احساسك ايه؟؟؟؟؟؟؟؟

[زهراء دريم]

انافرحت اوى وقلت من الناردة مفيش حكومة انا الحكومة

[المتبولى]

ال فاكر ان بكده السماء هتمطر فلوس وهيعيش ال باقى من عمره سعيد بهذا الحدث
أوقول له مخطئ

عملك هو سعادتك هو سلحك هو كيانك
انت بعلمك سيد نفسك
انت بعملك سيد أمرك

[tones]

خوف من المستقبل
لان لازم نخاف عشان نسلم
اللهم احفظ مصر حرة مستقلة

[ابو ضيف 15]

صراحة الواحد مش عارف حاجة

[Eng.Karamullah]

باراك أوباما : يـجب أن نربى أبـناءنا ليصبحوا كشباب مصر
رئيس وزراء ايطاليا : لا جديد في مصر فقد صنع المصريون التاريخ كالعاده
ستولتنبرج رئيس وزراء النرويج : اليوم كلنا مصريين
هاينز فيشر رئيس النمسا : شعب مصر أعظم شعوب الأرض و يستحق جائزة نوبل للسلام
سى إن إن : لأول مرة نرى شعبا يقوم بثورة ثم ينظف الشوارع بعده
.........فريقى برشلونة و سبورتينج خيخون يقفون دقيقة حداد على شهداء الثورة المصرية فى 12/2

حاسس ان رجعت كرامتنا .. والعالم هيبصلنا بمنظور تانى

[محمود عبد التواب]

انا كنت قاعد في المسجد كان الشيخ بيدي درس المهم دخل علينا واحد عمرة تقريبا كدة 30 سنة المهم دخل وكان في شدة الغضب وقال بالنص انا عايزكم يا مشايخ تتحسبنوا على كل اللي ضيع البلد (يقصد المتظاهرين )مصر ضاعت والرئيس اتنحى بصراحة انا كنت في شدة الفرح بس مقدرتش ارد عليه لاني في المسجد واغلبية اللي كانوا جالسين مش موافقين على الثورة فقلت اسكت احسن ليتقلب المسجد فوضى انا عارف انه موقف سلبي مني بس مكنش بايدي حاجة اعملها ولا اجادل ناس اكبر مني وناس متصدرة للدين

[merozero]

انا فرحت بعدين زعلت انه خرج بالطريقة دي

مع ان هو اللي عمل نهاية بنفسة

لو كان كويس عمره ما كان خرج بالطريقة دي

[أستاذ/شفيق الأخضر]

تحيا مصر
تحيا مصر

[Clear soul]

ما عادش المهم فرحنا ولا لأ المهم نبدأ صفحة جديدة أول سطر فيها ياللا نشتغل ونموت نفسنا في الشغل علشان نحقق أحلامنا لبلدنا

علشان نقول للعالم مصر أيامها جاية علشان نريح كل شهداءنا في قبورهم ونقوللهم دمكم ما راحش هدر

علشان كل ده انسوا المظاهرات والإحتجاجات واشتغلوا وربنا هيبارك لنا وهيعوض علينا برئيس نختاره يعمل للبلد واحنا معاه

ربرنا يحفظ مصر ويكفيها شر الفتن

[عبير الشذى]

انا فرحت بس فنفس الوقت خايفه من اللى جاى
بتمنى يكون افضل من اللى فات

[مهندسة المستقبل]

الحمد لله سقط الظالم واطفأ النار التى اشتعلت فى قلوب امهات الشهداء واكيد الشهداء مرتاحين فى قبورهم لاننا فعلنا ما كانوا يريدونه
حمدا لله / لانه انقذنا من حكم مبارك الظالم الذى باعنا للامريكان انا بحيي كل من قام بالثورة واشكرهم وكنت اتمنى ان اكون بجانبهم ولكن هم شجعان يفعلون ما يريدونه وبالفعل فعلوه لقد اسقطوا النظام ويارب يحاسبوا كل من شارك فى خراب الوطن العظيم(مصر) فى الدنيا وسيحاسبهم الله ان شاء الله فى الاخرة

[أيمن الوزير]

إلي كل المتفائلين هنيئا لكم سعادتكم بزوال الظلم

وإلي كل المتشائمين . هكذا أنتم دائما تثبطون وتهدمون

[Siamese Twins]

حسيت بالخوف جدا لدرجة انى بكيت .

[Heartbeat]

المشاركة الأصلية كتبت بواسطة siamese twins

حسيت بالخوف جدا لدرجة انى بكيت .

انا كمان بكيت بس مش عارفه ليه

[shiko nesta]

الحقبقة يا اخى الفاضل انا فرحت و زعلت فى نفس الوقت فرحت عشان حسيت ان مصر هتتحسن و زعلت على الرئيس محمد حسنى مبارك على طريقة خلعة كان ممكن يستنى و يمشى عشان الراجل دة مفروض كان يتكرم هوة الراجل الذى كان يقود حركة قوات الظلعة الجوية