|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
26-09-2013, 07:17 AM
|
|||
|
|||
مجهوووووووود رائع ربنا يجعله فى ميزان حسنات حضرتك
انا مشكلتى انى انا ازهر ..يعنى شعبه عامه +المواد الشرعيه+المواد العربيه كام ماده متفرعه المواد كتير جدا مش عارفه انظم اى حاجه لحد دلوقتى ماشيه مع الدروس وخلاص بذاكر قبل ماروح الدرس وده طبعا غلط ...والمدرسين يقولولنا سيبيكم من الشرعى وركزو فى الثقافى ..لكن فعلا اللى محتاجين نركز فيه هو الشرعى عشان بجد صهب وتقيل وعايز افهم كل كلمه قبل ما احفظ ..مش عارفه اوزع اى حاجه .ومحدش فادنى فى حكايه تنظيم الوقت ..انا لسه فى اول السنه ومبدأتش فى حاجه فعليه ..وحسيت ان اى حد اجى اساله عن كيفيه اذاكر المواد الكتيره دى يدينى كلام سطحى مبيفدنيش نهائى ..ارجو الافاده مستنيه رد حضرتك 
|
|
#2
26-09-2013, 07:18 AM
|
|||
|
|||
|
وحضرتك مكملتش مفاتيح الكتب زى الرياضه مثلا .. احل كتير ولا اعتمد على كتاب المدرسه ؟؟
|
|
#3
26-09-2013, 02:30 PM
|
|||
|
|||
|
اولا مش لازم تعرف عنى لكن خد منى الى هيفيدك ومع ذلك علشان ترتاح انا الحمد لله كنت علمى رياضة هندسة القاهرة ........
نيجى بقا للناس بتوع الازهر ونفكر بالراحة كدا اى مشكلة مهما كانت كبيرة لها حل والحل دا بيترتب عليه المجهود والعزيمة. حلا مشكلة بسيط جدا اولا نبدا بالأهم ثم المهم ازاى ...... عندك مواد كتير نشوف المواد اللى عليهم المجموع اية ثم المواد اللى عليهم اكبر درجات ايه. بعد كدا نرتب خطة رائعة وبسيطة ركزوا معايا طبعا الاسبوع مكون من ايام واليوم مقسم من ساعات هنقسم المواد كلها على الاسبوع ومثلا 12 مادة هتلاقى تقريبا كل يوم فية مادتين وفى يوم فى مادة واحدة . . . . تيجى بقا حضرتك تحط فى الوقت اللى قلناه قبل كدا فى تنظيم الوقت اللى هو فى الغالب من 10 مساءا الى 3 صباحا هنقول من :10-12 هتخلص اللى اختة انهاردة وتزاكرة وتحل الواجب بتاعة. ومن الساعة 12 وعشرة دقائق (العشرة دولى راحة) الى الساعة 2 صباحا تكون زاكرت المادة الكبيرة ومن 2 وعشرة صباحا الى 3 ونص صباحا تكون زاكرت المادة السهلة. نوضح اكتر: عندك مواد مثلا : فيزياء//رياضيات//كيمياء//لغة عربية//انجلش//فرنساوى//.....الخ. الغبى اللى هيزاكر الفيزياء +الرياضيات فى نفس اليوم هيمل وهيتخنق وهيتعقد ومش هيزاكرهم صح لكن الذكاء بيقول نزاكر مادة تقيلة معاها مادة خفيفة ......... ازاى السبت: مزاكرة دروس اليوم+ فيزياء(مراجعة)+ انجلش (مراجعة) الاحد: مزاكرة دروس اليوم+كيمياء(مراجعة)+ لغة عربية(مراجعة) الاثنين: مزاكرة اليوم+ رياضيات(مراجعة)+فرنساوى(مراجعة) الثلاثاء: نفس يوم السبت الاربعاء: نفس يوم الاحد الخميس:نفس يوم الاثنين الجمعة: خد ساعتين راحة عيش فيهم +ارسم خطة الاسبوع التالى+لخص اللى انتا خايف تنساه مع الزمن من كل المواد+رتب غرفتك+حل امتحانات وكل جمعة اختار مادة تحل عليها. ومهما زادت عدد المواد نرتبهم ونوزعهم على الايام بنفس الطريقة. اظن مفيش اسهل من كدا وبردة اللى عندة مشكلة فى الجزئية دى مش يتكسف قول واتكلم مصلحتك اهم من كل شئ ودايما اتعود عند مصلحتك فى الثانوية كون انانى وصعران وحريص عليها انتا الاهم. . . . والله الموفق والمستعان
|
|
#4
27-09-2013, 06:07 PM
|
|||
|
|||
|
اقتباس:
لربنا يجعله فى ميزان حسناتك
|
|
#5
26-09-2013, 09:57 AM
|
|||
|
|||
|
لوسمحت ممكن اعرف ازاى احفظ اكبر قدر من كلمات الانجليزى ومنسهاش وايه الشروط اللى المفروض تكون فى مدرس الثانوية العامة؟
|
|
#6
26-09-2013, 03:14 PM
|
|||
|
|||
|
اقتباس:
مبدئيا عملية النسيان لازم منها لان ابونا ادم نسى فكتب الله علينا النسيان لكن الذكاء هو تقليق نسبة النسيان وذلك فقط بالتكرار والتكرار بالمزاكرة والحفظ الصح والحفظ الصح لابد وان يكون بالكتابة او ممكن تراجع اللى قناه سابقا فى عملية حفظ الاشياء الصعبة وبتكون على مراحل لكن انصحك ابعد عن السان لانة خوان ومبنى على الملاحظة اما التسميع على الورق مبنى على الفكر .
