لو عينوك رئيس الجمهورية ايه اول حاجة هتعملها؟؟؟؟؟؟

[كورتى البعبع]

هخلص على الاعلاميين الكذابي اللى (وتجعلون رزقكم انكم تكذبون ) وخاصة السخيف ابو حملات اللى اسمة ابراهيم عيسى دة
لسبب بسيط
ان محمد مرسى لما جة اداهم فرصة لكن ديل الكلب عمرة ما يتعدل

تانى حاجة هنمى الاعلام الهادف اللى بيناقش افكار علمية وبيلاقى حلول مش واحد حاططلى رجل على رجل وبيتكلم بتكبر وكانة بقى مفيش حد زية

تانى حاجة هاشيل القضاء الناس اللى ماسكينة واعين القضاء المعروفين بين وسط القضاء بالنزاهه

تالت حاجة هاعدم مبارك وكل الى معاه فى ميدان التحرير عشان يبقوا عبرة لاى بلطجى بعد كدة ودة اللى كان بيعملوا سيدنا عمر وهو خليفة

رابعا : هساعد سوريا بانى مش اعدى اى سفينة فيها سلاح من قناة السويس (كان الله فى عون العبد ما كان العبد فى عون اخية ) وافعل اتفاقية الدفاع المشترك

خامسا : هظبط اللى اسمهم النخبة الساسية الفاسدة بتوع الفلوس دول

[عمرو و خلاص]

لو بقيت رئيس الجمهورية اول حاجة هظبط الجيش و ازود مرتباتهم علشان لو حصلت ثورة ابقي ضامن الجيش معايا بعد كدة هرجع الامتحانات بتاعت الثانوية العامة صعبة زي زمان علشان هندسة و طب يرجعو تاني ياخدو من 80 في المية و هلغي اعمال السنة في كل السنوات الدراسية من حضانة لثانوي علشان المدرس بيستغل الحاجات دي لصالحه في الدروس و كدة بس طبعا قبل ما اعمل كدة لازم ازود مرتبات المعلمين علشان انا شايف ان من غير المعلمين مش عيبقي فيه و لا مهندسين و لا دكاترة و هنبقي بلد متخلفة(علي اساس ان احنا مش بلد متخلفة دلوقتي هههه) و بعد كدة هجيب خبراء من اليابان و يعلمو الشباب لما يتخرجو ازاي يقدرو يوصلو للي هم وصلوله بعد كدة هجيب عمال و يعمرو سينا و الصحرا اللي ملية مصر و بالنسبة لاطفال الشوارع انا بتفق مع جمانة في اللي قالته و بالنسبة للامن اول حاجة طبعا هعمل زي ما الجيش ما بيعمل دلوقتي هدمر كل الجماعات الجهادية اللي في سينا و بعد كدة هعدم العادلي و كل المساعدين بتوعه و مبارك كدة كدة هيموت لوحده و بعد كدة هعمل في كل شارع ورقة مكتوب مكتوب عليها اسامي البلطجية بتاعت كل شارع علشان لو حصلت اي حاجة اجيبهم و الناس تبقي عرفاهم و محدش يتعامل معاهم و طبعا محدش هيقدر يعترض علي قرار هاخده لان انا مظبط الجيش ههههههههههه طبعا و اللي هيقولي يا دكتاتور اقوله برده ان الجيش معايا هههههههههههههههههههههه ها ايه رايكو مش بجد ينفع ابقي رئيس

[ahmad khalid]

انا لو بقيت رئيس اول حاجة هعملها هخفض الاسعار و ازود مرتبات الناس الغلابة اللى بيقبضوا قليل و اخليها على الاقل 1500 جنيه
و اهتم بالبحث العلمى و الصناعة
و اجمع خبراء الاقتصاد للمساهمة فى حل مشاكل الاقتصاد فى مصر
و نهتم بالمستشفيات الحكومية و الصحة

[جمانة2]

اسعدنى مروركم
شكرا لكم

[Cit45]

أول حاجة هعملها هعدم أركان نظام مبارك و هي:
1- المحكمة الدستورية:الكانت بتظبط القوانين لمبارك.
2- المجلس العسكري: الكان حامي النظام و ساكت عليه.
3- كثير من ضباط الداخلية و أغلب مسؤوليها: مفيش أي نظام فاسد إلا و الشرطة أفسد حاجة فيه.
4- إعلاميين و صحفيين النظام: الهياخدوه الفاتوا كوم و الهياخدوه دول كوم تاني.

