هاااااااااام جدااااااااا لمن غير المسمى الوظيفى بادارة مطوبس كفر الشيخ

[ramy_hassan00]

استاذ احمد وعيوع الكلام اللى قاله ابو لولى ده انا اللى اتصلت بيه وقلتله عليه لانى كنت فى الاكاديمية بكفر الشيخ يوم الاربعاء اللى فات وكنت بسال عن موضوع معين وكان معايا الاستاذ خالد اللى شغال فى الاكاديمية واكيد حضرتك تعرفه كويس ولما شاف الصحيفه الالكترونية بتاعتى قالى ازاى تاريخ التعيين بتاعك ما زال مكتوب بتاريخ2011 ده المفروض يبقى تاريخ التسكين على الكادر اما التعيين من اول العقد المميز فبقله ليه هو فيه حد غير تاريخ التعيين قال لى بالحرف الواحد مدرسين كتير عندنا غيروا وحدد بالذكر ادارة كفر الشيخ التعليمية غيرت تاريخ التعيين من بداية العقد المميز الا ادارة مطوبس نايمه فى العسل وقالى اشتكوا الادارة عندكم ولما سالنى على الاستاذ على السيسى انه ميعرفش ده فقلتله لا فضحك باستهزاء كده وقالى دوروا على حقكم وده كان رده عليا فياريت تتاكد من الموضوع ده

[احمد عبد العليم على]

شكرا على دعوااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااتك

[أحمد وعيوع 100]

أشكر كل من دافع عنى ، ورد بالنيابة عنى للأستاذ / أحمد عبد العليم ، ولكنه أخ فاضل وأنا والله أكن له كل احترام وتقدير ، صحيح أسلوبه وألفاظه لى جارحه ، ولكن الله يسامحه ، ويهديه ويهدينا المولى عز وجل 0
أما بخصوص الأكاديمية بكفر الشيخ يا إخوانى وبخصوص الأستاذ / خالد عضو الأكاديمية بكفر الشيخ فأنا أعرفه جيدا ً ، ولكن صدقونى لم يتم تغيير أى شئ فى صحيفة الأحوال لأى معلم على مستوى المحافظة ، فمعى معلمين من جميع الإدارات ونحن على اتصال مع بعض ، ولا يوجد معلم واحد تم تغيير تاريخ التعيين له 0
على العموم أتمنى من الله عز وجل بأن نتحد جميعا ً بعد الميد تيرم ، ونذهب للمديرية لنضع أيدينا على الحقيقة كاملة ، ونكون على الأقل مثل بنى سويف ، فأدعوكم جميعا أ كل من يعرف أحد يبلغه لكى نذهب بأكبر عدد ممكن من جميع الإدارات ، وسوف أعمل موضوع عن ذلك ولكن بعد امتحان الميد تيرم 0
وأرجو من الأ ستاذ / أحمد عبد العليم إذا كان بدر منى شئ أو عملت له شئ يزعله ، أو سببت له ضرر فأنا آسف بجد لو كنت أخطأت فى حقك بقصد أو بدون قصد ، فالاعتراف بالحق فضيلة ، وليس عيبا ً بأن أعترف بالخطأ إذا كنت أخطأت ، وأتمنى مشاركتك الجادة والمفيدة معنا ، فأنت زميل معنا ونتمنى بأن تكون صديق لكل المعلمين 0
أخوكم / أحمد وعيوع

[أحمد وعيوع 100]

أتقدم بالشكر للأستاذ / موسى أبو الحاوى والأستاذ / رامى حسن والأستاذ / أبو لولى ، وكل من يدافع عنى لهم منى كل تقدير واحترام بالرغم من أن فيهم من لا أعرفه ، فهذا شعور نبيل من معلمى مصر بصفة عامة ومعلمى كفر الشيخ بصفة خاصة ، وأدعوكم بأن تدعو لزميلنا وصديقنا الأستاذ / محمد العمروسى من فوة بالشفاء العاجل ، فهو مريض ، فمن واجبنا بأن ندعو له بالشفاء هو وكل من كان مريض ، يا رب اشفنى أمراضنا وأمراض الناس جميعا ً ، اللهم آمين 0

