لكل من له طفل اتم الخامسه والنصف سيمتحن فى السفاره المصريه

[.Maha.]

رنا أهلاً بيكي ,,

على فكرة أنا كل لجنتي من اسكندرية

[naglaa mahmoud]

السلام عليكو يابنات اسفه على التأخير وشكرا على ردكو انا من اسكندريه وعايشين هنا فى جازان وللاسف احنا منعرفش حد من الجيران وجوزى ملوش اصحاب لانه المدير للشركهومش فاضى يتعرف على الجيران بس اولادى بيلعبو مع بعض كويس وكمان كرتون ونت وبيكلمو اهلنا كتير على النت وانا علشان عندى ثقه فى نفسى بزرعها فيهم انتو كمان اهم حاجه الثقه فى النفس
وبالنسبه لنظام الترمين هو متعب لكن بيعود الطالب يجمع النهج كله فى دماغه وبالتالى ثانويه عامه تبقى عاديه بالنسبه له وده انا لاحظته فى طلبه كتير من هنا وكلهم متفوقين عقبالكم
انا سمعت هيلغو 20 فى اليه من المناهج احنا معاهم ولا لا باى دلوقتى

[لحن الفرح]

فعلا يا طنط لغوا حاجات كتييييييييييير اوي من كل موادنا كل الصفوف لكن مش عارفة هيتطبق علينا ولا لا

اناهتصل بالسفارة اسألهم

[ميدو الفقي]

لا اطمني يا لحن الفرح انا عارفه ناس كتييييييييييييييييييييييييييييييييييييييييييييييير في 3ع محتاسيين بردو في الطائف متخافيش ان شاء الله تنجحي و تخلصي
( انا بنت في 2ع بس مسجله باسم اخويا )

[لحن الفرح]

ياااااارب نخلص بقى بجد تعبنا اووووووي

[naglaa mahmoud]

مها ليه سؤال لو سمحتى انتى قولتى بتمتحنى الفرنش فى مصر انا اولادى بردو نفس النظام انا دفعتلهم المصاريف فى المدرسه الخاصه واتفئت مع المدير انى امتحن هنا فى السفاره بس دى اول سنه ومش عارفه ايه الورق اللى اخدو مصر يثبت انهم امتحنو فى السفارة وسؤال تانى انتى مبتمتحنيش االانجلش هاى ليفل فى مصر انا اولادى بياخدو انجلش و فرنش هاى ليفل معلش سؤال اخير انتى بتدفعى المصاريف فى مصر كامله انا دفعت السنه ديه للاتنين 6الاف جنيه ومراحوش المدرسه خالص ومش عارفه هو ده النظام ولا المدير ضحك عليا وشكرا لو طولت عليكى ارجو الرد

[ahmed_ali1]

انا كمان في السفارة في السعودية اولى ثانوي واول سنة ليا ربنا مايوريكو وبمتحن تقريبا في 13 مادة وبعاني نفس المعاناة وقالو ان الامتحانات السفارة اطبعت قبل ما يتلغى حاجة بجد حرام انا تعبت اوي السنادي بس يلا كلها اسبوعين ونمتحن ربنا معانا كلنا

[مهندس محمد حماد]

الى الأستاذة نجلاء محمد نصحية لوجه الله - كنت مثلك ادفع المصاريف لأولادى لأحجز لهم مكان بمصر عدة سنوات بالمدارس الخاصة ولكن وكيلة المدرسة الخاصة من الناس اللى بيخافوا ربنا قالت لى يااستاذ انت تاعب نفسك على ايه وبتدفع فلوس ليه على الفاضى كل سنة حرام عليك - امتحن أولادك في السفارة وفي اى وقت تنزل فيه نهائي وعايز تدخل ولادك اى مدرسة بتطلب عمل امتحان تحديد مستوى بمائة وخمسين جنيه فقط من إلادارة التعليمية وتختار اى مدرسة يجيوا يعملوا ليك امتحان وبناء على نتيجة الامتحان يتم الحاق اولادك بالمدرسة وخلصت الشغلانة - واقسم بالله انى ذهبت للإدارة التعليمية وتأكدت بنفسي من صدق كلامها بسبب القلق اللى احنا عايشين فيه - فتوكلى على الله وعارف انك عندك اسئلة كثيرة وسوف اجاوبك عليها في اى وقت وتحت أمركم كلكم ان شاء الله .

