المستقبل ضاع مننا اترحموا عليه

[المتحري الخارق]

المشاركة الأصلية كتبت بواسطة banzer

لأ من غير مبالغة


بغض النظر عن عمارة

هندسة صعبة جداً جداً
ولك أن ترى نتائج الطلبة في هندسة التي لا تتعدى في معظم الحالات عن "الجيد"
في حين أن "جيد جداً" في كل طب تعد فشلاً !

انخفض عدد كلمة ( جداً ) إلى مرتين
من قال إن تقدير جيد جداً في كلية الطب يعد فشلاً ؟!!
هذا يعني أن 95 % من طلبة الطب فاشلين !!
وهل معنى أن تقديراتهم مرتفعة جداً كما تقول أن الدراسة سهلة
وبالعكس تجد أن نصف الدفعة تقديرهم مقبول ويزيد تدريجياً كل سنة
والأمر يختلف من جامعة إلى أخرى
ومن دولة إلى دولة

لا تنظر لها من زاوية واحدة فقط

تحيز لايه يا حسرة
لو في كلية ممكن تنافس هندسة حتبقى علوم
غير كده مستعد ادخل معاك في نقاش طويل عريض

ولماذا تسميها منافسة ؟؟!!

بالطبع هذا النقاش لن يأتي بجديد ولن نصل إلى نتيجة وسيكون مضيعة للوقت

ولسنا في حاجة إليه أيضاً

كل ما أرجوه ألا نتعصب لكليتنا ونراها الأفضل والأصعب وباقي الكليات سهلة و..

خالص التحية والتقدير

[BaNZeR]

المشاركة الأصلية كتبت بواسطة المتحري الخارق

ولماذا تسميها منافسة ؟؟!!

بالطبع هذا النقاش لن يأتي بجديد ولن نصل إلى نتيجة وسيكون مضيعة للوقت

ولسنا في حاجة إليه أيضاً

كل ما أرجوه ألا نتعصب لكليتنا ونراها الأفضل والأصعب وباقي الكليات سهلة و..

خالص التحية والتقدير

الواحد لما يتحيز لكليته
يقول عليها اجمل احلى اسهل اظرف

يلا مش حتصدقني طول ما انت مش شايف ...

[BaNZeR]

[quote=أمير بلا إمارة;2021715]

لو عاوز تٌحترم في البلد دي لازم تكون دكتور او مهندس (( او لاعب كورة ))

ومنضحكش علي نفسنا اعلي مكانة في البلد الطبيب والمهندس

مع ان طبعا كل المهن مهمة من اصغر مهنة لاكبر مهنه بس مكانة الطبيب والمهندس مش هتساوي باي مكانة تانية مع احترامي لكل الناس

[color=green]

المكانة دي احنا اللى خلقناها
بره عندهم التعليم وكلية علوم نمرة 1
وبعدين مكانة ايه اللى بيسكبوها غير اللقب

حييجي ايه المهندس جنب مستشار ولا ظابط جيش ولا شرطة ولا حتى عسكري !!!
ده باعتبار إنه شغال يعني !
انتو اهم حاجة عندكو تاخدو لقب احنا خلقناه وخلاص ؟

مين قال انهم مش لاقين شغل حتي لو مفيش ف البلد فيه مليون فرصة
بره

وكفاية ان اسمي دكتور كفاااااااااية كدا بس

لسه نفس المبدأ
المشكلة إنك ولد
عارف لو بنت
اقولك ماشي خد لقب دكتورة واقعد في البيت بعد كده
لكن قولي كده حتعمل ايه يا دكتور بمرتب 600 جنيه في الشهر

لا منضحكش علي نفسنا

اقل بالاسم والمكانة والاهمية والعلم والفرص والمستقبل و المجموع

وحضرتك على اي اساس بتقول الكلام ده ؟
جربت الكلية ولا شفت احصائيات العمل ولا عرفت اهميتها ؟
مازلتم تنظرون للعمل على اللقب
ولو عرفتو اللى فيها

يلا ...

