تدفع وده بيزعلنى انك تنقد كان افضل من كده تحكى تجربتك بشكل واقعى جدااا وفى الاخر الطالب يطلع منها بدرس مهم وهو ان يحافظ على فلوس والده بقدر الامكان فى حالة عدم الاستفادة احنا من مدة لم نتشاجر .... صح؟ وحشتنى يا محمود يا طه عارف لو كنت جبت نوعية كويسة حتى لو اشرت الى ندرتها وبعد كده قلت اللى انت عاوزه كنت هتسمع منى كلام على اخطاء بعض المدرسين لا تتوقعها ولا تخطر لك على بال بس لقيتك داخل شمال على نظام واحد لايوجد غيره طلب ان سمحت انا عايز منك لينك لاحد موضوعاتك يكون به بعض التفاؤل او بمعنى آخر حاجة عجباك فى البلد دى بتشتمنى يا حودة هههههههههههه ماشى افتكرها وكمان بترد الضحكة بضحكة هههههههههه ده انا هاسيب شغلى واقعد ارد على مواضيعك البت ملك بنتى بصت على الصورة وزى مايكون بتقولى مش هادخل المدرسة
__________________
ALIVE
|
|
#9
07-04-2009, 12:52 PM
|
||||
|
||||
|
اقتباس:
اقتباس:
منور يا مستر بدوى دمت فى رعاية الله
__________________
......استودعكم الله الذى لاتضيع ودائعه.... ....closed 4 ever
|
|
#10
02-04-2009, 04:18 AM
|
||||
|
||||
|
السلام عليكم ورحمة الله وبركاته موضوع جميل يامحمود ومتعرض لكذا سلبية ولكن بالرغم من انك تقصد حاجة فهي هتتفهم حاجة تانيه لان الاسم ده ( رمضان مبروك ابو العلمين حمودة ) هيعمل برمجة سلبية للمدرس لان عقل المدرسين سجل إحساس وهو ( الإستياء ) من الصورة الغبية اللي صورها ليهم الغبي محمد هنيدي وبالتالي هينعكس الإحساس لما يقروا العنوان وسيبكم من كلام انه بيعالج قضية وحوار وزفت وقطران دول عالم ( سبوبجية ) ولا يهمهم البلد ولا الشعب ولا اي بني آدم يهمهم الفلوس وبس عشان مننخدعش بالكلام المُدعم اللي بيتوزع في الافران اليومين دول وطبعاً زي ما لمحت في أول رد ( عادل ) لا يُنكر فضل المُدرسين أبداً في تعليمنا ولكن لا يُنكر بردو ان أهالينا كانوا بيدفعوا دم قلبهم للمدرسين اللي كان لا يُنكر فضلهم وده إحقاقاً للحق ولا يُنكر فضلنا إحنا كمان إننا ذاكرنا وسهرنا وعملنا اللي علينا .. يعني الحكاية دي منظومة محدش له فضل علي التاني فيها كله مشارك لنتيجة واحدة .. نيجي نقسم الحياة بشكل أوضح عشان محدش يزعل طبعا فيه مُدرسين كتير بيراعوا ربنا في شغلهم وبيشتغلوا في المدرسة والدروس وده لا شك فيه ولكن زي ما فيه الحلو فيه الوحش اللي هوا مبيراعيش ضميره وبيبيع العلم للفلوس الأكتر وبس ( ودول اللي مش بيحبهم محمود وبيحاول يعريهم ) يبقي كدا الجانبين بتوع المدرسين وطبعاً في طالب مجتهد بيراعي ربنا في أهله اللي بيطفحوا الكوته عشان يعلموه وفيه طالب معندهوش دم احمر ولا برتقاني حتي ومبيراعيش ربنا ( ودول وربنا مهم فالحين لو جابلهم مناهج تخليهم علماء ) ودول أغفل محمود ذكرهم نيجي نجمع بقي الكلام