[مهندس محمد حماد]

وبالنسبة الى لحن الفرح ايه مشكلة الترمين معا ؟؟ اسئلة والدك او والدتك كنا زمان نمتحن الترمين سوى وكان لايوجد ملاحق ولا يوجد دروس ولا نت ولا ملخصات ولا كتب خارجية وكنا نحفظ سلاح التلميذ اللى كان عامل زى دفتر التليفون صم وكنا نطلع من الأوائل فثقى بالله وثقى بقدرتك وان شاء الله ابارك لكى قريبا بالنجاح الباهر والتفوق -
ملحوظة : بالنسبة للكتب فهى سهلة جدا وهى عندما تنزلى اجازة اشترى الكتب الباقية من مكتبات الفجالة قبل رجوعها للمخازن وخديها معاكى او من اقربائك بالنسبة للاقارب اللى عندهم اولاد اكبر منك بسنة وبكده يكون معاكى كل الكتب او تحملى الكتب من موقع الوزارة وفي السنة الجديدة لو حدث اى تغيير في المنهج بتعرفي بيه وممكن تشترى على راحتك بدون قلق الكتاب من مصر مع الزملاء القادمين او المغادرين وانتهت المشكلة .

ملحوظة رقم 2 : عندما تدخلى لجنة الامتحان اضحكى لورقة الامتحان وجاوبي بهدوء واقرئي ادعية الامتحان واعتبرى انك في يوم عيد ومهرجان ورايحة الامتحان تتفسحى وتشوفى كل زملائك اللى بتشوفيهم كل سنة مرة وستجدى كل شئ يمر سهل بإذن الله .

ملحوظة 3: الى كل ابنائي اجتهدوا وبطلوا قعاد كتير على النت وتنسوا انفسكم في الكلام والرغي ولو موقتا الأن لحين الانتهاء من الامتحان وارحموا اهليكم واتصرفوا لوحدكم في اى مشكلة تواجهكم فلو مثلا مادة صعبة خشوا النت وشوفوا اى ملخصات وشوفوا البرامج التعليمية بالتلفزيون أوالغرف الصوتية بالمنتديات التعليمية مش كدة ولا ايه .

ومبروك مقدما على نجاكم الباهر كلكم انتم واولادى ان شاء الله .

[naglaa mahmoud]

شكرا جزيلا يا باشمهندس ريحتنا من المصاريف وعلى فكرة انا فعلا بقول لاولادى ان الترمين مش صعب اوى كده وبيدربهم على الثانويه العامه هما لسه صغيرين تالته واولى ابتدائى لكن بعلمهم ازاى يذاكرو وضعو جدول للمذاكرة وبالجدول خلصنا الترم التانى فى شهر وكمان الهاى ليفل انجلش وفرنش ودلوقتى فى جدول المراجعه وعندهم وقت فاضى كبير يلعبو ويتفرجو على الكرتون بس اللعب على الكمبيوتر يوم الجمعه بس ولو كويسين طول الاسبوع يلعبو الخميس مع العلم دايما عندهم الجمعه اجازه تامه وده نظام كويس لكل اللى يحب يذاكر وما يتعبش مع تمنياتى بالنجاح للجميع

[مهندس محمد حماد]

جزاكى الله خيرا استاذة نجلاء وربنا يبارك في اولادك واولادنا ويحفظهم من كل سوء اللهم أمين .

[ghale]

معكم مدرس علوم بالسعودية اذا بغيتم اى أسئلة في المنهج المصري ارسلوها على الايميل
ghale_1000***********

[tarekbbb]

معكم مدرس علوم بالسعودية اذا بغيتم اى أسئلة في المنهج المصري ارسلوها على الايميل

[سحر الغريب]

ممكن حد يساعدنى ف الحل
وضعت عدسه ف مسار اشعه الشمس فتكونت للشمس صوره حقيقيه مصغره جدا على بعد15 سم من المركز البصرى للعدسه
استخدمت نفس العدسه للحصول على صوره مكبره معتدله تقديريه لجسم لذلك نضع الجسم على بعد ..... من مركزها البصرى

[سحر الغريب]

معلش الامتحان قرب ممكن السؤال ده كمان وجزاكم الله خيرا ما النتائج المترتبه على ان السرعه المتوسطه لجسم لا تساوى السرعه المنتظمه