[BaNZeR]

بصو يا جماعة
جيبلكو من الآخر واعتبرو الكلام ده توجيه او تحذير

اولاً عشان تعرفو مين اللى بيتكلم معاكو
انا اخوكم المطحون اولى كهربا >>هندسة

حتقولي اكيد طبعاً بتقول كده عشان دخلت هندسة خلاص

ايوه انا دخلت هندسة مش عشانها كلية قمة
لكن انا من اولى ثانوي كنت عاوزها وميولي متجبش غيرها

هندسة محتاجة قدرة كبيرة من التخيل وقدرة أيضاً على الفهم والصبر!

لو داخلها عشان تاخد لقب "باشمهندس"
فسواق التاكسي بيتقالو "يا باشمهندس"
والنقاش بيتقالو "يا باشمهندس"
وعامل الصيانة بيتقالو "يا باشمهندس"
وحتى السباك لما بيجيلك البيت بتقولو "يا باشمهندس"

لكن عايزكو تعرفو حاجة
الناس اللى زي دي مش بتلحق تاخد لقب "باشمهندس"
لإنه اول ما الواحد يسقط سنتين في اعدادي هندسة
بيتفصل من الكلية
وبدل ما كان واخد لقب "باشمهندس"
بقى واخد لقب "زي ما تحبو بقى "


السنة بتاعتنا كان مفصول فيها 12 واحد
دفعتنا (السنادي يعني) اتفصل 32 واحد
في حين 300 واحد عاد السنة
و300 آخرين شالو مواد
وبعد كده نسبة 40% جايبين مقبول
او بمعنى آخر "معدي "
كل ده من اصل 1400 طالب تقريباً
مع العلم كان في 5 امتيازات فقط
واولهم كان بنسبة 92% !!!


المعدل الطبيعي لطلاب كلية الهندسة
ن + 5 سنة
حيث ن عدد لا يساوي الصفر
وهو عدد سنين الدبلرة (إعادة السنة)
ده اكتر لكهربا وميكانيكا على الاخص

الكلام ده مش هزار
الكلام ده حقيقة
ولو فاكرين لقب مهندس حييجي بسهولة
تبقو بتحلمو
ولو فاكرين لقب دكتور حييجي بسهولة
تبقو بتحلمو برضه

تولع الكلية بالمذاكرة لو حذاكر ست ولا سبع سنين
عشان اخد لقب مهندس ولا دكتور
وييجي بعد كده حتة ظابط صغير بمجموع 50% في الثانوية يضربني بعد شوية
ادخلو شرطة احسنلكو لو بدورو عالاسم

[ahmedkuwit]

ربنا معاكم اصبروا

[الشفق الباكي]

ههههههههههههه
طبعا انا هرد رد
ممكن تغتالونى فيه
اولا
موضوع الامتحانات صعبه والجدول وحش دا
على الجميع
يعنى مادام مش مشكله خاصه تبقى مش مشكله بمعنى ان كل طلبه الثانويه لها نفس الشكوى
المجموع هيقل يبقى على كله
بصى
انا فى سنتى امتحان الفيزيا بتاعنا كان تحفه رهيييييييييييييييييييييييب وسألى اى حد عن امتحان 2008 هيقولك
تقريبا طلبه تالته كلهم كانوا طالعين يعيطوا من الامتحان
انا بقى حصل معايا العكس حليت وحش اقتصاد واحصا ومع ذلك بردووو مجموعى بالنسبله للمجاميع التانيه مش اتاثر لان المعظم
ناقص فيزويا وانا مش نقصت
الخلاصه الالامتحانات هتبقى صعبه اوكى ما المانع مادام على الكل
انتى هتطلعى من العربى تقولى وحش غيرك هيقول حلو لانه دى نقطه اجادته غيرك هيطلع من الانجلش يقول صعب انتى هتقولى حلو لانه مثلالتنسيق هيقل لو الامتحانات صفى حين الامتحانات السهله مجهودك بيضيع لو نص درجه ضاعت فى امتحان تافه
ومن االخر النظام اللى الوزير عايز يعمله كان نظام الثانوى زمااان والناس كانوا بيدخلو صيدله وطب وهندسه
احم احم
المهم
اللى عايز يدخل طب وصيدله علشان يبقى اسمه دكتور ودا اصلا مش ميوله الاحسن يدخل معهد بيحبه ومايدخلش طب وهو مش بيحبها
انا بتعامل فى معمل العضويه او التحليله او الصيدلانيات مع نااس بتكره الشغل دا جدا جدا واساسا مش عايزين يتعاملوا مع الاداوات يابنتى طب داخله صيدله ليه علشان ابقى دكتوره طيب دكتوره وتدخلى حاجه مش حباها وتفضلى تشيل مواد طول سنين دراستك او تدبلرى سنه وتضيع سنه من عمرك فى اعاده سنه فى كليه اساسا مش بتحبيها علشان الناس تقولك يادكتوره طب مش عايزه انا دكتوره اللى هدبلر علشانها سنه دى
انا شخصيا لو مكنتش داخله كليتى عن حب والله عمرى ماكنت هدخلها ابدا بلا دكتوره بلاااى حاجه فى الدنيا ترغمنى اعمل حاجه كرهها
صدقينى كده احسن علشان حتى مستقبلا ربنا يرزقك يعنى وتدخلى صيدله او الكليه اللى حباها الدكاتره مش يقوللكم ياللا نص الدفعهشايله الماده مش انتو العباقره بقى اللى جايبين فى الثانويه العامه اكتر من 95 % امال فين
ههههه انا طولت صح
صدقينى كده احلى
وصدقينى كمان اللى مكتوبلك هتشوفيه سواء الوزير قال الخمس امتحانات فى يوم او فى 100 يوم او فى خمس ايام
سواء الامتحانات صعبه او سهله ثقى دايما ان ليكى رزق ونصيب هتخديه مش هتاخدى اكتر ولااقل منه
تقبلى مرورى الطويل اوى
الشفق الباكى