هنلاقي ان الطالب والمدرس وولي الأمر في ( بوتقه واحدة ) واللي بيقلبها ( النظام الفاسد ) وبيشويهم علي نار هادية مصلحة النظام ايه اللي يحصل ؟ ان محدش يتعلم لان العلم نور والنور يكشف الجهل ويخليك تدور علي حقك الضايع ودي أكبر مصيبة في البلد دي لذلك فهيبقي الوضع علي ما هو عليه لغاية ما احنا اللي نتغير لان النظام عمره ماهيتغير وياريت تنسوا ده ده مبارك مش أشرف وبكدا يبقي المدرس والطالب وولي الأمر ضحية للنظام اللي زي الزفت اللي ربنا يوكسه -- نيجي بقي بالنسبة للإهانة اللي بيتعرض ليها المدرسين من قِبل الإعلام والممثلة في فيلم رمضان عباس ابو شلف زفت ده مش فاكر اسمه .. انتوا اللي سمحتوا للإعلام يهينكم بالطريقة دي .. لازم يبقي من المدرسين ممثلين وإعلاميين وشعراء وعلماء وفنانين عشان يقدر يعبر باللغة اللي اتهاجم بيها ده الرسول قال " من عرف لغة قوم ٍ أمن مكرهم " والمقصود باللغة هنا ينطبق علي أي إسلوب وأي وسيلة .. لازم تقدروا تدافعوا عن نفسكم مش بالشجب بس لاء بنفس السلاح يعني يتعمل مقالات لتوضيح دور المعلم يتكتب شعر لتوضيح دور المعلم يتعمل فيلم وثائقي عن التعليم وفايدته كدا يعني مش نقعد نقول مش هنسكت علي فكرة الصورة اللي في أول الموضوع بتفكرني بالاستاذ العبقري ( محمد صبحي ) واللي لم يحالفني الحظ بمقابلته اثناء ما كنت بقدم في الأكاديمية لما كان بيقولها بفخر ( اناااااااااااا أمىىىىىىى ) .. ولما قالتله المستوي التعليمي ايه ؟ قالها ( لاء الحمدلله نفدت ) صدقوني ياجماعة التعليم زي الزفت ومحدش هيقدر يغيره لان اعتقد ان أغلب المدرسين بقوا مدرسين عشان مجموعهم مخلاهومش دكاتره او مهندسين لكن لو واحد دخل وحلمه أصلا انه يبقي مدرس محترم ويرتقي في العلم ويحلم انه يبقي وزير في يوم من الأيام ساعتها هيتغير التعليم وهيتغير النظام كله في رعاية الله وآسف علي الإطالة يا شباب ويااساتذة
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ !  |
|
#11
07-04-2009, 01:02 PM
|
||||
|
||||
|
اقتباس:
طول براحتك يا حج احمد كلنا اذان صاغية دمت فى رعاية الله
__________________
......استودعكم الله الذى لاتضيع ودائعه.... ....closed 4 ever
|
|
#12
02-04-2009, 12:23 PM
|
||||
|
||||
|
حمدالله ع سلامة الموضوع من ارشيف الادارة لمثبت ف العام حاجة حلوة بجد :d اولا يامحمود موضوعك جامد جدا وفعلا بيمثل مشكلة بيعانوها الطلبة وملوش دعوة بالمدريسين انا لما شوفت الموضوع البهدلة اللي اتبهدلها قولت انت اتظلمت زي :d بس بصرحة انت اللي دخلت المدرسين بالعنوان لانك المفروض بتتكلم ع قضية نيجي بقى للحتت بتاعت موضوعك هو بشكل عام موضوع جامد جدا اولا حته المدرسين ف المدرسة انا من رأيي لو نظام التعليم ف المدارس زي ماهو كدة عندنا وزي مانت بتحكي بالظبط يبقى فعلا ملوش لازمة يعني عندك انا تانية وتالتة كنت منازل من اول السنة وكان اعتمادي الاول والاخير ع الدروس الهخصوصية تيجي تسأل العيال ف المدرسسة بيعملو ايه لغاية الساعة اتنين يقولولنا بياخدو حصص العاب عشان جاتلهم مدرسة جديدة غير المدرسين اللي مش عارفين المادة اللي هما بيدرسوها ايه وغير اللي عندهم معلومة ومش عارفين يوصلوها وغير اللي اصلا مش عايزين يشرحو عشان العيال تروح تاخد عندهم دروس وزي ماكلكم بتقولو بالظبط يبقى فعلا المدرسة ملهاش لازمة وخصوصا للي عاوز يجيب مجموع عندنا البنات اللي كابرو ف تانية وقالو مش هياخدوها منازل ع اعتقاد ان الدرس بدل مايتشرحلهم مرة هيتشرح مرتين مدرسة ودرس جم ف الاخر وغصب عنهم اخدوها منازل ف تالتة نيجي بقى لحته الدروس الخصوصية احنا عندنا الدروس