موضوع اختيار المدرس دا موضوع كبير جدا لكن للعلم دور المدرس فى معظم المودا بالنسبة للطالب المتمي لا يتعدى 40% والكتاب الخارجى 40% والطالب 20% لكن الواحد بيحس اذا كان المدرس دا كويس ولا لاا لكن شوف الطالب المتفوق بيروح لمين وخليك وراه ولا تعمد على المدرس اعتمادا كليا لان دا من اسباب ضياع معظم الناس. واللى مش عاجبة الكلام دة هيعجبك دلوقتى غصب عنك !!!!! مادة الكيمياء مكونة مثلا من 8 فصول الفصل الاول : 20 صفحة كلام بسيط الفصل الثانى: 30 صفحة صعب سنة . . . الفصل الخامس: كبير وتقيل والاتحان معظمة بيجى منه الفصل السادس: معقد شوية. طبعا معظم الطلبة بدنها نايمة منتظرة المدرس باشا قبل نهاية السنة بشهر لما يفكر يقول عاوزكم تراجعوا . هيبدا المدرس يقول يا شباب راجعوا على الفصل الاول . قال الكلام دا ولسة فاضل شهر على الامتحان+ اداك اسبوع تراجع فيه+اعصابك الى حد ما كويسة الاتحان لسة بعيد+ تقدر تزاكر كويس. نشوف الفرق : الطالب المسكين :فعلا بيروح ياخد اسبوع وحالتة النفسية تمام عنب وبيزاكر الفصل الاول (فرحة امه بية). نيجى بقا على الطالب بن الذين: دا بقا عارف سكتة صح متدرب بيقولك فكك من المدرس انا هزاكر الفصل الخامس الصعب اللى بيجى علية معظم اسئلة الامتحان وياخد الاسبوع بكل تركيز بيزاكر صح لسة بقا شهر على الامتحان وقبل الدرس بساعة يراجع نظره على الفصل الاول وحتى لو اخدله عصايتين مش مشكلة هو عارف انه صح. بعد مرور اسبوعين فاضل خلاص اسبوعين او اقل على اخر السنة يجى المدرس يقول للشباب عاوزكم فى يومين تنجزوا الفصل الخامس مفيش وقت الامتحانات على الابواب نشوف تانى كدا الطالب المسكين اللى ماشى مع المدرس : فاضل اسبوعين المواد كلها فوق دماغة مش عارف يزاكر ايه ولا منين حتى الفصل الخامس هيقلبة بنظرة مع ان الامتحان معظمة جاى منة واليومين مش هيكفوا ولا هيعرف يعمل حاجة ...غرق . الطالب الباشا: طبعا الزعيم زاكر الفصل الخامس فى اسبوع وحالتة النفسية عنب يبدا فى اليومين دولى يزاكر الفصل الاول بكل تركيز وبدا ينظم نفسة فى كل المواد وهيروح الدرس فارد جناحاتة مخلص بقا كل المواد. اللى كان معترض رد عليا مين بقا الباشا
|
|
#7
27-09-2013, 06:26 PM
|
|||
|
|||
|
السلام عليكم ورحمة الله وبركاته
ممكن اعرف ازاى اذاكر الانجليزى بالتفصيل لانى لسه داخله اولى ثانوى وخاصة ان فى ضغط كتير فى الانجليزى عن اعدادى
|
|
#8
27-09-2013, 06:53 PM
|
|||
|
|||
|
فى الحقيقة مبدئيا انا ولد مش بنت ومش عارف كل الناس معتقدة انى بنت ليه مع ان كل المواضيع تدل على انى ولد وارجوكم محدش يوجهلى سؤال بصيغة المؤنث.