[ramy_hassan00]

شكر على واجب يا استاذ احمد انا صحيح معرفكش شخصيا بس قريب ان شاء الله هنتقابل بس المهم اننا نتجمع علشان موضوع ضم المدة ده لانه كفايه قوى لما الواحد يبقى شغال من 2006 ويلاقى تاريخ تعيينه 2011 ولعلمك يا استاذ احمد تاريخ التعيين من بداية المعلم المساعد ده القانونى واللى مفيش عليه خلاف بس اقلك ايه وزارة كلها فساد ووزير فاسد ونقيب مهبب وربنا يكون فى العون

[أحمد وعيوع 100]

الله المستعان

[احمد عبد العليم على]

الاستاذ احمد وعيوع انا اسف جدا ومفيش بينى وبينك الا كل احترام وبعتذر بشدة على كل ما بدر منى وعلى فكرة انا وانت سننا مقارب لبعض وانا معلم اول وانا مش من كفر الشيخ وباتمنى لك كل خير وارجو ان تقبل اعتذارى ربنا يشفيلك والدتك وكل مرضى المسلمين

[أحمد وعيوع 100]

أخى الفاضل / أحمد عبد العليم : لا تعتذر يا أخى فأنت مهما ً قلته عنى ، والله لم أزعل منك ، ولكن كنت بأحس إن المعلمين بيحبطوا من طريقة كلامك ، ويا أخى فأنا قبلت إعتذارك على شرط واحد بأن نكون أصدقاء ، فأنا أرحب بصداقتك ، وأدعو الله بأن ترحب بها أنت أيضا ً ، كل ما يهمنى بأن أكسب الأصدقاء ، فهل تقبلنى صديق لك ؟ وشكرا ً على دعائك بالشفاء لوالدتى ومرضى المصريين من المسلمين والمسيحيين ، فهذا شعور نبيل لا يصدر إلا من شخص على خلق ، شكرا ً لك يا أخى ، أما بخصوص أنك لست من كفر الشيخ ، لا يهمنى أنت منين ؟ كل ما يهمنى بأن أكسب أصدقاء ، هذه هى الحياة كيف تكسب أصدقاء وتحافظ عليهم ؟
أخوك / أحمد وعيوع - معلم أول أ - مدرسة القومسيون ب - إدارة مطوبس التعليمية - قيادة ثانية - موبايل 01062035847

[ramy_hassan00]

والله انتوا فرحتونى لما اتصالحتوا كده ياريتنى كنت كتبت الموضوع ده من زمااااااان هههههه مفيش احلى واجمل من الاحترام المتبادل لان كلنا فى مركب واحدا زى ما بيقولوا ربنا يكرمنا جميعا ونسترد حقوقنا اللى ضايعه ان شاء الله

[ابو لولى]

ما اجمل الاحساس بالحب الذى به نصنع المستحيل وفقنا الله ووفق الجميع للخير

[ابو لولى]

بالتعاون والاتحاد والحب ستصل سفينة المعلمين الى بر الامان وتبحر فى اعماق الخير وتنتصر على امواج الشر التى تريد ان تغرق سفينة الخير وسوف نصل ان شاء الله لما نريد

[ammhhe]

الحمد لله رب العالمين

[أحمد وعيوع 100]

الله المستعان ، وأشكر الأستاذ / رامى لإنه السبب الرئيسى بعد المولى عز وجل فى هذه المصالحة الشريفة النقية

[ramy_hassan00]

شكر على واجب يا استاذ احمد بس المهم تفضل معانا دايما فى استردادا حقوقنا واحنا معاك ان شاء الله الميد ترم قرب يخلص ونبدا نشوف هنعمل ايه

[demotax]

عندى استفسار يا جماعة انا غيرت المسمى الوظيفى ومش عايزة اروح الاعدادى فى الفترة الحالية فيه اى مشكلة او ممكن حد يجبرنى على شئ