الخصوصية دخلت ف مرحلة جديدة تقريبا لسة مانتشرتش ف المجموعة العادية يبقى زيك زي المدرسة ع طول عاوز تستفيد بجد يبقى تلملك شلة من صحابك وتعملو مجموعة برايفيت لو عددكم مثلا ربع المجموعة العادية يبقى هتدفع اد اربع طلاب بياخدو عند المدرس وغالبا المدرس يحس انه بيشحتك المعلومة وله الافضال عليك انه بيديك خاص مانت كان ممكن تاخد زي العيال وينقلك الاحساس ده بحيث تنسى انك بتدفع اكتر من الناس وبردو بتتقضى عصير لمون زي مابتقول انا ف مرة اتحكال عن واحد كان عندهم مدرس انجلش ف ابتداائي بيتكلم انجلش الحصة كلها ومش بيوضح يجي الطالب يقوله لو سمحت يامستر مش فاهم يقوله اطلع بره يقوله بقول لحضرتك مش فاهم يقوله افتح ايدك :d وساعات بقى اصلا المستر بيبقى مش فاهم الحته اللي بيشرحها ويقولها عابرة تيجي تقوله مفهمتش الحت دي يقوم باصصلك شزرا كده ويعيدها زي ماهي ع اساس انها سهلة بس طبعا مش هننكر دور مدرسين كتير ليهم حق بجد يطلق عليهم اساتذة
كفاية كده ومش هتكلم ف النقطة التالتة عشان مبحبش ارغي كتير احتمال ارجع اتكلم ففيها بعدين ثانكس ع التوبيك يامحمود
__________________
لو صرخت الدنيا ف وشي اكيد هعلي حسي ... لو كان ده وقت الانهيار انا حاطه روحي ع كفي ... لو كان ده وقت الانفجار .. اكيد ملغمه نفسي ...!! * ** فى حياة كل منا ذكرى تمنى الا يمر بها ولكن لولا ألمها لارتكب المزيد من الاخطاء فى حق نفسه وفى حق الاخرين* ** الحمدلله  |
|
#13
07-04-2009, 01:16 PM
|
||||
|
||||
|
اقتباس:
دمتم فى عاية الله اقتباس:
منور يا استاذنا الفاضل دمت فى رعاية الله
__________________
......استودعكم الله الذى لاتضيع ودائعه.... ....closed 4 ever
|
|
#14
02-04-2009, 01:13 PM
|
||||
|
||||
|
لا تعليق لى بعد كلام اخى الاستاذ / بدوى الدجوى
و شكرا لثانى مرة لادارة المنتدى على ارجاع و تثبيت الموضوع على الرغم من اسلوبة الغير لائق فى وصف المدرسين و علمهم التام بان الموضوع لا يناسب المعلم المصرى عامة جزاكم الله خيرا و فقكم الى الرشد و يشهد الله اننى غير راضى عن وصف معلمينا بهذه الطريقة و حسبنا الله ونعم الوكيل |
|
#15
02-04-2009, 01:57 PM
|
||||
|
||||
|
السلام عليكم ورحمة الله وبركاتة
اولا الى ثبت الموضوع مدرس ومشرف ادارى تعليمى وبحبة جدا وعلى دماغى جدا وبجد بيعجبنى كل تصرفاتة والله العظيم بس بعد اذنك انا هفك تثبيت الموضوع وانا فاهم حضرتك مثبتة لية بس انا هبقى اشرح لحضرتك وجهة نظرى بردة وان شاء الله تقتنع بيها ثانيا بعد اذن جميع الاساتذة الافاضل حضراتكم جميعا بتشكرو فى الادارة حضراتكم الادارة انتم اهم جزء فى الادارة حضراتكم جزء لا يتجزء من طاقم الادارة ثالثا بعد اذنك يا بو طة ياحبى انا عارف وفاهم قصدك من الموضوع والله العظيم بس ياريت تعدل جميع الالفاظ الى المدرسين رفضوها لان انا متاكد انك تقصد الاصلاح وليس مشكلة وانت فاهم قصدى ياحبى وانا بعتذر لجميع المدرسين الافاضل عن اى خطا موجود فى الموضوع او الردود وانا متاكد والله انة غير مقصود تماما فى رعاية الله
__________________
لا اله الا الله ... محمد رسول الله
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 02:15 AM.