[Rehab16]

أنا أتفق معك ياسمينا

فأنا في ثانية ثانوي

وكل يوم قرار جديد

بس ربنا معانا وإن شاء الله سيوفقنا

وكل شيء مكتوب

فلا تحزني

[روحاء هندسه]

بجد انا سجلت جديد هنا في المنتدى بسبب الموضوع ده




بجد والله جميل جدا




بس احنا منتظرين ايه يعني؟؟؟




مشكلة الوزارة بجد انهم عايشين في حتة مقفولة ومش عارفين اللي بيحصل




بيصدروا قرارات وهما مش واخدين بالهم اننا ماشيين بطريقة تانيه خالص





والمفروض لما يطبقوا قرار جديد يبقوا يطبقوا على الدفعة اللي بعدنا مش احنا




وع العموم ربنا يوفقنا




وربنا يهدي الثانوية العامة


ههههههههههههههههههه



شكرا ع الموضوع



ممكن يكون لي عودة ان شاء الله



بس خلينا نركز الشهرين دول في المذاكرة

[ياسمين سعيد]

انا غبت يومين رجعت لاقيت الموضوع فى طحن كتير ونقاش بجد عجبنى وكلكم ارائكم مقنعة جدااااااااااااا

بس اقول حاجة

لل موافق ع قرارات الوزير
انا موضوعى معارضش قراراته الا قرار تغيير الشعبة
وال يقول فى كليات كتير ياعم انا طموحى منحصر ف كليتين مش انا بس دا 99% من ولاد مصر

اما ال رافض قرارات الوزير
حاجة من الاتنين
يا اما حياته كليته وخايف ليضيع امله
او معايا فى ان مستقبل مصر منحصر فى الثانوية العامة


وبعدين الحمد لله طلع تغيير الشعبة قرار مش حقيقى ولسه بيتناقشوا فيه ومجاش للمدارس قرارات بكده

يارب وفقنا

[توتة احلى بنوتة]

عندك حق والله
حسبى الله ونعم الوكيل
ده الوزير:abdoog8::abdoog8::abdoog8::abdoog8:
عامل قوانين زبالة (سورى فى اللفظ)
ده انا لسةفى اولة اعدادىوالمنهج بتاعنا صععععععب


جدا
ويا ريت علينا
ده اختى فى ثالثة ابتدائى
ولقتسؤال
انا ما عرفت احله
سالت المستر بتاعى

قال ده لسة هتخدوه فى ثالثة اعدادى




ويا ريت علىالمناهج بس

ده فى حاجات كتيييييييييرة
بس احناساكتيين !!!!!!!!!!!!




:abdoog8::abdoog8::abdoog8:: abdoog8::abdoog8::abdoog8:

[محمد عبد النبي 2010]

جامدة يا ياسوووو