[احبكـ ربى]

السلام عليكم ورحمة الله وبركاته

موضوع رائع جدا

انا هحاول انصر القدس واحررهم وابديد الاسرائلين

وان شاء الله هذا الموضوع يفدنا ويفيد جميع الاعضاء في الموقع

والسلام عليكم ورحمة الله وبركاته

[جمانة2]

شكرا لمرورك الكريم

[حـيرم]

من غير العدل مفيش حاجه اسمها ملك
فى حاجه اسمها السنه السوده
طالما مفيش عدل

[جمانة2]

المشاركة الأصلية كتبت بواسطة السنه السوده

من غير العدل مفيش حاجه اسمها ملك

فى حاجه اسمها السنه السوده
طالما مفيش عدل

قال الله تعالى فى حديث قدسى
لا تسبوا الدهر فانا الدهر
انت عندما تقول سنة سودة فانت تسب الدهر
بل انت ايضا استخدمت هذا اللفظ كاسم مستعار
وهذا خطا فادح لانك تسب الله
حاول ان تغير اسمك
اتريد ان تكون بصمتك هنا فى المنتدى
سب الله ؟؟؟؟؟؟؟؟؟؟؟؟

[prince of scientists]

لو كنت رئيس الجمهورية هعمل كده
1- اول زيارة داخلية هتكون لمبنى الاذاعة والتلفزيون ومقر مؤسسة الاهرام وهعلن من هناك ان جميع اجهزة الاعلام المسموع والمرئي والمقروء مؤسسات مستقلة ماديا واداريا عن الدولة لتعبرعن المواطنين وليس عن النظام وهدعم تحويل التلفزيون المصري الى مؤسسة مستقلة زى bbc
2- اصدار قرار بالحرية الكاملة لانشاء الاحزاب والجماعات والجمعيات والصحف بدون اى شروط
3- جعل دعم الاسمدة الزراعية للفلاحين الذين يلتزمون بالمحاصيل التى تقرها الدول ( يعنى المحاصيل اللى متاجينها )
4- اصدار قرار لصناع السيارات فى مصر بتوع التجميع قصدى باعطائهم فرصة 6 اشهر لتصحيح اوضاعهم والبدء فى تصنيع سيارة مصرية كاملة داخل مصر وعدم قيول استيرادها من الخرج
5- رفع الجمارك على السلع المستوردة من الصين والتى تنافس المنتجات المخلية المثيلة لها
6- تنشيط الرقابة على السلع المستوردة ومدى مطابقتها للمواصفات القياسية
اخر حاجة واهمها .....
اقرار ميزانية تقشفية وعدم البدء فى اى مشروعات بنية تحتية والتوقف الكامل عن مشروعات الصرف والمياه والمنشأت السياحية وتوفير كل هذه الاموال لبناء اقتصاد قوى مستقل ...

[هشام الضبع]

تطبيق الحد الأدنى للأجور ، والقضاء على مشكلة البطالة .

[aya nabeel]

[جمانة2]

اسعدنى مروركم
شكرا لكم

[نحلة المنتدى]

اولا شكرا ع الموضوع الشيق
اول حاجه. طبعا وانا شيفاها اهم حاجه ف البلد النظافه انا بس عاوزه الرئيس يجرب ينزل محطه المرج الجديده تقريبا هو مش هيعرف يمشى ولو عرف رجليه هتغوص ف الزباله .كميه الزباله هناك رهيبه بتبقى ف الطريق الى بيمشى ف العربيات ومفيش نظام خالص انا صحيح مش عايشه فيها بس برده لازم احس بالناس
تانى حاجه.تجميع المتسولين والمجانين هههه وتقريبا كلنا بنشفهم ف المترو وف كل مكان انا لما بشفهم ببقى عاوزه اعيط لانهم بيصعبوا عليا اوى وببقى نفسى اخدهم كلهم اعيشهم ف مكان زى القصر واوفر لهم كل احتياجاتهم
اخيرا.بدعيلك انك تنجحى ف امتحاناتك وربنا معاكى يارب ويوفقك وشكرا مره تانيه

[السيد المرشدى]

المشاركة الأصلية كتبت بواسطة heba_ghazal

اولا شكرا ع الموضوع الشيق
اول حاجه. طبعا وانا شيفاها اهم حاجه ف البلد النظافه انا بس عاوزه الرئيس يجرب ينزل محطه المرج الجديده تقريبا هو مش هيعرف يمشى ولو عرف رجليه هتغوص ف الزباله .كميه الزباله هناك رهيبه بتبقى ف الطريق الى بيمشى ف العربيات ومفيش نظام خالص انا صحيح مش عايشه فيها بس برده لازم احس بالناس
تانى حاجه.تجميع المتسولين والمجانين هههه وتقريبا كلنا بنشفهم ف المترو وف كل مكان انا لما بشفهم ببقى عاوزه اعيط لانهم بيصعبوا عليا اوى وببقى نفسى اخدهم كلهم اعيشهم ف مكان زى القصر واوفر لهم كل احتياجاتهم
اخيرا.بدعيلك انك تنجحى ف امتحاناتك وربنا معاكى يارب ويوفقك وشكرا مره تانيه

يا هبة .. زبالة محطة المرج شكلها مرعب .. لكن من صنعها .. الرئيس أم أهل المنطقة ، و خاصة تجار الشوارع المحيطين بالمحطة ؟!
سلوكياتنا نحن المصريين فى حاجة إلى جهود جبارة لتعديلها .
تخيلى لو أن الرئيس أمر بتنظيف المنطقة ، و جاءت سيارات النظافة و حملت قمامتها .. هل سيحافظ أهل المكان على نظافته ؟!