اما عن موضوع اللغة الانجليزية بالنسبة للى سئل الموضوع فى اللغة الانجليزية يختلف عن اى مادة اخرى ازاى؟ مزاكرة الانجلش بتكون بالنظام العكس انى بشوف الامتحان بيجى ازاى وعلى اساسة بزاكر نظام الاسئلة لان المنهج بيتكون من دروس مش ليها علاقة خالص بالامتحان.
|
|
#9
27-09-2013, 07:36 PM
|
|||
|
|||
|
اقتباس:
ومعلومة كتاب المعلم دى برضه بالنسبه لينا اكيد اجيبه لان احنا لسه سائلين مدرس العربى قال اولى يجيبوا الامتحان وتانيه وتالته الاضواء وشكرا
|
|
#11
27-09-2013, 10:37 PM
|
|||
|
|||
|
جزاكم الله خيرا
لما نفكر ان حد خرج من ثانوى وما صدق وبعدين يكتب موضوع فى تجاربه للناس اللى قبله فكل اللى نقدر نقوله بارك الله فيكم ونفع بكم انا اقتنعت بملخص المعلم المشكلة انى جبت كل الملخصات ومش معقولة اجيبها كلها تانى من راى حضرتك ايه اكتر مادة هحتاج فيها المعلم انا معايا المعلم مراجعة نهائية بتاع الفيزيا بس السنة اللى فاتت يعنى الفيزيا كلها مش متقسمة ومعايا مراجعته اللى اسمها مراجعة فى 7 ايام ودى مراجعة كل فصل لوحده اجيب مواد ايه تانى؟؟؟؟ وهل لو كتبت اجابته فى امتحان اخر سنة هتبقا نموذجية ولا لا؟
|
|
#12
27-09-2013, 11:22 PM
|
|||
|
|||
|
اقتباس:
يا اخى انتا لو نزلت اشريت كل كتب المعلم مش هتكلفك العملية كمان 100 او 150 جنية جزئ مهم جدا من مستقبلك عاوز تبخل عليه ب150 جنية .
واحب اوضح نقطة علشان انا شايف الناس مترددة من ناحية الكتب انا نصحتكم بكتاب ممتاز والدور الباقى عليك جربة وشوف وقرر بنفسك وتمن الكتاب مش مهم عجبك كمل مش عجبك شوف غيرة لكن اصلا يكفيك حجمة اللى مليان معلومات. اجابات كتاب المعلم هيا الاجابات النموزجية التى يقتضى بها يعنى انا لما هتتعود على نظام الاجابات دى من خلال التمارين هتلاقى نفسك اتوماتك لما تجاوب هتجاوب بنفس الاسلوب بتاع الكتاب وتاخد الدرجة كاملة. وفى النهاية احب اقول ان كتاب المعلم كتاب ثمين جداااا وما اظنش ان تمنة هياثر معاك مش تضيعة وحاول تجربة وانا واثق انك مش هتندم.
|
|
#14
30-09-2013, 10:03 AM
|
|||
|
|||
|
انا ملاحظة ان في دعاية لكتاب المعلم رغم اني شايفة في كتب احسن منه برضه او حتى في مستواه !
مجرد رأيي .. بالنسبة لبقية الموضوع حاجات بتفق فيها مع حضرتك وحاجات لا ! عموماً ربنا يكتبلنا اللي فيه الخير
|
|
#15
30-09-2013, 03:29 PM
|
|||
|
|||
|
اقتباس:
اولا الكلام دا طبعا ما يصحش سؤاء كان رائ شخصى ولا غيرة واقل اعتبار انا اصلا خارج مصر ثانيا لمصلحة مين هعمل دعاية لكتاب ................ الناس حاسة ان الكلام اللى فوق دا كلام فارغ مع ان الواحد منكم مجرد انة يفكر يجربه هيحس بذاته وانه طالب يؤدى مهمتة على اكمل وجه وفى الاول والاخر التوفيق بيد الله الرزاق.
بس ارجوكم انا بكتب الكلام دا لوجه الله علشان الطالب المسكين مش علشان كل واحد يلقح كلمة بعدين انا مش عيل صغير اصل انا حاسس ان الناس فاكرانى طالب لسة وشكرا على ذوقكم. برجاء الموضوع تم ارجوا غلقة
|
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 02:01 PM.
