اي حد ف 3 ث وعاوزي دخل كلية خاصة يجي هنا

[عبدالله حمادة]

ربنا يسهل ونزلو تنسيق الطب السنادي لا المجاميع قلت والعدد بتاع علمي علوم قل برضه

[سندريلا العربية]

انا جايبه في تانيه 96 وكنت عاوزه اعرف الجامعه الامريكيه بكام

[hoodaeg]

يا جماعه ممكن حد يفيدني في الموضوع ده بعد اذنكم::::...........

انا مخلص دوم صنايع من سنتين وكنت عاوز اقدم في معهد نظم بس المشكله اني ما اعرفش حاجه عن المعاهد دي يعني ياريت لو في معهد مصاريفه قليله شويه ويكون كويس حد يكت اساميهم ومصاريفهم واماكنهم...وياريت لو انهارده علشان انا بكره نازل مصر اشوف معاهد بس انا مش عارف اماكنهم ولا مصاريفهم

[hmada2010_49]

السلام عليكم

انا فى 3ث وادبى
كنت عايز اعرف انا هل ينفع اخش حاسبات ومعلومات خاص طابعا مش حكومى

[kareem nasr]

يا جماعه هل فيه السن خاصه؟ ومن علمي؟

[sama hektor]

المشاركة الأصلية كتبت بواسطة kareem nasr

يا جماعه هل فيه السن خاصه؟ ومن علمي؟

فى السن فى جامعة مصر ب 7 الاف تقريبا و تقريبا علمى بيدخل كل حاجة ادخل ع موقع الجامعة و شوف او اتصل بيهم

[inas30884]

ايهما افضل الاكاديميه البحريه (تجاره انجليزي)ام جامعه فاروس(تجاره انجليزي)؟
من حيث:
1.المستوى العلمي
2.المصاريف
3.معترف بها
4.فرص عمل

[seha2006]

لو سمحت يا جماعه انا جديد هنا وعايز استفسر عن حاجه انا فى 3 ثانوى بس كنت علمى وحولت ادبى فى 3 ثانوى
فهل ممكن باى طريقه ادخل معهد قسم كمبيوتر سينس (علوم الحاسب)

اذا مش ممكن هل ادخل نظم المعلومات احسن ام تجاره من كل الجهات سواء شغل او دراسه كاستفاده ومش مهم الاسهل المهم اتعلم صح واستفيد هل التجاره هتفدنى اكتر ام نظم المعلومات

وهل الشروق فى نظم المعلومات احسن ام العاشر من رمضان

اسف للاطاله وشكرا مقدما وفى انتظار حد يفدنى

[MONMON 1]

يا جماعه حد يرد علينا بأهاما الموضوع ده معمول ليه؟؟؟؟؟؟
مش عشان نساعد بعض!!!!!!

[yasssoo]

ما هو تنسيق جامعه مصر للعلوم والتكنولوجيا و جامعه 6 اكتوبر طب بشرى طب اسنان و صيدله هزا العام2011-2012

[khaledk95]

يا جماعة طب فى اكتوبر ب 40 و ليك خصم 15 لو فوق 90 و 20 لو فوق 95 و مصر للعلوم و تكنولوجيا ب36 انا فى اكتوبر

[$ Hager $]

أنا جبت فى تانيه 91.5% علمى علوم
وعايزة ادخل كلية طب بشرى
وعايزة اعرف جامعة 6 أكتوبر وجامعة مصر للعلوم والتكنولوجيا خدت من كام السنة دى فى كليه الطب
واى الجامعتين احسن فى الدراسة
وهو فى جامعات خاصة فيها طب بشرى غير الجامعتين دول ؟

[ahmed234]

انا دلوقتي من شهادات المعادلة وعايز ادخل الجامعةالالمانية بالقاهرة
انا جايب فوق 90% فهل اقدر اخخد المنحة او التخفيض للهم جايبين فوق ال90% ولا لأ

[mido205060]

يا جماعه انا 3 ث ونفسي في صيدله ومجموعي مش هيزيد عن 80 عايز اعرف اسم كليه خاصه علشان اطمن بس انا بجد عايش في رعب وياريت حد يرد عليا بسرعه علي الاميل دا onlybuthappy علي ياهو علشان الاكونت دامش بتاعي ياريت حد يساعدني

[nouralovely27]

3ayza A3raf shroot el Scholarships bta3t el AUC w El GUC !! plzz